💞 قلوب أرهقها العشق 💞 بالدارجة المغربية

❤الفصل 71 💛

الجزء 214قلوب أرهقها العشق سلطان: [ببرود عكس العافية اللي عندو لداخل ] و الفيلا ديال ماماك شنو غادير فيها ؟؟يقين : غانسدها و نخليها ما عندي ما ندير ليهاسلطان عض على شنايفو و ابتاسم باستهزاء و قال ...سلطان: بصح ما عندك ما دير ليهاخنساء نطقات حتى هي و اخيرا ...خنساء: فكرة واااعرة بزاف من ديما تانقول علاش عوينات جلبانة عايش بوحدو و علاش اللي ما يتجمعش مع العائلة ديالويقين شاف فخنساء و ابتاسم ليها ...يقين : فضولية مع راسك أ الحليليفة أممخنساء : واخا عليك أ درااكولا ما تقولش ليا حليليفةيقين ضحك بطريقة رجولية و قال ...يقين : ههه مزال عاقلةخنساء: علاه انا نسى العضة اللي طيرتي ليا من صبعي خليتيها كتوزز لدابايقين : ما تزيديش فيه أ الحليليفةخنساء: و ها اللي ما بغيناش ما تقولش ليا حليليفةيقين : نتي تقولي ليا عوينات جلبانة و أنا ما منحقيش نقولك حليليفةخنساء: مالك شفتيني كاناكل من ثلاجة ديال باباكيقين : هههه و الله حتى كنتي كاتكلي منها [ مد يدو كيمسح ليها الشوكولا العالقة قدام شنيفاتها بشوية ] و ها هو دليل الشوكولا لاصقة حدا فمكخنساء: [عوجات فمها ] زمتيني فهادي صرااحةيقين :[غمزها ] مزال نزمتك غير بلاتي عليككلام و نظرات و لمسات دازو حدا عينيه كيحس بروحو غاتزهق اما دماغو ما كيفكرش قلبو شااعلة فيه العافية بفعل الغيرة الشديدة اللي كيحس بيها فهاد اللحظة و هو كيشوف الانسجام ديال خنساء مع يقين كأنهم كيعرفو بعضياتهم من زماااان تكلم بلا ما يشعر و بلا ما يحس ...سلطان : سدوو حلقكم وااش ممكنشافو فيه لقاو صدرو كيطلع و يهبط بقوة الاعصاب و قابط على راسو اللي كيحس بيه كيزدح و مغمض عويناتو ...يقين : سلطان مالكحل عينو اللي كانو حووومر و شاف فيهم كيحس براسو غاينفجار و التخنزيرة اللي واضحة على وجهو خطيرة و سنانو ضاغط عليهم لدرجة العرق اللي فجبهتو بان ....سلطان : [ كيتكلم و كينهج بحال كان فسباق ] ضريتوني فراسي واش ممكن تسكتو شويةخنساء شافت فيقين و انفاجرت بضحك أما هوما سهاو فيها بجوج بيهم و كيحسو بالانفجار فقلبهم من فعل ضحيكتها اللي كترد الروح فالموتى ما بالك الأحيااء و من الفوق كيموتو على تراب رجليها ...خنساء توقفات على الضحك و شافت فسلطان ....خنساء: اووف يا سيدي ربي غانموت بالضحك ههه مالك مقلق علينا ما درنا والو اللي غايضرك فراسكسلطان : [ عقد الحداش ] ما عمرك تفهمينيخنساء شافت فيقين و قالت ....خنساء: فهمتي شي حاجة من هادشي اللي قاليقين :[بإبتسامة ] خويا ما عمرك تفهميه غير ديري بحال ما سمعتي والوخنساء: موسيو شطيطبة ديالي و الله حتى فاهماه غير هو مرة مرة كيهرب ليه الريزو ياك ههههواش بصح قالت موسيو شطيطيبة ديالي و لا غير جابو ليه ودنيه و بدا كيتهيئ ليه و كيتخايل بقوة اللي كيعشقها من يدري كلشي ممكن مع العقل و خصوصا فاش كايكون الشخص عااشق .....