💞 قلوب أرهقها العشق 💞 بالدارجة المغربية

💛 الفصل 52 💛

الجزء 156قلوب أرهقها العشق خنساء: مرااااد حراااام عليك بالله خليني نخرجمراد كيضحك عليها و هاز تيليفون كيصور و يقول ...مراد: برب الجليل ما تخرجي حتى تقولي هادشي اللي غانقولكخنساء:و على الأقل خليني غير نحل عيني نشوف شنو واقعمراد: تحلي عينيك غايطير عليك طوم هانا قلتلكخنساء: يااااربي صبرني يالاه طلقني شنو بغيتي نقول ليكمراد : قولي سلطااااان خاااايب و ماااايسواش على حر جهدكخنساء حركات راسها بنفي و قالت ...خنساء: ما نقدرش نقول عليه هاد الهضرة غير بدل لشي حاجة اخرىمراد: واخا قولي سلطاااان هو حبييييبييي يااالاه قوليهاخنساء: واااش نتا احمق اش هاد الحكام ديال زمرمراد : طووووومخنساء قفزات منين سمعات طوم كينبح ...خنساء: واخا اوكي اوكيبقات ساكتة مدة و هي تطلق حلوقها كيفما طلب منها مراد ...خنساء: سلطاااااااان هو حبيييييييبيمراد: سلطاااااان هو نصييبي قولييها يالاهخنساء: سلطاااان هو نصييبيمراد: سلطااان هو رووووحيخنساء : سلطاااان هو رووووحيمراد: سلطاااان هوووو الحبخنساء طلع ليها هادشي فراسها قالت لي ليها ليها حلات عينيها و قالت بصوت غاااضب و مرتافع ...خنساء: سلطااان هو الخرااا و بعد منيي هاااا حجر العااافية شنو بغيتي عندي سلطاان هو حبييبييي سلطان هو نصيييبي لواه سلطان هو موسيو زمرانيمراد طاح لارض كيفركل بقوة الضحك بضورة باش كضور وجهها باش تخرج من لابيسين و هي تشوف شيئ لم يكن في الحسبان بتااااتااااا سلطاااان بلحمه و دمه مباااشرة جالس من فوق الكرسي المتحرك حسات بالأرض كدور بيها مية دورة فثانية الله يااربي الله واش هي فحلم و لا فالوااقع وااش بصح هداك سلطاان اللي كتشوف أمامها واش هداك سلطاان اللي كانت كتمنى غير تحضر لحفلة ديالو واش هداك هو سلطان اللي كانت تقطع تصاورو و تحطهم واش هداك هو سلطان اللي كانت توشم اسمو بستيلو فيديها واش هو نفسو سلطان اللي بكات عليه فاش خطب و فاش دار اكسيدون أكييد هو ما يمكنش تكدب عينيها قلبها كيدق بوتيرة سريعة دماغها وقف غير فهاد اللحظة كأن الأوكسيجين ما بقاش كيوصل ليه دم تجمد فعروقها فاش تذكرات بلي عاايراتو بألفاظ نابية الله ياااربي الله اش هاد شوهة اللي تحطات فيها ضبابة جاتها على عينيها فاش شافت ابتسامة جمييلة و خفيفة ضهرات على وجهو ما قدرش يكبحها....قلبها صغير لا يتحمل كمية الوساامة اللي فهاد السيد فالواقع احسن بكثيير من صورو على المجلات و التلفازة و عاد زيد عليها زاد كبر فهاد خمس سنين و زاد زياان على قبل لحيتو السوداء الكثيفة بيوضية وجهو لون عويناتو نادر انسان متكااامل بقات غير كترمش فيه ما عارفة شنو دير و لا كيف تصرف من غير ابتسامة خفيفة بانت على محياها فاش شافتو كيشوف فيها و كيدقق فعويناتها لعدة ثواني عينيها اللي حس بيهم كأنهم وطن يضم المشردين و كأنه مشرد و في جوف عينيها وجد موطنه ...سرعان ما جمع ديك الابتسامة الخفيفة و رجع طاابع البرود على وجهو الملائكي ضغط على الزر اللي كاين فحافة الكرسي و زااد و خلا من موراه خنسااء متبعة ليه العين ...