💞 قلوب أرهقها العشق 💞 بالدارجة المغربية

💛 الفصل 76 💛

الجزء 230 قلوب أرهقها العشق خنساء بقات ساكتة كتشوف فيه و هو ساهي كيشوف فطريق و كيحس بقلبو كيتقطع الى قطع و أشلاء صغييرة و صغييرة بزاااف كأنه حريق عندو لداخل و لكن الهدوء و السكينة هي الحاجة اللي واضحة و باينة على وجهو ....يقين : من مور هادشي اللي وقع نبغيك تصرفي معايا عادي اعتابريني بيست فراند ديالك كيفما ديما و ما تحاوليش تبدلي معاملتك معايا حيت غانكره راسي و نزيد نتعدب اكثرخنساء:ما تحتاجش توصي عادي كتوقع و اصلن ما وقع والو أ يقين غير فكر فداكشي اللي قلت ليك واخايقين حرك راسو بالايجاب و قال ...يقين :تقدري تنزلي الا بغيتي انا ما غاندخلشخنساء:[بخوف ] فين غادي علاش ما غاتدخلشيقين : [ابتاسم باستهزاء] غانمشي نعطي فرصة لسوسن كيف بغيتي نتيخنساء عرفاتو مقلق و عرفاتو كاااعي على الوضعية و عارفاه كيتألم لأن الشوفات اللي كيدير فيها عمرها لمحاتهم فوجهو من قبل و لكن ما باليد حيلة عرفات بلي باغي يبقى بوحدو واخا خافت عليه لا يمشي يدير فراسو شي حاجة و لكن ما عندها مادير حتى هي ما باغاتش ليه هاد الحالة و لكن ما تقدرش توافق و تظلم ديك الانسانة اللي كانت معاه قلبها ما يسعفهاش ....تنهدات و حلات الباب و رجعات سداتو ، بمجرد ما تزدح الباب رجع للوراء و قلع بسرعة فإتجاه مجهول خلعتها سرعة اللي غادي بيها ما حسات حتى لقات براسها قابطة على قلبها ...خنساء: يااربي تحفظو و ما يدير فراسو والو اوييلي عنداك يمشي يدير شي اكسيدون و لا يقطع عروق يدو و لا يمشي يتلاح من شي جرف على قبلك يا خنساء تاافهة ياااربي لهلا تكتبهاحنات راسها و غادة كتهضر مع نفسها ...خنساء: دابا انا بغيت غير نفهم شنو عجبو فيا انا غير مسطية و بايعة وراقيا و لكن مسكين شحال تايبغيني واش ما نكونش زعما كنحلم [قرصات راسها ] لا والله ما كنحلم يقين الزعيمي بدمه و لحمه تايحبني واقيلة غايكون مبوق و لا كلا شي معجوون ههه اجي تسمعي يااا منانة بنتك شنو دايرة فرجاالة و ماشي اي واحد ياك كانو يقولو ليا حتى سعاي ما يقبلش عليك وا ها هو جا راجل مسكد اشمنك يا زين اشمنك يا طول اشمنك يا فلوس و مشهور من الفوق بغاني و بغا يدير معايا غولاسيون و يتزوج بيا و قابل عليا و الله مزال ما مثيقةبلا ما تشعر و لا تحس دخلات فشي حد براسها و رجعات لور بان ليها شخص يكون فحدود الستينات و هاز فيدو حقيبة شافت فيه باستغراب ما عرفاتوش اول مرة تشوفوخنساء: سمحلي~: [بابتسامة ]ماشي مشكل ابنتي كتوقعبغات تسولو شكون هو و لكن حنى راسو و زاد بقات متبعة ليه العين حتى دخل فطومبيل من نوع داسيا فالاسود و زاد خلفة مع الطريق ميلات شنيفاتها جنب و هزات كتافها و قالت ...خنساء:شكون هدا عاود ... و انا مالي يكون شكون ما بغا يكونكملات طريقها حتى وقفات حدا الباب و دقات و لكن كتحس بقلبها وجعها على يقين كتحاول تصبر راسها و تضحك راسها براسها باش تروح على نفسها و لكن ما قدراتش علامات الحزن عليه كانت واضحة على وجهها ...خنساء: بقى فيا مسكين تفو عليك أ نحساء علاين سيد يبكي عليك و نتي جالسة تنفخي عليه يا ربي تحفظو و ما يوقع ليه والو كن عرفات منانة بلي رفضت واحد بحالو تعلقني من شفري صغييرتحل الباب و بانت ليها منال واقفة كتسناها تدخل و كتطلع فيها و تهبط و لكن ما عندهاش كانتها دخلات لداخل و هي تسمع شهقات بكاء آتية من صالون دخلات بسرعة و لقات وفاء معنقها فريد و هي كتبكي شافت ففريد اللي لمحها فاش دخلات ابتاسم ليها بحزن ...