💞 قلوب أرهقها العشق 💞 بالدارجة المغربية

💛الفصل الثاني💛

بارت 4 قلوب أرهقها العشق خنساء: اوا حتى يتزاد ونسميوه حمااد دابا ماشفت راجل وأضف إلى معلوماتك زوااج محيداه من بالي بتاتا باغا نخدم اعباااد الله باغا نخدم واش ما كتفهموش وزايدون الموصفات ديال راجل اللي غايخطف قلبي من صدري وغاندير على قبلو هاد تضحيات كاملة ماكاينش فالمغرب والله ماكاينياقوت:هي هاد راجل غايكون ملون بشيبيخنساء:لواه الخنوني رااجلي بزاااف عليكياقوت: ههه شفتك دخلتي فدورخنساء:اودي كثرة الجلوس فدار راه كتحمق بدا كيطير ليا الفريخ المهم غانمشي نتوضا نصلي ضهر وندعي الله نلقا شي خديمةياقوت: وعلاش ما تدعيش تلاقاي بشي راجل أ هههخنساء :شفتكم نتوما كاتسناو غير الفرصة فين تكركبوني تقولو هازيني على كتافكمياقوت: اوا انا غير قتارحت عليكخنساء: سيري سيري قابلي مادليناتك وفوتيني عليك [دخلات للحمام و بدات كتبركم ]ولهيلا قالك شي راجل لواه البعابعدخلات للحمام توضات وخرجات نشفات وجهها بالفوطة اللي كانت معلقة حدا واحد لافابو صغير حدا دخلة د الباب ...علقات الفوطة وشافت وجهها فالمراية مدة طويلة من زمن ماحسات براسها حتى لقات يديها كيتحسسو ملامح وجهها الاسمر المزين ببقع كبيرة بيضاء فوسط وجهها كامل الناتجة عن مرض جلدي كيتسمى البهاق او البرص ...خنساء:أكيد كن ماكانش فيا البرص كنت غانكون زوينة بزااف شعري طويل ورطب وكحل عيني واخا صغار وكوحل زوينين كن ماكانش هادشي اللي فوجهي كنت غانبان بحال شي هندية ولكن مع الاسف أودي [سكتات مدة و رجعات كملات كلامها ] كاين اللي وجهو كامل محروق وكاين اللي ماعندوش شعر وكاين اللي كيتمنى نعمة البصر وكاين اللي فاقد نعمة شم وكاين اللي فمو عوج وكاين اللي كيتمنى يمشي على رجليه و لكن نتي أ خنساء خاصك تحمدي الله وما تبقايش تقولي هاكا ياااربي تسمح ليا [مررات يديها على وجهها و قالت ] اعوذ بالله من شيطان رجيم قالك واحد المثل فعوط ماتبقا تهز يديك وتطلب من الله شنو ناقصك خاصك تحمد الله على شنو عندك والله ماكدبوحنات راسها واتاجهت لبيت نعاس ديال ختها هزات الصلاية ولبسات جلابة و لوات عليها زيف وخرجات لصالون فرشات الصلاية وصلات صلاة الضهر ...سلمات وناضت طوات صلاية واتاجهت لبيت نعاس ديال ختها حطات صلاية وحيدات جلابة علقاتها من مور الباب ..دورات وجهها بانت ليها يارا بنت ختها ناعسة فوق ناموسية تمشات خنساء غير بشوية على ريوس صبعانها وحنات على ركابيها وبدات كتمرر يديداتها على شعرها الأسود طبعات قبلة فجبينها ...خنساء ضحكات بلا هواها وسهات فيها وكتقول مع بالها واش ممكن يجي نهار اللي تكون عندها بنيتة بحال يارا ؟؟ولا هاد الحلم مستحيل يتحقق ؟؟ وحتى الا ما تحققش ماتكرهش تربي شي بنيتة وتصرف عليها من مالها الخاص وتهلا فيها عزيز عليها دراري صغار كتحس بيهم قراب لقلبها هوما اكثر ناس كيتقبلوك كيفما كنتي سواء بيض ولا كحل وكيفما كان شكلك يكفي انك تبتاسم ليهم وتلعب معاهم غاتولي عزيز عليهم ويحبوك من قلبهم ماكيعرفوش الحقد ماكيعرفوش الكره قلبهم أصفى من البياض نفسو ...