💞 قلوب أرهقها العشق 💞 بالدارجة المغربية

💥 الفصل التاسع💥

الموس_______م الثاني الجزء 323 حرب الهوسشاف فمراد و قال ...سلطان:انا غانمشي دابا حتى لغدا و نتلاقاومراد: فين غادي عنداك دير فراسك شي كارثةسلطان ربت على كتف مراد وقال ...سلطان: ما تخافش عليا عينيك عليها و ما تذكرش حسي أنا خلي غدا و نديرها ليهم مفاجأة محتاج نكون بوحدي فهاد الساعة و نرتب افكاري رد ليها البال و دخل عندهم باش تبعد عليه وما تبقاش معنقاه و فينما تشوفو قرب ليها دير اي حاجة باش تبعدو عليها حيت و الله ما كنقدر نتحمل قربو ليها أ خويا [ تنهد ] هادشي علاش كنت مغبر وجهي هاد ست شهور كنت خايف نشوف بحال هاد اللقطات اللي عارفهم غايمرضوني و لكن شفتهم فالاخير مالوغزمونمراد: يقين ولا مريض نفسي و خاصو يتعالج و يلقا اللي تبغيه ديال بصح اما باش يبقى هاكا راه حالتو غاتسوء نهار على نهار و غايشكل عليها خطر من هنا للفوقسلطان تنهد و قال ...سلطان:ماعرفتش أخويا والله ما عرفت المهم دير داكشي اللي قلت ليك يقين خويا و ما نبغيش نشوفو معدب غانلقا ليه الحل إنشاء الله يالاه تهلاعطاه بضهر و هو يسمع مراد قال...مراد: خنساء ديالك اخوياسلطان ابتاسم و التافت شاف فمراد و عنقو عناق رجولي بعد و ربت على كتفو و قال .سلطان: سمحلي امراد كنبرد فيك عصبيتي و لكن راك فالقلب عارفك ما كتشدش فخاطرك وكترد كلشي نشاطمراد: هانية برو أرا غير تجمع ليا مع فردتيسلطان : [ خنزر فيه و زير لمراد على فكو ] شنو قلت على هاد فردتي اللي كتقول ليها ؟؟مراد هز يدو بإستسلام ...مراد:والله ما نعاود [ كيضرب فمو ] هاااااك أ فمي خاصني سودانية و الحرور و الهريسة و الابزار باش نشد هاد دلقوش اللي خارج علياسلطان ابتاسم لمراد على كلامو اللي كايفكرو فحور الليل ديالو شعكك ليه شعرو بحنان أخوي عندو مراد عزيز بزاف كيعتابرو خوه الصغير ...سلطان: احمقعطاها بالضهر و زاد و هو يقول مراد بهمس ...مراد: كن شفتي نتاسلطان جاوبو عاطيه بضهر و غادي ..سلطان:سمعتكمراد حك شعرو بيدو و بقا متبع سلطان بالعين حتى إختافى على أنظارو و قال ...مراد: الفريخ كان طاير ليك و خنساء زاااادت طيراتو ليك انا ما تدابزوش ليا غير فعرسي الله يرحم باكم و بيناااااتكم ابيضاوةتوجه لغرفة يقين و خنساء و دار يدو فجيبو كيشوف فيهم من خلال نافدة ...مراد: مك ياا مك يقين حتى نتا طاح حبك غير على خنساء على قلة البنات أ صاااحبي هو تايبغيها هي كاتبغييه و نتا اش حشااا كرموستك فشريط و الله يا خويا يا يقين الا ما كاين عندي شي بنات الخوااار قول غير اه و المخيرة فيهم نحطها بين يديك و لكن دوماااج الا بعدناك على خنساء تسخف بغيت نقول تنتاحر تقول كترضعك تااا طلق دجاجة لاماليها أ الحااج ما قاد على سعرة ديال سلطان و كن كان بعدا غير ميير * أمير * شوية و نتا كتلعب مع سلطااان بجلالة قدره و باغي تربحو لا وااش من نيتك أ صاحبيتنهد و خطا خطوات لجيهة الباب و دق بشوية ...