💞 قلوب أرهقها العشق 💞 بالدارجة المغربية

💥 الفصل 46 💥

الجزء 446 سوسن طلقاتها بغوتة لدرجة كلشي التافت لجيهتها و تجوق عليها ..قابطة فبطنها و كتحس بحريق مش طبيعي الناس تفافات ما عرفو باش تبلاو خاصة خنساء و سلطان اللي كانو جالسين كيترومانساو حتى قفزهم صوتها ...يقين ما عرف شنو يدير تخلع اكثر منها و بقا قابط فيديها و ناس تايشوفو فيها ها اللي كيرشها بالما ها اللي كيصحاب ليه غير حريق و يفوت كلها و شنو كايقول ليه بالو ...سلطان فالبلاصة هبط من المنصة و تبعاتو خنساء لعندها ....سلطان : تنفسي غير بشوية عليكسوسن كتحرك راسها بالنفي و مغمضة عينيها الم رهيب كتشعر بيه فبطنها بحال سكاكن كيتحشاو فيها ما بقاتش قادرة تصبر ....سلطان شاف فيقين اللي رجع وجهو شاحب و تخلع اكثر منها ما عرف شنو يدير ...سلطان : يقين هز مراتك غانديوها لعند طبيبميلودة شافت يقين ساااهي ما سمعش كاع اش قال ليه سلطان ...ميلودة : يقين سربي هز البنت راه يقدر يكون موعد ولادتهايقين عاد فاق من سهوتو و شاف فيهم و قال بتوتر ...يقين : و لكن طبيب قال لينا مزالخنساء: و هزها أ يقين المهم نديوها لطبيب و نشوفو شنو عندهايقين هزها من فوق الكرسي و سوسن كتحس بحريق و شحطات فجنبها حتى كتقفز ألم فظيع تايقطع فلحمها ...سلطان شاف فميلودة و فواليديه و قال ...سلطان :غانمشي معاهم يقدر يكون غير حريق عادي و غانرجعو واخافريد: غانمشي معاكم لربما تحتاجو شي حاجة و لا تمشي تولدسلطان : لا غير جلسو نتوما مع ناس شنو ما كان غانعلمكمخنساء: غانمشي معاكسلطان : واخا يلاهخرجو من القاعة و بان ليهم يقين قلع بالطوموبيل فالبلاصة حتى هوما طلعو باش يتبعوه ديمارا سلطان و شدو طريق للكلينك ....خنساء: مسكينة بقات فيا على الله يفوتها هاد الحريقسلطان: الله يسمح لينا من الواليدين العذاب الاليم صراحةخنساء: على الله ما يكون عندها والوسلطان : نتمناوخنساء: ههه تصور تولد اليوم و نهزو بنيتة ديال يقين بين يدينا الله على إحساس تايحمقوني دراري صغارسلطان : و شكون اللي ما تايعجبوهش دراري صغار تاتكون فيهم واحد الكيوتنس و واحد البراءة زوينة بزاف داكشي علاش حتى انا باغي غير نتزوج نولدو فالبلاصة ما كاين لا عام لا خمس سنينخنساء: داكشي بيه فيه واه ناس تايثبتو و يشوفو شنو كاين عاد تاينوضو يبلزو الولادسلطان : اش عوالة تشوفي ؟؟؟خنساء شافت فيه و غلباتها الضحكة و قالت ..خنساء: يشوفو واش الاجواء مناسبة للولاد و لالا ؟؟سلطان : ما فهمتش ممكن تشرحي اكثر ؟؟