سمعات صوت ختها من فوق راسها قالت ..ياقوت:دغيا كملات عاامينخنساء هزات راسها وشافت فيهاخنساء:وييه الايام كطير ياختي كي البرقياقوت:الايام كتجري وحنا ماحاسين بيها الله يكبرنا على طاعة الله ورسولهخنساء:أميين عاقلة عليها بحال عاد البارح جبتوها لينا ملوية فالايزار وما عندها حتى سنة وقريرعة شوف دابا دغيا تبارك الله كبرلها شعر و كبرو ليها سنينات دازت عاامين أ صاحبتي والله حتى الايام كتدوز بلمح البصر فخبارك انا براسي والله ما مثيقة بلي عندي ثلاثة و عشرين عام عند بالي مازال فعمري 18 العام بحال عاد البارح كنت كنبريباري لباك هانا دابا عندي الاجازة وما درت بيها والوبارت 5 قلوب أرهقها العشق ياقوت:مدبرها حكيم دابا إنشاء الله تخدمي وتوضفي شي وضيفة زوينة وديري دار و طوموبيل و تدي باك و مك للحج و تسافري وديري كاع داكشي لي فبالك غير خلي ثقتك بالله كبيرة نوضي تغداي راني سخنت ليك الغدا وحطيتو ليك فوق الطبلةخنساء:واخا شكرا نتي تغديتي ؟؟ياقوت:انا قبيلة تغديت مع بلالخنساء :مزيان يا لالا كيتي انا اللي سيليباطير نتغدا غير انا و الحيوطياقوت:ههه وهاكاك غاتبقاي لوالديك حتى تديري نفس وتدبري على شي بوركابيخنساء:وزواج خليتو ليكم انا أ لالا عزيز عليا نتغدا بوحدي عزيز عليا نبقا وحييييدةناضت خنساء وخرجات لصالون لقات فعلا ختها حاطة ليها الغدا فوق طبلة اللي كان عبارة على طبسيلة ديال لوبيا وحاطة ليها الهريسة مع تفاحة فطبيسيل خرجو لقلوبة من عويناتها ومع هي كتسطا على شي حاجة سميتها اللوبيا وجوع قااتلها مع من صباح ماواكلة حتى لعبة طاحت عورة فداك طبسيلة ومع يد ختها لديدة صافي لقات مابغات كتحس بسعادة فهاد اللحظة وهي كضرب داك طبسيل ديال اللوبيا ربما لو مشات لأفخم المطاعم ماتحسش بهاد السعادة اللي غمراتها فهاد اللحظة داكشي علاش الواحد خاصو يتعلم يخلق السعادة من أشياء بسااط ...كتاكل وكتبنن بحال شي موحمة وكتشطح بشعرها كتصرف بحال المجنونة ...خرجات ختها هازة يارا فيديها حيت فيقاتها باش تبدل ليها وتوكلها شافت فختها لقاتها كتجدب غير هي وعظامها ياقوت: الله يرد بيك ابنتي الحماق ماشي كلهم فطرونط سيسخنساء : أختي الله يعطيك الصحة هادشي بنين بزااف اجي ماتكونيش دايرة ليا فيه الحشيش حيت حسيت بهرمون الدوبامين فداتي طالع (هرمون سعادة )ياقوت: لواه درت ليك فيه الشراب لهلا ينزل علينا باطل غير نتي اللي فالتين ليك ريزويات داكشي من عند اللهخنساء: عاد عرفت علااش كايعايروني وكيقولو ليا يااقوت مجهدة عليك فالطياب والله ماكدبو انا تغرمت بطيابك كن غير شاركتي فمستر شاافياقوت جلسات من فوق السداري وعطات لبنتها تاكل و قالتياقوت: لواه الباكور الهندي [سكتات مدة و بقات كتشوف فيها وكملات كلامها ] كبيدة ديالي خنساءخنساء هزات راسها و شافت فيها مطولا وقالتخنساء: ماعرفتش علاش إحساسي كيقولي بلي مور هاد كبيدة ديالي خنساء كاينة شي حاجة فيها إن وأخواتها و باها و مها و طاسيلتها كاملة غير طلقيهاياقوت سرطات ريقها وجاوباتها :ياقوت:هانتي عارفاك أحبيبة عياانة ومطحطحة وباغا غير ترتاحي ولكن غانطلبك طليبة و ماترديهاش ليا فوجهيخنساء كتقشر تفاحتها وكتجاوبهاخنساء:شوفي قولي ليا اي حاجة الا نتسخرياقوت : عفاااك خنساء هاالعار ماعنديش من غيرك اللي غايتسخر لياخنساء: كتقطعي فالقلب يالاه قولي شنو باغا نجيب ليك ؟؟؟ ياك غانتسخر ليك غير عند حماد مول الحانوت؟؟؟ياقوت:لا خاصك تمشيليا حتى لسونطر villeخنساء :نعااام أالحبيبة كاحمقتي كاهبلتي كاخرجلك العقل واش من نيتك كاتشوفيني عيااانة راسي كيتشق ورجلي طابو من صباح وانا ندور من شركة لشركة حتى تقطع ليا صباط ودابا باغا نهبط ليك حتى لسونطر ville واش من نيتك أبنت ميمتي وبوياياقوت:ومالك كطيري من المقلة راك غاتمشي فطاكسي ماشي على رجليكخنساء: شنو بغيتي بعدا ؟؟ياقوت:صوبت ليارا لطارط ديال عيد ميلادها عند واحد المحل فسونطر ville سميتو "الكعك الملكي " وخاصك ضروري تمشي تجيبيها لياخنساء:وعلاش اللي مايمشيش بلالياقوت: بلال ماغايجي حتى لسبعة د العشية وغايكون عيان الحبيب ديالي و زايدون غايكون مشا الحالخنساء: اهاه هو الحبيب ديالك غايكون عيان وأنا خلاص دنيا هانية اوا اش غانقولك الدنيا بالوجوه والآخرة بزراوطياقوت:وما تزيدش فيه على قبل يارا عفاااكخنساء تنهدات ومسحات يديها بكلينيكس وشافت فختهاخنساء:يالاه اري الفلوس ديال طاكسي وديال سخرتي وديال لاطارطياقوت:الله يرضي عليك ابنت ختهاخنساء ضحكات وجاوباتهاخنساء:ياختي كتعطي لحلاوة لسان حكةياقوت:تسناي نمشي نجيبلك الفلوسحطات يارا فالارض ومشات عند خنساء كتضحك معاها هزاتها من الارضخنساء:شفتي على بلان خرجات لينا بيه ماماك ولكن كلشي على قبلك يهون ياااختي كتحمقي ناااكلك ناااكلك [باستها فعنقها ] قولي خنساااء خنساااءيارا بدات كتبجغط وكتخربقيارا:خيخي....ماااماااخنساء:اويلي على خيخي لواه كيكي فآخر ايامي نتشوه مع البراهشخرجات ياقوت من البيت وحطات ليها من فوق الطبلة 300 درهم وقالتياقوت:هانتي هاهي ستالاف ريال الحلوة كدير بخمسالف غاتشيط ليك خمسين درهم طلعي بيها وهبطي فطاكسي واللي شاط ليك خوديهخنساء:اويلي على واخدة الحلوة بخمسالاف بزااف أصاحبتيياقوت:وراه فيها الكركاع واللوزخنساء: ههه ضحكتيني يصحابلك كيديرولك فيها اللوز و الكركاع راه كيديرولك غير ريحة المهم هانا غادي نمشيعطات يارا لماماها ووقفاتياقوت:هانتي ردي البال عنداك تمشي تطيح ليك ولا شي حاجة عارفاك نتي شوية مفافية غير نتي وعضامكخنساء: ودابا بنالك براهش عاد كتوصي فياياقوت: نصيحة ماكتقتل ما كتحيي المهم غير باش نعلمك الا مشات حتى طاحت ليك ولا شي حاجةغير بقاي تماك لاتجيشاي حيت اكيد غانقتلكخنساء:[كتهز فحجبانها كتفقصها ] غانطيحها بالعاني يالاه واموتي بسمياقوت: ههه وصافي نعول عليكخنساء: نعسي على جنب راحة هانا مشيتلبسات صباطها واخا مقطع حالتوياقوت: غاتمشي بداك صباط ؟؟