الموس_______م الثاني الجزء 324 حرب الهوسخنساء كانت متكية حدا يقين بين أحضانو و هو كيشوف فيها بحب كبيير و هي كتبادلو نظرات و فعينيها حزن و شفقة على الحالة اللي وصل ليها بسبابها دارت يديها على خدو و مرراتها بحنان و هو مغمض عويناتو مستحلي حركاتها اللي نادرين ما كديرهم و كتقرب ليه ...خنساء: واعدني بلي عمرك تحاول تنتاحر مزالفتح عويناتو و قال ...يقين: حتى تواعديني بلي عمرك تخلاي عليا مزالخنساء: و الا متت أيقينيقين : نتبعك أ حبيبة ما نبقاش عايش موراك انا عايش على قبلك أصلنخنساء: هدا كولو حب ايقين ليايقين : [ هز يديها باسها و ابتاسم و كيتكلم بخفوت ] تستاهلي ا حبيبة دياليخنساء: علاش أنا بالضبط ؟؟يقين : حيت فيك اي حاجة كيتمناها اي راجلخنساء: و شنو هوما هاد الحوايج همميقين: شخصيتك كتعجبني و كلك كتحمقيني نتي اللي خرجتيني من ظلام اللي كنت عايش فيه نتي هي نور ديالي فما تخلايش عليا حيت حياتي بلا بيك غير ضلام و حتى واحد ما غايقدر يعيش فظلامخنساء: علاش كتحاول تنتاحر فاش كانتخاصمو واش حياتك رخيصة عليك حتى لهاد درجة ؟؟يقين : راني قلت ليك حياتي بلا بيك ما عندها معنى ببخنساء: نتا تخلقتي باش تعبد الله و تطيعو نتا خليفة الله فالارض ماشي تخلقتي باش تعبدني استغفر الله العظيم عليها كلمةيقين كشر ملامحو و قال ...يقين : عارف تخلقت باش نعبد الله و لكن الا كنت غانتعدب فانفضل أنني نمشي لعندو و نرتاح و نتلاقى بماما فالجنةخنساء: واش ايقين كتدوي من نيتك ؟؟ عارف راسك اش كتقول ولالايقين : عارفخنساء: لا أيقين راه الانتحااار حرااام فالإسلام ربي الحبيب قال لينا ما نلقيوش يدينا لتهلكة و نقتلو راسنا و ان اللي كينتاحر كيمشي لجهنم ديريكت حتى صلاة ما كيصليوها عليه بدل هاد الافكار من راسك أ يقيين عفاك و آخر مرة نشوف هاد التصرف إستغفر الله و طلب منو أنو يسمح ليك و يغفر ليك حيت هادشي اللي كتدير فيه ما يبغيه لا ربي لا عبدو و الجسد ديالك ما هو غير امانة عطاها ليك الله و خاصك تحافظ عليها داكشي علاش كانقولو حتى يدي مول الامانة أمانتو يعني رووح ديالك فهي امااانة عندك الا قتلتيها بإينا وجه غاتشوف فالله سبحانه و تعالى غدا يوم القيامة هاا هداك غير شيطان اللي كيوسوس ليك بلي الا نتاحرتي غااترتاح كن على يقين انك كن متي لا قدر الله العداب اللي غاتغيشو لهيه ما كيسوى حتى 0.0001% من هادشي اللي كتعيش هنا ...سمعات دقان فالباب و ناضت ...خنساء: نشوف شكون جااشد فيديها و قال بتعب ..يقين : مزال مقلقة منيخنساء: لا غير ما تبقاش تعاود هاد التصرفناضت من بلاصتها و فتحات الباب لقات مراد تصدمات ياك عاد كان فإيطاليا مع سلطان اش جابو لهنا ؟؟؟ ....خنساء: مرااادمراد حط يدو على كتفها و قال ...مراد: ايييه يا لالا مراد المنحوس هدااا انا اكيد ان نحسي تلاقا مع نحسك و غايعطينا واحد التركيبة ياااااسلامخنساء: اش كتخربق نتا ياك ..