💞 قلوب أرهقها العشق 💞 بالدارجة المغربية

💥الفصل 54 💥

الجزء 473وقفات الطوموبيل حدا المنزل ديال منانة و زينب كترعد غير هي و عظامها و شاداها البولة بالخلعة خنساءحسات بيها و زيرات ليها على يديها و قالت ...خنساء: كلشي غايكون مزيان ما عندك مناش تخافي .حل ليهم سلطان الباب و خرجو و طلعو فالدروج ديال العمارة و ما حد زينب تاتقرب ما حد قلبها كيترعد ....سلطان : ما تخافيش ا زينب كوني شجاعة ما غايكون غير الخير و الا ما بغاتش تفاهم معاك انا نهضر معاهازينب: شكرا اخويا لهلا يخطيكم علياسلطان برك على سرسار و هوما يسمعو صوت منانة جاي من لداخل " أ شكوون؟؟"تحل الباب و هو يبان ليها سلطان اما خنساء و زينب كانو واقفين فطرف ....منانة : اهلن اهلن توما فوقاش جيتو مرحبا مرحبادخل سلطان و باس يديها و قال ...سلطان : جينا و جبنا ليك معانا واحد الكادومنانة : ههه الله يرضي عليكم فين هي خنساء ؟؟ ياكما سمحتي فيها فطاليانسلطان: هه ما نقدرش ا الحاجةخنساء: ها اناسمعات صوتها و هي تلفت منانة لباب بدورة باش كدور كتلمح معاها زينب الصدمة كانت قوية لدرجة ما صدقاتش شنو كتشوف عينيها واش هاديك زينب و لا كدبات واش هاديك البنت اللي حسبتها بنت من بنتها و فضهرها طعنات واش هادي زينب اللي جابت ليها العار و الذل و لكن حسات بعينيها دمعات منانة كيفما كان الحال زينب راه كتعتابرها بنتها و قلبها عليها ما تنكرش بلي توحشتها و ما كرهاتش تعنقها و تبوسها و لكن ما قادرش كلما بغات تسامح كاتجي الصورة ديال طبيب اللي قال ليها بنتك حاملة ...زينب نطقات و عينيها دمعات ...زينب: خا..خالتيخنساء جرات زينب و وقفاتها اونفاص مع منانة ...خنساء: لقينا زينبمنانة ما قدراتش تقاوم دموعها اللي انهامرت ...منانة: ش..شكون هاد البنت ما تنعرفهاش انازينب حركات راسها بالنفي و قالت ...زينب: خ..خالتي عفاك سمحي ليامنانة دورات وجهها و غلبوها دموعها اللي سالو ما بغاو يحبسو ...خنساء: مي حتى واحد فينا ما ملاكسلطان: كلنا كنغلطو و اللي غلب يعف زينب فعلا دارت غلط اللي ما كيتغفرش و لكن لو كان تعرفي شنو داز عليها غاتسامحيهاخنساء: زينب أ ماما راه ضرباتها طوموبيل منين هربات و فقدات ذاكرة و ما خلات ما قاسات و ما خلات ما دوزاتسلطان: زينب مزال مراهقة و طايشة و لكن نتي خالتها و فمثابة ماماها و الام ما عمرها تقلق من بنتها ياك أ الحاجةخنساء: زينب أ مي ندمات بزاف و الله العظيم و راه تعاقبت على داكشي اللي دارت ما تزيديهاش حتى نتيزينب: ع...عفاك أ خالتي سمحي لياخنساء: زينب باغا تبدا صفحة جديدة و ربي طيحها فواحد ولد ناس و قابل يتزوج بيها و سمحي ليها باش تصفى الخواطر عفاكسلطان: ما تكونيش قاصحة أ الحاجةمنانة دورات وجهها لجيهة زينب و بقات كتشوف فيها و ساكتة حتى قربات ليها زينب و طاحت على رجليها كترغب و تزواك عاد قلب منانة حن و هزاتها من الارض و عنقاتها عندها عاد تنفسو الآخرين الصعداء ....