💞 قلوب أرهقها العشق 💞 بالدارجة المغربية

💛 الفصل 48 💛

قلوب أرهقها العشق زينب :و علاش ما تقولوهاش لبوليس يقلبو عليهخنساء:مالو مخطوف دابا با راه يقدر يشري بلاد و نتي كاتقولي ليا البوليس واش من نيتكزينب : صراحة ما توقعتهااش من عمي عبد العزيز ضربها لينا بنكرة فاعلة تاااركة ههههخنساء: اودي الله يهديه ما عندنا ما نديرو كيبقى الواليد الله يسمح ليه نتمنى يرجع شي نهار واخا صراحة دا غير فلوس الحرام عند بالو غايكون دار طايلةزينب : اوا و نتي مالك مهمومة و غير كتخممي واقعة ليك شي حاجةخنساء: اودي انا حياتي كلها هم فهم الله يفاجيها و صافي ما باغاكش تبقاي هنا نتي و مي فدار ديال هاد المريض المكبوت الله يعطيه ساحق و الماحق و الجربة و الضربة و بوزلوم و الما فالركابي كنكرهو الحمار الشماتة لاخورزينب : وييه يا صاحبتي حتى انا ما بغيتش صراحة نبقاو هنا من نهار عاودتي ليا على البلان اللي وقع ليك معاه كرهتو الله ياخد فيه الحقخنساء: نوصيك حضي راااسك منو ما تبقايش معاه راس فراس فدار و بقاي ديما حدا مي و لا ياقوت ما تخليهش ينفارد بيكزينب : لا ما تخافيش عليا نتي بعدا شنو قضيتك مع .[ بقات ساكتة مدة و ساهية فالفراغ ] ....خنساء: معامن ؟؟زينب : مع يقين زعيمي عاودتي تلاقيتيهخنساء: اممزينب بقات ساكتة مدة و فالأخير قالت ....زينب : واش كايعجبك كاتبغيه ؟؟؟خنساء: اش غانبغي فيه الله يهديك هداك نوع ماشي ديالي اصاحبتي سيد فين و انا فيين هو انا و ياه أصدقاء و لكن راه مصاحب مع واحد البنت متييتزة ولد الهم كنت حاسة بيها ما يمكنش داك زين داك توت البري يبقى بوحدو و قريب يخطبزينب : امم قول سيد مصاحب و قريب يخطبخنساء : اييه يا لالا مراة سيديزينب : اجي بعدا نتي كيفاش قضية هاد الخدمة ديال تقابلي سيد مشلول و كدا ما دخلاتش ليا لراسيخنساء ضربات الجلسة كأنها ذكراتها فأهم حدث و أسعد حدث وقع ليها هاد نهار ...خنساء: عرفتي الا قلتي ليك شكون غانقابل و الله ما ثيقيزينب حتى هي ناضت و جلسات مقابلة معاها ...زينب : شكون ؟؟خنساء: اصلن انا براسي و مازال ما مثيقة و نتي غاثيقي اكيد ما غاتقدريش ثيقيزينب : كديري ليا تشويق ازمر دويخنساء: سلطاااانزينب : شكون سلطان ؟؟؟خنساء تكات من فوق السداري حاطة يديها على قلبها و قالت وهي ساهية فالسقف مع لمعة غريبة فعويناتها اللي كيبرقو فعتمة البيت قالت ...خنساء: سلطان المغني المشهور اللي دار أكسيدون و تشلل مع الأسفزينب: واااايلي هاداك المغني ديال الموجة؟؟خنساء شافت فيها و حركات راسها بالايجاب و قالت ..خنساء: هو و الله حتى هوزينب: [ ما صدقاتش و نطقات بإستغراب ] وااايليخنساء: كنت كنظن أن عمري ما غانقدر نحضر للحفل ديالو و لكن صدقت غانمشي عندو حتى لدارو و نكون بمثابة صديقة ليه ما عمري كنت نتوقعها و لا طيح على البال حقااا الحياة و صدفها غريبة بزااافلم تكن صدفة حين عثرت عليك كنت مرسوما على حدود أيامي كنت شيئا أنتظره و ينتظرني و لم يكن قدرنا إلا بداية حكاية صاغها القدر بإتقان الجزء 145قلوب أرهقها العشق رجعات تكات و سهات فالفراغ عاضة على شنايفها كتفكر أحداث اليوم ....