💞 قلوب أرهقها العشق 💞 بالدارجة المغربية

💛الفصل 58💛

تقدمات لأمام بخطوات بطيئة و سدات الباب غير بشوية و ما حدها كتقرب و الخوف كيدخل ليها مع العظام و قلبها كيدق بسرعة بقوة الخلعة ؛ كتمشى غير على ريوس صبعانها حتى دخلات لداخل و بدات كتقلب بعينيها عليه حتى بان ليها ناااعس فوق فرااشو و مغمض عويناتو و ريدو طاايح على السرجم و البيت لونو فالأسود كتحس بواحد الغمة و واحد الاكتئاب واخا ما تكونش مكتائب ...تمشات بخطوات بطيئة حتى وصلات لفوق راسو و هو يبان ليها مغمض عويناتو و شعويراتو رطبين نازلين ليه على عينيه بطريقة جميلة سبحان من خلقو بهاد الجماال خنساء بقات غير كترمش فوجهو الملائكي و مع بان ليها ناعس حنات بشوية و كتعض على شنايفها و كتبتاسم غير هي و راسها لحد ساعة ما مثيقاش بلي واقفة حدا نجم المشهور اللي خدا عقلها منها فسن المراهقة و لكن بالسيف ما تدوخ و هي كتشوف كمية كبيرة من الجاذبية و الوساامة قدام عينيها ....ما حسات بيديها حتى خانوها و تمدو لجيهة شعرو بلا ما تحس لقات راسها كتزيح دوك الخصلات اللي نازلين ليه على وجهو من حدا عويناتو و تقول بهمس ....خنساء : احم فخبارك بلي نتا زوين بزااف و كنت كنحماق عليك فاش كنت صغيرة و كان حلمي نشوفك مباشرة و لكن بداك لوجيسط اللي درتي البارح كرهتك أ سي سلطان جالس تعاير فيا لاش تا تقول ليا برهوشة امم ماشي حرام عليك ؟؟؟ دابا شكون يقول مول هاد الوجه د الملائكة يقول داك الكلام ديال الشياطين على العموم انا جيت باش نطلب منك سماحة و لكن بنتي ليا ناعس خاصني نرجع فوقت أخور ...فجأة تحولو عويناتها لديك لحية السوداء اللي مربي كبيرة عوجات فمها و قالت ...خنساء:دابا داخلت عليك بوجه الله واش خوك مربي داك الكفكوف و ديك شعكاكة داير كي راس العزافة و نتا مربي هاد لحية كي شطابة توما مالكم تقولكم مخاصمين مع الحجامة~ :خنسااءخنساء غير سمعات صوت شي حد نده بإسمها و هي تلتافت بسرعة البرق شافت فيه و قالت بهمس ..خنساء: مروانمروان : شنو كتديري هناسلطان نطق بصوت رجولي قااصح و قال ...سلطان : كتطلب السماحة من اللي لحيتو كي شطابةدارت عند سلطان بالعرض البطيئ و عينيها تحلو على وسعهم فاش شافتو حال عينيه و كيشوف فيها بغات توقف بقوة الصدمة فشلو ليها رجليها و جات مزدوحة لارض على قاعها....الجزء 173 قلوب أرهقها العشق سلطان عض على شنايفو و ميل وجهو لجيهة الأخرى إبتسامة خفيفة بانت على وجهو ما قدرش يحبسها من تصرفات هاد الفتاة الخرقاء ....مروان : خنساء واش نتي بخير ؟؟خنساء بقوة التحشيمة شداتها البكية ما يمكنش هادشي ديما مشوهة مع عباد الله ناضت بشوية عليها كتسوس فحوايجها شافت فمروان مع ابتسامة صفرا قالت ....خنساء: بخير ا خوياابغات تمشي بحالها و هي تسمع صوت سلطان ...سلطان : بلاتيدارت عندو بالعرض البطيئ حانية راسها ما قادراش تشوف فوجهو بعدما عرفات بلي سيد كان فايق و غالبا غايكون سمع كلامها ما لقات فين تدير وجهها ....سلطان : إعتذارك مرفوض تقدري تخرجي داباهزات عينيها و شافت فيه لمدة من زمن و هي ساكتة حتى نطقات ....