خنساء: سلام عليكمفريد: و عليكم السلامخنساء كتشوف فوفاء كتبكي فيد فريد استغربات بعض الشيئ و نطقات بلا ما تشعر ...خنساء: واش واقعة شي حاجة مال مدام وفاء كتبكي ؟؟فريد تنهد و بقا ساكت ما جاوبهاش كيحاول غير يواسي وفاء اللي روحها غاتزهق بالبكا فهمات بلي الموضوع شخصي ما بغاتش تزيد تهضر حنات راسها و طلعات لبيتها تبدل حوايجها متشوقة تشوف سلطان توحشاتو بزاف باغا غير إمتى تلاقاه داكشي اللي دارت بدلات حوايجها لابسات بيجامة حد الركبة فلون البنفسجي نص كم قتلها صهد و شعرها زادها بصهدو جمعاتو للفوق على شكل ذيل حصان و خرجات من البيت إذا بها كتشوف مروان حتى هو خارج من البيت ديال سلطان بقات واقفة مستغربة حيت حتى هو باين على وجهو الحزن و التعب لدرجة ما شافهاش بقوة اللي مرفوع دماغو ....خنساء:مروانهز مروان راسو و شاف فيها ما نطق ما تكلم ...خنساء: مروان مالك ؟؟بقا ساكت و تكا براسو على الحيط مغمض عينو ...خنساء : ويلي مالكم اللي هضرت معاه ما كيجاوبش شنو واقع ليكم هاد نهارمروان تكلم و أخيرا و ياااريتو ما هضر ....مروان: سلطان كان غايموت على شوية غير ربي حفظخنساء حلات عينيها على وسعهم من الخبر اللي لاح ليها مروان كيف صاعقة ....خنساء : كيفااااش ؟؟الجزء 231 قلوب أرهقها العشق مروان شاف فيها و قال ...مروان: كيفما كتسمعيخنساء: اويلي شنو وقع ليه كيفاش كان غايموت؟؟ واش كتفلا عليا و لا كيفاش انا عاد خليتو صحة سلاممروان : ما كنتفلاش أ خنساء سلطان هاد نهار طلعات ليه الحرارة حتى لاربعين كان شوية و يودع كن ما جاش طبيب فالوقت المناسب و دكَ ليه واحد الابرةخنساء: ك..ك..كيفاش وصلات ليه الحرارة لاربعين [ تفكرات الشخص اللي تلاقات حدا الباب ادن هداك هو طبيب اللي جا يشوف حالة سلطان ] و كي وقع ليهمروان تنهد واخا ما بغاش يهضر معاها هاكا و لكن مضطر ....مروان : سولي راسك هاد سؤالخنساء: [بصدمة ] كيفاش سولي راسك هاد سؤالمروان : النفاخة اللي طرطقتي عليه فيها الما بارد هي سبابو باش وصلاتو لهاد الحالةحطات يديها على فمها مصعوقة من الكلام اللي قال ليها مروان ...خنساء: ك..ك..كيفاش زعما انا كنت غانقتلو ..ولكن انا ما قصدتش انا ما كنتش باغا نآديه و الله ما كنت باغا نآديه ثيق بيا امروان انا آخر حاجة نفكر فيها هي نآدي سلطانردات راسها حتى هي للوراء و تكات على الحيط و كتحس بدموعها شاقة طريق خدها ما قدراتش تكبحهم و ما قدراتش ثيق بلي تصرفاتها كانت غاتودي بحياة سلطان و ماشي بعيد كون ماجاش طبيب فالوقت المناسب كان ممكن يكون سلطان فعداد الموتى الآن ...مروان : نتمنى تنتابهي لتصرفاتك مرة أخرى معاه حيت هو ذاتو حساسة بزاف و دغيا كيمرض الغلط كيوقع انا عارف بلي ما كنتيش قاصدة و لكن نتمنى ما يتكررش الوضع مرة اخرى و فالأخير كيبقى مكتاب ليه انو يمرض راه دابا ناعس بلا ما تدخلي عندو ما تلوميش راسكقال ليها هاد الكلام و انصارف اما خنساء بقات واقفة مدة كتخايل كيف غاتكون حالتو اكيد غايكون تألم بسبابها كرهات راسها فهاد اللحظة و كرهات تصرفاتها الصبيانية و ندمات كاع علاش قررات تلعب معاه و لكن نيتها ما كانتش تآديه بتاتا و لكن تأنيب الضمير داير فيها حالة بقات واقفة مدة فمكانها كتشوف الباب الخشبي الأسود قربات و حلات الباب بشوية و ضرباتها مجددا ريحتو الخطيرة اللي كتخلي قلبها يترااقص فصدرها....