فلاش باكفريد : احم بغيتك صراحة فواحد الخدمة إلا ما كان عندك حتى مشكلخنساء: خدمة ؟؟؟ ديالاش أ عمي هاد الخدمةفريد : معالجة نفسية و صديقة و مرافقة و نقدرو نقولو مسعدة للآخرين بحال شي جرعة ديال السعادةخنساء :[بدهشة ] ك..كيفاش؟؟حط كأس القهوة من فوق طبلة و قال باستغراب...يقين: واش بغيتي تديها لعند سلطان ؟؟؟فريد شاف فيقين و حرك راسو بالايجاب موافق كلامو ...فريد : وي غانديها عند سلطان ربما تقدر تعالجوسوسن اللي كانت جالسة بجنب يقين عوجات فمها و تدخلات فالموضوع ...سوسن :و لكن سلطان عندو ممرض علاش محتاج خنساءخنساء اللي كانت زي الاطرف في زفة غير كتشوف فيهم ما بقات فاهمة لا شيئ ....خنساء: بلاااتي بلااااتي الله يرحم الواليدين ديوني على قد عقلي و فهموني شكون هو هاد سلطان بعدا و كيفاش انا غانكون معالجة نفسية ديالو و كيفاش عندو ممرضفريد : من حقك ابنتي تعرفي كلشي انا غانشرح ليك أكيد؛ سلطاان هو ولدي الكبير دار أكسيدون و تشلل و اكتئب و كره الحياة و كره راسو و شحال من مرة فكر فالإنتحار غير ربي حفض و صافي و كل نهار أبنتي كنشوف ولدي كيتعدب و ما قادر ندير ليه والو غير ساد عليه فبيتو خمس سنين هادي و هو كيعاني ما نكدبش عليك حالتو ما كتبشرش بالخير و زيد عليها رجع صعيب بزاف كيبغي يبقى غير بوحدو تهضر معاه يضور فيك و يقمعك امم تبدلات شخصيتو 360 درجة رغم انه هو حنين و ذكي و ضريف و لكن ديك شخصية مشاات مع المشاكل اللي كيعيشهم و زيد عليها ما بقاش باغي يتعالج حيت فقد الامل درنالو اكثر من خمسة د العمليات و لكن ما جابش الله كل مرة كيواعدونا بلي غاينوض و لكن مع الأسف والوخنساء عضات على شنايفها بحزن و حسات بقلبها كيضرها عليه بقاا فيها بزااف بزاااف و ما كرهاتش تعاونو رغم ان الأمر مستعصي بزااف و صعيب ترد الأمل لشخص فقدو فخطرة و كيفكر فالإنتحار بقات ساكتة و كتسمع كلامو حتى سالا ....خنساء:واخا انا شنو المطلوب مني ؟؟فريد : نتي غاتكوني معالجة نفسية ديالو هادي هي خدمتك بغيتك تردي ليه الأمل فالحياة ربما عندك دواه كيفما كان عندك دوا ديال يقينيقين غمض عينو و عاود فتحهم و ابتاسم و تذكر اليوم اللي جات عندو تفكر بلي كلامها بدل فيه شحال من حاجة و عندها دور كبير باش خرج من الحالة نفسية اللي كان فيها تذكر كلامها اللي كان عندو تأثير قوي على عقلو و قلبو معا أسراتو عفويتها و كلامها الموزون و تفاهتها أيضا اللي ماليها مثيل داك اليوم بضبط اللي حس بيها انثى ناضجة و بداخلها طفلة هادي هي خنساء بكل بساطة إنسانة لو يقلب العالم كامل ما يلقاش بحالها هادشي اللي قالو قلبو داك اليوم ...خنساء شافت فيقين و ابتاسمت و رجعات شافت ففريد و قالت ...