💞 قلوب أرهقها العشق 💞 بالدارجة المغربية

💛 الفصل 51 💛

الجزء 152 قلوب أرهقها العشق بدات كتحس بتعب و طريق طويلة رجعات راسها اللور و غمضات عينيها على ما يوصلو و كتحس براسها متحمسة بزاااف لهاد الخدمة الجديدة اللي واخداها كتحدي خاصها ما تخرج من تماك حتى تخلي سلطان يضحك و يحس بالحياة من جديد و يبغي راسو الثقة اللي واضعين فيها ما خاصهاش تخونها و خاصها تكون قدها و تخرج سلطان من المود اللي هو فيه و يبغي الحياة من جديد و يدير العملية شحال متشوقة تشوفو مباشرة أ الله حلم سنين غايتحقق ابتاسمت بمجرد ما فكرات فهاد الأشياء ...دازت ساعة ساعتين ثلاثة خلات خنساء تغفى و ما تحسش كاع بأشنو واقع فالعالم الخارجي عكس يقين اللي هاد ساعات كلها حاضيها و هي حاطة راسها على فخضو و هو كيمرر يدو على شعرها اللي طير ليه عقلو ياريت لو تبقى هاكا ديما فهاد الوضعية ياريت لو يقدر يشم ريحة شعرها براحة و بدات كتجيه افكار منحرفة لبالو كيف غاتكون ريحة جسمها يا ترى ؟؟ كيف غايكون مداق شفتيها ؟؟ منين غير ريحة شعرها و شعرها الأسود دار فيه هاد الحالة باقي تفاصيلها غايسلبو عقلو منو هادي ما فيهاش شك و لكن ما خلاش شيطان يجرو و يزيد يصور ليه فعقلو باقي مكونات جسدها سرعان ما ساس هاد الافكار السافلة من عقلو رغم انه كايحس بحرارة جسمو إرتافعات بمجرد ماذكر هاد الاشياء بينو و بين نفسو عض على شنايفو و كيحس براسو ماشي هو هداك و هي فهاد الوضعية متكية على فخضو الشيطان كيقول ليه حني و قبل خصلات شعرها ياك ما غاتحسش بيك ياك هي ناعسة شنو فيها كيحاول يقاوم هاد الافكار اللي طول هاد ساعات و هما كيزوره و ما بغاوش يفارقو ذهنو و شيطان أكييد كايزيد يبين ليه القضية بلي راه عادية و ما فيها والو ما بقاش قادر يزيد يصبر صرط ريقو بصعوبة و جمع يدو على شكل لكمة و هو كيشوف فمراد فالمراية اللي كيشكل ليه عائق بينو و بين طريق خنساء كيفكر فشي طريقة باش ينحيه من طريقو حتى تبادرت فكرة لذهنو .. .يقين : مراد عفاك جيب ليا قرعة د الما سيلطوبليمراد: يقين عيقتي عليا غير صبر راه قربنا نوصلويقين : مراد كن ما كنتش محتاجها ما غانطلبهاش منكمراد : واش عاودو ليك عليا سربااي و شيفور أشداني نجي عندك حتى انا نستاااهل دييلمي ما كنحشم ما كنرمشمراد وقف اللوطو جنب و بان ليه واحد الحانوت حل الباب مكره و نزل فحين يقين حس بلي الحياة عطاتو فرصة لاتعوض على طبق من ذهب اللي ما خاصوش يفلتها نحى خصلات شعرها جنب و حنى ببطئ حتى لمسو شنيفاتو خدها آااااه إحساس فشي شكل ما قادرش يبعد و ما قادرش يبقى قريب كيحس بروحو بين نااارين بدا شيطان كيغرو أكثر و شنيفاتها الوردية اللون كيبانو ليه كأنهم قنينة نبيذ إلا تدوق منهم ما غاينوضش و غايترفع على العالم و لكن ما قدرش يزيد شي حاجة حبساتو ربما خاف تحس بيه و يفقدها للأبد بعد شوية و كيبان ليه غير خدها يبرد فيه هاد نار المشتعلة داخل قلبو اللي ما باغاش تطفى ....