💞 قلوب أرهقها العشق 💞 بالدارجة المغربية

💥 الفصل 33 💥

خنساء بقات ساكتة فجأة دارت عندو بسرعة و قالت ..خنساء: أجي بعدا نتا كيف درتي عرفتي بلي سوسن حاملة ؟؟سلطان : سر المهنة أ الحبخنساء : ها حنا بدينا فالتشويق ثااانيسلطان ضحك و شاف فيها و قال ...سلطان : انا فرحان حيت فسختي خطوبتك مع يقين [ هز يديها باسها و مركز مع الطريق] و رجعتي ملكي ما كانتش ساهلة عليا الحرب اللي دخلت فيها مع خويا و لكن فالأخير وليتي ديالي بوحدي و غانوثقو زواجنا رسميا فالقريب العاجل و نديرو ولييداات كيشبهو لياااا اكيد [ شاف فيها بنص عين ] نتي غير غاتسخري ليا ياك أ معذبة قلبيخنساء: دابا واش انا كنهضر ليك فموضوع و نتا جاابد ليا مووضوعسلطان : بالنسبة ليا نهضرو فهادشي احسن بااالف درجة من داكشي اللي كنا كنهضرو فيه و دابا قولي ليا شنو تبغي نسميو اول بنت و لا اول ولد امم اش بانلك فكاميليااا لبنت و كميل لولدخنساء: انا بغيت نولد توام نسمي البنت شعيبية و الولد نسميه كبوورسلطان : حتى ما نكونش انا باهم و سميهم شنو بغيتيخنساء : و شكون قالك غاتكون نتا باهمسلطان: واااقيلة كاتقلبي عليا و انا مااا بعيدش قريب و حداك من الفوقخنساء: و غاضاحكةسلطان : اوا ما نعرف حتى انا غير كنفكرك الذكرى كاتنفع المؤمنينخنساء: و مالك شعيبية و كبور ماشي راجلسلطان : و نتزوجو بعدا و يحن الله داكشي تايجي مع الوقت و اللي فيها الخير تنادي الله يعطينا غير صورة المكمولةخنساء: أميين أميين و دابا هضرتي الواحد تايهضر فالزواج هو لول عاد تاينقز لولاد نتا حرقتي المراااحل بسنوات ضوئيةسلطان إبتاسم ]نقولها ليك من دابا الا ما جبتيش جوج جوج من الحاجة و الصداق فيه مليار و الدفوع فالطيارة غير خليني عند الواليدةخنساء بقات ساكتة حتى طلقاتها بضحكة مشات على إثرها طوموبيل و جات خلات حتى سلطان تايضحك معاها و اخيرا قدر يرجع البسمة لوجهها فرح داخليا و بلا ما يحس هز يديها و باسها و قاال ...سلطان: الله يخليك ديما ضااحكة أ المعذباني الموس_______م الثاني الجزء 399 حرب الهوس[راجلك] كلمة تكررات فودنيها عدة مرات ما فهماتش هذا شنو كيقول كيفاش راجلها عاود ؟؟؟ واش كيعرفها ؟؟ واش هي بعدا كانت مزوجة ؟؟ ياك هي ما عاقلة على حتى حاجة و علاش تايقولها زينب ؟؟ يعني هي سميتها زينب ماشي شهرزاد ...زينب : كي..كيفاش راجلي ؟؟ واش انا مزوجة ؟؟ و فوقاش هادشي ؟؟ [ وقفات] بلاتي بلاتي من قبيلة و نتا كتقولي زينب وااش انا سميتي زينب ؟؟؟عصام بقا ساكت كيشوف فيها و كيحاول يستوعب هضرتها شنو واقع لزينب ؟؟ و علاش كتصرف بحال عمرها شافتو ؟؟ و شنو قصة سميتها اللي تبدلات؟؟؟و كيفاش حتى ولات راقصة مااااابقااا فاهم حتى وزة كتباان ليه غير ضبابة ......