الجزء 474بذرة كانت جالسة فالورشة و كترسم فواحد طابلو و خلات سوسن مع يقين ؛ يقين دار ليها ورشة خاصة بيها و فوقتما كتدخل ليها كتسد عليها الباب حيت موالفة ترسم راسها مع يقين مرة كترسم سوسن مع باباها و لكن اليوم رسمات فطابلو راسها مع يقين اللي كان هاز بنتو فيدو راسمة طابلو كأنهم عائلة سعيدة مع بعضياتهم تمنات لو كان الواقع لوحة كانت غاتكون مرتاحة فحياتها للحظات دمعو عينيها واش ساهل تشوفي الشخص اللي كتبغيه معاك يوميا و ما قادراش تقربي ليه و تعنقيه و تضميه و ديري معاه كاع اش كايخطر على بالك ما ساهلاش و ما كاين ما اصعب منها تمنات لو كان ملكها و تعيش معاه الحياة تعلقها بيه لهاد الدرجة هي براسها ما عارفش كيفاش وقع و لكن وقع مع كامل الأاسف ....تفتح الباب عليها و التافتت بسرعة تشوف شكون و هو يبان ليها يقين جاي لعندها تذكرات بلي نسات ماسداتش الباب عليها ...ناضت قافزة و بقات كتشوف فيقين و كتصرط فريقها اما يقين بقى واقف كيشوف فالطابلو اللي رسمات بذرة قرب ليها و هي بقات وااقفة مسمرة مكانها كأنهم دايرين ليها الصمغ على الأرضية ....قرب يقين للوحة و بقى كيشوف فيها ...يقين : c'est une belle famille * عائلة زوينة *بذرة حنحنات و بقات حادرة راسها ...يقين: شفتك ساكتة قولي شي حاجةبذرة هزات راسها و شافت فيه و قالت ...بذرة: شي حاجةيقين: ههه كتفلاي كنهضر معاك sérieusementبذرة: و نتا قلتي قولي شي حاجة هانا قلت شي حاجةيقين: شنو المعنى ديال هاد طابلو ؟؟؟بذرة : عائلة سعيدة و فرحانين مع بعضياتهم شنو ما فهمتيش فيهيقين: الاشخاص المرسومين هنا بحال كنعرفهمبذرة: كتعرفهم أحق المعرفة [ شافت فلوحة و بدات تتشرح ليه] هداك الراجل اللي هاز بنتو سميتو يقين و هاديك اللي فيدو سميتها سوسن و هاديك اللي معاهم سميتها بذرةيقين: امم لوحة زوينة صراحة عجباتنيبذرة : حتى انا عجباتني و ما كرهتش تحققيقين: راها محققة او لابذرة : كيفاش؟؟؟يقين: انا و ياك و سوسن عايشين فدار وحدةبذرة عرفاتو جالس كيتفلا عليها و داير راسو ما فاهم والو . ...بذرة: اه عندك الحقيقين قرب لبذرة و مسك يديها و قبط فيها و قال ...يقين: و لا ياكما بغيت نقبط فيديك بحال هاكا كيفما راسمة فالطابلوبذرة سرات معاها قشعريرة رهيبة و حسات بقلبها كينبض بقوة بفعل يدو اللي لامسات يديها . بقات ساكتة و كتشوف فيه حتى تنهد يقين و قال ...يقين: بذرة انا عارف و فاهم كلشيبذرة: شنو فاهم و شنو عارف؟؟يقين: نتي كاتبغيني بزاف و كاتبغي بنتي و انا عارف بقيمة الحب و العشقبذرة دمعو عينيها و حنات راسها ما جاوباتوش ...يقين: فكرت بزاااف فهاد الخطوة كيفما كاتعرفي انا كنت كانبغي خنساء و لكن تزوجت بسوسن حيت كانت حاملة ببنتي و دابا ماتت الله يرحمها و عائلتي كلهم باغييني نتزوج حيت ما باغيينيش نبقى وحداني كيفما كيقولو و خصوصا انا خدام و بنتي غاتبقى بوحدها و غاتكبر بلا ام قاصحة شوية فكرت مزيان و ما لقيتش ما احسن منك ا بذرة اللي تكون مراتيبذرة هزات راسها شافت فيقين و طرطقات عينيها فيه و حسات بقلبها كينبض و داتها تنملات عليها و الم فمعدتها اوييلي واش هي سمعات كلامو مزيان و لا غير جابو ليها ودنيها و بدات غير كتخااايل ....