إشتهت ورودي تقبيل الخدودو بين يديكي انا قررت السجودأقدم لكي بالعشق طاعتيإغمريني بفيض إحساسكعطريني من بوح أنفاسكإهمسي في أذني شوقا و حباليصبح العالم ملكي و انت ملكتيفي عالم عشقك الساحر الجميلتهت كطفل صغيرالجزء 153قلوب أرهقها العشق بعد و هو ما ساخيش خاف يجي مراد و يقبطو متلبس داكشي علاش اكتفى بهاد القدر اللي قدر يريح بيه قلبو قليلا ؛ ما هي الا بضع ثواني حتى تحل الباب و بان مراد اللي معصب غير هو و راسو مد ليه القرعة ..مراد: هاك ها الماا و نزل كمل شوية عليا راني عييت اصاااحبي من قبيلة و انا نخبط مابقيتش فيكيقين خدا من عندو القرعة حلها و هبط عليها و فاش كمل حرك راسو بنفي ...يقين :كمل السوكان أ مراد بلا هضرةمراد تكلم بصوت مرتفع شوية بحكم أنو عيان حيت من البارح جا سايق و ما نعسش مزيان و عاد زيد عليها عاوتاني خبط نص الطريق ما ساهلاش ما حس براسو حتى انفاعل ....مراد : برب الجليل أ يقين الا كديرها بالعاني و ما بقاااش بزاف ساعة ما كملاش و نوض الله يحفظكعلى إثر صوت مراد قفزات من مكانها و تحركات من فوق منو و ناضت مدهشرة بالنعاس ما عارفة راسها حتى فين راها فركات عينيها ببطئ و هوما حاضينها ؛ التافتت كتشوف فيهم و عينيها معمشين و دايخة ...خنساء: مالكم ؟؟يقين بلا ما يشعر حط يدو على خدها استاغل الفرصة بما أنها مدوخة بالنعاس و كيمرر بصبعو الابهام على خدها برفق و قال بإبتسامة ....يقين : bonne soir princesseمراد : أفين أ الفردة كشكش نوضي تغسلي وجهك نديك للمدرسة راه غايسدو عليك الباب يقين سير جيب ديك المشطة نسرحو ليها ديك شعكاكة باش ما يضحكوش عليها البنات نديرو ليك غرينات ديال المعيز من داكشييقين التافت و شاف فيه و قال ...يقين : سير كمل السوكاان و باراكة من الهدرة الخاوية بعد من البنت راه تعطلنامراد : انا راه ما غانسوكش بلا ما تحمقنيخنساء تقادات فالجلسة و بدات كتواكض طلات على مراد و قالت بعفوية...خنساء: مراد مالكم واش كاين شي مشكل ؟؟؟مراد اشار بصبعو لجيهة يقين و قال ...مراد :هدا فين كاين المشكل [ حط يدو على صدرو ] فردتي عييت و تهديت بالسوكان و ما بغاش ينزل يكمل عليا هضري معاه الله يحفظكخنساء:[شافت فيقين ] حرام عليك و الله حتى باينة فيه عيان نزل كمل عليه على وجهي توحشت نجمع معاهيقين شاف فيها مطولا ما عاجبو حال حس بحال وجودو بجنبها ما عندو معنى من الأساس و كتفضل مراد كصديق أكثر منو هو كره مراد فهاد اللحظة كرز على يدو بعصبية كيحاول يتهدن باش ما يقولش شي حاجة ماشي هي هاديك نزل من اللوطو بلا كلمة بلا جوج و مراد بقوة الفرحة حيت غايرتاح بغا يربت على كتف يقين و لكن مع الأسف شدو من التيشورت ديالو مزير عليه بعيون حوومر و قال بصوت هامس باش ما تسمعوش خنساء ...يقين : غات*** من قدامي و لا ما غايعجبك حاالرخا من التيشورت ديال مراد و تقدم بخطوات بطيئة و حل الباب ديال اللوطو و طلع و رجع زدح الباب على حر جهدو خلا مراد مصدوم غير كيشوف ما فهمش علاش تصرف معاه هكاك و علاش غايتعصب حتى لديك درجة هز مراد كتافو بعدم مبالاة و طلع حدا خنساء و بمجرد ما سد الباب قلع يقين كااره الوضع...