خنساء: أنا فاش كانكون معصبة ما كنعرفش شنو كانقول عارفة راسي غلطت معاك البارح و ما كانش خاصني نجاوبك بديك طريقة و لكن نتا استافزيتيني لواحد درجة ما تصورش و كيفي كيف اي إنسانة عندها كرامة ما غانقدرش نسكت على حقي و بما أنني جيت و طلبت منك سماحة حيت عرفت راسي غالطة و باش انك تطلب السماحة من شخص الآخر هادشي كيتطلب قوة الشخصية و ما كيهمنيش تقبلو و لالا قدما كايهمني انني تحديت راسي و طلبت سماحة من شخص كان مفروض أنه هو اللي يطلب مني سماحةسلطان سهى فعينيها للحظات من زمان ما نطق بحتى حرف كلامها و نظراتها كيخليوه يرتابك كتقهرو عض على شنايفو بهدوء و دور وجهو لجيهة النافذة و ما جاوبهاش ....خنساء شافت فمروان مع ابتسامة و حنات راسها و خرجات من البيت و كتفكر فالموقف اللي تعرضات ليه مع سلطان كتبغي تاكل رايتها بقوة الفقصة حطات جبهتها على الحيط و رجعات للور و بدات كتضرب فراسها غير بشوية مع الحيط....خنساء: ضروري من الاكشن فحيااتي أ عبااد الله ما يمكنش يدوز عندي نهار هاني كيف عباد الله الا ما تشوهتش زعما ما نكونش فبرجي اش هاد العكس عندي فالحياة المرة الاولى قلت ليه موسيو زمراني و دابا قلت ليه لحيتو دايرة كي شطابة دابا انا وجه الله علايش كنقلب على خلا دار بوياا أكيد انا متأكدة غايعيط على عمي فريد يقولو جريو على هاد المريضة اللي جبتي ليا وااا منين جيت و انا مخرجة عيني فيه ما كنسكتشبعدات على الحيط و تمشات لجيهة دروج و نزلات غير بشوية عليها تشوف شنو غاتقضي ....سمعات الهدرة فالسيجور استغربات و قربات حتى وصلات لمصدر الصوت لقات العائلة مجموعة كيفطرو وفاء فريد ميلودة مراد منار إلا يقين اللي ما كاينش معاهم ....خنساء: صباح الخيركلهم التافتو شافو فيها و ابتاسمو ليها بحب ...مراد: صباح الخير أ فليفلةميلودة : مراااد كن تحشم صباح الخير ابنتي نعستي مزيان ؟؟خنساء : الحمد لله أ خالتيفريد: جلسي ابنتي ما تبقايش واقفةجرات الكرسي و جلسات و كبات ليها منار كأس ديال العصير و مداتو ليها خداتو من عندها و رشفات منو و حطاتو من فوق الطبلة بالهزة باش كتهز عينيها كتلقاهم حاضيينها حتى دخلو ليها الشك ...مراد: أ عطييتيه و شيطتي ليهخنساء: علامن كتهضر ؟؟مراد: على سلطان اللي شبعتي فيه معيار البارحميلودة : هضرات غير على حقهافريد : ههه صراحة ما عمر شي حد تجرأ فينا و جاوبو بديك طريقةوفاء: جريئة مع راسك و لكن كنظن سلطان غايكرهك و غايشد معاك العكس الا كنتي كتصرفي معاه بديك طريقة ردي البال لتصرفاتك معاهخنساء سرطات ريقها بصعوبة و شافت فوفاء اللي حسات بيها قصحات معاه الهضرة و جاوبات بهدوء ...خنساء: كنظن بلي من بين الأسباب اللي خاليينه يحس براسو بلي هو وااعر عليكم و حتى واحد ما غايقد عليه هو داك الاحترام زايد على حدو اللي نتوما عاطيينو ليه حتى واحد فيكم ما كيوقفو عند حدو الشيئ اللي خاليه يتمادى فأخطائومراد: و تي نوووضي اشمن نوقفوه عند حدو هداك راه سلطان و اجرك على الله تعطيه كلمة يعطيك عشرة راه غير هو ما بغاش يدير فيك راسو توريني انا فيهخنساء:هاد الافكار بالضبط هوما اللي خاليينه يعاملكم بديك طريقةالجزء 174 قلوب أرهقها العشق ميلودة : أ بنتي راه حنا عارفين سلطان كيفاش داير راه ماشي شي حد اللي صغير سيد راه دااي فالزمان و جايب و عاارف شنو كيدير هداكشي اللي كيحاول يدير عندو معنى واحد هو انه باغي يبعد عليه البشر و يبقى بوحدو فالحياة حيت كيحس بكلشي كيشفق عليهفريد : و انا متأكد بلي داك الهدوء ديالو لا يبشر بالخيرما جا فين يكملها حتى وقف عليهم مروان ...مروان: صباح الخيرضارو عندو كاملين دقة وحدة ...