💞 قلوب أرهقها العشق 💞 بالدارجة المغربية

💛الفصل 27 💛

الجزء 84قلوب أرهقها العشق واقفة فالكوزينة حدا ختها وكتمسح فالكيسان اللي كتغسل ياقوت وكضحك غير هي وراسها و قالت ...خنساء:واش زعما زهري ترجل ووقف معايا والله حتى تصدمتياقوت:ههه والله آخر حاجة كنت نتوقعهاخنساء: يااويلي صدق سيد جاي على قبل زينب وانا جالسة رافدة الهمياقوت:وا زغرتي حمدي الله اللي ما جاش على قبلكخنساء:والله حتى خاصني نخرج صدقةياقوت: وهانتي سيد تزعط فزينب أصلن انا شفتو كان كيشوف فيها غير من تحت لتحت يا ختي هداك سيد مارتاحيتش ليه باين فيه بحال شي شفاارخنساء: تي اشمن شفار واش عمرك شفتي شي شفار بداك طول وديك صحة وداك زين الشفارة بقوة اللي كايكونو خايبين يوقفو عليك تحطي ليهم شنو فجيبك بلا ماينطقو ولكن هدا واخا هاكاك مزيون وكيبان فيه شخصية غير هو مخسرها بداك البيرسينغ فنيفو انا جاني بحال رئيس ديال شي عصاابةياقوت:لواه البعابعخنساء:اوا مالك كلشي ممكن اصلن هو عايش فطاليان وديك طاليان باش معروفة فنظركياقوت:واش كتثيقي بدوك الخوزعبيلات ديال المافيا و العصابات راحنا ف 2020 اصاحبتيخنساء:نتي اللي واش من نيتك المافيات ابنتي راه كاينين وكلشي عارفهمياقوت:كاين زعتر و الباكور الهندي و علاش ماكيقبطوهومش منين عارفينهمخنساء: نتي راك شوية لابس راه المافيات كيساهمو بقيمة كبيييرة فإقتصاد البلاد و الا مابقاوش راه معظم دول غاتولي فقيرة خاصة دول الاوروبية راه المافيات براسهم دول خاصك تعرفيها الله يبعدهم علينا كيفما بعد السما على الارض حنا ماشي قدهم ونزيدك اغلبهم ما كيموتوش موتة عادية ديما كيتقتلو ويصحابلك غير اجي وتلاقاهم بشاااخ أصلن عمرهم يكونو مساليين ليكياقوت: من هادشي كامل شنو بانلك زعما يقدر الواليد والواليدة يوافقو يزوجو عصام وزينبخنساء: و الله ما عرفت و لكن عرفتي الا وافقو غانوقف ليهم فالحلق زينب مزال صغيرة و عندها مستقبل تبنيه باغيين يغرقوها بالمسؤولية من دابا" خنسااااااء"خنساء: ها هي الواليدة كاتعيط غانمشي نشوف شنو بغاتخرجات خنساء من الكوزينة شافت فمنانة ...خنساء: نعام أ ميمنانة : شوفي ا بنتي زينب قولها تجي هي و عصام راه تعطلوخنساء حركات راسها بالايجاب و اتاجهت لباب بغات دق و هو يتحل الباب بان ليها عصام اللي شاف فيها و حنا راسو و زاد ما هضر معاها ما تكلم اما زينب اللي كانت من موراه هزات عويناتها و شافت فيها مع ابتسامة ...زينب: خنساءخنساء دارت يديها فجنبها طلعاتها و هبطاتها و قالت ...خنساء: ما زال عندك الفم اللي تقولي ليا بيه خنساء دوي ا خطافة رجالزينب ضهرات على فمها ابتسامة تحولات لضحكة هيستيرية خلات خنساء غير كتشوف فيها و تبتاسم ...خنساء:واش انا كنقولك خطافة رجال و نتي كتكركري ليا هناياازينب تقدمات بخطوات بطيئة و عنقاتها باش ما يبانوش دموعها اللي سالو و زيرات عليها ...زينب : كانبغيك بزااف أ خنساء و الله نتي الوحيدة اللي كاتفهمينيخنساء صدماتها بتصرفها و مررات يديها على ضهرها و قالت بحب ...خنساء: حتى انا كنبغيك بزااف كانعتابرك بنتي واخا مازال ما عندي راجلبعدات خنساء بشوية على زينب و شافت دموعها مسحاتهم ليها بيديها بحب و قالت ...خنساء: يا الهبيلة لاش كاتبكي اجي بعدا مال داك خينا شنو قالك ؟؟ ياك ما قللش عليك الادب و لا شي حاجة بحال هاكا و الله حتى نشوه اصل موزينب : لااا بالعكس ما دار ليا والو غير هضرنا"زييينب "خنساء:هاهي خالتك كتعيط ليك سيري انا غانمشي عند ياقوتزينب :لاا عفاااك بقاي معاياخنساء شافت حتى عيات وافقات ..خنساء : واخااتاجهو لصالو بجوج بيهم و جلسو فالطرف ..عبد العزيز: علايش اتافقتو أ ولدي هضر كانسمعكمزينب ما عارفاش شنو غايقول عصام شيئ اللي خلاها توتر و تخلع ؛ زيرات على يدين خنساء و سرطات ريقها بصعوبة و قلبها كيضرب بسرعة ...عصام : اتافقنا بلي ... تتمة الجزء 84قلوب أرهقها العشق شاف فزينب و بقا ساكت كيلعب ليها على الوتر الحسااس و هي كتزيد تزير بقوة الخلعة ؛ ابتاسم بانتصار حيت عرف راسو وصل لشنو بغا و كمل كلامو ...عصام : انا كان شرطي بلي زينب تجلس من القراية و هي بغات تكمل قرايتها دونك الخطوبة غاتلغى و سمحو ليا مرة أخرىعبد العزيز :اوا اش غانقولك اولدي حتى لقرايتها لا كن جيتي على قبل خنساء نقولك واخا و لكن زينب مزال صغيرة و كتقرا مسكينة ما زال خاصها تثقف راسهازهرة : سمحو لينا و اللهمنانة : ما درتو والو أ ختي كلشي بالخاطر ما كاين حتى حاجة بززناض عصام و قال بصوتو الرجولي ...عصام :خاصنا نمشيومنانة : ما عندكم فين تمشيو جلسو حتى تعشاوعبد العزيز: واش هبلتو و الله لا مشيتوعصام: غير بلا ما تحلف أ عمي غدا عندي شي شغال موالف كانعس بكري مرة اخرى نعاودوهاعبد العزيز: اوا منين هكا سير ا ولدي ا الله تقضي شغالكناضت زهرة وعلال حتى هو ...علال:سمحو لينا على هاد دخلة و اللهعبد العزيز:نتا جلس أ صاحبيعلال:و الله مانصيب نسيت دوا ديالي فدارناضو كيتسالمو على بعضياتهم و فالاخير مد يدو عصام لزينب و قال بشر ...عصام : الله يعاون آنسة زينب اه نسيت مدام زينب [ غمزها ] و قراي مزيان [ زير ليها على يديها ] الله يجيب ليك شي ولد ناسزينب خنزرات فيه و جاوباتو هي الاخرى بنبرة غاضبة ضاغطة على سنانها ...زينب:دعي معايا نلقا غير رااجلعصام:غير قلبي عليه راك غاتلقايهحول نظراتو بان ليه كلشي مشغول كيتسالمو رجع شاف فيها و همس ...عصام:مشاء الله مانخافش عليك راك خبرة فهادشي ديال راجل غير هو بعدي من شراف كايكون عندهم الموطور عياانرخا من يديها وعطاها بضهر وخرج و هي تبعات ليه العين وكتحس بروحها غاتحماق من كثرة التفكير ... الجزء 85قلوب أرهقها العشق جالسين فوق مائدة العشا و كيضربو فالدجاج اللي صوبات منانة طلع لذيذ بزااف ...عبد العزيز: أ لالا تبارك الله عليكمنانة : بصحتكم و راحتكمعبد العزيز : اودي غير دزنا فوجه الخطااب ههههياقوت : وييه كن ما كانو الخطاب و الله ما نشوفو هاد الزردةمنانة: علاه مالكم كتديرو بحال عمركم دقتو دجااجعبد العزيز: وا قولي ليا طلعات هاد الخطبة فاالصو مسكينة خنساء كانت فرحاانة غاتزوج و غاتمشي لطاليان ساعة ما كتابشخنساء حبسات ضحكة غير بزز و كبات كاس د الما شرباتو و قالت بصوت حزين ...خنساء: آه أ باا و الله كنت فرحاانة حيت جاو فيا الخطاب و غانمشي لطاليان و نخدم تماك و نقرا على راسي ساعة ما سهلش الله اش نديروعبد العزيز: فيها خير أ بنتي فيها خير دابا ربي يسهل عليك فما احسنياقوت : فخبارك أ با راه نهار اثنين غاتبدا الخدمةعبد العزيز شاف فياقوت ما مصدقش و قال ...عبد العزيز: كدوب ؟؟