و زاد طين بلة منين حطات خنساء راسها على كتف مراد مازال فيها نعاس و حتى هو حط عليها راسو و غمضو عينيهم بجوج ناااري على إحساس كيحس بيه ألم رهييب كأنه كيدير عملية بدون مخدر كأن سكين دخل لأعماق قلبو كااره راسو كااره هاد الأحاسيس خااصو يبعد من طريق خنساء تعلقو بيها مش طبيعي ففترة قصيرة دخلها كصديقة و كأخت بغا يعاونها صدق كيتمناها كحبيبة او كزوجة يعشقها باغي يحيد هاد الأحاسيس اللي تكونو فقلبو ما كرهش كن كانت عندو شي قوة خارقة يقدر يقلع بيها هاد القلب اللي كيعطيه آلام غير عادي و هو كيشوف شخص آخر مقرب ليها محتاج الوقت مع نفسو محتاج الوقت باش يصفي قلبو و يغربلو و يشوف واش هاد الاحاسيس ما هي الا احاسيس عاابرة ام هي احاسيس دائمة غاتبقى معاه حتى يتهز للقبور من يدري خاااصو الوقت و خاصو يبعد من خنساء هدا هو القرار اللي بان ليه فهاد اللحظة صاائب و لكن واش بصح غايقدر على فراقها هدا هو السؤال اللي تايطرح نفسو ....أحببتك في أيام سـريـعة وأصـبحـت تملكَ كـل وقـتي لا أعـلم ماذا حـصـل لي، ولكـن لا اطيـق ابـتعادك عَـني فهو يتعبني كثيـراً.الجزء 154 قلوب أرهقها العشق و أخيييييرا وصلو تحل الباب الرئيسي ديال الفيلا أوطوماتيكمون بمجرد ما وصل يقين حدا الباب خفف من سرعة و وقف الطوموبيل ...التافت كيشوف فيهم بانو ليه ناعسين على بعضياتهم غمض عينو و عاود حلهم و بدون شعور ضرب مراد لرجلو بقوة حتى قفز من مكانو و قفزات معاه خنساء ...مرااد: اااح اش وااقعيقين : وصلنا على سلامتكمشاف فخنساء لبعض الثواني و فالأخير حل الباب و زدحو بينما بقات خنساء مع مراد ما فاهمة والو فهادشي ...خنساء كتكسل و كتهضر ...خنساء: هااح و اخيييرا و صلنامراد : ما عرفتش واش نقول ليك مبروك عليك و لا الله يحسن عوانكخنساء: علااش [كتفوه ]مراد: دابا تعرفي علااش اجي عندك مع الزبح ؟خنساء: واش كاين شي حد ما عندوش مع زبحمراد: قبل ما دخلي لبيتنا المبارك أش بانلك نلعبو الحكامخنساء: و لكن علاش ؟؟مراد: و غير نحيدو الملل و نرحب بيك بطريقتي فالفيلا ديالناخنساء: اوكي متافقةمراد : يالاه زيمبو مباااحطلقو يديهم دقة وحدة هو كان داير مقص و هي دايرة ورقة يعني قطعها يعني ربحها شاف فيها بابتسامة شر ...مراد: طحتي بين يدي ما غانرحمكش نهههاااهاااهااا [ كيقهقه بشر لدرجة صوت ضحكتو ضحكاتها حتى هي ]خنساء: هههه و عفاااك ما تحكمش عليا شي حكمة خاايبة دير معانا مزياان ياك غير لول هدا ؟؟مراد: غاندير بوجهك أ فردتي و نتعامل معاك يالاه دوزي تهبطي على ما نفكر ليك فشي حكمةحل الباب مراد و حتى هي حلاتو من جيهتها بالحلة بشهقة بالصدمة ما قدراتش تكبح مدى إعجابها بهاد التحفة الفنية اللي كتشوف أمامها كأنها أمام قصر و ليس فيلااا نافورة كبييرة كترش الما و خضورية جردة ماليها مثيل واااو هادشي اللي كانت تشوفو غير فالتلفازة ربي كتب ليها تشوفو حتى فالواقع عمرها طاحت على البال بقات غير حالة فمها فالورود المختلفة الألوان المزينة هاد الحديقة و اللي زاد ثار دهشة فنفسها وجود لابيسين أماام الفيلا ماه صااافي و عاطي واحد المنظر زوين كتحس بالبرودة و الهواء المنعش فهاد المكان استنشقات أكبر كمية ديال الهواء و عاودت زفراتو و راحة نفسية رهيبة حساتها فهاد المكان ...مراد: تسنايني هنا غادي نجي داباخنساء: علاش فين غادي ؟مراد:و تسنايني أعشيرتي غانجي دابا سمعي للهضرةخنساء: و هانامراد: غمضي عينيك بالحقخنساء غمضاتهم و ربعات يديها ...