💞 قلوب أرهقها العشق 💞 بالدارجة المغربية

💛الفصل 55💛

الجزء 165قلوب أرهقها العشقسلطان: ما عنديش ركن تعارف فبيتي على ما أظنمروان : سمح لينا موسيو سلطان [شاف فخنساء] تفضلي أ ختيخرجات خنساء مع مروان كانت مصدومة لأقصى درجة و ودنيها كيصفرو ما بقات فاهمة حتى وزة ...مروان سد الباب و شاف فيها و قال ...مروان: هكاك داير ما يبقاش فيك الحالخنساء ضارت عندو بالعرض البطيئ و قالت ..خنساء: الله يا خويا و مالو على هاد القصوحية كلها ما خلاش ماماها حتى تعرفو بيا بقا غير يخليني نعاونو انا شاكة فيها يلوحني من داك البالكون اللي كيشوف فيهمروان ابتاسم بخفة و جاوبها بهدوء ....مروان: نو نو نو ماشي حتى لديك درجة هو كيحاول يتقمص دور ديال القصوحية أما هو بالعكس ضريف بزاف و لكن ديك شخصية مخبعها ما باغيش يخرجها للعلن باغي يبقى هاكاك قاصح باش حتى واحد ما يزعم عليه او لا يحس بشفقة فعيون ناس نتمنى تكوني فهمتيني و نتي غاتكوني قارية علم نفس و عارف هادشي أحسن مني اناخنساء : ربما عندك الحق و لكن نتا باش عرفتي بلي هاديك ماشي شخصيتو الحقيقيةمروان: حيت انا كنعرفو شخصيا قبل ما يولي مشلول حيت من ديما كان كيدير كونطرول على صحتو فاوبيطال خاص فين كنت خدام و كان انسان موتييفي بزااف و غير كيضحك و ضريف و نتي الا عقلتي على المقابلات ديالو سواء فالتلفازة و لا فالراديو كانت ضحكة ما كتفارقش وجهو و ما تنسايش بلي داكشي اللي عاشو و مازال كيعيشو ماشي ساهلخنساء: هاديك غير عوينة ديال المغاربة جمعات ليه حبل و بونتمروان: هه كلشي ممكن راه حتى العين علينا حق و مكتاب الله كيتصرف ما عندك ما ديرخنساء: و نعم بالله على العموم شكرا بزاف خويا مروانمروان:العفو ختي انا نتمنى تخرجي بشي نتيجة إيجابية معاه حيت صعيب بزااف انكي ترجعيه لحياتو طبيعيةخنساء: اودي ما ضنيتش القضية هاكا سلطان انا من لي فان دياولو و اللي كنت غانحماق و نتلقاه و لكن دابا منين تلاقيتو ندمت حيت ما ساهلش هاد الأخ باش نعالجو ما عالجت حتى راسي انا اخويا غير دافعة جبهة باش نجيك من اللخر هاد الخدمة محتاجاها و صافي و زيد عليها كنت باغا نعاونو و لكن هادشي كيبان ليا صعيبمروان :ما تستسلميش و نتي مازال ما قلتي حتى بسم الله جربي حظك حتى واحد ما عارف الحكمة عندمن و العود اللي تحكرو يعميكخنساء:و ناااري شحال قمااع و ماماه اعباد الله و كيفاش كيتصرف معاها اما انا علم الله غير خلي داك جمل رااكدمروان حط يدو على كتفها بعفوية و قال ...مروان : جربي حظك ما تهبطيش يديك من ديبار و زعما كن ما بانتش ليهم فيك شي حاجة مميزة ما غايجيبوكش لعند سلطانخنساء: اودي انا كولي مميزة من وجهي و نتا غاديمروان: شبهتي ليا لخويا حتى هو عندو البهاق فداتو و لكن تيقيني كيعطي لمولاه واحد الجمالية خاصة ما كيشوفهاش كلشيخنساء: ربي يخليك أ خويافنفس الأثناء صوت خطوات كيقربو لطابق الافقي حتى وقفات على مروان و خنساء الخادمة منار طباخة العائلة اللي مربعة يديها و كطلع فيهم و تهبط خصوصااا فخنسااء كدير فيها شي نظرات يااااسلام ...