ياقوت :و الله غاتخدم فاكبر مكتبة تحلات فالمغربعبد العزيز: هااي هاااي و شحال غايعطيوها ؟؟منانة : و مزال هي براسها ما عرفات كول لا غادي تاكل و نتا همك غير فلفلوسعبد العزيز: و الفلوس راه هما كلشي أ منااانتيمنانة شافت فيه مخيبة وجهها زعما حشمانة من تدليعو ليها قدام بناتها ...عبد العزيز:و نتي ا بنتي زينب كيف غادة مع التوجاد للباك راه ما بقا ليك والوزينب صرطات ريقها بصعوبة و جاوباتو بإقتضابزينب : اه مزيان حمد اللهعبد العزيز: و قراي مزيان أ بنتي باش تخدمي و تهزي راسك و تشري دارك راه فهاد الدنيا ما غايدوم ليك حدزينب ابتاسمت ليه من فوق خاطرها ...زينب : عارفة أ عزيزيعبد العزيز: و نتي تبارك الله كبرتي حتى ولاو يجيو فيك الخطااب كن كنتي قد خنساء و الله تانعطيك ليه و لكن تصابيتي صغيرةمنانة كتنغز فيه باش يسكت و هو حرااام واش بغا يسكت ...منانة : وا عبد العزيز خلي البنا تعشا فخاطرها و زايدون نتا ما عندكش الحق عليها راه عندها باهاعبد العزيز : و تحمد الله اللي لقاتني انا أما كن كان داك احمد كن زوجها ليه هاداك كيهمو غير الفلوسمنانة : جمل ما كيشوفش حدبتو كيشوف غير حدبة خوهعبد العزيز: شفتك وليتي تردي عليا فالهضرةمنانة حاولات تكالما و قالت بهمس ...منانة : خلينا ناكلو فخاطرنا نعرفو غير هاد شدق منين داز ها العارعبد العزيز : هاهو سااكتمنانة : بسلامة بلاال مسكين كن غير جا حتى هوياقوت : هاد نهار عندو الخدمة بليل ما صلاحش ليهمنانة :اوا اش يدير مسكين طرف ديال الخبز صعيبكملو العشا و تعاونات زينب و خنساء شي جمع طبلة و شي غسل الماعن و رجعو لبيتهم و حطو راسهم على المخدة كلها و فاش كايفكر كلها و همو كلها و فاش كيفكر شي كيفكر فحياتو و شي كيفكر فمستقبلو شي خايف من انه يتفشى سرو و يتفضح شي ما عندو منين يخاف كلها و افكارو و كلها و طريقة تفكيرو و كلها و مشاكلو ....خنساء حمدات الله فنفسها مية الف مرة حيت الخطوبة تلغات ؛ فجأة تفكرات حبيب القلب "يقين زعيمي " عضات على شنايفها و هزات تيليفونها لحسن الحظ كانت مزال عندها الكونيكسيون دخلات مجددا للانستغرام ديالو كتشوف تصاورو و تفرنس غير و هي و راسها حتى توصلات بميساج بلي تسالات ليها الكونيكسيون عوجات فمها و خرجات من الانستغرام دخلات لأغاني اللي مسجلة فالفون دارت ليزيكوطور ديالها كتسمع لواحد الأغنية كتحمقها "الموجة " بصوتو هو بصوت كولو أحااسيس بصوت أكبر نجم فالمغرب اللي شحال ما تسمع عليه شي خبار فيا ترى شكون هو هدا الشخص ؟.... الجزء 86قلوب أرهقها العشق كيف كل عام فالمغرب كيتقام أكبر مهرجان اللي كيتصنف كثاني و أضخم مهرجان فالعالم شكون من غيرو "مهرجان موازين " المعروف بجمهور ضخم و مطربين عاالمين و محليين من ضمنهم واحد الشخص اللي كان واقف على الخشبة و حداه الميكروفون و جمهور كبييييير كيصرخ بأعلى صوت " سلطاااااااان سلطاااااان اوووو اوووو سلطااااان سلطاااان اوووو اوووو " و هازين لافتات كبار مكتوب عليهم "سلطان " و كذلك تصاااورو اللي مكسرين سااحة و خلاص الراية د المغرب اللي ضروري تكون حاضرة فأي مهرجان ....المطرب شاب اللي تألق فأغانيه اللي ولا حافظهم الصغير و الكبيير ،واقف كيبتاسم و فخور براسو اللي قدر يوصل لما هو عليه بحيث أكبر عدد ديال الجمهور تسجل فالحفل ديالو غير هادي براسها حاجة عظيمة تخليه يفتاخر براسو أكثر و اكثر ...