💞 قلوب أرهقها العشق 💞 بالدارجة المغربية

💛الفصل 89💛

الجزء 272قلوب أرهقها العشق تقدمات للأمام و بقات كتشوف فأركان المكان و ما مصدقاش شنو كتشوف عينيها حتى كيدور واحد الكرسي و سمعات صوت مراد .....مراد: هااااااي بيتوفيل لااااايديقفزها من بلاصتها خلعها حيت كان جالس فكرسي اسود كبير و عاطيها بضهرو ....خنساء: تا منين سلاطيتي خلعتينيمراد:نتي اللي بقيتي حالة فمك و ماشفتينيشسلطان دخل بالكرسي و شاف فيها بابتسامة ...سلطان: كيف جاك الاستوديو ديالي ؟؟ همخنساء:وااااو وااااو على أستوديو شحال وااعر كنت كنشوفو غير فالتلفازة .....الاستوديو كان كبير و ضخم و فيه كل ما كيحتاج فمجال عملو من ميكروفونات من آلات موسيقية من مكبرات صوت سماعات أذن حواسيب اي حاجة كاتكون فاستوديو كاينة عندو هنا خنساء بدات كتوسع ابتاسمتها و شافت فيه و قالت بفرحة مع لمعان فعينيها ....خنساء: يعنييي غاتغني يعني [ جلسات على ركابيها و حطات يديها على رجلو و قالت ] غاترجع تغني قولي اااه عفاااك عفاااااك جمهورك محتاج ليك أ سلطان محتاج يسمع صوتك زوين اللي كيطرب الادن الساحة الفنية متعطشة لشباب بحالك و بصوتك قولي اه عفاااكسلطان شاف فيها مدة و ضربها لنيفها بخفة مع ابتسامة جميلة مرسومة على وجهو ....سلطان: جيت لهنا على قبلك ماشي على قبليخنساء: ك..كيفاش ؟؟؟وقف مراد و قال ...مراد: ياك نتي حلمك تغنيسلطان :[بابتسامة ] و حنا هنا باش نحققوه ليكخنساء فشلو ليها ركابي بقوة الفرحة و الصدمة تخالط عليها كلشي بقات غير كترمش فيهم ...سلطان : اليوم غاتعيشيه كأنكي مغنية غاتسجلي اغنية فاستوديو اش بانلك أ فيفي عبدورد راسو اللور كيبتاسم على شكل وجهها و هي مزال كتحاول تستوعب الصدمة ....مراد: و نوضي تحركي تغني و نتي تصرط ليك لسان يصحاب ليك انا مسالي ليكخنساء وقفات و بقات كتشوف فسلطان و فمراد و حطات يديها على فمها ....سلطان:اللي برك ليها على pause يردها play الله يجازيكم بخيرمراد: هههه جاتها الساكتة و المسكوتة و تي غير غاتسجلي اغنية وااا ديك الهبيلة راك ماشي غاتسني كونطرا مع ريدوانخنساء : د....د...دابا انا غانسجل اغنية فاستوديوسلطان:يااس exactement الحمد الله طلعات كتفهم العربيةخنساء: ودابا بلا طنيز و الله حتى فاجئتوني شكرااا بزااف سلطانينوقالت هاد الجملة و دارت عند مراد و هو بقا ساهي فيها و ديك سلطانينو كيف كتنطقها كتبورش دااتو و كتزيد تجننو عليها ....خنساء: ياالاه نبداو [شافت فسلطان ] اش بانلك أ سلطان نغنيو ديوو ياااك غاطلع اغنية واااعرة اش قلتي سلطان حك لحيتو بيدو و حرك راسو بالايجاب و هي فرحات حيت وافق بسهولة و مراد غير كيشوف فخنساء علاين تطير بالفرحة كيحرك راسو بلا حول و جاب ليها كرسي جلسات و حط حداهم ميكروفونات و قال .مراد ...مراد: شنو الموسيقى اللي تبغيو تغنيوخنساء و سلطان دقة وحدة : الخبز و الماااخنساء شافت فسلطان مشرعة عينيها قالوها قد قد ما ثاقتش ....