عصام: واش نتي مضروبة بفردي خاوي و لاااا مضروبة بمقلة و لا طايحة على راسك شنو قصتك ماا بقيت فااهم واااالوزينب: و راك نتااا اللي دوختيني ما بقيت فاهمة واالوعصام: شكون انا شنو سميتي ؟؟زينب: ما عرفتش اول مرة كانشوفكعصام: انا عصاااام عصااااااامزينب : ما عرفتكش واخا قلتي نتا راجليعصام ناض من بلاصتو و مرر يدو على لحيتو بعنف معصب و مغدد ...عصام:غاتشرحي ليا شنو هادشي وااقع معاااك و لااا غانسلخ مك عصاا هنايا راني شاد راسي غير بزززينب: انا فقدت ذاكرة و ما بقيت عارفة والو [ شدات فيدو ] نتا راجلي يعني انا مزوجة و نتا اللي غاتفكني من فاروق يااك أ عصاامعصام: كيفاش فاقدة ذاكرة[ جلس فالفوطوي من صدمة اللي تلقا ] فوقاش و كي..كيفاش فاقدة ذاكرة و إمتىملامح وجهو تحولو لصدمة و ما عرف شنو يدير فقط كيشوف فيها و كيحاول يستوعب كلامها حتى نطقات زينب ...زينب : اناا ما عرفتش كيفاش وقع ليا فقت فواحد السبيطار و لقيت راسي فاقدة ذاكرة و لقيت غير فاروق هو الراجل اللي خدمني فهاد الضومين حيت هو قالي عائلتك ميتة و انه هو كيعرفني و شي تخربيق نسيت عليه المهم و قالي بلي انا من شحال هادي و انا كنخدم معاه و درت اكسيدون و وقع اللي وقع و لكن من ديما كنت شاكة فكلامو و كارهة راسي حيت كنشطح قدام ناس و كنتعرض لمحاولات إغتصاب و تحرش من رجال و شي بعض المرة حتى العيالات كل ليلة كنعس بالبكا و نفيق بالبكا و لكن نتا واقيلة هو اللي غاتفكني تصور ما عرفاش حتى شحال فعمري و شكون هما واليديا و فين كنت قبل ما نفقد الذاكرة ما عاقلة على والو من غير داكشي اللي قال ليا فااروقجفل مكانو من كلامها و سكون بان على ملامحو الباردة كل ما كيبان على وجه عصام فهاد اللحظة هو الهدوء ربما هو هدوء ما قبل العاصفة او هو العاصفة بأكملها كلامها ما قادرش يتقبلو كيفاش حتى وقع ليها هادشي كاامل و كيف وقع ليها حتى فقدات ذاكرة اللي كان كيظن بأنه كاينة غير فالأفلام وقعات مع اقرب شخص لقلبو الصدمة لوات لسانو و سكتاتو ما عرف ما يقول اكتفى انه يرمش بعينيه و يشوف فيها لدقائق لعله يحاول يستوعب و لو قليل من كلامها اللي جاه فجاة بحال كبيتي عليه سطل ديال الماا بارد واش ممكن يكون شخص بهاد الوقاحة كلها لدرجة انه يستغل بنت باش تشتاغل راقصة عندو اكيد جماالها خلااه بلا عقل و عرف بلي غايكسب منو الفلوس فلذلك قرر يستغلها دابا شنو غايدير لفاروق واش يقتلو و لا يقتلو و لا يقتلو ما عندوش خياار آخر و لا يفرشو و لا يقدمو لسلطات شنو غايدير معاه و لكن الا قتلو فأكيد خوه جلال اللي هو الباطرون ديالو غايثور عليه و غايقتلو هو الآخر فلذلك القتل ماشي هو الخيار الأنسب خاصو خطة معمقة باش يفك زينب من بين يدين الوحوش الآدميين اللي طاحت فيهم ...