منار : مروانمروان غير شاف منار و هو يحيد فالبلاصة يدو من على كتف خنساء اللي بدورها التافتت تشوف مصدر الصوت ..مروان: منار [كيحك مؤخرة راسو ] نعام بغيتي شي حاجة ؟؟منار : مادموزيل منار الله يخليكخنساء: سلام عليكممنار :[طلعات خنساء و هبطاتها ] و عليكم سلام [رجعات شافت فمروان ] قالت ليكم مادام وفاء هبطو تعشاوعطاتهم بضهر و شعرها تحرك معاها حتى قاست خنساء لعينيها عماتها ..خنساء:ويلي مال هادي جالسة تطلع فيا و تهبط تقول واكلة ليها الورث و عماتني و ما قالت حتى الله يسامح و هاكمروان : مصاحبين و شافتك واقفة معايا أكيد غايكون ما عجبهاش الحال داكشي علاش تصرفات معاك بديك طريقة كنعتدر ليك فعوطهاخنساء: هاااي هاااي هاااي على مصاحبين اوا أسيدي عود قول لصاحبتك ما تبقاش تعوج عليا ههههمروان:ههه واخا دابا نقولها ليهاخنساء: اوا الله يسر ليكم و تكون حلالك و تبعدو من الحراممروان: إنشاء الله فالقريب العاجلخنساء:و راه قالو خير البر عاجله الا عجبتك و عجبتيها ما عندك ما تسنى ضربو الكحل فالابيض و هز مرتك و عيش ليا الحياةمروان : و يكون خير أ ختي خنساء خاصنا نهبطوخنساء : اه يالاه انا جلست مجمعة معاكقلوب أرهقها العشقنزلو لطابق السفلي مروان مع خنساء اللي زادت حلات فمها فالفيلا و ديكوراتها الواعرين و ثريات كي دايرين و الفراش عصري من داكشي رفيع حتى من الألوان كانت هادئة كتحسي براحة و نتي بداخل هاد المكان ....خنساء ما عرفات راسها لا واش فواقع لا واش كتحلم ما فيقها من شرودها غير صوت مراد اللي كان جالس فوق المائدة مع العائلة حاطين العشا كينتاضرو غير خنساء و مروان ...مراد: هااا هي الفردة كشكش جااات و اخيراخنساء حشمات و ابتاسمت ليه غير بزز جرات كرسي و جلسات و جلس حداها مروان ...فريد: هضرتي مع سلطان أبنتي؟؟خنساء صرطات ريقها بصعوبة و بقات ساكتة حتى سمعات وفاء جاوبات بنيابة عليها ...وفاء: عرفتها بيه و لكن راك عارف ولدكيقين اللي كان جالس على اعصابو كينتاضرها تهبط غير شافها رتاح و بقا ساهي فيها كيتأملها بحب و كيسمع لحديث وفاء ....يقين : تعامل مع سلطان صعيبميلودة : اليوم عيد ميلادو و ما عمرو بغا ينزل باش يحتفل بيهوفاء: اه عندك الحق من نهار وقع ليه المشكل عمرو ما احتافل بعيد ميلادو ديما كنوجدو عليه و لكن ما كيبغيشمراد: غير ساد عليه فالبيت كيف داك الغول شي نهار نلقاو شعرو طوال أكثر من عوينات جلبانة و ضفرانو طوالو بقوة اللي ما كيخرجش من داك البيت غايولي كيف اصحاب الكهف ناقصو غير شي كلبمنار كتقطع ليهم فبسطيلة و تحط فطبسالهم الشيئ اللي خلا ريوك خنساء يسيلو حيت كتحمقها البسيطلة ما كتسمعش كاع لكلامهم ...يقين : كنظن الا هبط شي نهار لهنا غاتوقع ميرااكلوفاء: بزاف داكشي اللي داير فراسو خانق روحو بوغ غياانمراد شاف فخنساء اللي بدات كاتكل حيت فيها الموت تجوع ...