خنساء: نفس الفكرةسلطان: كتعجبني ديك الاغنيةمراد : اوا منين تافقتو عليها مزيانرجع مراد و عطاهم سماعات الأذن و جلس قدام الحاسوب كيخندش فيه و حداه دوك اللعيبات اللي كايكونو فالأستوديو كيلعب فيهم و كيطلع و يهبط فشي ازرار بيديه و دار حتى هو واحد الكاسك ....خنساء: انا جد متحمسسسة غانغني انا و يااك عمري كنت نحلم حتى بيهاسلطان غير حاضيها و كيضحك ديك الفرحة ديالها كتفرح قلبو معاها يدير اي حاجة على قبلها غير يشوفها فرحانة ...سلطان : حتى حاجة ما مستحيلة فدنيا كلشي ممكنخنساء:نبداااوسلطان: نشوفو واش مراد بعدا قاد لينا الموسيقى اللي غانغنيو معاهامراد: ا صبااارو واحد دقيقة راه خوكم ماشي بروفيسيونيل غير معدي على الوقتسلطان : لاش جاي منين ماشي بروفيسيونيل عولنا عليك بكريخنساء: ياك نتا أستاد ديال الموسيقى على ما سمعت داكشي خاصك تكون شاربو مامراد قاد الموسيقى و اخيرا و قال ...مراد: واااحد جووووج ثلاااثة بداااااو يالاهالتافت عندهم بالكرسي و الموسيقى مطلوقة و كدندن معاها خنسااء حيت مزال ما وصل المقطع اللي غايبداو فيه ....سلطااان غير حاضيها و كيضحك عليها عارفها كتحماق على الموسيقى و حتى صوتها زويين بغا يحققو ليها حيت من بعد محال تحلم تولي مغنية ديال بصح و ذلك لعدة أسباب عارفهم غير هو اللهم تحيد شوقها من الغنا و من بعد يحن الله ....قربات للمايك خنساء و بدات تغني و مغمضة عويناتها ....خنساء: الخبز و الما معاك يكفيني حبك نتا هو la richesse لا بغي كلي لا بغي زوالي بالصح حنين ماشي فياسسلطان كيسمع ليها بحب كبير و داك صوت عندها كيسطيه ما يكرهش يسمعو غير هو بوحدو كن كان برجليه ما يعيطش حتى لمراد ...سلطان قرب للمايك و كيغني دور ديالو و هي فتحات عويناتها و كتشوف فيه ...سلطان: نعشق فيك يـا ويلي يـا ويلي و هدرة الناس كاع ما نسمعهاش يعذبوني و لا يقتلوني الدنيا بلا بيك ما نحتاجهاشعندما سمعتُ صوتكِ أصبحت لا اعرف الكلام إليكِ أحاول أن أجد حروفاً استطيع بها التعبير عن ما في القلبِ اليكِ يا حبيبتي ولكنِ بئت بالفشل فسحر صوتك طغى على القلبِ وجعله يخفق بشدةٍ كقرع الطبــــولِالجزء 273 قلوب أرهقها العشق يقين دفع عليه سوسن وشاف فيها و قال ...يقين:شنو كتديري هنا ؟؟ نتي ماشي خنسااء نتي ماشي هي علاش نتي حدايا ههههه انا خاصني خنساء ماشي نتي نتي ما كتستاهلينيش ا سوسن بعدي مني عفاك انا ما كنبغيكش علاش نتي باغا ترجعي معايا رغم أنني ما مواعدك بحتى حااجة انا ماشي مزياان أ سوسن انا ما كنبغيكش فهميها عفاااك ا سوسن عفااااك بلييز انا كنعدبك معايا نتي ما تستاهلينيش غير بعدي مني سيري عيشي حيااتك مع اللي يستاهلك انا غير يقين اللي حتى واحد ما كيبغيه علاش نتي كاتبغيني ما خاصكش تبغيني انا غانبقى بوحدي و غانموت بوحديوقف من سرير و رجليه كيلعبو بقوة السكرة ماشادش توازن ديالو مزيان سوسن قلبها كيتقطع كيقتلها بهاد الهضرة ما عارفاش شنو دير باش يولي قريب ليها ما عارفاش شنو تدير باش يتقرب