💞 قلوب أرهقها العشق 💞 بالدارجة المغربية

❤الفصل 70 💛

الجزء 211قلوب أرهقها العشق دوزات خنساء الحصة ديال السباحة ديالها و بدات كتعلم شوية بشوية واخا عدبات مدربة السباحة معاها و لكن كان تحسن طفيف و لكن يا فرحة ما تمت منين حسات خنساء بحريق فكرشها فاش كانت كتفطر و طلعات لبيتها عرفاتها ليغيكل دارت الفوطة الصحية و تكات على ناموسيتها و كتقطع و توجع مع راسها حتى غفات على الناموسية ...مروا عدة ساعات و تفتح باب غرفتها و دخلات عندها ميلودة باش تناديها باش تهبط تغدى و لكن السيدة كانت ناعسة ...ميلودة : خنسااءخنساء: هننميلودة مررات يديها على شعرها بحنان و قالت ...ميلودة : هبطي تغداي أ حبيبةخنساء اكتافات انها تحرك راسها بنفي و قالت بصوت متألم ...خنساء: ما بغيتش غير تغداو كرشي كضرنيميلودة : واش ليغيكل ؟؟؟خنساء: وي هي [شادة على كرشها كتعصر بالألم ] ااااحتأسفات لحالها و خرجات من بيتها و حلات الغرفة ديال سلطان لقات مروان كيدير لسلطان مساج خفيف لراسو ...ميلودة: مروان ولديالتافت عندها مروان و قال بابتسامة ...مروان: دادا ميلودة بغيتي شي حاجةميلودة حركات راسها بالايجاب و تقدمات لعندو و قالتميلودة : بغيت شي مسكن ديال الحريق ديال ليغيكل يكون مزيانمروان : واش منال كضرها كرشها ؟؟ميلودة : نو خنساءمروان : واخا غانمشي نشري ليها واحد دوا من الفارماسي دقة ببطلةميلودة : سير أولدي الله يرضي عليكانصارف مروان و بقات ميلودة مع سلطان اللي سمع لحديثهم كامل و تأسف على الحالة اللي غاتكون فيها خنساء عارف الآلام اللي كتدوز بيها البنت فهادالفترة ماشي طبيعي ما عجبوش الحال فاش ما جاتش خنساء لعندو من صباح يصحاب ليه غاتكون ملهية فشي حاجة و لكن منين عرف بلي مريضة حس بروحو متألمة اكثر كأنه كيشاركها مرضها أيضا ...ميلودة: كيف بقيتي أولديسلطان دار لعندها بالكرسي المتحرك و قال ...سلطان: حمد الله نتي كيف بقيتي ؟؟ميلودة استغربات من سؤالو على أحوالها جاوباتو بابتسامة ...ميلودة : حمد الله أحبيبيسلطان: ممكن نطلبك طلب الا جات على خاطركميلودة : عويناتي نعطيهم ليك نتا آمرسلطان : ما بغيتش عويناتك الله يخليهم ليك باش تشوفينيميلودة : ههه واخا أ حبيبي شنو بغيتيسلطان: غطي خنساء مزيان و عطيها كأس ديال الحليب يكون سخون باش تدفىميلودة : بغيت نغطيها و لكن الجو سخونسلطان : نو خاصها دفى باش حتى الحريق يخف عليها شويةميلودة: واخا احبيبيانصارفت ميلودة و خلات سلطان جالس بوحدو فالغرفة و كيتخايل حالتها كيف غاتكون أكيد غاتكون كتألم أكيد غاتكون عيانة و هرموناتها مخربقين أكيد ما غايشوفش ضحيكة ديالها لعدة ساعات لأنها فبيتها و محال يشوف وجهها ليوم مجرد تفكير فهاد الأمر كيحس بروحو غاتخرج من بين جسدو عقلو غايتخوطر و يتسطى عينو محتاجة تشوفها و ودنو محتاجة تسمع صوتها خنساء بدات كتخالط ليه مع العروق و الدم بحال شي مخدر كأنها ولات إدمان بالنسبة ليه ما قدرش يدخل لعندها للغرفة باش ما يشوفش وجهها و حالتها اللي غاتكون فيها اكيد ما غايقدرش يستحمل و احتمال كبير غايمرض حتى هو كرز على يدو فاش عرف بلي هادشي اللي كيحس بيه من جيهة خنساء ماشي طبيعي و ممكن يؤدي بيه للهلاك و لكن هو مستمتع بيه و عاجبو و الا كان غايكون هلاك من بعد فهو مستاعد يعيش فالجحيم على قبلها هي فقط غير باش تكون فرحانة ...