خنساء:ها أنامراد: ما تحركيش من هنا واخا يوقع زلزال و تسوناميخنساء: [ ضربات رجليها مع الأرض و هي على نفس وضعيتها ] و تحرك أ زمر فقصتينيانصارف مراد و خلا خنساء مغمضة عينيها من جدر عقلها دازت شي عشرة دقايق و هو مزال ما جا خلاها تماك واقفة حتى ملات و بغات تحل عينيها و هي تحس بيه وقف عليها..مراد:هاااااناااا جيت ما تحليش عينيكخنساء: واش هادشي داخل فالحكمة و لا كيفاشمراد : بحال علمك الله و لكن انا ما كنثيقش فيك داكشي علاش غانحزم ليك عينيكضار من مور ضهرها و دار ليها واحد البانضة فالكحل على عينيها و هي مسايراه و كضحك قبط ليها فيديها و سمعات نباح ديال كلب و هي تقفز و قبطات فدراع مراد و قالت بالغوات ...خنساء: ك...كك..كلب أمراااد الكلاااب ما معناش شنو باغي ديرمراد: و مالك منوية غير نتي و راسك هداك طوم الكلب ديالنا ما عندك مناش تخافي راه حدا العساس بعيد عليناخنساء : كنموت بالخلعة من الكلاب عفاك عنداك يجي راه نسخف ليكمراد: و دابا زيدي راني معاك ما عندك مناش تخافيخنساء: وافين هو عمي فريد و سلطان اللي جاية على قبلومراد: و دابا غير يلاه معايا راه سلطان غاتبقاي تشوفيه حتى تطيبي و يطلع ليك فراسكمراد جرها من يديها و هي تابعاه و فاليد لوخرى جار واحد الكلب قدو قداش و كيبتاسم بشر و كيشوف فيها و كيضحك تمشاو مسافة قليلة و فجأة وقف حدا لابيسين و طلق من يديها و خنساء مسكينة ما فاهمة حتى وزة ....مراد : خنساء كتعرفي تعومي ؟؟خنساء: لا علاش هاد سؤال ؟؟مراد : أصلن ما غارقش بزاف تقدري توقفي فيه على رجليككمل الجملة ديالو و دفعها على غفلة منها فلابيسين اللي كاين حدا دخلة طلقاتها بغوتة فاعلة تاركة ...خنساء: وااااااااااااااعالجزء 155قلوب أرهقها العشق طحات فالما و تخلطات عليها الصدمة و دهشة ما عرفات ما دير ما توقعاتهاش منو و عاد زيد عليها عينيها عليهم بانضة استغرقات عدة ثواني باش توقف على رجليها و كتغوت ....و اخيرا قدرات توقف على رجليها لحسن الحظ ما كانش غارق بزاف اما كن مشات غرقات ؛ كلها كترعد و رجليها فشلو عليها و كتحاولو تحيد البانضة من عينيها حتى نطراتها على حر جهدها و عينيها فيهم الدموع تجمع عليها كلشي بان ليها مراد واقف و مربع يدو كيضحك عليها .....خنساء: أ الح...الحمااااار أ الكيداااار الله يلقيها ليك كحلة زحلة حرااام عليك شنو درت ليك باش تدير ليا هاد الحااااالةمراد هز كتافو بعدم مبالاة و حنى و جلس فالعشب اللي داير على لابسين و ربع رجلو و كيمرر يدو على الكلب اللي حداه كلب كبييير و عاامر من نوع شامبوليس ....مراد : نتي بغيتي تلعبي مع مراااد نهااااهاااا [ كيضحك بشر ]خنساء تحركات من لابيسين بغات تخرج و هي تسمع مرااد غوت و قال ...مراد: رصاااي مزال عاد غانبدااو لعبخنساء: نتا راك مسطيمراد: أقسم بالله الا زدتي كلمة وحدة غانطلق عليك طووم و شوفي شكون يفكك غاتسمعي ليا شنو غانقولك و غاتعاودي مورايا واش اوكيخنساء بقوة الخوف من الكلب ما جاوباتش خصوصا منين سمعاتو كينبح بغات روحها تخرج...مراد: واش أووووكيقفزها من بلاصتها و هي كلها كتقطر و كترعد حركات راسها بالإيجاب ....خنساء:.أ..أ...أ أوكيمراد ناض من بلاصتو و وقف و جبد التيليفون من جيبو و هزو كيصور و قال ....