زينب: عصام قول شي حاجة مالك ساكت واش غاتفكني يااك واش غاتنقدني من يديهم ياك نتا راجلي ياااك انا عندي عائلةضحكات و بانت ابتاسمة زوينة على شفااايفها ابتساامة حلوة خلات عصام يبتاسم هو الآخر كأنه نسى كلشي و نسى حتى موضوع رقصها نسى الكرش اللي دارت فالحرام و نسى كلشي ما كتبان ليه فهاد اللحظة غير زنووبة اللي دات عقلو و قلبو زنوبة اللي عشقها من اول نهار كاختو زينب الصغيرة اللي توفاات و رجع كيحبها و متيم بيها كإمرأة سرقات فؤادو منو ....ناض من مكانو و يدو المصابة مهزوزة حيت مدور عليها بانضة و قرب منهاا حتى تلاقات عينيه مع عينيها و تزاد خفقان قلبو الصغيير اللي حامل عشق كبير لهاد الانسانة الواقفة امامو اللي و اخيرا لقاها بلا ما يشعر و بلا ما يحس لقا راسو كيقرب لشنايفها كأن قلبو اللي كيتحكم بيه عن طريق أزرار الحب و الغرام ما هي الا ثواني حتى لقا راسو قابط فحنكها بيدو الصحيحة و حاط شنايفو على شنايفها كيرتوي منهم لان الجفاف قضى على قلبو ... الموس_______م الثاني الجزء 400 حرب الهوساما مراد فكان سايق اللوطو ديال سلطان راجع من الثلج المنحوس اللي كاع ما فرح بيه كيف نااس و روان جالسة حداه للقدام اللي ما قدراتش تكمل الرحلة حيت سلطان اللي جات على قبلو مشا أصلن و كانت كااع ما مرتااحة مع مراد اللي كان بدورو ما مرتاح لا مع روان لا مع بذرة جا يفوج ساعة تقلب كلشي اما واحد لالا بذرة راها جالسة اللور ساهية فطريق و كتفكر فديك البنت اللي وجهها عامر برص و ما متيقاش بلي هي خطيبتو حيت توقعات خطيبة يقين غاتكون شي ملكة الجمال فشي شكل عينيها خوضر و شعرها زعر و طايتها حوتة على أساس هادو هما معايير الجماال و الا ماكنتيش بواحد القالب راك خاايب ....بذرة دورات وجهها و قربات للقدام كتشوف فمراد و قالت ...بذرة :دابا ربي ربي واش ديك البنت هي خطيبة يقين و لا غير مطلعها عليامراد:اش بيني و بينك باش نطلعها عليك عطي راحة لعظامك الله يرحم بااكبذرة : يااا على بنادم سولناك جاوبنا و نتا منفخ كن غير كنتي شي زين بعدا يخ على كنس كيف دااير بغيت ليك مصيبة منفوخ على الخاوي كيف تشيبس ديال درهممراد: تصيييبك أ دنجالة فين توصلي ليا فالزين سيدك مراد بوكوص عائلة زعيمي قوليها و عمري بيها فمك بوكوص بشهادة الجميع جامع جوج المليون متابعيني على تيك توك و مليون فالانستغرامبذرة :امم زعما داير طاايلة راه داكشي ولا كيتشرى و يتباع منين مي نعيمة و متبعينها الملاين اش بقىمراد: كتقارني المحتوى ديالي بمي نعيمة و الله كن ما حشمت حتى نقلب بيك هاد الطوموبيلبذرة : و هي بعدا احسن منك كتهضر بالادب و الصواب و كتقول يا بنياتي و كنبغي المتتبعين ديالي تا فين توصل لمي نعيمةمراد : شوفي يااا غاتسكتي يا غاتودعي حيااتك برجووولة انا ما عنديش مع ضسارة الخاوية يا غاتشدي معايا طريق و تقادي يا نحلكها ليك مع سيدك يقيين اللي فارعة ليا بيه راسيبذرة : الا سيدي يقييين راه طنحبو و نموت عليه ما تشوفش لينا معاه راه علاين نسحر ليه و نمشي لسادات على ودو ها العار حميمتك لما شوف كيف توسط ليا معاه ياك نتا خوهمراد تفرشخ بالضحك طلقها بضحكة خلا روان و بذرة غير كيشوفو فيه ....