كيفاش ياك كنتي فطاليان مع سلطان اش جابك لهنا و كيفاش حتى جيتي لهنا دختمراد: اودي كنت فساعة فالجحيم ماشي فطاليان حيدي عليا ندوز نشوف داك روميو اللي فوقتما ما يلقا ما يدير ينوض ينتاحر ولفها لوالديه خاصني نجبد ليه ودنيهالموس_______م الثاني الجزء 325 حرب الهوسدخل مراد لعند يقين خلا خنساء ما فاهمة والو فالباب لكن كتشم ريحتو كأنه كاين هنا بلا ما تحس خرجات من الغرفة كتقلب عليه بعينيها للحظات فرحات حيت يصحاب ليها غايكون جا معاه لكن الفرحة ما تماتش منين ما لقات حتى واحد ابتاسمت بإستهزاء على راسها و دخلات لداخل عند مراد غير جثة بلا روح لقات مراد واقف على راس يقين اللي متعب و بدراع كيهضر ..مراد: فين أ روميو زمااانكيقين : م.مرادمراد: واش نتا حمق و لا مالك واش كاين شي واحد ساخية عليه روحو حتى لهاد الدرجة ولا عندك الانتحار كي سلام عليكميقين ما جاوبوش حاضي بعينيه غير خنساء اللي جالسة من فوق الفوتوي و كتشوف فيهم ساهية ...يقين مد ليها يدو و قال بتعب ...يقين :أجي حدايا ما تبعديش عليا بحالهم بليزخنساء تنهدات و شافت فيقين و ابتاسمت بحزن و ناضت من مكانها باش تجلس حداه و هو يتفكر مراد كلام سلطان ... فلاش باكسلطان: رد ليها البال و دخل عندهم باش تبعد عليه وما تبقاش معنقاه و فينما تشوفو قرب ليها دير اي حاجة باش تبعدو عليها حيت و الله ما كنقدر نتحمل قربو ليها أ خويا عودةمراد قفز من مكانو و طار جلس حدا يقين خلا خنساء بلاكة ما فاهمة والو و دار كيهضر معاه و شد ليه فيديه اللي مدها لخنساء ...مراد: واش نتا مسطي باغي ترزينا فيك أ صااحبي و درتيها المرة الاولة قلنا ماشي مشكل سي يقين فنان و معروف على الفنانة طاير ليهم العقل و لكن باش ديرها المرة الثانية لااا ايقين لاااا لااا ما نتقبلوهاش منكيقين :مراد عفاك بغيت نبقى مع خنساء بوحدنا ما عندي الخاطر لحتى واحد هاد ساعةخنساء : [ ضربات مراد لراسو ] كتعاير ليا خطيبي ما حشمتي ما رمشتي باغيني ندمغكمراد: [ شاف فخنساء ] و دابا واش اللي كيفكر فالانتحار بعقلو هدا بعقلو ؟؟خنساء شافت فيقين اللي كيشوف فيها بعويناتو الخضيضرين كيف شي قطيوط ...خنساء: نو هو واعدني ما غايعاودش غير لحظة غضب و صافي و آخر مرة غايديرهايقين : غير ما تبعديش عليا غانكون مزيانمراد : هاي هااي على المااسخ تمجهدتي فين قراوك هاد الرومانسية ديال العباريقين :مرااااد خرج عفاك ما عنديش كانتكمراد حول نظراتو لخنساء ...مراد: تي مال هاد خطيبك خضر هاكا علميه صوابخنساء: هههه بيناتكم انا ماسوقيشيقين :نوض من حدايا خلي خنساء تجلسمراد: لا من نيتك انا مراد خوك اللي كتعرفني هادي ثلاثين عام جات هاد المخلوقة اللي ما كملاش حتى عام باش عرفتيها عوجاتك عليايقين تحت سنانو ] مرااااد راه غانوض ليكمراد: و صليب مع راااسك صراحة كن غير غسلو ليك العقل فبلاصة المعدةخنساء غاتموت بالضحك و يقين كيخنزر فمراد ...