الكل: صباح الخيرميلودة:اجي تفطر معانا ا ولديمروان: لا غير بصحة جيت غير نقول ليكم بلي سلطان قال بلي أنا اللي غانتكلف و ندي ليه ما كلتو و انا بوحدي اللي غانبقا ندخل عندو و الباب غايتسد بساروتوفاء: ك..كيفاش ؟؟مروان:كيفما كتسمعي مدام وفاء باغسكو سلطان قال بلي بغا يعاقبكم على الفعلة ديال البارح و انكم مثلتو عليه زائد انه بغا يبقى بوحدو و ما بغى يشوف حتى واحد حيت قال ما بقا حتى واحد كيحتارمو فدار و الخبر الأسوأ هو أنه قال بلي إلا شاف خنساء مرة أخرى فبيتو غايمشي من دار بخطرة و ما غايعاودش يرجعوفاء:كيفاش ما غانشوفوش لمدة شهر اكيد كضحك ياك أ مروانمروان حرك راسو بنفي و قال ...مروان:انا وصلت الميساج ديالو كيفما قالو هو يعني انا ما قلت حتى حاجة من راسيفريد دار يدو بجوج تحت ذقنو و بقا ساكت كيخمم ...مراد: هاا ما قالت شوافة ها هو جرى عليك غير بالفن و بقاي تخرجي عينيك فيه و الله تا يتقبهوم ليك انا نقولك راه جنو و جنونو اللي يعاندوخنساء بلا ما ندوي على صدمتها فهاد اللحظة حيت هاد الخبر نزل عليها كي صاعقة ما يمكنش هي محتاجة لهاد الخدمة أكثر من اي وقت كان ما يمكنش ترجع عند ماماها لدار ديال راجل ختها ما يمكنش تفلت هاد الخدمة بسبب عصبيتها و بسبب انها ما كتقدرش تحكم فلسانها ما تقدرش تضيع خدمة بهاد المبلغ كاامل اللي كانت كتشوف فيها الأمل اللي غايقدر يخرجها من حياتها البائسة و غاتحقق بيه شحاال من حاجة ...ما تكدبش بلي حسات بدنيا ضلام فعينيها فاش تذكرات بلي فريد عطاها المهلة ديال شهر باش تبدا تبان نتائج إيجابية على ولدو و فهاد الحالة هو ما بغاش يشوفها بمرة يعني سيد كيقولها سيري بحالك غير بالفن بقات غير مصروطة و جالسة ما كتقول لا طابت و لا تحرقات ...خصوصا فاش شافت وفاء كتبكي و قالت موجهة نظراتها لخنساء...وفاء: كنظن هادشي اللي بغيتي ؟؟ منين ما كتعرفيش تعاملي معاه علاش عاطيانا وعود كاذبة بلي غاتقدري تردي ليه ضحكتو ؟؟ علاش كتقول لينا غاندير لي فجهدي جيتي فنهار واحد ولدي ما بقاش باغي يشوفنا لمدة شهر كاامل و ولا باغي يخرج من دار كااع منين ما كتعرفيش الحاجة لاش كتلاوحي ليها من اللول [ ضربات من فوق الطبلة بغضب و ناضت ]خنساء ما بقات عارفة لا ما تقدم لا ما توخر تقول القطة صرطات لسانها و دموع غلبوها حيت كتشوف أنها غاترجع بحالها لدار راجل ختها هادي ما فيهاش شك بقات غير حانية راسها و كتسمع كلام وفاء القاصح اللي زاد حسسها بلي راه ما غاتقدر تدير حتى حاجة و بلي فشلات فهاد الخدمة ؛انصارفات وفاء و تبعها فريد أما مراد اللي كان جالس أونفاص ليها و شاف دموعها ناض حداها و عنقها جنب كيمرر يدو على دراعها و أما ميلودة كتشوف فيها بأسف ما عارفة ما دير ليها ما عارفة ما تقول ليها...مراد:و صااافي اصاحبتي راه قلت ليك بلي سلطان خاايب منين جيتي و هو كيبكي فيك راه هداك باغي يبقى هاكاك حتى يهزوه للقبر سيد مقتانع بلي الحياة الضلام ما باغيش يشعل الضو على راسو نتي بلا ما تفقصي راسك ربي غايسهل عليك بخدمة أحسن أصلن نتي غير كنتي غاتبقاي تحرقي فالحجرة مع داك بنادم و هاداك راه راسو حجرة اللي فراسو فراااسو ما يحيدوش ليه طبيب ما تديش عليهخنساء كتكلم و الشهقة ديال البكا واحلة ليها فحلقها ...خنساء:و..ولك...ولكن انا ب..ب..