💞 قلوب أرهقها العشق 💞 بالدارجة المغربية

❤الفصل 68 💛

الجزء 205قلوب أرهقها العشق واقفة حدا الباب الخشبي الأسود ديال سلطان شكون من غيرها خنساء اللي كانت ماسكة ما بين يديها صندوق من ورق بعدما رجعو من البحر طاحت على بالها فكرة اللي غاتقدر تساعد سلطان باش يقتانع و يرضى بقضاء الله و قدره ...حلات الباب بشوية و دخلات لعندو كان ضو شاعل يعني مزال ما نعس خطات خطوات لداخل و بان ليها فمكانو المعهود جالس فالكرسي المتحرك حدا البالكون قربات عندو و هي تسمع صوتو الرجولي الرنان اللي كايتميز بيه غير سلطان بوحدو ...سلطان:[ بابتسامة ] حور الليلجفلت فمكانها منين نادى بلقب ديالها التافت عندها بالكرسي المتحرك مع ابتسامة و وجهو مبشور احسن من قبل حسات بقلبها كيتراقص على إيقاع السعادة بقوة الفرحة اللي كتحس بيها من تعابير وجهواللي خلاتها تحس بلي كلامها وعلاجها ليه بدا كيعطي نتائج إيجابية ..سلطان:كنت كنتسناك تجي عنديحلات عينيها على وسعهم من نبرة صوتو الحنونة و الاكثر من هدا جملتو اللي زعزعات قلبها و لعبات بمشاعرها ابتاسمت و حطات داكشي اللي هازة فيديها من فوق الطاولة الخشبية السوداء و قربات ليه و قالت ...خنساء:اووو ناس بداو يتوحشوني و شكون بعدا سلطان بجلااالة قدره فخاامة الإسم تكفيسلطان:كتبالغي ماشي حتى لديك درجةخنساء:انا وحدة من لي فان دياولك اللي كانو باغيين يحضرو غير لسهرة وحدة ديالك و لكن دابا منين سمعت بلي نتا كنتي كتسناني نجي عندك ما تصورش الفرحة ديالي قدااش كبييرة بزافسلطان:شرف ليا تكون عندي فان بحالك و شرف ليا تكون البنت اللي معجبة بيا كفنان سابق معالجتي النفسيةخنساء جلسات من فوق الكرسي مقابلة معاه و مصغرة فيه عينيها ربعات يديها و شافت فيه لمدة من زمان قبل ما تقول ..خنساء: منين طاحت عليك هاد الضرافة كلهاسلطان دور وجهو جنب و حك لحيتو مع ابتسامة خفيفة و رجع شاف فيها و قال ...سلطان :انا ديجا ضريفخنساء:شكار راسو و لكن صدمتيني أجي ياكما الجو ديال البحر وافقكسلطان:الكلام اللي تقال ليا فالبحر وافقني اكثر و كنت محتاج نسمعوخنساء:اوا أسيدي منين هاكا نبقة نخطب عليك حتى لصباح ههههسلطان:فخبارك بلي كلامك كن كان كيتباع فلي فارمسي كنت غانقادي سطوك ليهم باش ناخدو غير بوحدي حيت بصح محتاجو بزافلحظة صمت مع مشاعر تخالطو لداخل ما عرفاتش لين تصنفهم خنساء من كلامو يا الله شنو هادشي كيوقع ليها اعتارف بلي ما كيشبعش من كلامها يعني كلامها كيخلي تأثير كبير عندو لداخل و ضاهر انه بدا كيولفها و كيخرج من فمو كلام جميل ماشي مسموم كيفما قبل يعني شخصيتو بدات كتبدل لأحسن ....خنساء: نخاف عليك غير تموت بجرعة زائدة من كلاميسلطان:ما نظنش و لكن الحاجة الوحيدة اللي غاتخليني نمرض من كلامك هي انه نسبة السكر غاترتافعخنساء:و علاش ؟