خنساء: زعما نشوفوك واش تصدق و لا ما تصدقسلطان : هادشي كامل اللي دوزناه مزال باغا تشوفي واش غانصدق و لا ما نصدقخنساء: اوا الواحد ما تعرفو حتى تعاشروسلطان : واش حنا ديال هادشي ا خنساء الله يهديك ابنتي واش باغا تحمقني منين خرجتي بهاد البلان ثانيخنساء: هههه و غير كنضحك معاك بغيتي الولاد اسيدي نشبعوك ولاد غير ارتاحسلطان : شوف الله اش قالخنساء: اوا نتمناو الخير انا بعدا تايعجبوني البنيتات كاتجيني تربيتهم ساهلة على الولاد و تلبسي ليهم كسيوات و تشري ليهم مونيكات و داكشي كيوت ماشي بحال دراري تاتجيني تربيتهم صعيبةسلطان : أ لالا نتي غير ولدي لينا حنا نتكلفوخنساء: ا حياني عليكم أ رجال كتقولو دابا هاكا و فوقت المعقول تاتلوحو كلشي على المراةسلطان: حيت مزال ما تتعرفينش مزيان داكشي علاشخنساء: اوا باش قلت ليك نشوفك واش غاتصدق و لا ما غاتصدقشسلطان : راه غانجمع معاكخنساء: هانتا بديتي تبان على حقيقتك من دابا باغي تجمع معاياسلطان شاف فيها و ابتاسم و رجع شاف فطريق و سكت ...خنساء: مالك ؟؟سلطان : نيتك خايبةخنساء: انااا علاه مالي شنو درت ليكسلطان : علاش فهمتي غانجمع معاك هي زعما غانضربك ؟؟خنساء: اوا هذا هو معناها اللي قالك غانجمع معاك معناتها غانجمع معاك بشي صقلةسلطان شاف فيها و ابتاسم و غمزها و رجع شاف فطريق و جاوبها بهدوء ...سلطان : و علاش اللي ما تفهميهاش نجمع معاك بشي بوسة مثلا ؟؟ هممالجزء 447 خنساء حنات راسها غالباها الضحكة و شافت فالسرجم متفادية تشوف فيه حيت حشمها بكلامو زعماا و فجأة تفكرات طلب الزواج اللي قدمو ليها و شافت فيديها بان ليها الخاتم ديال الذهب كيلمع جاي سامبل و بسيط و فيه حجرة فالوسط كايجي شيك فلبسة ابتاسمت غير هي و راسها و بقات ساكتة و ساهية مدة فيه حتى سمعات صوتو ...سلطان : عجبك ؟؟خنساء هزات عينيها شافت فيه و قالت ...خنساء: اربي السلامة حاضيني دابا تربح روبينيسلطان : ما عندي شكون نحضي من غيركخنساء: يا خويا بنات طاسيلتك شحال كانو كيشوفو فيك غير ربي صبرني اما كن ريشت شي وحدةسلطان ضحك و ما جاوبهاش ...خنساء: و لهيلا كلشي حال فيك فمو تقول نتا هو طوم كروزسلطان :غير جاب ليك بالك يقين هو اللي بنات العائلة مكاليين فيه اما انا بعيد عليهمخنساء: حتى نكون عورة و ما كنشوفشسلطان : كنهضر معاك انا واخا هاكاك عاطييني تيساعخنساء: فالزين نتا احسن من يقين بزااافسلطان : وايلي ؟؟خنساء: اوا و شنو نتا حريفاتك كحلين و عندك لحية و صحيح عليه و طويل نتا احسن منوسلطان : ما كنتش فخباريخنساء: و شكرني على المعلومةسلطان : هه شكراوقف الطوموبيل حدا الكلينيك اللي دخل ليه يقين خرج هو و خنساء و تبعوهم لقاو يقين واقف فالكولوار كيساين شنو غايقول ليه الطبيب و متوتر بزااف ....وقفو حداه و سلطان ربت على كتفو و قال ...سلطان : كلشي غايكون مزيان ما عندك مناش تخافيقين هز راسو شاف فخوه و حركو بالايجاب و حنى راسو متفادي يشوف فخنساء ...خنساء: دابا تصورو معايا تصدق واالدة و نهزو بنيتك أ يقين بين يدينا الله على إحساس شحال زوينيقين هز راسو مجددا و بقا ساهي فخنساء و ابتاسم ليها ما قال والو ...