غمضات عينيها و دخلات سدات الباب و تمشات فداك الكولوار حتى وصلات لداخل البيت لمحات إضاءة خافتة منبعثة من حدا سريرو ؛ قربات حتى وصلات لعندو و اخيرا شافت وجهو اللي اشتاقت ليه بزااف هاد نهار كتحس براسها كأنها ما شافتوش لمدة سنين طويلة جلسات فالارض على ركبتها و كتشوف فيه كيفاش كيبان عياااان و وجهو ذااابل بزاف فالبلاصة طفى المرض دار فيه حالة اكيد غايكون تعدب بسبابها بمجرد ما كتفكر هاكا كاتحس براسها غاتحماق بلا ما تشعر و لا تحس مدات يديها كتمررها على وجهو الملائكي اللي كيبان فيه الارهاق بشكل كبير غمضات عينيها و بدات كتحسس ملامحو كأنها كتحفظهم بدءا بعينو مرورا بأنفو و فمو و لحيتو ما عارفاش علاش كتصرف هاكا و لكن كانت محتاجة دير هاكا كأنها كتحفر صورتو اللي توحشاتها فدماغها و كتحفظ ملامح وجهو الملائكي الوسيم المرهق ....فتحات عينيها و كتشوف فيه كيف ناعس و شعرو هابط على جبهتو . هزات يديه اللي كانت محطوطة على سرير و قرباتها لفمها و باستها كأنها كتعتاذر على الالم اللي تسببات ليه فيه حطاتها تحت خدها و قالت بألم و دمعة هابطة من عينيها ....خنساء:سمحلي عفاااكبقات مدة و هي على نفس وضعيتها كتسناه يفتح عويناتو اللي توحشات تشوفهم عوينات المش كيفما مسمياهم و لكن مع الأسف كان ناعس بهدوء ...ناضت من مكانها و ما بغاتش تفارقو و تمشي لبيتها داكشي علاش جلسات من فوق واحد الكرسي مقابل معاه كتسناه يفتح عينيه دازت ساعة ساعتين ثلاثة اربعة و والو حتى داتها عينيها هي حسات بيد كطبطب عليها و هي تقفز من مكانها ....خنساء: سلطااانمروان: هدا غير انا نوضي تنعسي فبيتك أ خنساء راه هنا معدبةخنساء ما جاوباتوش شافت نيشان فسلطان لقاتو مزال على نفس وضعيتو و شحال توحشات تشوف تخنزيرتو و تسمع كلامو و تجننو بهضرتها و ترجع ضحكو توحشات هاد الأمور اللي كانو كيجيوها عاديين و لكن دابا كتحس بلي عندهم قيمة كبيرة بزاف ، شافت فمروان و نطقات ...خنساء : واش فاق ؟؟ كيف بقا طمني عليه الله يرحم الواليدينمروان : لا بخير دابا راه غير ناعس كيرتاح الحرارة انخافضت الحمد لله ما عندك مناش تخافيخنساء: صافي غير سير نتا انا غانقابلومروان : ولكن راك هنا معدبة تكاي غير فداك الفوطوي بعداخنساء حركات راسها بنفي و قالت ...خنساء: غير خليني انا هنا قريبة ليه باش نسمعو الا بغا شي حاجة و لا فاقمروان : ههه واخاانصارف مروان و ناضت خنساء من مكانها كتحاول تدير شي حاجة حيت حسات بالملل و القنطة هنا و خصوصا سلطان ما بغاش يفيق شافت فيه و قالت ...خنساء: فيق أ صاحبي نهضر معاك توحشتك هاد نهار كاع ما شفتكبقات كدور فارجاء الغرفة و تحل شي مجورة بانو ليها و تعاود تسدهم حتى لمحات واحد الألبوم كبير حلات عينيها على وسعهم بقوة الفرحة اللي لقات شي حاجة تلها فيها بعدا هزاتو و مشات جلسات من فوق الكرسي فتحات الألبوم و هي تلمح صور سلطان و هو طفل صغير مزاال بيبي عاد تزاد حطات يديها على فمها و قالت بخفوت ...خنساء: وينو شحال كيوت تاكليه تاكليه يا ختيكتقلب الصور و كتشوف صور طفولة ديالو و كتبتاسم معاهم حتى لمحات واحد الصورة معانق فيها سلطان مع يقين فاش كان صغير و ضاحك و ما عندوش سنينات ابتاسمت حيت حتى يقين كان كيووت بزااااف بزااف و شعويراتو هابطين على عويناتو و عويناتو فالخضيضر كيحمق تحسسات صورتو بيديها و ابتاسمت سرعان ما تلاشات ابتاسماتها فاش تفكرات كلامو و الحزن اللي كسى وجهو فاش رفضاتو بقا فيها و لكن ما عندها ما دير قلبات صفحة باش ما