سلطان:حيت كتعرفي كثرة الحلاوة كتطلع نيفو ديال سكر فالدمخنساء حلات عينيها على وسعهم و هي كتشوف فيه ما قادراش تستوعب بلي هدا راه سلطان اللي كيهضر بهاد الشكل رمشات فيه لعدة مرات ...سلطان :تصدمتي ؟؟خنساء: بزاااف ما نكدبش عليكسلطان فالبلاصة طلع حاجب و نازل لاخور و قال بصوت صارم ....سلطان : هادشي اللي كتنتاضري مني اني نخرج ليكم هاد الشخصية الزوينة اللي كلكم كتسناوهاخنساء شدات فقلبها و تخلعات من شكل وجهو اللي تقلب فالبلاصة ...خنساء: أرسول الله عاد كنتي غزااال شهوة منك شنو وقع ليك نتا راك مسكون و الله العلي العظيم الا خاصك شي فقيه يصرعكسلطان فالبلاصة طلق ملامح وجه و الابتسامة تحولات لضحكة جميلة خلات خنساء تحس بجميع انواع الفراشات كتطير فالهوا و قلبها يضرب بسرعة و الحياة تبان ليها وردية بمجرد ما بانت هاد الضحيكة على وجهو ....سلطان: سيري تنعسي راه غدا غاتفيقي بكريخنساء:و علاش بسلامة ؟؟سلطان: سوربريز *مفاجأة *خنساء: وااايلي على سوربريز سلطان و المفاجآت هادشي فشكل شنو هي ؟؟سلطان: ناس علاش سماوها مفاجأة ؟؟؟ باش ما تعرفهاش سيادتكم على ما اظن و سيري تنعسي سهير ما مزيانش ليكخنساء: و الله ما مثيقة بلي نتا اللي شحال و نتا تعايرني نهار اللول تصدق داير ليا سوربريز عارفاك ما كتحملنيش و مستحملني غير على قبل هاد الشهر و لكن باش تدير ليا مفاجأت هادي اللي عمرها ما طاحت ليا على البالسلطان: شكون قالك انا ما كنحملكش و غير مستحملك ؟؟خنساء: اوا داكشي اللي بينتي ليا نهار اللولسلطان :شحال من حاجة واخا كنبينوها لناس كيكون عندنا لداخل عكسها نتي قارية علم نفس و عارفة هادشي احسن مني * دور الكرسي لجيهة البالكون * سيري تنعسيخنساء: نفهم من هضرتك بلي انا عزيزة عليك و كنتي مبين هاكاك نهار اللول غير باش نمشي بحاليسلطان :[وهو على نفس وضعيتو ] فهميها كيفما بغيتيخنساء وقفات من الكرسي و قربات ليه حتى جات اونفاص معاه و حنات شوية باش تجي فمستوى نظرو ...خنساء: فخبارك غير الخوافة اللي كيتهربو من الإجابةسلطان شاف فعينيها اللي كيسحروه مطولا و قال ...سلطان: كاين واحد السوق زوين لو كان دخلي ليها غاتعرفي الاجابة لسؤالكخنساء: كيفاش ؟؟سلطان:[مع ابتسامة مستفزة ] سميتو دخلي سوق راسكالجزء 206قلوب أرهقها العشق خنساء: سبحان الله عزيز عليا ندخل سوق عباد الله ما كيعجبنيش سوق راسي شوية انا فضولية غير استحملني هاد الشهر من بعد كلها غايقصد بلادوسلطان شاف فيها و قلبو كيدق بوتيرة سريعة كأنه فخطر من آخر جملة تفوه بيها فمها كيفاش خاصو يستحملها غير هاد شهر ؟ واش معناتها بلي ما غاتبقاش معاه ؟ واش ما غايبقاش يشوفها ؟؟ هادشي راه كيعني الموت البطيئ بالنسبة ليه بحال غاتقتلو عرق بعرق إلا ما بقاش كيشوفها ...