بقى غير كيرمش فيها كل مرة كتساليهم ليه و كتخليه غير كيشوف فيها و يبتاسم و هو فقمة غضبو كأنها مهدئ طبيعي اللي شافو من البعيد يحلف عليه بلي ساحرة ليه لأن دوك نظرات و شوفات اللي كيدير فيها ماشي طبيعية ...يقين :كيفاش موسيو شطيطبة منين جبتي هاد اللقب عاود هههخنساء : لحية ديالو ماشي دايرة كي شطاابة هانتا غير شوفيقين : ههههه كاتدخلي فخصوصيات المرضى ديالك أ المعالجة النفسية اللي خاصها معالجة نفسيةخنساء: ههه و لا و هانتا شوف هو سلطان كن ينقص غير شوية منها تجيه زوينة و واعرة ما فهمتش علاش مكبرها حتى لهاد الدرجةسلطان تكلم و هو ساهي و هايم فتفاصيلها و كلامها اللي غايحمقو شي نهار ما فيهاش الشك ...سلطان : واش كنجيك خايب بيها ؟؟؟خنساء حركات راسها بالإيجاب و لاصقات صبيعاتها بمعنىخنساء: شي شووية ماشي بزافسلطان ضحك و يقين حتى هو ضحك على كلامها العفوي اللي توحشو ....سلطان : يعني خاصني نقص منها باش تشوفني سيادتكم زوينةخنساء : تمااااامااااسلطان : أش بان ليك تنقصيها ليا بيديك بطول اللي بغيتي نتي باش تكوني مرتاحة و نتي كتشوفي فيا و نعجبكخنساء حولات نظراتها و شافت فيه بصدمة و قالتخنساء : واش كتدوي من نيتكسلطان : واش عمري تفليتي عليك ؟؟خنساء: لا و لكن واش متأكد تعطيني وجهك انا راه ما تنعرفش لهاد التخربيقسلطان : تعلمي باش تبقاي ديما تنقصيها لياخنساء:حجامة فابور مطور مع راسك هههسلطان : لواحد هو اللي يستاغل المعالجة النفسية ديالو لصالحو أو لاخنساء: كتستغل الفرص مع راسك ما عندي ما يتسالكسلطان : [ بإبتسامة ] خصوصا معاك نتيالجزء 215قلوب أرهقها العشق يقين كان غير ساهي فهاد الجوج و كيفاش مطلوقين مع بعضياتهم من جهة فرح حيت خوه بدا كيهضر و كيضحك و كيتعالج و كيرجع لشخصيتو طبيعية و من جهة اخرى ما عرفش علاش حس بهاد العلاقة اللي رابطاهم فشكل تحلف عليهم كوبل الشيئ اللي ما عجبوش بتااااتاااا و لكن حاول ينفي هاد الافكار من راسو باش ما يمرضش و يبقا يتخايل شي حوايج فشكل اللي ممكن يكون ما منهومش حيت هو عارف سلطان كره نساء بصفة عامة من نهار لعبات عليه عالية و لكن هو ما عارفش بلي سلطان كيشوف فخنساء بوحدها نساء كلهم و ما يمكنش يستغني عليها حيت ببساطة هي الاوكسيجين ديالو و حتى واحد ما غايقدر يعيش بلا اوكسيجن ...قاطع حديثهم مع بعض دخول مراد اللي كان هابط فدروج لابس غير سروال ديال كيطمة مع غيتار فيدو شافهم و استغرب ..مراد: بسم الله الرحمان الرحيم ناس يتجمعو بالنهار و شي ناس كيتجمعو بالليل كي جنونسمعوه و هوما يلتافتو لعندو غير شاف يقين توسعات ابتسامتو ...مراد: عوينات جلبااانة فوقاش جيتيقرب ليه و تعانقو عناق رجولي و قال يقين ...