خنساء: اوا شنو غادي نديرياقوت: رجليا أصغر من رجليك اما نعطيك تلبسي صباطيخنساء: اودي حتى نتي حتى لغدا ونمشي نشري شي سباط اصلن ماغانتعطلش بزافياقوت فتحات ليها الباب وكتسمعها كتوصي فيهاياقوت: ردي البال لراسك الله يرضي عليكخنساء : وصافي راه هضرنا أصاحبتي مالنا كانرضعو صبعنابدورة باش كدور كتزهق ليها رجليها فالقشور د البنان وكتجي مزدوحة لارضخنساء: اااايياقوت ضربات حنكها بيديهاياقوت: ياااختي غير بشوية عليك هااللي قلتلك ياك ماتقصحتيش بعدا ؟؟.ناضت خنساء من الارض وكتسوس فسروال ديال تجين اللي لابسة وقالتخنساء: ضرني قاعي شوية ولكن شكون اللي داير القشور دالبنان هنا تفوياقوت: هداك ماغايكون غير ياسر ولد جارتي المهم ردي البال لراسك شوفي شحال من مرة قلتهاخنساء: المهم تهلاي هانا مشيتعطاتها بضهر وخرجات من باب العماارة بقات واقفة فالمحطة ديال طاكسيات ...طلعات فطاكسي داها لسونطر ville خلصاتو هبطات وبدات كتقلب على المحل اللي قالت ليها ختها حتى لقاتو دخلات عطاوها لاطارط خلصاتهم وخرجات ...بقات غادة وهازة فيديها كرطونة مربعة الشكل فالابيض وبقات واقفة كتساين طاكسيات حراام واش بغا يوقف ليها شي طاكسي زاادت عياات وملااات ضربات رجليها مع الارض مفقوصة ...خنساء: يالاه وزيدي مع هاد مالين طاكسيات حراام واش كيبغيو يوقفو خزيت على نهار باين من صباحو واش النهار اللي يبدا بتقطاع ديال السباط هدا نهار أعباد الله ....بقات غادة ومع دنيا خاوية وشمش بدات كتعيا ورجليها بداو كيتنملو عليها وكتدعي الله فنفسها تلقا شي طاكسي بالهزة باش كتهز راسها كيبان ليها واحد طاكسي بعيد عليها شوية كيحط واحد المراة فطريق حلات عينيها على وسعهم أالله و اخيرا لقات طاكسي ماحسات براسها حتى بدات كتجري و كتغوت ..خنساء:طاكسي طاااكسيو من الزهر باش توصل ليه خاصها تقطع واحد الشانطي و بقوة التلفة ماشافتش الطوموبيل اللي جاية حتى كايتسمع حكان روايضها فالأرض معقول تكون ضربتها ؟؟ ..بارت 6 قلوب أرهقها العشق خنساء تفافات وتخلعات بهاد الطوموبيل الي ماعرفاتها منين خرجات ... تزدحات لارض واما الكارطونة ديال الحلوة طلعات حتى لآخر سما ولسوء الحظ تحلات العلبة وطاحت عليها لاطارط خرمزات ليها وجهها وشعرها بلكريم وتوسخات حالتها كاملة مابقاتش فاهمة كيفاش واقع ليها بقات مصدومة وتفكرات واحد المسلسل تركي وقعات فيه بحال هاكا ضحكات على راسها معدرهم قالو كثرة الهم كضحك ماحيلتها لحالتها ماحيلتها للحلوة اللي ضاعت ماحيلتها لختها اللي قالت ليها الا طاحت ليك الحلوة ولا وقعات ليك شي حاجة غير بلا ماتوريني كمارتك دابا شنو غادير وشنو غاتقول ...تحل باب طوموبيل وانبعثات منها ريحة رجولية قوية وصلات حتى لخنساء اللي كانت ملقاة على الأرض حسات بشي واحد واقف عليها استقرات عينيها فالحداء الرياضي اللي كان لابس فرجلو بقات طالعة بعويناتها كتشوف فهاد الجسد الضخم ومع كان طويل بقات طالعة بعينيها حتى سخفات ولكن الصدمة هي منين تلاقات عينيها مع عينيه وشهقات شكلو غريب ماعمرها شافت بحالو شخص طويل وصحيح و زعر واللي زاد الطين بلة شعرو اللي كان طويل فالمارون فايت كتافو وطالقو ...