كأنه صامد على قبلها فقط كيفاش غايقدر يعيش بوحدو بلا خنساء فحياتو هادشي لا يجوز تمنى لو أن هاد الشهر يطوال بزااف باش ما تغيبش على عينيه و باش قلبو ما يبقاش يتيم حيت ما غاديش يقدر يصبر على بعادها... مدة قصيرة خلات قلبو يتعلق بيها و بضحكتها و بكلامها اللي ما يمكنش يدوز نهار و ما يسمعوش شنو هادشي كتدير فيه هاد الفتاة اللي كيحس بيها بلي ما مسوقاش للحرب اللي عندو لداخل من اول مرة شافها و مع الأسف داكشي اللي خاف منو غراق فيه ....سلطان : [بألم و حزن مخفي ] كنظن بجوج بينا غير مستحملين بعضياتنا حاجة عادية و واضحة هادي ما فيهاش الشكخنساء: راه قلتي ليك ما كتحملنيش انا عارفاهاسلطان غمض عينو و كرز يدو من كلامها و نطق ...سلطان: مشاعري إتجاهك خليهم أباااغ حيت ما كيهموكش سواء كنكرهك و لالا انا حرخنساء: و لكن من حقي نعرف حيت كيقولك خاصك تعرف أعداءك باش تدير أطنسيون منهمشاف فيها نظرات فشكل كأنه كيلومها على الكلام اللي كتاهمو بيه حس بمرارة فحلقو من كلماتها اللي كيحس بيهم كيف العلقم او كيف العافية كتحرق فجراحو و ندباتو كيفاش عطاها خاطرها اتاهمو بلي هو عدو ليها و هو اللي يتمنى يضمها لحضنو غير باش يحميها من الهوا و من البشر كيفاش عاطاها خاطرها اتاهمو بالعدو و هو اللي كيتمنى يشوفها ديما فرحانة و ديما الضحكة مرسومة على شنيفاتها اللي ما كرهش يذوق من رحيقهم كيفاش عطاها خاطرها تقول ليه عدو و هو يضحي بروحو على جالها و يلوح راسو فالعافية بكلمة منها كيحس بروحو مخنوق و هاد المشاعر غير ما كتزيد تكبر اتجاه هاد الفتاة اللي ولات بالنسبة ليه اهم من الاوكسيجين و لكن ليس كل ما يتمناه المرء يدركه عارف بلي حظه فالحياة حظ سيئ و خصوصا مع الحب مع الاسف من ديما اللي كيبغيوه كيتخلاو عليه بدم بارد ....خنساء فاش شافتو ساكت و حسات بهالة من الحزن حول عينيه بان ليها ماشي هو هداك مررات يديها حدا عويناتو و قالت ...خنساء: هيهو فين مشيتي ؟؟سلطان بعد مدة صمت نطق ..سلطان: واش كتعتابريني عدوك ؟؟خنساء حلات عينيها على وسعهم من كلامو و حركات راسها بنفي و قالت ....خنساء: اويلي على نعتابرك عدويا من نيتك نتا راك صديقي العزيز اللي ما كاينش بحالو و باش تعرف راسك عزيز عندي واخا شحال و نتا تعايرني و تخنزر و تغوت عليا قلت ليهم وااالو سلطان ما غانتخلاش عليه حيت انا اللي غانعرف ليهسلطان بلا ما يحس ضحك من كلماتها العفوية اللي حس بيها كأنها اعتراف بلي هو ماشي عدوها كيفما كان كيظن و تضح بلي هو عزيز عليها من خلال كلماتها البساط اللي خلات قلبو يتراقص على انغام العشق ...خنساء شافت الضحيكة اللي بانت على وجهو و بادلاتو هي الأخرى الابتسامة و حنات على ركابيها قبطات فيدو اللي حس و كأن كهرباء سرات فجسدو من لماساتها اما قلبو الله يرحمو دقاتو تسارعات كأنه باغي يخرج من قفصو صدري باش يعتارف ليها بشحال كيحبها و كيعشق هاد المخلوقة اللي تسلطات عليه بين ليلة و ضحاها و استولات على ليلو و نهارو و خلاتو غير شارد و يفكر فيها ....