تبقاش تفكر فيه حتى لمحات صورة ديال سلطان كيبوس واحد البنت من خدها و مصور معاها صغرات عينيها فصورة و رجعات شافت فسلطان اللي كان ناعس عوجات فمها و رجعات شافت فصورة البنت و كتخنزر فيها قلبات الصفحة بجهالة على شوية و تقطعها بقات غير كتمرر فداك الصفحات ديال الالبوم و كتشوف صور ديال سلطان مرة فوق الخشبة مرة فلابيسين مرة مصور مع عائلتو كل مرة و شنو حتى وصلات لواحد الصورة كان فيها سلطان فالعشرينات من عمرو و لحية ما كايناش ريحتها فوجهو جاها شكلو غريب بلا لحية و لكن الاكثر من هذا انه مضحك ما قدراتش تحبس ضحكتها حطات يديها على فمها كضحك بلا صوت و كاتفركل برجليها غاتموت بضحك و كتقول بهمس ...خنساء :وييلي كي كاااان هههههههههههههه أميمتي يا ميمتي معدرهم كيقولو لحية هي المكياج ديال رجاال هههههههه و ناري يا ربي غانموت بالضحك هههههه معدرهم قالو هل تحت اللحية جمال رباني ام قرد باكستاني ههههالجزء 232قلوب أرهقها العشق هزات الصورة و سدات الالبوم رجعاتو لبلاصتو و خلات الصورة فيديها و ناضت من بلاصتها طلات عليه لقاتو ناعس باين فيه عيان بزااف نييت استغلات الفرصة و خرجات خبعات الصورة فحوايجها و رجعات لبيت ديال سلطان وقفات على راسو ...خنساء:و تقولك يا صاحبي ميت ماشي ناعس عصبتيني فيق الا غادي تفيق اووف جاني الملل و انا جالسة فايقة عاسة عليك فنصاصات ديال الليل نمشي نتسكن و لا يضربني شي جن بسبابكعيات و رجعات من جهة لوخرى تكات حداه على جنبها و دارت يديها تحت خدها حاضياه مدات يديها لجهة عينو و بدات كتلعب ليه فرموشو بانو ليها كباار و عندو شفرانو كثاف ....خنساء: و الله حتى عندك الهدبة انا اللي بنت ما عندي هاد شفاار سعداتك الحياة ليست عادلة......سلطان حس بحركاتها من ديبار و منين حطات رجليها فالبيت من وقت كانت كتلعب ليه فوجهو و هزات يديه كتبوس فيها و منين نعسات ديك المدة حل عينيه و شحال و هو حاضيها كيبتاسم على شكل نوم ديالها و كيفاش كانت حالة فمها حتى شكل نعستها كيضحك و هز يدو اللي باستها هي رجع باسها فنفس البلاصة...حس بيها فاش كانت كتحل المجورة و لكن ما عرفش شنو كانت كتدير حيت كانت بعيدة عليه و حس بيها فاش خرجات و رجعات دخلات لبيت ما عرفش لايش كتخطط و لاش خرجات ؛ كان كاتم صوت ضحكاتو من كلامها و كيفاش باغاه يفيق كيشعر كأنه عندو تأثير عليها أيضاا و لكن ما قدرش يقاوم لمساتها أكثر من هاكا فاش حس بيديها فوق رموشو .....حل عينو ببطئ شديد حيت مزال كيحس بالتعب حتى تلاقات مع عينيها و هي تشهق منين شافتو و بعدات عليه ....خنساء:هئ فيقتك واقيلةكان سلطان متكي على المخاد و مسند عليهم عنقو و عرقااان بفعل الحرارة . سلطان نطق بتعب ...سلطان: كانظن هادشي اللي بغيتي تفيقيني توحشتيني واقيلةخنساء ما جاوباتوش بقات غير كتشوف فيه و صورة اللي شافت فيها سلطان كيبوس خد شي بنت جاتها قدام عينيها شللات ليها لسان بقات غير كتفكر شكون هي و هي متأكدة ماشي عالية على الاغلب غاتكون شي صديقة ديالو و لا كانت صاحبتو قبل من عالية شكون عارف ....سلطان : من صباح و نتي كتزنزني فوق راسي كيف شي ذبانة حتى حليت عيني و نتي تسكتي ما كنفهمكش أناخنساء: وا رجع تنعسسلطان شاف فيها مطولا و هز يدو ببطئ و مرر صبعو الابهام على خدها هي جمدات بفعل هاد الحركة اللي دار كتحس بقلبها كينبض بوتيرة سريعة اكثر ....سلطان : فين مشيتي و خليتيني اليوم غبتي عليا نهار كنت غانموت ياك قلت ليك ساحرة ليا