مراد:ههههههههههه و هاذي جديدة عاااوتاني هههههه نااري يا ميمتي ياا ميلودة واجي طلي على ولدك و معامن جااالس و معامن تايهضر ههههه يا ربي واش انا فين ما كان شي هبيل هاارب من سبيطار ديال الحماق تاتسيفطو ليا واش انا عندي مغناطيس ديال الهبااال واقيلة اميمتيبذرة :و راه كندوي معاك سيريسلي مالك كتفرنس كيف راس المشوط ما كايناش شي طريقة باش يتزوج بيااا ؟؟مراد:[ كيمسح على ذقنو و كيهضر غالباه الضحكة ] لا كاين واحد الطريقة إيفاااكس خلاوها الفرانسيسبذرة :٠ عندك و ساكت و انا كنحمااق اتينا بيها الله يجازيك بخيرمراد:اوا اش غانقولك ا ختي يا بذرة غاتمشي عند مول الدجاج و غاتقولي ليه عطيني القزيبة ديال الفروج ماشي ديال دجاجة اطااانسيون أ سميتك اللعبة فالقزيبة ديال الفروج غايقولك لاش بغيتيها نتي ما تجاوبيهش واخا يسولك ضربي الطم ما تقولي ليه والو هضري معاه غير فلول و رجعي اللور المهم غايعطيها ليك و حشيها فبزطام يكون كحل و عندو ريش الا ما كانش عندو ريش الخطة ما غاتصدقش المهم غاتخشيه فيه و غاتمشي لداركم و ما تهضري مع حتى واااحد حتى توصلي لدار و لوحي قزيبة داك الفروج فالمجمر و تخطايه سبعة ديال تخطيات و فاش تسالي غاتقولي ...شاف فالمراية لقاها كتشوف فيه و متبعة معاااه من جدر عقلها...بذرة : اهاااه اش غانقول ؟؟مراد:حفظتي هادشي اللي قلت ليك بعدا ؟؟ .بذرة : وا حفااااضتو يعطيك مصيبة كمل كمل راني متبعة معاكمراد زادت غلباتو الضحكة و كمل كلامو ...مراد: غاتقولي بخرررتك يااااسيدي يااايقين باش تجيني فالحين بخرررتك يا سيدي يا يقين بقزيبة الفروج باش تجيني لابس روووج بخررتك ياااا سيدي يا يقين بقزيبة الفروج باش تجيني كي العتروس بخرررتك ياسيدي يا يقين بشمس الحارة تجيني واخا تكون فأبعد قاارة بخررتك يا سيدي يا يقين بريش الغراب يا تبغيني يا تعيش حياتك فالعذاب بخررتك يااا سيدي يا يقين بالمجمر باش تجيني كاتعتربذرة : اااه هادشي طوييل خاصني ورقة و ستيلو ما نلقاهش عندكمراد بقا سااكت كيشوف فيها و هو ينفاجر بالضحك ...مراد: ههههههه أمييمتي كرشي واااا معامن أناااا وااا معامن أناااا يا ناااس واش من نيتك معولة على قزيبة الفروج تزوجك سيري انا بغيتك تبقاي بايرة حيت متيقاني و مكملة معايا نتي نيت اللي تصلاحي لداك خضر العينين هو زنزان و نتي زنزاان أوكااري غاتلاقاو و الله غاتديرو كوبل يا سلام و لهيلا قالك ورقة و ستيلو الله يعطيك مصيبة