يقين : كنواعدك غاندير ما فجهدي باش نبغيك ما نكرش عندي اعجاب من جيهتك و لكن كنظن إلا كانت علاقة فالمستقبل بيناتنا غايتطور حبي ليك أكثربذرة تلوى ليها لسان بقات غير كتشوف فيه ...يقين: واش قابلة تزوجي بيا أ بذرة ؟فهاد اللحظة حسات بدوخة و جلسات من فوق الكرسي ما توقعاتش اللحظة اللي كانت تحلم بيها من زمان غاتحقق بهاد السرعة واش صافي بذرة غاتزوج بفارس احلامها اللي كانت كتظن عمرو يشوف فيها بلا ماتشعر حركات راسها بالايجاب و سالت دمعة من عينيهايقين قرب و مسح ليها دموعها و عنقها لعندو هو كان واقف و هي جالسة اجهشت بالبكاء فأحضانو داكشي علاش قال يقين ...يقين: علاش كاتبكي دابا ؟؟؟بعدات عليه و هزات راسها شافت فيه و قالت ...بذرة : غير بالفرحةطلقات ليه يديها و قالت ...بذرة : قرصني عفاك باش نتاكد بلي ما كنحلمش ها العاريقين ضحك و حنى و باسها فخدها و قال بحنان ...يقين: نتمنى نكون اكدت ليك بلي ما كتحلميشبذرة زادت صرطات ريقها و زادو ارتافعو نبضات قلبها زادها صدمة على صدمة ....الجزء 475سمعو دقان فالباب و ناضت بدرة من فوق الكرسي ...بذرة: شي واحد دق فالباب ياك غ ...غانمشي نشوف شكونيقين بعد ليها من طريق و خلاها دوز و غالباه الضحكة عرفها خاصها غير تهرب منو دابا حيت مصدومة ....هبطات فالدروج و كتحس براسها كأنها طايرة ماشي كتمشى بقوة الفرحة حتى قربات لباب و جلسات كدور و تنقز و تصرفق فراسها كيف شي هبيلة و بدات تغني ...بذرة: اخيرا قالها قال أحبك قالهااا و انا قلبي قلبي نبض توقف بعدها....ما قاطعها غير صوت سرسار اللي جاية اصلن على قبلو باش تفتح الباب ...بالحلة باش كتحل الباب كتضرب فشخص طويل و صحيح و قرع بعض الشيئ و داير بيرسينغ فنيفو و الهيئة ديالو ضخمة كتخلع شكون من غيرو عصاام ..بذرة خلعها و فنفس الوقت دافعة جبهة طرطقات فيه عينيها و قالت...بذرة: اش حب الخاطر أسيدي،؟عصام : يقين الزعيمي بغيتوبذرة: شكون نقول ليهعصام: غير قولي ليه يتكلمبذرة حركات راسها بالايجاب و قالت ...بذرة: تسنى هنا غانمشي نقولها ليه و نجيسدات عليه الباب و خاطرها ما مهنيهاش ..طلعات لعند يقين ...يقين: شكون ؟؟؟بذرة: شي واحد جا كيسول عليك ما عرفتوش شكون هو قالي كلمي ليا يقين الزعيمي فاش قلت ليه شكون نقول ليه قالي غير قولي ليه يتكلم ليايقين استغرب و لكن مادا ما جاب هبط بتثاقل فالدروج حتى وصل الباب و حلو لقا عصام واقف كيساينو شكون هاد الراجل اللي جاي عندو ما عمرو شافو و لا عرفو ...وقف يقين على عصام و مد ليه يدو و قال....يقين : سلام عليكمعصام كان شاد كارو كيكميه شاف فيدو اللي مدها ليه و حول نظراتو لوجهو طلعو و هبطو مزيااان و قال ...عصام: ما جيتش باش نتسالم معاكيقين : ما فهمتش ؟؟عصام: كتعرف زينب ؟؟؟يقين: شكون زينب و شكون نتا اصلن اول مرة كنشوفكعصام: غير شوف فوجهي مزيان ممكن تعرفنييقين: شنو كتخربق نتا ؟؟عصام: ما كنخربقش اسي يقينلاح عصام الكارو و زطم عليه مزيااان و شنق على يقين ....عصام: اليوم غانربيك باش ما تعاودش تفلا على بنات ناس ...