خنساء: يقين داك نهار كان محتاج غير لصديق اللي غايقدر يفهمو و يخوي عليه قلبو أما سلطان فراه قلبو راه ماشي غير عامر هو راه فكر فالانتحار و باش يوصل لهاد درجة غايكون دخل فآخر مراحل الإكتئاب ربما بقوة اللي بقا عازل نفسو ما بقاش عارف شكون هو و شنو المغزى من وجودو غالبا غايكون حس بلي هو بوحدو رغم أنكم معاه يئس من الحياة لانه حاجة طبيعية واحد اللي غايبقا جالس فالغرفة ديالو 24 ساعة على 24 راه نورمال أنه غايكتئاب فااقد لذة الحياة ما كيدير والو حاس بلي وجودو فهاد الحياة ما عندو حتى معنىفريد و يقين كيسمعو ليها بإهتمام عجبهم كلامها اللي كيبين بلي هي فعلا إنسانة عارفة اش كاتقول و فريد ما ندمش لأنه أختارها هي بالذات باش تعالج ولدو اما يقين راه ساهي فتفاصيل حذيثها و كلامها تارة كيحس بيها إنسانة ناضجة و تارة اخرى طفلة بريئة ساذجة باغا غير تضحك كيحس بخنساء بدات كتخالط ليه مع العروق لدرجة غير كيشوف فيها كيبتاسم ياااالله شنو كادير فيه هاد البنت اما سوسن فراه مطلعة حاجب و منزلة لاخور ما حاملاهاش بتاتااا نورمال وهي كتشوف يقين غير حاضيها كتحس بلي بدات كتقرب لمنطقتها و كأي أنثى كتخاف على حبيبها من امراة أخرى غاتبدا تحس بالغيرة منها حاجة طبيعية ....فريد : تبارك الله عليك ما عندي ما نقول و لكن واش ولدي غاتقدري تعالجيه واش بصح غاتقدري ترسمي الابتسامة على وجهو واش تقدري ترديه لحياتو طبيعية و يبغي يتعالجخنساء بقات ساكتة كتشوف فيه كيفاش كيتكلمبحرقة على ولدو و كيفاش كيستنجد بيها ما قدراتش تقول لا رغم انها غير دافعة جبهة و دايرها فيد الله يا ذبحة يا ربحة ....خنساء: انا فالبحث ديال الاجازة ديالي هضرت فيه على الانتحار و كيفاش نقدرو نخرجو الانسان المكتئب من هاد الحالة يعني عندي معلومات كاافية اللي غاتقدر تعاونو و تساعدو و غاندير جهدي كاااامل باش نقنعو باش يعاود يدير العملية و يرجع يحس بالحياة ثيق بيا غاندير جهدي كامل واخا نعرف نعطيه العصا ههههفريد: هههه العصاا كااع نخاف عليك منو الجزء 146قلوب أرهقها العشق خنساء: ما عندو ما يدير انا ثايقة فراسي و فاش كندير الحاجة فدماغي كنوصل ليها كن هااني أ عمي فريدهزات كأس ديال الحليب كتشربو مع الكريب و كاتكل و هي تسمع فريد كمل كلامو ...فريد :ما تصوريش قداش فرحتيني ابنتي غاندير ليك عقد معانا الماكلة على حسبنا و غايكون عندك بيت معانا فالفيلا و بالنسبة لخلاص فراه غاتخلصي بمليون لشهر و الا جاتك قليلة نزيدكخنساء بقوة الصدمة وقفات ليها مسكينة ما عمرها تخيلات بأنها غاتقبط هاد المبلغ كاامل الشيئ اللي صدمها اواااه هي اللي ما عمرها ما لقات حتى خدمة ديال عشرين الف ريال غاتقبط مليووون دقة وحدة جاتها عجب زهرها يترجل معاها حتى لهاد درجة ....خنساء:كح كح كح كحكب ليها يقين الما فالبلاصة و ناض و قف حداها حاط يدو على ضهرها خايف عليها ؛ هبطات على الكأس ديال الما باش ترد نفس ....خنساء: احم كحيقين :شوية داباخنساء: الحمد الله شكرافريد : غير بشوية عليك ابنتيخنساء: شحال غانقبط أعمي فريد؟؟؟فريد: مليونخنساء: غانقولك اعمي فريد واحد الحاجة و ما ضحكش عليا راه هاد الكحة اللي كحيت دابا و الله حتى غير بصدمة وقفات ليا راه هاد المبلغ ما عمري كنت نحلم بيه حتى فالأحلام و نتا كتقولي الا ما كفاكش نزيدك الخير و البركة شفتي ولدك الا ما رديتوش مسطي و ضحكة واصلة ليه لودن و غايبغي الحياة و غايبغي يتعالج مانتسمااش أنااا خنسااءيقين و فريد ضحكو على كلامها ...