مراد: غاتغمضي عينيك بعدا هو لول عاد غانبداوخنساء صرطات ريقها بصعوبة و غمضات عينيها مستسلمة لأوامر ديالو و كتحلف عليه من لداخل....مراد : يالاه قولي مراااد جلاااال نجم التيك توك دااا ولد شقي و كمااان محبووب [ كيلحنها ]خنساء : [ كتهضر مغمضة عينيها و بسرعة باغا غير تفك من هاد المسطي ] مراد جلال نجم التيك توك دااا ولد شقي و كمان محبوبمراد: و لحنيييها و لا غانطلقو عليك غني مزيااانخنساء قفزات من مكانها و بدات كتلحنها بلهلا يطريه ليها ...خنساء: مراااد جلال نجم التيك التوك دا ولد شقي و كمان محبوبمراد: غنيهاااا و صفقي و شطحي بيديك يالاه يااالاه بلا ما تخليني نتعصب و نطلق طوم عليكخنساء ما بيدها حيلة بدات كتصفق بيديها و تشطح مغمضة عينيها و هي كتغني ...خنساء: مراااد جلااال نجم تيك تووك دا ولد شقي و كمان محبوب مراااد جلااال صااافي مزيااان هاكامراد: مزيااان و لكن ماازال ما سالينا أ الغزالة ...فنفس الأثناء دخلات سيارة من نوع خاص للفيلا سيارة فلون أسود و وقفات تحل الباب الخلفي لسيارة و شيفور برك على واحد زر و هبطات واحد الحديدة فلون الأسود أوطوماتيكمون باش تسهل لشخص اللي كيستخدم الكرسي المتحرك بنزول باش ما يحتاجش مساعدة من حتى شي واحد سيارة مجهزة خاصة بالاشخاص ذوي الإحتياجات الخااصة ....نزل عن طريق داك الحديدة شخص واحد ما منوش جوج سلطااان اللي كان مخنزر كيفما العادة ملامح وجهو جامدة لابس ملابس سوداء حتى وصل لارض و و اوطوماتيكمون رجعات تطوات داك الحديدة و نزل من موراه مروان الممرض ديالو اللي داه لأوبيطال باش يديرو ليه فحص شامل و بعض الحركات الخاصة بالأشخاص المعاقين باش تحسن حاالتو كل اسبوع كايمشي باش كيفحصوه و خصوصا ليلة البارحة طلعات ليه سخانة كان خاصهم يشوفو واش وقعو ليه شي مضعافات و لكن من حسن الحظ صحتو كانت جيدة ...سمعو أصوات مرتفعة جاية من جيهة لابيسين اللي كانو قرابين ليه ....مروان: شنو هاد صدااع؟؟ واش مرااد هداكهز سلطان عينيه اللي كانو حاملين فطياتهم حزن كبييير بملامح جااامدة انتابه لمراد اللي كان هاز تيليفون و كيضحك حول نظراتو باش يشوف شنو كيشوف مرااد استغرب بعض شيئ فاش لمح البنت اللي كانت فلابيسين كلها كترعد و شعرها الأسود لاصق ليها على وجهها ضهرات علامة الدهشة و الاستغراب على ملاميحو من شكل وجهها اللي كان باين بلي ماشي عادي...إنسانة جامعة لونين مختلفين فبشرة وحدة الأبيض و الأسمر بنت مميزة مختلفة على باقي الفتيات شكلها غريب اول مرة كيشوف شي بنت بهاد الشكل اول مرة فحياتو كيشوف هاد الجماال رغم انو شاف اشكال البنات بالأنواع و لكن هاد البنت عندها لمسة خاصة و رونق مميز بيها بوحدها طول شوفة فيها و يا للغرابة أول بنت ما كتذكروش بعالية أول بنت كيطول فيها الشوفة من مور الحادث تطلقو ملامح وجهو و زالت ديك التخنزيرة اللي كانت كتبان قبل قليل و سؤال اللي تيطرح فبالو شكون هي هاد الإنسانة ؟؟ ....مروان : شكوون هاديك البنت اللي مع مراد ؟؟سلطان نطق ببرود ...سلطان : نفس السؤال كنطرحو على نفسيمروان: غانمشي نسولوسلطان هز يدو كعلامة سطووب و قال ...سلطان : ما تمشيش خلينا نشوفو شنو غايدير