مراد: [ أشار لخنساء بصبعو ] دابا فنظركم هاد خيتي غاتبدل فيه شي لعبةخنساء سمعاتو و شافت فيه بالعرض البطيئ و فمها عامر كتحول تمضغ بسرعة باش تصرط الماكلة و باش تجاوبو ....فريد : علاش اللي ما تقدرش ؟؟ انا ثايق فيهاميلودة :إن شاء الله ما يكون غير الخير كنظن خنساء يعول عليها الواحد خصوصا انها قارية على علم النفس و روحها زوينة و كنظن عندها افكار اللي يقدرو يخرجوه من الحالة اللي هو فيهاخنساء: بلاااتي احم احم كيفاش اليوم عندو عيد ميلاد ياكيقين جاوبها مع ابتسامة خفيفة ...يقين : وي اليوم عندو عيد ميلاادخنساء شافت فيقين بابتسامة الشيئ اللي خلا قلبو ينبض بقوة ابتاسمتها كتلفو على القبلة ...خنساء: كنظن اول تشالنج عندي مع سلطان هو هداوفاء: كيفاش زعما ؟؟خنساء:خاصني نحاول نقنعو باش يهبط لهنامراد: غير بلا ما تحاولي أ الأخت الكريمة هداك الهضرة ما كتنفعش معاهخنساء: مراد كتحداني دابامراد: انا كنعطيك.نصائح اللي غاينفعوكخنساء بقات ساكتة مدة و هبطات راسها كاتكل و كتفكر فشي خطة باش تخليه يهبط و تحدى راسها و تشوف واش غاتقدر دير شي لعبة ولا غير البعابع بقات سااقرة لمدة من زمن و كلهم كيتسناوها تنطق ، فجأة ضهرات ابتسامة على وجهها و هزات راسها فيهم و قالت ...خنساء: لقيتها سلطان غايهبط الا طبقتو هادشي اللي قلت ليكم بالحرفمراد: لاء واثقة من نفسهاااخنساء: هانتا غاتشوفيقين : خنساء متأكدة من هضرتكشافت فيه ببراءة و غمزاتو بعفوية خلات قلبو يتزلزل ما بين ضلوعو و داتو تعراق بفعل غميزة وحدة منها ...خنساء: متأكدةالجزء 166قلوب أرهقها العشق طالعة فدروج بشوية عليها بخطوات واثقة و رزينة و كتحاول تصطانع الحزن شكون من غيرها دادا ميلودة اللي كتحاول ما امكن تطبق نصيحة خنساء قربات حتى لباب ديال سلطان و حلاتو و دخلات لعندو لقاتو جالس فالكرسي و كيشوف فالبالكون كيفما العادة ....ميلودة: سلطاانسمع صوتها و ضغط على زر و التافت عندها بملامح باردة نطق ....سلطان: كاين شي مشكلميلودة غير شافت فوجهو توترات و لكن حاولات تثبت ...ميلودة: ماماك أولديسلطان باهتمام قال ...سلطان: مالها شنو واقع ليها ؟؟ميلودة :سخفات ليناسلطان :[بخوف ]كيفاش ؟؟؟ميلودة : بقات كتهضر عليك و كتبكي حتى سخفات حالتها كتقطع فالقلب و ما كرهتش تهبط عندها تشوفكسلطان: طبيب عيطتو ليه ؟؟ميلودة : اه عيطنا ليه راه جاي فطريق دابا هي باغا تشوفك و تهبط عندها حيت حاسة براسها ما مزيانش كتقول خافت تموت و ما تشوفكشسلطان عض على شنايفو ما متقبلش فكرة ان ماماه تسخف أو لا توقع ليها شي حاجة اعز إنسانة عندو ما يبغيش يشوفها واقعة ليها شي حاجة بسبابو رغم أنه كاره الوضع ما باغيش ينزل لطابق السفلي و لكن مضطر...ضغط على الزر اللي كيتحكم فالكرسي من خلالو و زاد بيه لأمام و ميلودة تبعاتو و كتدعي فنفسها باش ما توقعش شي حاجة لا يحمد عقباها من بعد ...