خنساء: انا قلت ليك مشاعري اتجاهك نتا اللي ما باغيش تعتارف انا بغيت غير نعرف وااش ما كتحملنيش و لا بالعكس عندك عزيزة ثيقني محتاجة نعرف هادشي عندو أهمية فعلاجي ليكسلطان حول نظراتو لبالكون حيت كايحس بلي ما بقاش قادر يتحمل كمية الضرافة و اللطافة اللي فهاد البنت ما بقاش قادر يشوفها قدامو و ما يضمهاش لصدرو باش ما يشوفها حتى واحد عينيه و كيغير عليها منهم حيت ما خاصوش يشوف فيها نظرات فشكل خاصو يحتارمها و لكن ذلك القلب اللعين كيتخايلها و هي فحضنو كيتخايلها و هي كتقبل شفايفو كيتخايلها و هي تحت منو كيتخايل و هو فوقها كيكتاشف مكنوناتها الداخلية اللي ما باغي يشوفهم حتى حد من غيرو كيتحرق و يتعذب هاد العاشق نهار على نهار و لكن شكون يحس بيه من غير اللي خلقو ؟؟؟ حتى مع عالية ما عمرو حس بهاد الاحاسيس حتى لهاد درجة عيا يكابر و لكن وااالو الغالب الله كيحس براسو محتاجها و لكن ما قادر لا يقرب لا يبعد حاس براسو فالمنتصف ....خنساء:ما جاوبتينيش أ سلطانسلطان شاف فيها بنظرات مرتبكة مع خفقان فقلبو مش طبيعي ...سلطان : سؤالك مكون من جوج كلمات و لكن الجواب خاصو كتابالجزء 207قلوب أرهقها العشق خنساء: و بدينا فالتفلسيف أ صديقي العزيزسلطان شاف فيها لمدة من زمن حاس براسو باغي يرتاح و يبقى بوحدو باش يخمم فحور الليل على خاطرو و يتخايلها كيفما بغا وجودها فجنبو كيخلي نيران قوية تشعل بداخلو ما بقاش قادر يكحبها و لا يمنعها و لكن راه حريقها هو اللي عارفو كيحس بروحو كاتقطع و لكن ما باليد حيلة ....سلطان : سير أ بنتي تنعسي سهير غايضرك سمعي منيخنساء: كتجري عليا من بيتكسلطان: هادشي لمصلحتك ثيقي بياخنساء : علاش كاتقولي بنتي كاتحسسني براسي برهوشةسلطان بلا ما يحس و لا يدري هز يدو حطها على خدها و قال مع ابتسامة ...سلطان: راك برهوشةخنساء: [بغضب ] برهوشة غير فعينيك نتاسلطان : [ بابتسامة ] يعني نتي غير انا بوحديخنساء ناضت و ضربات رجليها مع الارض بقوة الفقصة و قالت بصوت غاضب اول مرة كيلمح الغضب ديالها و شحال كتبان كيوت و هي مقلقة بحال شي طفلة بلا ما يشعر ابتاسم لتصرفات برهوشتو كيفما مسميها هو ....هزات خنساء الصندوق الورقي اللي جابت فلول و حطاتو حداه مع قرآن ...سلطان: شنو هذا ؟؟؟خنساء: القرآن الكريم وحداه كارطون شنو ما فهمتيش فيهسلطان: لا عرفت زعما علاش جبتيه معاكخنساء: اوا كتقيل تقرا فالكتوب و القرآن الكريم ما عمري شفتك ضرتي بيهسلطان : راك غالطة أبنتيخنساء: علاشسلطان: القرآن كنقراه كل صباح فاش كنفيق و كل ليلة فاش كنعسخنساء: وااايليسلطان :[بابتسامة ] ما توقعتيهاش ياك و نزيدك مشيت للعمرة ستة ديال المراتخنساء وسعات عينيها فيه و شافت فيه بدهشة و حطات يديها على فمها ما مثيقاش شنو كتسمع هاد بنادم كل مرة خارج ليها ببلان فكل مرة كيصحاب ليها بلي عرفاتو كتلقى راسها ما عارفة فيه والو...