بذرة كانت جالسة كتطل عليهم من الباب غير بان ليها شنق عصام على يقين و باينة فيه باغي يدابز ...بذرة ما عرفات ما دير و ما بان ليها غير تيليفون تعيط لخنساء ....طلعات فالدروج طااايرة و هزات تيليفون ديال دار و ضربات نمرة ديال خنساء و دارت تيليفون فودنيها و بقات كتنتاضر تجاوبها ...من مور ما تصالحات زينب مع منانة و عاودو ليها كلشي و صفات الخواطر بيناتهم و عاودو ليها على عصام كيفاش لقاها و باغي يتزوج بيها و داكشي كامل عاودوه ليها ....خنساء حسات بواحد الضيقة فصدرها و بغات تخرج تفوج و منها نيت تخلي زينب مع منانة بوحدهم ...طلبات من سلطان يخرجها و يساريها شوية نيت توحشات تبقى هي و ياه راس فراس و منين دابا تصالحو و صفات الخواطر عاد ارتاحت ...اوا و سلطان حتى هو ماشي من العاكزين خرجها بالطوموبيل ....خنساء: نااري و أخيرااااااا تصالحوسلطان: حمد اللهخنساء : اوا دابا أ زين ديالي فين غانمشيو لشهر العسلسلطان: راكي مشيتي لايطاليخنساء: كتفلااا عليااا لاسلطان: بنت ليك كنضحكخنساء: ياك قلتي ليا مشينا لايطالي غير باش نتلاقاو بزينبسلطان: اوا راني ساريتك شنو بغيتي ؟؟خنساء: سلطان واش داوي من نيتك ؟؟؟سلطان ناشط عليها و مطلع عليها الطوبية ...سلطان: صافي دابا نتي غاتجلسي فدارك غاتطيبي و تخملي و تكلفي باشغال دار و تولدي ليا شي ولد و لا شي بنيتة و انا نتكلف بالشركة ديال الواليد و نبينا عليه السلامخنساء: اويلي واش هدا سلطان اللي كيهضر معايا و لا شي حد اخور واش صافي انا دابا مشات على عيني ضبابة دابا ديك اليوماين اللي دوزناهم فطاليان حاسبو عليا شهر العسلسلطان: و كاين اللي ما عمرهم مشاو لشي بلاصة و حامدين الله نتي بعدا حتى خرجتي على المغربخنساء: لا و الله حتى مزياان و نااس راه مسمينو شهر العسل ماشي يوميان ديال العسلسلطان : و صافي راه دوينا اصلن غانبدا الخدمة ما عندي فين نساريكخنساء بقات كتشوف فيه و شداتها الغمة و بلا ما تحس دموعها بداو يطيحو جاتها بحال الحكرة و لا اهانة و لا ما نعرف كااع كيف جاتها دورات وجهها لزاااجة و حماتها للبكا....سلطان سمع صوت شهقاتها تهز قلبو و عاود تحط هو غير كان كيضحك ما توقعش غاتنوض تبكي ليه ...حبس الطوموبيل و شاف فيها ....سلطان : لا واش كتبكي ؟؟قبطها من يديها باش تدور عندو ما بغاتش ...سلطان: خنساء شوفي فيا أ حبيبة غير كنضحك معاكخنساء ساكتة و مدورة وجهها منفوخة عليه ...سلطان : واش من نيتك تقلقتي عليا و الله حتى غير كنت كنضحك و غانساريك انا العالم كامل يالاه غير كوني ليا على خاطركالجزء 476ضارت شافت فيه و مزال دموع فعينيها ....خنساء: هذا راه تايقولو ليه ناس الضحك ديال البنايةسلطان ضحك و جرها لعندو و حطها على صدرو كيبتاسم ...سلطان: صافي معذبة قلبي هادي و توبة ما نعاودشخنساء هزات راسها و شافت فيه و قالت ...خنساء: بغيت نمشي لجزر المالديف مرادو قال ليا واااعرةسلطان: ما كاينش اللي غايخرج عليك قد داك مرادخنساء: و مالك خاصك غير تعايرو مسكين و الله حتى ضرافاتسلطان: امم واخا نمشيو أ لالا لجزر المالديف شنو آخر ؟؟؟