اما لحيتو كانت كثيفة ولونها بحال لون شعرو واللي زاد صدامها هو الوشام اللي كان فيدو اليسرى تقريبا يدو كلها وشام حيت كان لابس تيشورت بين داك الوشام بشكل واضح بزااف ...خنساء سرطات ريقها وبقات كتشوف فيه مدة وهو كيبادلها نظرات جاها شكلو بحال شي ميريكاني وغالبا ماغايكونش ولد البلاد اواه ماعمرها شافت شي مغريبي بهاد الشكل مستحيل يكون مغربي شكلو صدمها حتى نسات كاع شنو وقع ليها معاه ...عينيها كيرمشو فيه وريقها نشف مع ديك الحرارة وما نطقات بحتى حرف وحتى هو كذلك... كتسناه يدير شي ردة فعل حيت هي مازال غير كتحاول تستوعب الشكل ديالو الغريب ...حنا على ركابيه باش يجي فنفس مستواها وحط يدو على كتفها بانتلو كترعد غير هي وعظامها حيد نظارات الشمسية من عينيه وبان لونهم الأخضر اللي خلا خنساء تزيد تحل فمها فيه وتزيد تأكد بلي هو ماشي مغربي ...ساد الصمت لثواني حتى نطق بصوت رجولي طاغية عليه لكنة أمريكية ...-Are you okay *واش نتي بخير *خنساء :والله حتى كنت عارفة بلي نتا ماشي ولد البلاد [وقفات من الارض بسرعة وكتحاول تحيد داك الكريم من وجهها بيديها وكتشوف فيه ] عرفتي شنووو درتي ولا ماعرفتيش نتا راك خرجتي عليااا ختي اليوم غاتقتلني وغاتاكلني بلا ملحة أنا أصلن من يووووم يوومي منحوسة مااايمكنش شي نهار يدوز بلا إثارة وتشويق فحياااتي عارفاك ماكتفهمنيش وكتقول هاذي مالها كشاكشها خارجين ولكن الغلط ديالي اناااا اللي غادة مدرمة كي البهيمة وأصلن حتى كن ضربتيني [شافت فسيارتو اللي كانت من نوع راانج روفر فالأسود ] نتا ماغايديو منك لاحق لاباطل وحتىكن قتلتيني كااع حيت اولا ماشي مغريبي وثانيااا باينة فيك ولد الفشوش وملعق بحالي انا اللي كنقيل نفتش على خدمة من شركة لشركة الا بغيت غير فلوس الحمام ماكاينش اللي يديرهم ليا فيدي تفوووو تفوووو علااااش كيوقع ليا هادشي ياااربي ....سالات كلامها وبدات كتنهج وكتحس بدمعة سااايلة على خدها تجمع عليها كلشي فدقة وحدة وفشات قلبها مزياان كانت محتاجة تهدر وتخرج الطاقة السلبية اللي عندها لداخل دارت يديها على جبينها وصدرها كيطلع ويهبط كتحس براسها مخنوقة ....حولات نظاراتها وشافت فيه لقاتو كيحدق فيها بإستغرااب ومن حقو يشوف فيها بهاد الشكل وهي طرطقات فوجهو كي القلية ...خنساء:واااشوف فياا راني كنولد القرود [ضربات رجليها مع الارض ] هاد عينين جلبانة هدا أصلن ماكتفهمنيش ماكتفهمنيش اللهم نبرد فيك غدايدي والاعصاب اللي ركبوني فهاد اللحظة واخا الغلط ديالي ولكن حتى نتااااا يا عينين جلباانة عندك دخل فيه [دارت يديها على جنابها بجوج كتنهج و كتطلع فيه وتهبط ] الله يااخويا مالك على ديك الغوفالة ماعندكمش الحلاقة فميريكان ولا كيفاش ؟؟ [حطات يديها على قلبها و كملات كلامها ] بغيت نتواصل معاك ونقولك ماشي مشكل بلونجلي ولكن ما عنديش معاها ما كنعرفش ليها من يامات ليسي ماقريتها ولكن بلاتي عارفة واحدة الجملةقربات ليه ووقفات عليه وكتمسح دموع اللي فعينيها ودارت ليه لايك بيديها خنساء: i'm ok thank you *انا مزيان شكرا *