منها و يبغيها بحال خنساء ولا بحال فاتن كتحس بقلبها علاين يديشارجا من هاد الحب و يوصل ل 0% حتى لامتى غاتبقى كاتعدب فراسها مع شخص ما كيبغيهاش حتى لامتى غاتبقى قابلة تدفن راسها مع شخص ما عمرو عرف قيمتها سنين و هي معاه سنين و هو كايعدب فيها و لكن هي صاابرة و زاطمة على قلبها و باغياه رغم انها عارفة بلي الف واحد يتمناها و يعيشها اميرة و لكن هي قابلة تبقى تحت صباط مع يقين شدات على راسها و دموع شاقة طريقها فخدها و كلها كترعد ....يقين دخل للدوش وطلق الما فالبينوار وتلاح فيه وعينو مطلعها للسقف كيشوف وكيتفكر حيااتو من نهار تزاد ماعمرو عرف لهنا حتى من عائلة متكونة من اب وأم ماكانتش عندو شحال من مرة احتاج باباه فجنبو و لكن كان كيلقى غير ماماه اللي فيها الاب و الام حتى من اعياد ميلادو ما كانش كيحضر ليهم باباه قليل..ماماه كان فيها حنان الام وسند الأب نهار ماتت مشاا الحنان وسند معا طفولة اللي كتكون فيها شخصية طفلة هو كون شخصية كتووومة و كيرد غير لقلبو كلها دوزها دي كريز و عند الاطباء النفسيين نهار بغا البنت اللي كتشبه لماماه و بغاها بقلبو خدلاتو و عيشاتو فاكبر كدبة فحيااتو و نهار قرر يفتح قلبو من جديد لقا غير خنسااء اللي لاحها ليه الله فطريقو كيف شي درهم د الحلال معاها عرف حب جديد ولكن ما بغاتوش حتى هي حيت كتشوف الا كانت معاه غاتضلم سوسن اللي كتبغيه أكثر منها ...طاحت دمعة من عينو وغمر راسو فالمااا لمدة عدة ثواني ورجع طلع من الما كينهج حيت تخنق شنو غايدير فهاد الدنيا اللي كتاخد منو اكثر ماكتعطيه ربما ماخاصوش يبقى فيها و وجودو فيها غلط ممكن يكون ضعيف بزااف باش يفكر فالانتحار مايمكنش يفكر يقتل راسو هو ماشي ضعيف حتى لهاد درجة هو دوز بزااف د الحوايج اسوء من هادشي قبل ما يتعلم يحب خاصو يتعلم يعيش و يبغي ذاتو هو اللول و يخطط لشنو باغي يوصل ليه ،، باغي خنساء اه مزياان و لكن خاصو يقربها ليه ماشي ينفرها منو بتصرفاتو..خاصو يعرف هي شنو كتبغي خاصو يتقرب منها و ما خاصوش يبقى يعدب فسوسن اللي ما شاف منها غير الخير خاصها حتى هي تشوف حياتها ما يقدرش يبقى رابطها معاه و كيعدبها و كيتعدب معاها خاصو يتبدل و خاصو يطور راسو لما احسن و يقاوم و يحااول يوصل لخنساء و الا كانت مكتابة راه غايوصلها ما كانتش مكتابة غايخليها تعيش حياتها واخا صعيب عليه هاد القرار و لكن ما يقدرش هو يفني حياتو كيقلب على شكون يبغيه و يهتم بيه خاصو يحب نفسو اولا و باش غايحبها ما خاصوش يذلها و يكون ذكي فقراراتو ...خرج من الدوش ملوي فوطة على نصو وصحصح شوية من شراب لمح سوسن ناعسة و عاطياه بضهر و شهقاتها كيتسمعو حتى لعندو هز راسو و شاف فسقف و خطى خطوات لناحيتها وجلس على ركابيه و سوسن اونفاص معاه كتبكي وتشهق بقا كيشوف فيها لمدة من زمن هز يدو كيدوزها على راسطا اللي دارت وقال بصوت حنيين ....