الجزء 157قلوب أرهقها العشق يقين اللي خرج باش يشوف علاش تعطلات خنساء و مراد فالخارج لدرجة طاحو عليه أفكار فشكل و ندم علاش خلا مراد مع خنساء بوحدهم فطوموبيل ...بمجرد ما لمح خنساء طايحة فلابيسين ما عرفش شنو واقع ليها مشا بسرعة باش يطلعها من تماك طاح على ركابيه و مد ليها يدو باش تخرج ....يقين : خنسااااء شنو كديييري هنا واش طحتي ؟؟سمع يقين صوت مراد اللي مزالو غير كيضحك حول نظراتو لجيهتو و فهم البلان نوعا ما الشيئ اللي ثار حرب داخل قلبو بدون قائد نااار حااارقة مجددا عرف بلي مراد هو اللي غايكون دفعها غمض عينو و عاود فتحهم مكره من تصرفات مراد الصيبيانية مع خنساء اللي كتزيد تقربهم من بعضياتهم عض على شنايفو بقوة الحرقة اللي كيحس بيها ....أما خنساء راه مصدومة و ساهية فالفراغ و صورة سلطان بديك الابتسامة الخفيفة الجميلة اللي بانت على وجهو تحفرات فدماغها و عطاتها أمل أنها غادي تكون فال خير عليه بما انه ابتاسم مزال كاين امل انو يتعالج و ترجع ليه ديك الابتسامة تلقائيا بانت على وجهها ضحيكة عريضة كتعبر بيها على فرحتها فهاد اللحظة إحساس زوين تحس بروحك قادر انك ترسم إبتسامة على وجه الآخرين بتصرفاتك و بكلامك و بعفويتك ربما علاجو هو هادشي اللي عاطيها الله ربما تكون تفاهتها و افكارها هي دواه اللي يخرجو من حالتو الكئيبة و الحزن اللي هو فيه ...عرفاتو بلي كيفضل يبقى بوحدو غير من التصرف اللي دار ما كلفش راسو حتى يهضر و ينطق خاصو غير الوقت باش ينفارد بنفسو كأنه داير حاجز بينو و بين ناس ؛ سهات فالفراغ و هي كتفكر فيه ....يقين : خنساااءصوت يقين اللي نده بإسمها كان بمثابة صفعة رجعات ليها وعيها قفزات من مكانها و شافت فيقين اللي ماد ليها يدو باش تطلع من هاد الحوض اللي طاحت فيه ، قربات بشوية لناحيتو و قبطات فيدو و عاونها تطلع حتى وقفات على رجليها من فوق اليابسة كلها كترعد ...يقين حط يدو دافية على خدها و قال بصوت حنون ...يقين : واش كتحسي براسك مزيان ؟؟ كيف وقع ليك باش طحتي تماكخنساء تذكرات الموقف اللي وقع ليها بسباب مراد و كيفاش طيحها فالما و كيفاش تعرضات لموقف محرج مع سلطان بسبابو شداتها البكية و قالت ...خنساء:مراد هو اللي دفعنيبكلامها أكدات شكوك يقين اللي جعر و كيبان ليه غير مراد فهاد اللحظة يطير عليه حيت هو أصلن جامع ليه و بهاد التصرف اللي دار كان هو نقطة اللي فيضات الكاس ...طلق من وجهها و اتاجه نحو مراد ما ضار لا يمينا و لا شمالا كيبان ليه غير مراد اللي واقف هاز التيليفون كيشوف الفيديو و كيضحك ما حس مراد بلكمة قوية حتى جاتو لكمارتو طيح على إثرها التيليفون لأرض شنق عليه و قال بصوت غاااضب ...يقين :واااش نتا ما غاتسااليش من هاد التبرهيش دياالك نتاااا مريض مريييض واش كتفهم لاش لاايح البنت فلااابيسين ...مراد هز يدو بإستسلام و قال موجه نظراتو لجيهة خنساء اللي كتخنزر فيه ....