خرج من البيت حتى دخل لاسانسور خاص بيه كيستخدمو حيت دروج ما صالحينش ليه بطبيعة الحال دخلات معاه حتى ميلودة و تسد ماهي الا ثواني قليلة حتى وصلو لطابق السفلي و تحل من جديد خرج من الأسانسور كيلقا غير الظلام تصدم بعض الشيئ حتى فجأة كيبان ليه شي حد هاز لاطارط فيدو و فيها الشمعة اللي مضوية على المكان بدات كتوضاح ليه الصورة فاش بانو ليه عينيها اللي ما يمكنش يغلط فيهم هي فعلا خنساء اللي هازة لاطارط يعني كلشي كدوب ماماه ما واقع ليها والو مسرحية تمثلات عليه باش ينزل و يحتافلو بعيد ميلادو فهم البلان فالبلاصة و زاد تكره غمض عينو و هو كيسمعهم كيصفقو و كيرددو كلمات الاحتفال ....الكل : هااابي بيرث دااااي هاااابي بيييرث دااي سلطاان جوايو زااني فيغسيغ سلطاان جوايو زاني فيغسغ سلطانما حدهم كيغوتو و يدو كيزير عليها حاس براسو ماشي غير مخنوق غايطرطق و كلماتهم كيفكروه فحاجة وحدة فاش كان كيقدر يوقف على رجليه كيفكروه فحياتو الماضية اللي كان كيحس فيها بالسعادة المطلقة اللي كان كيحس براسو عاايش فيها و كيتنفس و كان كيبغي الحياة فكروه فالعديد من الذكريات السعيدة اللي ما باغيينش يفارقو الذاكرة ديالو علاااش ما باغيينش يفهمو بلي هو دابا غير عايش و صافي و عيد ميلاد هي آخر حاجة يفكر فيها فهاد اللحظة حيت عندو كيف موتو كيف حياتو ما عارفينش بلي هو راه كيحس براسو ميت فوسط كسدة واحد حي نهار دار الاكسيدون و نهار فقد رجليه و نهار سمحات فيه خطيبتو و نهار جلس فالركنة راه ما بقات قيمة للحياة بالنسبة ليه بالعكس كره نهار اللي تزاد فيه فهاد الدنيا علاش دنيا عطاتو السعادة منين غاتحيدها ليه من بعد و تخليه فهاد الكآبة ....غمض عينو العروق ديال يدو برزو بشكل كبير كيحس بنبضات قلبو ارتافعو و صورة عينيها اللي بانت فالظلام كانت هي اول حاجة تذكرها فاش غمض عينو كيحس بداتو كترعد بقوة الأعصاب ....تشعل ضوء و كلشي كيشوف فيه فرحان كينتاضرو منو شي رد فعل و لكن هو مزال مغمض عينيه ما كيقول لاا طاابت لا تحرقات ...خدات وفاء لاطارط من عند خنساء و قربات ليه و الدموع فعينيها حنات بشوية باش تجي فنفس مستواه و قالت بحنان ...وفاء: طفي اولدي شمعة اليوم كملتي 35 عام عقبة لمية عام و نشوفك بمراتك و وليداتك إن شاء اللهمراد : [عنق خنساء جنب و همس ليها فودنيها ] و الله أ العفريتة حتى نزلتيه و لكن حنا ما مسؤوليناش على شنو غايوقعيقين كان كيشوف فيهم بجوج و ما عاجبو حال خصوصا فاش حط يدو على كتفها و كيهمس ليها فودنيها بحال شي جمرة كتكوي ليه فقلبو اللي ديجا مجروح ...خنساء جاوبات مراد و قالت ...خنساء: كنظن هو كان خايف غير من الخطوة الأولى ها هو نزل و انا متأكدة غايبقىفريد تقدم عند سلطان هو الآخر و قال ...فريد:كلنا فرحانين حيت هبطتي باش نحتافلو بعيد ميلادك ما غايوقع والو لو تبقى هنا خمسة دقايقلحظة صمت كلشي كينتاضر يحل عينو و يشوف فيهم و يهضر ...يقين : سلطان خويا