سلطان : و تقول ليك بابا يقينخنساء: اويلي على تقوليه بابا غا عول حتى توصل لسبع شهور عاد تبدا تنطق شويةسلطان: تمنيتها تقول عمو قبل من باباخنساء: تسطيتي علاه كاين شي بيبي كايقول عمو هو لولسلطان : ممكن توقع معجزةخنساء: تسالا زمن المعجزات غير بلا ما تحلميقين : غير ما يكون عندهم والو و تقول بنتي اللي بغاتسلطان : ما غايكون غير الخير إن شاء اللهخنساء: شنو عوال تسميهايقين : على سمية ماما الله يرحمها زينبخنساء بقات كتشوف فيه و تفكرات بنت خالتها زينب و بقات ساهية كتشوف فالفراغ و طلعات تنهيدة من اعماقها و قالت بابتسامة ....خنساء: الله يجيبها على خير يا ربي و الله يعطيها صورة المكمولة يا ربييقين : الطبيب قال لينا حتى la semaine prochaine عاد غاتولد ما فهمتش انا هاد الحريق منين جاهاسلطان : ماشي ديما كايكون داكشي اللي قال طبيب exactخنساء: بصح ممكن تولد قبل ممكن بعد داكشي كايبقى غير إحتمالاتدازت شي خمسة دقايق و هو يتم خارج الطبيب من عندها غير شافوه كلهم قصدوه ....يقين : شنو كاين عندها أ دكتورطبيب : هاد الوجع كايجي ما قبل الولادة ما عندكم مناش تخافو ولادتها قريبة داكشي علاشسلطان : و فوقاش تقدر تولد ؟؟طبيب : الاسبوع المقبل إنشاء اللهخنساء: ياك صحتها هي و البيبي مزيانطبيب : وي حمد لله ما كاين مناش تخافويقين : نقدرو نشوفوها ؟؟طبيب : وي تقدرو غير عطيتها دي كالمون هدنو ليها الحريق شوية و تقدر تخرج دابا ما كاين حتى مشكلسلطان: شكراانصارف طبيب و دخلو عندها كاملين لقاوها متكية فالسرير و شادة على كرشها غير شافتهم ناضت بشوية عليها و يقين قرب ليها و قاد المخدة من مور ضهرها و هي بقات غير كتشوف فيه بدوك العوينات الخضيضرين مرر يدو على شعرها بلطف و قال ...يقين : شوية دابا حبيبة ؟؟؟خنساء حلات فيه عينيها و شافت فسلطان اللي كان ديجا كيشوف فيها و قربات لودنو و همسات ...خنساء: واش سمعتي اللي سمعتسلطان : العلاقة بيناتهم غادة فتحسن حمد للهخنساء: حمد للهسوسن حركات راسها بالايجاب و خدات يد يقين و حطاتها على بطنها و قالت بابتسامة ....سوسن : بنتك كتعدبنييقين : قريب تخرج و تهنايسوسن : ان شاء اللهقربات ليها خنساء و سلطان ...سلطان : شوية دابا ؟؟سوسن : شوية خويا قبيلة كنت كنموتخنساء دفعات يقين و حطات يديها على كرش سوسن و بدات كتكلم بصوت طفولي ...خنساء: وينو على الكتكوتة بغات تخرج قبل الوقتسوسن ابتاسمت و هزات راسها خنساء و شافت فسوسن و قالت ...خنساء: الله يا ختي هاد البنيتة عندكم مشاغبة خسرات ليا لحظة رومانسية اللي كنت نحلم بيها من زمانسوسن : ههه سمحي ليا بزااافخنساء: هانية غير منين ما عندكم والو هادي هي دنيا و ما فيهاالجزء 448بعد مرور ثلاث ايام سوسن و يقين و سلطان و خنساء رجعو للعرس و كملو الحفلة كأن شيئا لم يكن داز عرس مطرطق خلاو الفام كلها تهضر عليه و بالخصوص عرض الزواج ديال سلطان لخنساء اللي كلشي استغرب من وجهها اللي عامر برص و علاش اختارها بالذات و شنو عجبو فيها و ناناني نانانا و القيل و القال ديال الناس اللي ما كيتقاضاش داكشي علاش الواحد يدير الحاجة اللي مسلكاه حيت كلام ناس ما كيتقاضاش و لو دير اللي درتي غايهضرو غايهضرو ....