مراد: فردتي سمحي ليااا و الله غير بغيت نشط عليك خااصك ترضاي بالحكمة هادي هي لعبة ما عندي ما ندير ليكيقين زاد زير عليه و قال ....يقين : إينااا لعب و إينا حكمة وااا جاااوبني لاش لايح البنت فلابيسين هي أصلن مريضة و نتا غاتزيد تمرضها الله ينعل طوااسل حسك غاتخليني نقول شي هضرة ماشي هي هديكمراد كيشوف فيقين و يضحك ما مسوقش كااع كيتصرف ببرود الشيئ اللي زاد جعر يقين و نزل عليه بلكمة ثانية اقوى من الاولى الشيئ اللي خلا خنساء تحرك و توقف يقين عند حدو باش ما يزيدش يضرب مراد اللي ولات كتعتابرو خوها ...خطات خطوات مسرعة ناحية يقين و جراتو من دراعو و قالت ...خنساء: صااافي باااركة عليه عفاك ما ضربوشيقين ضار عندها مخنزر مكره كااااره نفسو كااره خنساء كاااره هاد الأحاسيس اللي خلايينو يتصرف بهاد الشكل ...يقين : علاااااش ما نضربوش و هو مطيحك فلابيسين غايمرضك هداااا راه مبرهش خاااصني نوقفو عند حدو باااش يبعد منكمراد: و نتا مالك شكات عليك انا و فردتي نتا اش حرك شطاتكيقين ضار عندو و مزالو مزير على شوميز ديال مراااد و نطق ضاغط على سنانو ...يقين : ما سميتهاااش فردتك سميتها خنسااااءخنساء: و صااافي نعلو شيطاان انا مسامحاه غير عطيوني شي حاجة نلبسها راني كنترعد بالبردمراد دفع يقين من عليه على حر جهدو و هو يطيح حتى هو فلابيسين مراد و خنساء بقاو غير مصدومين حتى طلقوها بضحكة عاااالمية و هوما كيشوفو فيقين طايح فلابيسين ....الجزء 158قلوب أرهقها العشق جالس من فوق الكرسي المتحرك فبيتو و كيرشف من كأس القهوة الساخنة اللي جابت ليه الخدامة ....كان حاضي المشهد منذ البداية لأنه جالس حدا البالكون اللي كيطل على الخارج كيشوف فضحكهم و بالخصوص خنساء اللي كضحك بطريقة غريبة خلاتو يسهى فيها للحظات ملامح وجهو جاامدة بدون تعبير عيونو مركزة فوجه هاد الفتاة المختلفة الجمال اللي ثارت انتباهو من أول نظرة أول بنت كيطول فيها شوفة من وراء الحادث ....تحل الباب و سمع خطوات كعب عالي كيقربو عرف غاتكون ماماه و ريحة عطر رجالية قوية و ضاهر أنه باباه فريد؛ حس بيد ضارت على عنقو و ريحة عطر نسائية خفيفة إنسابت لأنفاسو شكون من غيرها وفاء ....وفاء: حبيبي صافاسلطان: عايشوفاء تنهدات و بقات ساكتة و هي على نفس وضعيتها تحدث فريد اللي كان لابس كوستيم أنيق كيفما العادة و واضع يدو داخل جيابو ...فريد : أ فين أ البطل دياليسلطان : غير حداكوفاء صغرات عينيها فاش شافت منظر فشي شكل فالجردة ؛ مراد و يقين واقفين حدا بعضيااتهم و الغريب فالأمر معاهم بنت واقفة معاهم كضحك استغربات و قالت باستفسار ....وفاء: شكون هاديك ؟؟فريد كان بعيد شوية ما بان ليه والو قرب لحداهم و هو يلمح خنساء و نطق باستغراب بصوت هامس ...فريد: فوقاش جااو؟؟سلطان : شكون هي ديك البنتفريد حنحن و قال ..فريد: هانا جايانصارف فريد و خلا غير وفاء مع سلطان و نطق بصوت رجولي ...سلطان: لايش كتخططو ؟؟