أشتاق إليك ليلا و نهاراو ليس بيدي سوى أن أشغل مخيلتي بك كل صباحو احلم بك كل مساءالجزء 212قلوب أرهقها العشق الساعة تشير الى 00:00 يعني منتصف الليل بدات لالا خنساء كتفتح عويناتها بشوية من مور ما شربات دواها اللي كينعس و لكن الحريق إختفى لحسن الحظ و لكن على ما يبدو فاق حريق أخور كرشها كتزغرت بجوع بقات جالسة كاتفكر شنو دير غالبا غايكونو نعسو و لكن خاصها تاكل ضروري ناضت بشوية عليها و قالت...خنساء: برب الجليل الا دوا رحمة كنت كانموت دابا بحال غير كنكدبحلات الباب و خرجات هبطات فالدروج لقات ظلام تخلعات و مع هي خوافة غادة و تشوف موراها لا يمشي يكون تابعها شي جن العقلية د المغاربة ...دخلات للكوزينة و حلات الثلاجة بانت ليها جيهة عامرة بالخضر و الفواكه و جهة لخرى عامرة بالسقاطة بقوة الفرحة ما صدقاتش سدات الثلاجة بالصدمة و عاود حلاتها بان ليها بيمو كبير ديال الشوكولا هزاتو مع العصير ديال ليمون جلسات فالكوزينة نسات الخلعة و الجنون بدا كيبان ليها غير تعمر كرشها طاحت فداكشي عورة حتى شبعات تكات راسها اللور مغمضة عينيها كتحمد الله و تشكرو على نعمة الأكل ....خنساء: الله المااااكلة بنت الهم هي اهم نعمة فالحياة الحمد للهعجباتها السيدة الجلسة فالكوزينة بقات مغمضة عينيها كتضرب فالطبلة و تغني بصوتها ...خنساء: واااا هيا العريس ضوي بالشمع البلدي الا جاك زين ضوي بالطريسينطي أ و اللي عندو ميمتو عمرو ما يتخصاقشعر بدنها و توقفات على التطبال و بقات مغمضة عينيها و كتحس بالزغب ديال داتها وقف و شعرها شوك عليها و البولة غاتنزل ليها فأي لحظة منين حسات بشي حد وقف عليها و صبعو كيمررو بجانب شنيفاتها ما قدراتش تحل عينيها حتى سمعات صوت حدا ودنيها ...~: i miss you *توحشتك*غير سمعات صوتو و هي تحل عينيها و شافت فيه كان قريب ليها وقفات و قالت بفرحة ...خنساء: عوينات جلباانة هههدارت يديها على فمها ما مصدقاش ؛ يقين طلق ليها يدو معرض ليها حضنو مستنيها تجي عندو و لكن صغرات عينيها فيه و قالت بابتسامة بلا ما تحرجو ...خنساء : حتى تكون سميتي جاكلين باش نعنقك تا طلق يديك مقاد باش نسلم عليكيقين حس بخيبة مجددا و لكن ابتاسم من كلامها كان طالق شعراتو طوال و لابس تيشورت فالابيض مع سروال أسود باين فعينيه الحزن و لكن بمجرد ما شافها و سمع صوتها روح رجعات ليه ما كرهش يضمها ليه حتى يتكسرو ضلوعها و لكن ما يقدرش من مور ما سمع كلامها مد ليها يدو و قال بابتسامة ...يقين : اوكي سمحيليخنساء مدات يديها و سلمات عليه و لكن بقوة إشتياقو ليها زير على يدها ...خنساء : غملتي فميريكان على سلامتكيقين : غير مع الخدمةخنساء: أحياني عليك تلقاك مشيتي تسركل ليا مع راسكيقين ابتاسم لعفويتها و كلامها الحلو اللي توحشو بزااف و رجع على قبلها حيت ما بقاش قادر يصبر على فراقها يكفيه انه شهر و زيادة و هو غابر ...