يقين : عاد دابا شويةمراد شاف فسلطان و فخنساء و فيقين ...مراد: قول تجمعتو أ مثلث فيتاغورس هن...ما جا فين يكمل هضرتو حتى شاف فسلطان ....مراد: واش سلطان هدا كنشوفو قدامي و لا غير تخايليسلطان: عزرايل هدا ماشي سلطانمراد: صراحة داكشي اللي قلت أمبوسيبل يهبط سلطانخنساء: ههه لا لا يا سيدي سلطان كسر القاعدة و نزل لسفليمراد : خاصنا ندبحو عجل على هاد الحسابسلطان: ما نلقاوش ما احسن منكانفاجرو خنساء و يقين بضحك عليه ...مراد: ياك ا سلطان رديتيني عجل الله يخلف عليكخنساء: آه بعدا و الله ما عرفت علاش نزل سلطان واش بغيتي شي حاجة ؟؟سلطان شاف مطولا فخنساء و بقا ساكت كيفكر كيفاش غايقولها بلي دخل عندها لبيتها و منين ما لقاهاش قلبو تهز و تحط من بلاصتو خاف لاتكون واقعة ليها شي حاجة و هو ما جايب خبار و اضطر ينزل باش يشوف فين كاينة باش يطمن عليها و لكن وقع اللي وقع ....سلطان : جاني العطشخنساء: واخا غانجيب ليك تشربمراد: و جيبي لينا معاك ليموناد غاتلقايهم فالثلاجة نقصرو بيهم الله يحفظك أ فردتيخنساء:فين غانقصرو ؟؟مراد : نضرب ليكم الغيتار و نجلسو فالجريدةخنساء: هاااح زهو و النشاااطسلطان: [ببرود] طلعي لبيتكخنساء: و علاش؟؟سلطان: نتي مريضة و غايفرعك البردخنساء: فاتني الحريق و بغيت نجلس مع خويا مرادجرات مراد من دراعو و تكات على كتفو و قالت ...خنساء: توحشت نجمع معاه أصلن شحال هادي ما جمعنا كان عند صحابومراد: فردتي توحشاتنيدور يدو على كتفها و ضمها لصدرو تحت نظرات النااارية اللي لو كانت قرطاس كن قتلات سيهم مراد فالبلاصة كيفاش يتجرأ يقيسها و يحط يدو عليها واش هو ما غايرتاحش من العداب كايصبر على يقين كايخرج ليه مراد من جنب واش كلشي باغي يشركو فيها ؟؟؟ ....اما واحد يقين كرز على يدو و طلع نفس غير بزز من تصرفات مراد و قربو لشي حاجة خاااصة بيه هو، ما يمكنش مراد يبقى معاها خاصو يلقا ليه شي حل باش يبعدو عليها ...سلطان : [ تكلم بلا ما يشعر كاز على سنانو ] مراااااد ماشي خووكبعدات على مراد و شافت فسلطان...خنساء: كيفاش مراد ماشي خويا ؟؟؟سلطان:ما مراضع معاك ما مزيودين من كرش وحدةمراد:و نتا مالك غرتيسلطان : [ بنظرات مخيفة موجهها لمراد] قلت الحقيقةمراد: و فردتي هادي ما سوق حتى واحد فينا ياءيقين : شحال من مرة كنقولك ما سميتهاش فردتكسلطان : مراد ما تبقاش ضسر على البنت و لا ما يعجبك حال ديك البسالة ديالك ديرها على بنت أخرىمراد:بغيت نفهم نتوما مالكم انا و خنساء مفااهمين سمينة على عسيلة نتوما اش دخل حماركم لأسبوع الفرسسلطان : [ شاف فخنساء] خنساء بيتكيقين: طلعي لبيتك أحسن ليك على ما قال سلطان نتي مريضة و البرد ما مزيانش ليكخنساء شافت فيهم بجوج و رجعات شافت فمراد ...