يقين:جاتك زوينة بزااف بصحةقرب و باسها فجبينها قبلة حنونة وهي غمضات عينيها مستمتعة بيها يااريت يبقى معاها حنين هاكا ويبغيها كيفما كتبغيه واخا ماعارفا دابا واش كتبان ليه سوسن ولا خنساء ....بعد عليها و قال عينو فعينيها ....يقين:انا خايب و مانسواش ياك كنبكيك ونقلقك و كنآدي ليك قلبك سمحيليمسحات دموعها و وقفات و يقين وقف معاها كيشوف فيها ...سوسن : بغيتك تبغيني ماشي طلب مني سماحة انا اللي خاصني نطلب السماحة لراسي اللي دليت بيها و قابلة نعيش مع راجل كيشوف فيا بنت اخرى و صاابرة حيت كنموت عليك أ يقين و لكن ثيقني ما بقيتش قادرة نستحمل اكثر من هاكا عييت حتى انا عندي غير قلب ماشي حجرة علاش عزيز عليك تعدبني من نهار طلقتي وانا معاك و كنحاول نسيك فاتن شوية خرجتي ليا بخنساء شنو فيهم هوما و ما فياش انا ولكن حتى انا واقيلة تعلقت فين تفلقت بنيت امل كاذبة على والو مابقيتش باغى نبقى معاك عييت صاابرة و كنقول غاتبدل ولكن حتى لهنا وبراكة غانمشي نعيش حياتي وغانقلب على شكون يبغيني ديال بصح و نتا ربح بخنساءالجزء 274 قلوب أرهقها العشق سالاو التسجيل ديال الاغنية و مراد كيصفق ليهم بقوة طلع ديو واااعر زااز لوز ....مراد :ضايعين ضاايعين خنساء خاصك تشاركي فذافويسسلطان : (خنزر فيه ) مرااد سد حلقك الله يرضي عليك بلا ما تبقى دخل لبنت افكار فراسها ديال والوخنساء :هاء على إينا افكار كتدوي نتا راه عادي راه انا عندي هاد الفكرة من زمااانسلطان رد الكرسي اللور و قال ....سلطان:خرجو قداميمراد: ها هوما خارجين كتقلب كي الزمان راه الديو تسجلخنساء: ياااي بغيت نسمعو عفااااك عفاااكمراد: سمعتيه و عاودتي و عاودتيخنساء: و ما شبعتش منو اووفناضت من فوق الكرسي و خرجات و تبعها مراد و تبعهم سلطان ....خنساء غادة للقدام و هي تفكر البلان اللي دار ليها مراد مع سلطان و قفات كتقاد فشعرها باش يسبقها مراد اللي كان هاز تيليفونو حاشي فيه راسو و سلطان كيشوف شنو عوالة تصنع حتى كتهبط خنساء بدقة على راس مراد و جراتو من ودنو مغددة عليه ....خنساء: وهااادي باااااش تعاود تعطيني داك الحكام الملااااوط ديالك الله يخليك بالخلاااامراد: شوفي المسامحة نتي اللي بغيتي تلعبي معايا واش انا جيت حطيت عليك جنوي فالعنق وقع غلط ماشي مشكل دوزيها بجغيمة ديال الماخنساء:غاندوزها بالما القاطع انا نيت راه خاصني بولون اللي لاعبة معاكطلقات منو و سبقاتهم لاسانسور و مراد تبعها و سلطان غير كيشوف فيه و كيخنزر ما كتعجبوش تهضر مع مراد و لو عارفو بحال خوها و لكن علاقتها معاه كتزعجو بزاف ....طلعو لاسانسور بثلاثة مراد كيخندش فالتيليفون و سلطان حاضي خنساء اللي واقفة و رادة راسها اللور و كتخمم فبنت خالتها زينب و فين غاتكون توحشتها و محتاجة تشوفها سهات فالفراغ حتى تحل الباب فالسفلي و خرجات خنساء و سلطان و مراد ....