سلطان هز يدو بجوج لمستوى اعلى كعلامة شكر لجمهورو الوفي و قال فالميكرفون ...سلطان :كنحبكم راكم هنا فالقلب [ ضرب بيدو على صدرو ]و تعالات تصفيقات و تهليلات بإسمو اما البنات خلاص ها اللي كتبكي ها اللي غاتسخف ها اللي كتفرج عادي و مستمتعة بالاجواء كل وحدة و حالتها ...سلطان زينو جاي فشكل رجل عندو هيبة فالمكان اللي كايكون فيه بواحد طريقة رهيبة ربما الكاريزما ديالو و الحضور ديالو خلاوه يتشهر على باقي الشباب الآخرين حروفو كحلين لحيتو المزينة ذقنو عاطياه جاذبية خاصة لون بشرتو أبيض و عويناتو مخلطين بين لون العسلي و زيتي جايين فشكل اللي شافهم كيقول سبحان اللي خلقو بهاد الشكل بإختصار شخص وسييم بزااف و حتى هادي نقطة كتنضاف ليه فشهرة ديالو جسمو ريااضي مهلي فراسو بالماكلة و السبور و بطبيعة الحال باش يبقى ديما يبان بشكل زوين و بيرفكت و يبقى ديما فالقمة ...قبط الميكروفون بيدو بجوج ..سلطان : أش بااانلكم نختمو حفلتنا بالموجةالجمهور : ويييي وييييي وييييييتعالات تصفيقات و تصفار من جدييد و الجمهور هز تيليفونات لفوق و بقاو مضويين غير بالفلاش عطا واحد المنظر واااعر بزااااف ....ضار سلطان عند الفرقة الموسيقية و عطاهم إشارة باش ينطالقو و يعزفو معاه و التافت كيشوف فالجمهور و قابط الميكروفون بيديه بجوج غمض عينو كيسمع البيانو و بدا كيغني بصوت شجي رائع كلو إحساس ....سلطان : يا اللي غايب حس بقلبي اللي داايب طالب فيك و راغب و نتا مبعد و ناسيني بيني و بينك جبال و حبي ليك مزال عندي ليك سؤال لمن غادي و مخليني الشوق ليك هاج دايرك فوق راسي تاج و نتا مخلي دموعي نازلة بحاار سولت عليك الموجة قالت ليا حبيبك باقي ما جا يحسن عوانك غير صبااار يا اللي ناسي عمري ما نويتك قاسي خدعني فيك إحساسي كنت غافل و درت نية ننساك ما قادر على بعدك ما صابر فراقك جاني واعر إمتى تشوفك عينايا الشوق ليك هاج دايرك فوق راسي تاج و نتا مخلي دموعي نازلة بحاار سولت عليك الموجة قالت ليا حبيبك باقي ما جا الشوق ليك هاج دايرك فوق راسي تاج و نتا مخلي دموعي نازلة بحاار سولت عليك الموجة قالت ليا حبيبك باقي ما جا يحسن عوانك غير صباارالمغني الأصلي و الحقيقي: عبد الحفيظ دوزي )ختم الحفل باغنية الموجة الاغنية اللي حققات ليه نجاح كبيير فمسيرتو الفنية التصفيقات و التهليلات و التصفار كيتسمعو من طرف الجمهور قرب لميكرفون و كولو كيقطر بالعروقات عياا بزااف ...سلطان : ما سخيتش بيكمصيفط ليهم قبل فالهوا و هز يدو دار ليهم قلب و انصارف من الخشبة و فالبلاصة تبعوه ليكاردكور ديالو دخل لغرفة تبديل الملابس حيد داك تيشورت الاسود اللي كان لابس اللي ولا كيقطر عليه بقوة العروقات و لبس قاميجة بيضا حتى دخل عليه مدير أعمالو مهدي باين فعينيه فرحاان بزااف ...مهدي : فخبااارك أكبر عدد ديال نااس دخلو فالحفل ديالك أ صااحبي راك كاين أ العشير دازت سهرة مق***عنق سلطان و بعد و ربت على كتفو و كمل كلامو ...مهدي:و مزال غاتحقق نجاحات أكبر من هادشي و غاتشهر عااالميا اكثر ما انت مشهوورسلطان ما داهاش كاع فهاد الكلام و شاف فيه و هو كيمسح وجهو بواحد الفوطة رطيببة قال ...سلطان : عالية فينها ؟؟؟