وفاء : ما كنخطط لوالو أناسلطان : ما يكونش هادشي عندو علاقة بالبنت اللي بغيتيها تقابلني على أساس انا دري صغيروفاء حيدات يديها من حدا عنقو و وقفات مستقيمة و خطات خطوات ناحيتو حتى جات أونفاص معاه و حنات على ركابيها و حطات يديها على لحيتو و قالت بحنان ....وفاء: شنو كتقول أ ولدي أش جابنا لشي دراري صغار بالعكس سلطاني أنا سيد رجاالة و اللي عجبو الحال عجبو و اللي ما عجبوش ينطح راسو مع أقرب حيط ليه أنا البنت اللي بغيت نجيب ليك ماشي حيت نتا صغير كيفما كتقول بالعكس انا بغيتها تجي باش تفاجي همك و تونسك معظم الوقت ما كنكونوش حنا فدار عارف ماماك عندها شركة ديال المايكاب و باباك راه حتى هو ما كيساليش مع شركة ديالو ديال الملابس الرجالية خوك يقين ما كيكونش هنا ديما كيمشي لفيلا ديال ماماه و لا كيكون فلاميريك مراد عايش فكندا داداك ميلودة و منار قايمين بأشغال دار نتا كتبقى بوحدك هنا حتى من صحابك ضربتي عليهم كتبقى غير فبيتك طيلة هاد خمس سنين و نتا غير ساد عليك و كتقرا يا الكتب يا كتنعس و لا كتبقى جالس هنا كطل على الجردة ما يمكنش احبيبي تكمل حياتك هكدا سي أمبوسيبل خاصك شكون يونسك و شكون يعمر عليك و شكون يحسك بيكسلطان شاف فيها ببرود كبييير قبل ما ينطق و يقول ...سلطان : نفهم من هضرتك بلي ديك البنت اللي شفت هي اللي جاب ليا الواليد ؟؟وفاء هزات كتافها بلا مبالاة و جاوباتو ...وفاء: جوسي بااا بحالي بحالك ديك المرة قلت ليه بلي نتا باغي بنت مختلفة ماشي بحال البنات لوخرين اللي ما تفكركش بعالية يعني شي بنت مميزة لا فشخصيتها لا فأفكارها ما قالي والوسلطان : و نتي ثيقتي من جدر عقلك بلي انا باغي بنت تقابلنيوفاء: علاش شنو كتقصد ؟سلطان رشف من كأس القهوة و سها فالبالكون و كيشوف فيهم مازالين كيضحكو مع بعضهم و عينو مباشرة كتمشي لخنساء ....سلطان :أنا ما باغي حتى واحد سواء بنت و لا ولد انا باغي غير راسي باغي غير نبقى بوحدي ما محتاج لحتى واحد يمد ليا يديه حيت انا أصلن ما محتاجهاش مستغني عليها انا كنتسنى سااعتي نقطة تجيبو ليا ولد ولا بنت ما عندو فاش ينفع حيت الوردة فاش كتدبل الما ما كيعاودش يردها كيف كانت الحياة فاش كتكحال فعينيك ما تقدرش تردها بيضة القلب فاش كيتحرق كيولي رمااد ما غايوليش للونو طبيعي واخا تحاول سي طغو طاااغ و امبوسيبل يكون فيديك ستيلو نواغ و ترسم بيه قوس قزح هاد البنت اللي جايبين ليا ما غاتنفعني فوالو غير ردوها منين جات و حبذا لو تفهمو بلي أنا هنا كنتسنى نموت ما كنتسناش نرجع للحياة كلما دخلتوه لراسكم غايكون أحسنوفاء تغرغرو عينيها بدموع كما العادة ما كتقدرش تصبر على كلامو كينرفزها و كيعصبها و كيكحل الدنيا فعينيها وقفات و ربعات يديها كتشوف فيه و قلبها كيضرها على ولدها تكلمات بحرقة واضحة من نبرة صوتها ...وفاء:هادشي اللي كنديرو على قبلك ما غاتفهموش و ما عمرك غاتفهمو باغسكو طوو سامبلومون ما عندكش الولاد نهار غاتدير الولاد و تكون فاميلي غاتفهمني علايش حنا كنديرو هادشي كاملرمقها بنظرات باردة بعدما رشف من كاس القهوة نطق بهداوة ..سلطان :كنظن ما غانعيش حتى لنهار ندير الولاد حتى هادي دخلوها لراسكم