خنساء: سلطان اش بانلك نخرجو للجريدة عاودسلطان: ديك المرة لحتي عليا الما و هاد المرة غاتلوحي عليا العافية و تحرقيني تهناي منيخنساء:حاااشا انا غير بغيت نجمع معاك وراني زعما معالجة نفسية ديالك و خاصني نعطيك دروس و كدامراد: لاااء واثقة من نفسها تي واش من نيتك مثيقة راسك معالجة نفسيةسلطان : لا و الله حتى كتعجبني الثقة بالنفس ديالك و لكن باش نجيك من اللخر العلاج ديالك صراحة ما عندو حتى علاقة بعلم النفسخنساء ما عجبهاش الحال جالسين يطنزو عليها ربعات يديها و قالت بعصبية ....خنساء: اوا باش عندو علاقة ؟؟سلطان: بعلم القلبخنساء: كيفاش ؟؟سلطان تنهد و قال بعد مدة صمت ....سلطان: كتطيبي القلوبمراد: هههه و الله ما كدبتي جبيتيها ليها لاصقة خنساء نامبر وان فتطياب القلب الفقصة كن كانت بنادمخنساء: أشرااار نت....بغات تهضر و هي تسمع شي حاجة هابطة فدروج بالدورة باش كدور كتلمح سوسن مهبطة الحقيبة ديالها و كتبكي بحرقة و موراها يقين لابس غير شورط و عاري من الفوق ....سوسن وصلات لعندهم و زدحات ديك لافاليز لارض ما نتابهاتش ليهم بلي راه كاينين دارت عند يقين و قالت بصوت مرتفع و دموع فعينيها كتحس بقلبها طاايب مجروووح تحرقات بلا قياس حتى بردات من جيهتو فمرة ....سوسن : انا ويااااك سااالينااااا ساااالينا واش كتفهم آخر مرة غاتشوف وجهي فحياااتك نسى شي وحدة سميتها سوسن و نهار غاتعرف قيمتي ما غاتلقاانيش و ما عمرك غاتلقاااني سمعتي غاتجي لعندي ترغبني باش نرجع معااك و انا عمري ما غانرجع ليك حيت نتا جرحتييني بزااااف عييت صابرة و كنقول دابا يتبدل دااابا يرجع ليا و نتا غير ما كتزيد تبعد شنووووو دار ليك قلبي اللي تمرمد فيه كيفماااا بغيتي شنو دار ليك من غير انو بغاااك و بااااغي يكون معاااك ايقين خساااارة حبي ليك خسااارة و لكن من هنا غانقول ليك انا حسدت هاديك اللي واخدة قلبك حيت نتا ما كاينش بحالك كنت باغاك بصح و لكن بردت من جيهتك غانعيش حياتي بعيدة علييك [ تنفسات ] الحمد الله ماشي نتا اللي كتعطيني الأوكسيجينيقين غير كيشوف فيها و محروق عليها عارفها قاسات معاه و صبرات معاه و عدبها مزيااان و مرمدها و مع ذلك ديما كاينة فجنبو تحملات عصبيتو برودو مرضو كلشي باش تكون معاه و باش فالتالي يجازيها بحال هاكا هو مجرب ألم الحب و حاس بيها و لكن باش يكون معاها ما يمكنش كيتخايل راسو غير مع خنساء و ما يقدرش يضلمها اكثر من هاكا خليها حتى هي تعيش حياتها...بانت ليه غاتطيح و هو يجرها حشاها فحضنو مزير عليها و هي بادلاتو الحضن مزيرة عليه ما مصدقاش بلي خرجات ديك الهضرة من فمها و انها صافي قررات تبعد عليه للحظات بغات تقولو لا غير كنت كنضحك معاك و انا غانبقى معاك وااخا ما كتبغينيش للحظات كانت غاتضعاف و لكن لاااا هي اتاخدت قراار لا رجعة فيه غاتمشي هي غاتمشي بعدات كاتمسح دموعها و جرات لافاليز ديالها و سمعات البحة ديالو رجولية اللي انسابت لقلبها قبل ودنيها ....يقين : i'm sorryزيرات علي عينيها و سقطت دمعة منهم و خرجات من الفيلا خالية موراها عشق حيااتها و الراجل الوحيد اللي سرق قلبها منها و بغاتو لكن للقدر رأي آخر القدر ما بغاهومش بجوج و مستحيل ترجع ليه ....