خنساء: شناااا هو دابا نتا حااج إذنسلطان :[بإبتسامة ] الحج ما زال ما مشيت ليه و لكن العمرة درتها حمد اللهخنساء: صدمتينيسلطان:[غمزها ] مزال نصدمكخنساء: و دابا اللي تايمشي للحج و تايرجع تايقولو ليه حاج إوا اللي تايمشي للعمرة و تايرجع اش تايقولو ليهسلطان : [بإبتسامة ] عمريخنساء: دابا انا خاصني نقولك عمري هممسلطان : خودي راحتكخنساء: واخا أ عمري هههههخنساء شداتها الهيستيرية ديال الضحك لدرجة دموع كيتكونو حدا عينيها بقوة الضحك اما سلطان مكتافي انو يشوفها كضحك هاديك هي السعادة بالنسبة ليه كل واحد وشنو مفهوم السعادة عندو و لكن سلطان ولات السعادة مقتارنة عندو بخنساء حيت هي اللي كتخليه فرحان كلمة قالتها غير بالضحك و لكن هو راه زعزعات كيانو كرجل و خلات قلبو يرفرف داخل قفصو صدري ....خنساء: اوووف يا سيدي ربي شحال ضحكت حتى نتا طلعتي تافه اكثر مني على العموم الا قلت ليك عمري اش خليت لمراتك ما تقول ليكسلطان: [بإبتسامة ] نقضيو بيك على ما تجيخنساء: هههه المهم جبت ليك هاد الصندوق و القرآن الكريم حيت كاينة واحد الطريقة زوينة غاتعجبك بلاتي نشرح ليكحلات الصندوق الورقي و جبدات منو مذكرة صغيرة و مع ستيلو و شافت فيه و قالت ...خنساء: دابا نتا فاش تكون كتقرا القرآن كتحس بلي كاين شي آيات بحال ربي راسلهم ليك يعني كيقيسوك فشي حاجة عندك لداخل نتا شنو غادير فوقتما قريتي شي آية عجباتك غاتقطع وريقة من هاد الأجوندا و غاتكتب عليها ديك الآية اللي عجباتك و غاتشد هاد صنيديقة و غاتحط فيها ديك الورقة ياك و فوقتما تحس براسك مقلق غاتجي لصنيديقة و تحلها و تقرا دوك الآيات غاتحس براسك وليتي مزيانهي كتهضر و هو ساهي غير فيها كيفاش كتحرك شنيفاتها و يديداتها مع الكلام سيد غااايب عن العالم الخارجي ...خنساء: واش مفهوم أ عمري ههههفاق من شرودو و حرك راسو بالايجاب و قال بابتسامة من كلمة عمري اللي ناداتو بيها مجددا ...سلطان: مفهوم فكرة زوينةخنساء: إوا دابا غانكون ساليت خاصني نمشي ندرق زلافتي تهلا فراسك و تصبح بخير أعمري ههههسلطان : ما سخيتش بيكخنساء جفلت فمكانها و حسات بقلبها تزعزع من بلاصتو بكلامو اللي كينطق بيه بلا ما يشعر...خنساء: بصراحة حتى انا و لكن خاصني نمشي نعسسلطان : تصبحي بخير و ما تنسايش المفاجأة اللي كتساينك غدا نبغيك مع الثمانية تفيقي واخاخنساء: اوكيابتاسمت ليه و انصارفت و دات قلبو معاها رجع راسو اللور و سهى فالفراغ و حط يدو على قلبو و قال ....سلطان: نتا باغيها و أنا كنتعدب غانحماق بغاو يعالجوني غايمرضوني أكثر