دازت ثلاثة ايام على حفل الزفاف مراد و ماريا مشاو لجزر المالديف يدوزو شهر العسل تفرقات الجقلة كيفما كنقولو و كل غازي قصد بلادو الا عائلة خنساء اللي بقات مع عائلة الزعيمي فالدار و هدا كان طلب من سلطان باش يكون عقد القران عندهم فالفيلا لان الوثائق كلها واجدة و بما ان طرفين متفاهمين اللهم يسرعو فالزواج لان خير البر عاجله فؤاد و ياقوت اجلو زواجهم على ما تجي مراد و ماريا من السفر باش تحضر ماريا بنت فؤاد اما سلطان مزروب على رزقو حلف اليوم حتى يطرق المسماار ...خنساء كانت جالسة فالبيت اللي عاطيينها ببينوارها ديال الحمام و دايرة فوطة على راسها و متكية من فوق السرير و هازة عصير فيديها كتشربو بلاباي و ساعة ساعة كتفرنس منين كتفكر بلي اليوم غايتربط إسمها بإسم الشخص اللي بغاه قلبها قبل حتى ما تعرفو ...خنساء: اييه أ لياام شكون كان يقول خنساء يتسقم سعدها و تزوج بسيد رجال سي سلطان زعيمي و تعيش فهاد الخير اييه هاد الدنيا فشي شكلشداتها الهيستيرية ديال الضحك كتشرب فالعصير و تضحك حتى فجأة تحل عليها الباب و ناضت وقفات من بلاصتها ..خنساء: شكون ؟؟؟دخل سلطان لعندها هاز بوكي ديال الورد و بواط متوسطة فيدو ...خنساء: س..سلطانسلطان طلعها و هبطها شكلها جاب ليه الضحكة مع ديك البينوار و داك الفوطة اللي لاوية على راسها جا شكلها هارب ...سلطان : [ غمزها ] بصحتك أ المعذبانيخنساء : يعطيك الصحة و لكن لاش داخل عندي خرج خلينا نلبسو حوايجنا و لا دق فالباب عاد دخل اويلي نتا مدرم عليا ما عرفتيني عريانة ما عرفتيني لابسةسلطان حط داكشي اللي كان هاز فيدو من فوق الطبلة و دار يدو فجيابو و قال ...سلطان : قريب يولي كلشي دياليخنساء٠: اوا مزال أ خا ما وليتش ديالكسلطان : هاد الفظاظة ديالك غانحدها ليك غير بلاتي عليكخنساء : [ غمزاتو و ربعات يديها ] دابا نشوفوسلطان : كتحدايني ؟؟خنساء: الحساب على التاليسلطان : [ ابتاسم ] الحساب على التالي و دابا لبسي حوايجك باش ما يفرعكش البرد و نزيدك من دابا ساعة غايجي العدول لبسي حوايجك الله يرضي على بنتي باش فاش يجيو يلقاوك واجدةخنساء: واخا و دابا خرج لا تمشي تجي مي تلقاك عندي و تصدق دايرة ليا فيها محاضرةسلطان : كتجري عليا ؟؟خنساء : و دابا ها العار لا ما خرج أ المصيبة راه غاتجيب لينا شي تهمة ما هياشسلطان : ناس تايقولو شكرا على الكادوخنساء: يعطيك الخير و الخميرصيفطات ليه بوسة فالهوا و قالت ...خنسا: هاك ها بوسة فالهواسلطان حك شعرو و ضحك و قال بمشاكسة ...سلطان :طيبتيني بهاد البوسان عن بعد ما كاينش عندك فالقاموس بوسان عن قرب ؟؟؟خنساء: قريب ندخلوه المرة الماجية غير رجع زور المحلسلطان هبط راسو و مرر يدو على لحيتو كيضحك و رجع شاف فيها و قال ...سلطان : شنيولة احسن لقب يجي معاك هانا مشيت من دابا ساعة نلقاك لتحتخنساء: شنو جبتي ليا بعدا ؟؟سلطان عطاها بالضهر و قال ...سلطان : حتى تكتاشفي راسك