خنساء: عارفاك كتجرب معزتك عندنا و الله أسيدي حتى توحشناكيقين : انا توحشتك نتي أكثرخنساء: ناااري و تسمعك سوسن توحشتيني توريك ههههبمجرد ما ذكرات سميتها بعد يدو من يد خنساء و جلس من فوق الكرسي و هبط على الكأس ديال الما كيحس بقلبو كيضرو بزاااف و هو كيشوف فيها كضحك ....خنساء: مشيتي شفتيها و لا جيتي لهنا ديريكتيقين : ساليت انا و ياهاخنساء شافت فيه بصدمة و قالت ...خنساء: اويلي على ساليتو واش كاين شي حد كيسمح فالتيتيزيقين بقى ساكت و كيشوف فيها ...خنساء: علاش ساليتو ؟؟ و نتوما كنتو سمينة على عسيلةيقين : [ بعصبية ] واش ممكن تبدلي الموضوع عفاكخنساء فهمات بلي المشكل كبير داكشي علاش سدات حلقها و قالت ...خنساء: الحمد لله على سلامتك و مالك جيتي بليل بحال شفارةيقين: باش ندير ليكم سوربريزخنساء: امم طاسيلة الزعيمي كتموت على المافاجآت على العموم تصبح بخيرعطاتو بالضهر و هي تحس بيدو قبطاتها من معصمها بقوة و قال ...يقين: بلاتي ما تمشيشما جات فين دور حتى دور يدو على كرشها و حشى راسو فعنقها كيحس براسو متعب و عيااان كيتنهد بثقالة فعنقها و قال ...يقين: سمحيليسلطان : [ تكلم ضاغط على سنانو ] على سلامتك خويا العزيزتسمع صوتو الرجولي المرعب المخيف هزات خنساء راسها و بان ليها أونفاص معاها و عينيه مظلمين داير فيهم شوفات خطيرين ما عمرها لمحاتهم فعينيه من قبل ....الجزء 213قلوب أرهقها العشق خنساء شافت سلطان واقف أونفاص ليهم رغم أنها تخلعات من شكل نظرات ديالو و لكن ضهرات إبتسامة كبيرة على وجهها بعدات من يقين و تقدمات لناحية سلطان حتى وقفات عليه و طاحت على ركابيها و قبطات فيدو تحت نظرات يقين اللي بقا مستغرب من وجود سلطان هنا لأنه عمرو توقع بلي غايشوفو فالطابق السفلي من بعد خمس سنوات و هو ساد على راسو ...خنساء: سلطااانينو نزل لسفلي نهار كبييير هدا خاصنا نتلاقاو ليك بالحليب و تمر و لكن لاش نازل فنصاصات ديال الليل أ صديقي العزيز انتا فاهم الموضوع غلط ههه كان خاصك تنزل بالنهار و تفطر معانا و تغدا و تعشا الليل ديال نعاس ياك أ موسيو شطيطيبة ههههيدها اللي ماسكة يديه شكل ضحكتها وجهها الجميل عويناتها شعرها الأسود كسواد الليل كلشي فهاد السيدة فتنة لقلبو الضعيف اللي باغي غير ضمة منها تكفيه العمر كامل نسا المنظر اللي شاف نسا خوه بدات كتبان ليه غير هي فالوجود كأنها هي محور الكون الألقاب المميزة و الهبيلة اللي كتناديه بيهم كيخليوه يضحك من شخصية هاد البنت اللي غاتخرج ليه العقل ....سلطان مسك يدها و زير عليها و قال بإبتسامة واضحة بشكل كبير على وجهو ....سلطان : نزلت على قبلكخنساء: هاي هاي طلعت مهمة حتى لهاد الدرجة فحياة نجم المشهور سلطااان الزعيمي و من لا يعرفه هههه علاش نزلتي على قبلي ياكما كنتي كتقلب عليا امميقين : على ما بانلي انا ما تسوق ليا حدغير سمع سلطان صوت يقين شاف فيه و تفكر المشهد اللي شاف حول سلطان نظراتو ليد يقين اللي كان مدورها على كرشها بأشمن حق يقيس فيها و يقربها ليه بأشمن حق ؟؟ ياكما يكون حتى هو كيبغيها و باغي يشاركو فيها ؟؟ ياكما يكون كتعجبو و لا بيناتهم شي حاجة ؟؟ ياك هي عرفاتو قبل منو و بحال والو تكون كتبادلو الإعجاب و ممكن تكون بيناتهم علاقة مستقبلية من يدري على الاقل يقين برجلو و قادر يوفر ليها حياة كريمة من جميع نواحي مجرد التفكير فهادشي كايبغي دماغو يخرج من بلاصتو كيحس بروحو تخنق و بقا ساكت و ساهي فيقين و صدرو كيطلع و ينزل و عاقد الحدااش لدرجة خنساء تخلعات من هاد نظرات المظلمة اللي كتبان على وجهو ...يقين قرب ليه و دار يدو فجيابو و ابتسامة على وجهو قال ...يقين : ما توحشتينيش غير نرجع واقيلةسلطان بلا ما يشعر و لا يدري نطق بصوت غاضب كأن قلبو لي تكلم بقوة الغيرة اللي كيشعر بيها ...سلطان: أحسن حاجة غا ديرها فحياتكيقين بلا ما يشعر حل عينيه على وسعهم و هو كيشوف فيه ما مصدقش خوه شنو كيقول عارفو قصاح بزاف و لكن ماشي لدرجة يقول ليه هاد الهدرة و يجري عليه كان كيضن على الأقل غايرحب بيه و ما كانتش اقل منو خنساء اللي كانت كتظن أنه تبدل على كيف كان و لكن بان ليها رجع لكلامو المسموم و لكن حتى واحد ما عارف شنو هاز قلبو و حتى واحد ما عارف علاش كيتصرف هاكاك غير الله و هو ...يقين : اوا الله يكثر خيرك أ خويا بغيتي نرجع من دابا ما عنديش مشكلسلطان فاش عرف خوه تقلق غمض عينو و عاود حلهم و كرز على يدو واخا يكون شنو ما بغا يكون كيبقى يقين خوه اللي عزيز عليه و ما باغيش يجرحو و لا يتقلق منو حيت حتى هو نطق بلا ما يشعر و حتى من ملامح وجهو باين فيه مخنزر و كأنه كيهضر من قلبو و حتى هادشي لعب دور فغضب يقين من خوه ..سلطان حاول يطلق بشارة وجهو واخا من فوق خاطرو إبتاسم و طلق يدو لوخرى اللي ما قابطاش فيها خنساء و قال ....سلطان: من إمتى كتقلق من خوك أجي عندي أ البرهوشيقين قدما تصدم من إبتسامتو قد ما تصدم من لقب { البرهوش} اللي كان كيناديه بيه فاش كان صغير قدما تصدم من يدو اللي تمدات ليه كأنه كيناديه باش يعنقو؛ يقين إبتاسم ليه هو الآخر و حنى و عنقو بحرااارة فرحان من تطور ديال حالة خوه اللي كان ملحوظ و بزااف عاد ....يقين : توحشتك أخوياحنى يقين على ركابيه هو الآخر و قبط فيد سلطان و قبلها بحب حيت كيفما كان الحال يقين كيعتابر سلطان فمقام باباه و خوه الكبير اللي من صغر مربي على إحترامو و كيعزوه و يقدروه بزاف فالعائلة كلها ...سلطان : أنا غير حداك نتا اللي خاصنا نتوحشوك كتغبر بشهور عاد كتفكر بلي عندك عائلةيقين : غانتاقل نعيش معاكم ديما ما غانخليش ليكم الوقت فين توحشوني أصلنسلطان تصدم من القرار اللي نطق بيه يقين ما يمكنش يجي يسكن معاهم هادشي كايعني بلي غايبقى يشوف خنساء يوميا و بحال والو علاقتهم تطور لما احسن و بحال والو يكون بيناتهم علاقة كبيرة فالمستقبل ما قدرش يتقبل الفكرة و ما بغاش تدخل ليه فمخو و لكن فنفس الوقت حتى هادي دار باه و من حقو يعيش فيها ...