بغيت غير نعاونومراد: و صافي يهديك الله أصاااحبتي هداك راه ما باغي حتى واحد يعاونو هداك داير كيف داك الغول اللي باغي يبقى غير فراس جبل بوحدو و اللي قرب ليه كايبغي يطير عليه عرفتي هاد خمس سنين ما خلينا ما درنا ليه و واااالو رااسو حجرة و دابا ما ديريش فبالك مسحي دموعكفنفس الأثناء هبط يقين لابس ملابس الخروج مع نظارات شمسية من فوق شعرو و هاز السوارت ديال طوموبيل و راش البارفان ديالو رجالي اللي كيتشم على بعد أميال ...لمح مراد معنق خنساء جنب عض على شنايفو مجددا ما قادرش يصبر قرب ليهم و حنحن و قال بصوت باين فيه نبرة الغضب ...يقين: صباح الخيرالجزء 175 قلوب أرهقها العشق مراد بعد على خنساء و هاد الاخيرة هزات راسها فيقين و عينيها عامرين دموع الشيئ اللي لاحظو يقين و فهاد اللحظة بالضبط حس بقلبو تزعزع من بلاصتو ؛ قرب ليها و قال بإهتمام...يقين : خنساء ماالك؟؟ميلودة : سلطان ما بغاهاش تعاونو و قال ليهم بلي يا هي يا هو و غاتضطر تمشي بحالها حيت خوك ما بغاش يتعالجيقين قرب ليها و جلس فالكرسي المجاور و هز ليها راسها حتى تقابل مع وجهو مرر يدو على خدها كيمسح دوك قطرات دموع اللي كيحس بيهم كقطرات السم على قلبو و قال ...يقين: و نتي علاش كاتبكي ؟؟خنساء بقات ساكتة و كتشوف فيه و مدلية شنيفاتها اللي كيحس بيهم كيناديوه باش ياخد قبلة منهم و لكن ما قادرش شنو يدير ؟؟ كيتكوى من لداخل و لكن الله غالب ما باليد حييلة ....خنساء: ب...ب...بغيت نعا..نعاونو صراحة و لكن هو ما بغاش و انا محتاجة لهاد الخدمة بزاافيقين تنهد و مرر يدو على شعرها مع ابتسامة ساحرة قال ....يقين : خويا سلطان نتي بوحدك اللي عندك دواه كلنا باغيينه يتعالج و لكن هو ما باغيش نتي غاتعاونيه حيت قارية على علم نفس و غاتنفعيه بزااف شخصيتك هي اللي غاتجي مع شخصيتو و انا متأكد بلي نتي عندك أفكاار واعرين باش تعالجيه ما تستسلميش من اول عقبة تحطات فطريقك سلطان هو هداك يقدر يجيك صعيب و لكن غير تطيحي على الكود ديالو غادي تعرفي ليهخنساء: و..و ...ومدام و.وفاء قالت ليا بلي خاصني نمشي من داريقين : ما غاتمشيش من دار انا عارف بابا ما غايخليكش تمشي حيت كيفما انا واثق بلي غاتقدري تبدليه حتى هو واثق بلي غاتقدري تغيريه ثيقي فراسك عفاك و ما تخلي حتى واحد يحطمك من ديباار ما تسمعيش لكلام ناس هادي هي اول نصيحة كنت عطيتك نسيتي و لا مزال عاقلةخنساء ابتاسمت ليه و حركات راسها بالإيجاب ...يقين : هاكاك الله يرضي عليك ما نبغيش نشوفك ضعيفة و اللي جا قالك شي حاجة ثيقيهامراد: بااا باااا باااا على عوينات جلبانة و نصائح العامةخنساء تنهدات و قبطات فيد يقين و مع إبتسامة امتنان لكلامو المحفز الايجابي خلاها تحس بواحد الحاجة زوينة عمرها كانت حاسة بيها فحياتها اللي هي يكون عندك صديق مقرب ليك حتى لهاد درجة و فاش تنهزم يمد ليك يدو و ينوضك فاش تطيح ما عرفاتش علاش حسدات سوسن عليه للحظات أكيد غايكون حبيب مثاالي تمنات للحظات لو كانت هي فمكان سوسن و لكن كتبقى هي غير خنساء اللي باغا تحقق احلامها بعيدا عن الإرتباط بالاضافة الى ان يقين يشوف فيها كحبيبة إحتمال ملغى من عقلها بصفة نهائية داكشي علاش فوقتما كتراودها شي فكرة بحال هاكا لدماغها كتطردها بسرعة ما باغاش تعلق بيه و فالتالي تصدق مقولبة و تآدي قلبها على الخاوي ....اما يقين شاف فيدها اللي تمدات على يدو و حس بالضو ضربو فقلبو إحساس فشي شكل كيشبه لدغدة زوينة على مستوى صدرو اااه و كن تعرف شنو كتدير فيه هاد الانسانة كن تخجل من تصرفاتها معاه ....خنساء:شكرا بزاف عوينات جلبانة