فريد:هههههه عرفتي راه غير الا وقع هادشي اللي كتقولي راه هاديك هي دنيا و ما فيها بالنسبة ليا ثروتي نكتبها ليك مقابل ديك ضحكة على وجهو و نشوفو بصحيحتو و نشوف وليداتو راه قادر نعطي مال دنيا على قبلهاخنساء: أش غانقولك أعمي فريد و الله حتى انا غاندير جهدي على قبلك بدرجة الأولى حيت انا عارفك بشنو غاتكون كتحس كيقولو الكبدة صعيبة و صعيبة بزااف و على قبل ولدك سلطان ما بغيتوش يبقى حابس راسو و مكتائب فالوقت اللي بإمكانو يدير شحال من حاجة اللي غاتفرحوفريد : الله يرضي عليك أبنتي حتى من الأطباء النفسانيين اللي هدرت معاهم قالو بلي خاصو صديق و انا أكيد غاتكوني نعم الصديقة ليهيقين : [حط يدو على كتفها و أضاف ] صراحة الا قدرتي تبدليه راه خاصك وسام ملكيخنساء دارت عندو كان واقف عليها و قالت بعفوية ....خنساء: و نتا زعما ما كتحاولش تقرب لخوك و تهضر معاه يا خساارة ما ظنيتهاش فيك و نتا زعما كتقول قاري علم نفس لواه علم البااكوريقين ابتاسم على كلامها و قال ...يقين : اولا انا غير كنقرا كتب على البسيكولوجي ماشي قاري عليه بحالك او لا فالجامعة يعني غير مبتدئ و اون بلوس أنا ما عايش هنا ديما انا راه كنتنقل ما بين المغرب و لاميريك و معظم وقتي كانكون فلاميغيك ما عندي كي ندير واخا كنحاول معاه ما كنقدرش عليه مقصح راسو و قلبو لواحد الدرجة ما كتصورشخنساء : غير كيجيب ليك بالك الحديد و كيذوب الصخرة و كتفرتت العافية و كتطفى فما بالك بنادم الي غير من دم و لحم و عظم و شحم حتى حاجة ما مستحيلة فاش كنبغيو نوصلو ليهايقين : و نتي عرفتي علاش بعدا هو داير هاد الحالة فراسو و لالا ؟؟ كان نورمالمون خاصك تسولي على الأسبابخنساء:كنظن عمي فريد راه قال بلي هو مشلول و 24 ساعة على 24 و هو جالس فبيتو ما كيخرج ما كيدرج و زيد عليها بلي ما نجحاتش ليه العملية هادو أسباب كافية باش يدخل فإكتئابيقين : واش نتي عرفتي سلطان و لا ما عرفتيهش ؟؟خنساء : سلطان خوك شنو غانعرف فيه واش هو مشهور باش نعرفو ؟؟فريد نطق بحرقة و قال ...فريد: سلطان هو اللي كان مغني مشهور فالمغرب قبل خمس سنين تقدري تكوني كتعرفيهلحظة صمت و قلب كيدق بوتيرة سريعة عقل ما مصدقش هاد الكلام اللي جالس يقول فيه فريد واش بصح كلامو اللي يقول فيه و لا هي اللي ما كتسمعش مزيان واش بصح سلطان هو المغني المشهور اللي غاتمشي تقابلو واش سلطان نفسو عشق مراهقتها نفسو الشخص اللي كانت تبكي عليه حيت شافتو مع خطيبتو فالتلفازة ففترة مراهقتها و تقطع فتصاورو و تلصق فدفاتر واش هو نفسو اللي كان حلمها تحضر لسهرة وحدة ديالو واش هو نفسو اللي كانت تقيل تكتب فالأشعار على قبلو واش هو نفسو اللي كانت تمنى غير تشوف نظرة منو واش هو نفسو شخص اللي تكون بسبابو عندها مرض نفسي يسمى # بهوس المشااهير ؛ وديناتها تصمكو أما لسانها كأنه تسرط ما بقاتش قادرة تقول حرف واحد ....