خنساء: شنو قلتي نجيب ليكمراد: ليمونادخنساء: واخا [شافت فسلطان و يقين ] الا بغيتو نتوما تنعسو عارفين بيتكم فين جاخلاتهم و زادت للكوزينة فحين مراد شاف فيهم و هز حجبانو و قال ...مراد: هي اللي كتعرف ليكم كتعرفو تحكرو عليا غير أناسلطان : [ بعصبية ] ق*** من قدااامي و لا ما غايعجبك حاليقين : البنت ماشي ديال ديك الضسارة ديالك و الله حتى ندمك الا شفتي فيها شي شوفات ماشي تا لهيهمراد تعصب حتى هو و عقد الحداش و قال ...مراد: خنساء كنخاف عليها اكثر منك حيت هادي ختي اللي ما ولداتهاش ليا ميلودةسلطان: متشرفين و لكن غاتبعد عليها حيت حنا عارفينك عزيز عليك تفلية على بنات الناس و لا دير معاها الحدود الضسارة الخاوية لاالجزء 216قلوب أرهقها العشق مراد:ما غاندير معاها لا حدود لا هم يحزنون البنت كنعتابرها ختي و ربي اللي شاهدقاطع حوارهم خروج خنساء اللي قربات لسلطان مدات ليه كأس تاع الما و قالت ...خنساء:هاك ها الما [ شافت فسلطان و يقين ] مراد خوياا دخلوها للراسكم و ما عمرو ما قلل عليا الاحترام بالعكس انا محظوظة حيت عندي فحياتي شخص بحالو و آخر مرة دخلو فعلاقتناسلطان:نتي راك جيتي تعالجيني ماشي باش تزهاي مع مرادخنساء شافت فيه مطولا ما جاوباتوش و شافت فمراد و قالت ...خنساء:مراد تبعني و نتوما الا بغيتو تشاركونا مرحباخرجات و تبعها مراد اللي كيشوف فيهم و كيطلع حواجبو ...مراد:ختي خنساء الله يخليها ليا و الله يبعد علينا شر الخلقسلطان بصوت مرتفع ] تبعهااااا يالاه اش كتسنىمراد هرب وسلطان شد على راسو وصدرو كيطلع وينزل بقوة الأعصاب اللي ركبو فيه أما يقين بقا غير ساكت وكيحك ذقنو وكيفكر كيفاش غايكسب خنساء لعندو الحل الوحيد هو يعتارف ليها ولكن عندك يمشي يخسرها ؟؟ وممكن تكون حتى هي كيعجبها من يدري خاصو يجرب حظو ويشوف ....تجمعو كلهم فجريدة ديال الفيلا وشعلو الأضواء خافتة مع ضوء القمر و النجوم عاطي جو زوين و الما اللي كيرش ربيع واحد البرودة خطيييرة سلطان و يقين ما قدروش يقاومو نار الغيرة اللي كلات قلبهم داكشي علاش غير خرجو تبعوهم حتى هوما ....جالسين فواحد الكراسى و مجموعين على طبلة تماك مع المشروبات الغازية محطوطين فوق الطبلة ...مراد:سلطان هو ضيف شرف لهاد الحلقة نهار كبير هدا ابا سلطانسلطان شاف فيه مخنزر ما بقاش باغي يهضر معاه غير كيصوط ما عاجبو حال و غير كيتفكر علاقتو مع خنساء كايبغي ياكل ريتو و ما عندو كيف يدير يبعدهم على بعضياتهم الحل لا يوجد حاس بالعجز و نار كتحرق قلبو و لكن ما باليد حيلة ....خنساء:خاصنا الحليب و تمر و دقايقيةيقين :اما أنا ما تسوق ليا حدخنساء:لا بالعكس خليتي بلاصتك فاش مشيتي و الله عاد هضرت عليك البارح مع سلطان و قلت ليه يقين خلا بلاصتو كبيرةيقين : [بفرحة ] هه دونك الوجود ديالي مهمخنساء: بحال المااا هههه اي واحد عندو بلاصتو فهاد الحياة خصوصا الا كان عزيزسلطان :[بعصبية ] فرعتي ليا راسي كتهضري بزاف واش ممكن تسكتي شويةخنساء:[عوجات فمها ] دابا نتا مالك معايا فوقتما نهضرمع يقين تقولي فرعت ليك راسكسلطان كرز على يدو و صرط ريقو بصعوبة خايف يتفشى امرو ....