خنساء : يخليك ليلي الحب بوسنيشكلات خنساء شفايفها على شكل بوسة خلات سلطان غير كيضحك حتى هو ما عطلهاش قرب ليها و خدا شفايفها بين شفايفو ما بغاش يطلق منها حتى ندمها و ختمها ليها بعضة خفيفة عاد طلقها ....خنساء: مسعور كتشد شنايفي ما كاتبغيش تطلقسلطان: الحلاوة حتى واحد ما كيسخى بيهابغات تجاوبو و هي تسمع التيليفون تايصوني ...خنساء: هادي بذرة تاتصوني علياسلطان: جاوبيهاخنساء دوزات الخط فالبلاصة و هي تسمع صوتها مرعود ....بذرة: خ..خنساء عفاك ا ختي أجيو لهنا راه كارثة وقعاتخنساء: كيفاش ؟؟؟ شنو واقع ما فهمتش شمن كارثة اناري اش كاينبذرة : واحد الراجل جا لعندنا و شنق على يقين طويل و صحيح خفت اختي اجيو و لا نعيط لبوليسخنساء: اويلي شكون هدا قطعي قطعي غانجيو داباسلطان: شنو واقع ؟؟؟خنساء: طير دابا لدار ديال يقين راه قالت ليا بذرة شي واحد هاجم على الدار و شانق على خوكسلطان فالبلاصة ديمارا الطوموبيل و كسيرا بجهد مع كانو نيت قرابين للدار ديال يقين خمس دقايق كانو وصلو حدا الفيلا ديالو ....خنساء: اميمتي يا ميمتي كايتجمعو علينا غير المصايبحيد سلطان الصمطة و نزل من الطوموبيل و تبعاتو خنساء بالدخلة باش تايدخل تايلمح عصام هو اللي شانق على يقين و كيهضر بالغوات ....عصام: نتااااااا اللي تفليت عليها أ ولد الق*** نتااااااغفل يقين و عطاه بونية ...سلطان ما فهم باش تبلا القضية معقدة ما فهمش شنو كيدير عصام هنا و اشمن علاقة عندو مع يقين باش يضربو و يشنق عليه و يتهجم عليه...خطى خطوات مسرعة باتجاهو و شد عصام ...سلطان : عصااام طلق منوبعد عصام عليه و يقين بقى غير كيشوف و حط يدو على فمو اللي كان دايز بدم مازال ما فاهمش شكون هاد خينا ....عصام: [ شاف فسلطان مخنزر و صدرو تايطلع و ينزل و العروقات هابطة مع وجهو ] هداااا هو اللي تفلا على زينب و حملهااا هو هدااا اليوم نقتلوبمجرد ما سمعات خنساء الخبر تصدمات و ضربات على خدها ....خنساء: اويييليسلطان: [ باستغراب ] عصاام تهدن و فهمني شنو واقع و كيفاش يقين هو اللي حمل زينب و باش عرفتيها اش كاتخربق نتاعصام بقا ساكت حتى نطق ...عصام: واش نتا كتعرفو ؟؟ بلاتي بلاتي شنو كاتديرو نتوما هنا ؟؟؟خنساء: واش يقين هو اللي غلطات معاه زينب اويلي اش هادشيسلطان مرر يدو على لحيتو و بقا شاد عصام باش ما يمشيش عند يقين اللي خرجات عندو بذرة و بقات واقفة حداه كتشوف فجرحة اللي حدا فمو ...بذرة : الله ياخد فيك الحق لاااش ضااربو بغيت ليك تهريسة من الهيكل العظمي بغيت لطاسيلتك شي طيحة ما تعاودش تهز موراها راسك بغيت ليك مصيبة يا الحكار منفوخ غير بالخااوي عنداك يصحاب ليك غانخافو منك الخوف من الله و خويا سلطان غايديك فين تربى الهاجم تايموت شرع و نتا موتك احسن من حياتك أ العجل تفو على كمارة بغيت ليك الكرض لدوك اليدين اللي كيتمدو على سيادكخنساء شداتها الدوخة و ما بقات فاهمة والو و بلا ما تشعر طاحت على طولتها فالارض ما عرفاتش كيفاش وقع ليها ...بذرة : خنسااااااء