سلطان: فغيمون كيضرني راسي و ما كنبغيش صداع بزاف ماشي مهم معامن كتهضري المهم هو نتي ما تهضريشخنساء:اوا الا ضرك راسك شرب دوليبران و تكا فبلاصتك لاش خارج للبرد غايزيد يضركمراد :نقطة نظاااام الله يخليكم اشداني نجيبكم معايا انا كنت عوال نزهى مع عظامي خرجتو ليا من جنب قلنا نديرو فيكم خير صدقتو كتدابزو ليا هنا كي المش مع الفأرخنساء:و راه نيت سلطان عويناتو بحال المشسلطان : [بابتسامة ] و نتي برهوشة بحال الفأرخنساء طلقات ليه لسانها بطفولية و هو ضحك عليها و عض على شنيفاتو باغي غير فوقاااش تولي ملكو غايتوبها على يدو و كاع هاد طيران فالهضرة يحدهم ليها و يوريها طليق لسان بشحال كيسوى بمجرد ما كيتفكر شنو موجد ليها كايبغي يطير بالفرحة و ما يكرهش تولي ديالو اليوم قبل غدا مجرد تخيل حياتو المستقبلية معاها كيخليه سعيد ...عم صمت رهيب فالمكاان و خنساء هزات راسها شافت فالقمر المكتمل ديك ليلة و قالت ....خنساء:القمر شحال زوينيقين اللي هز الكانيطة ديال موناداهبط عليها و قال ...يقين:بحالكخنساء شافت فيه و قالت بابتسامة ....خنساء:شكراسلطان شاف فيقين بنص عين ما كرهش ينوض يزاكل ليه عظامو على بعضهم يوريه زوينة بحال القمر بشحال كطيح و لكن مع الأسف ما يقدرش رجع شاف فخنساء و بقا ساكت و ساهي فيها باش يتهدن و يطفي هاد البركان و هاد الحرارة اللي كيحس بيها فقلبو خنساء ولات عندو بحال شي مهدئ طبيعي يكون مقلق و كاعي يشوف وجهها يتهدن بحال شي سحر كتلقيه عليه ....حس بالإلهام اللي من شحال هادي ما جاه حس بكلمات عربية كيتكونو فعقلو باش ينظمو قصيدة عربية جميلة كأن قلبو اللي نسج كلماتها و عطا لعقلو ينظمهوم باش لسانو ينطق بيهم ....سلطان:جميلةٌ هي كالقمر المشعّ بنوره ، بريئة ٌكإنسانٍ لم يخطّ القلم الأسود في عقله و روحه ، كورقة ٍ بيضاء لم يكتب فيها إلاّ بقلم الخير والمحبّة...كأنّها شمسٌ و الملوك كواكب ، كلّما طلعت لم يبد منهنّ كوكب .. هي طاهرةٌ ، كثوبٍ أبيضٍ نقيٍّ مضيءٍ بالمحبّة والحنان ..كلهم التافتو و شافو فيه مراد بصدمة طيح الغيطار من يدو أما يقين دار يدو تحت ذقنو كيسمع لكلمات العربية اللي كيتفوه بيهم خوه اللي أول مرة كيسمعهوم من فمو أما خنساء فكانت لا تقل عنهم صدمة تشوكات و ما عرفات باش تبلات بقات غير كترمش فسلطان اللي زاد كمل فاش شافها كتشوف فيه ....سلطان:نعم هي التي أشغلت العالم بحسنها و جمالها و فطنتها ، كالوردة البيضاء التي كلّما نظر إليها المرء من جديد ، أعجب بها أكثر فأكثر ...