يقين : خنساء خرجيه عليا قبل ما نوض نرتاكب فيه شي جريمةمراد هز يدو باستسلام ...مراد: و الله حتى غير ضاحك معاك كنتي باغي ترزينا فيك و نتا الوحيد اللي عندك عوينات خضيضرين فالعائلة و كتبان كاااوري كنتي باغي تحرمنا من سلالة ديالكخنساء جرات مراد من دراعو ...خنساء: نوض أ المسطي من حداه و هنينا راك كتعصبو و هو خاصو يرتاحيقين : نتي هي راحتيخنساء ابتاسمت ليه و مراد ناض كيفكر فشي طريقة باش يخرجها من حداه واخا عارفو لصقة ....مراد:خنساء يالاه نهبط لكافيتيريا لتحت بغيت نهضر معاك و منها نيت نخليو هاد عوينات جلبانة يرتاحيقين :فين غاتمشي لا غاتبقى معايا هنامراد: أ يقييين أ خويااا و الله ما غاناكلهايقين : لا غاتبقا معايا و نتا غاتخرجمراد: واش اخويا كترضعك راك زدتي فيه راك خانق البنت هاكايقين تعصب و عينو رجعو حومر و قال ...يقين : انا ما كنخنقهااش انا كنبغيها تبقى معااايااا و حدايا واش هادي فيها شي حاجة كتخنق ؟؟الموس_______م الثاني الجزء 326 حرب الهوسمراد شاف فخنساء بمعنى تكلفي نتي ...خنساء قربات ليه وحنات عندو ومررات يديها على شعرو وقالت بحنان ....خنساء:ماغانتعطلش عشرة ديال دقايق اصلن فيا جوع غانمشي ناكل شي حاجة خفيفة و نشوف مراد شنو بغاني و نجي لعندك اصلن ليلة غانبات هناعلى ذكر المبيت تفكرات خنساء عائلتها اللي ماخبراتهومش بلي راها هنا طرطقات عينيها على وسعهم بالتلفة نسات و خرج ليها كلشي من بالها ...خنساء:ناااري ميمتي قفرتها مع الواليدةأفالبلاصة طارت كتقلب على صاكها فالشومبر كي الهبيلة ....يقين:مالك ؟؟مراد:بسم الله عليك علايش كتقلبيخنساء كتقلب وكتهضر ....خنساء:اليوم تاااكلو عليا كسكسو منانة اليوم تهنشرني دير ليا ماكلة السبع لغزالة اليوم ناكل ما كلا طبل نهار شعااالة أ ناااري ميمتيلمحات صاكها طايح فالارض طارت وهزاتو كتقلب على تيليفونها حتى لقاتو ودوزات نمرة ديال ختها ياقوت و خرجات من البيت و تبعها مراد ....مراد:هادشي اللي درتي كيتسمى خفة الرجل علاش اللي ما تقوليهاش لمنانةخنساء:ناااري غير سكت ما نعرف حتى شحال فساعة دابامراد:علاين الحداش ديال الليل أ الغزالةخنساء: هااااويليداز الخط ...خنساء:ألومراد:ديري سبييكربركات على مكبر الصوت وهي تسمع صوت ياقوت ختها كتبكي ....ياقوت:فيييينك أالحماااارة سيري الله يغبر ليك الشقف اكثر ماراه غابر عاد تفكرتي عندك طاسيلة حماارة طيرتيها مني خلعة فين غابرة الحداش ديال الليل هادي خاليانا غانهبلو عمي علال ومي ماخلاو فين مشاو كيقلبو عليك و نتي و لا على بالك عاد تفكرتينا ما عرفناك حية ما عرفناك ميتة فييينك دابا فييينكخنساء عرفات بلي كبتاتها ديال بصح شافت فمراد اللي عاض شنايفو وكيدير ليها حركة بيدو ديال مشيييتي فيها ...خنساء:شوفي غير تهدني دابا انا بخيييرياقوت:ويلي الحداش ديال الليل هادي مي وعلال من قبيلة و هما خارجين كيقلبو ( سكتات مدة حيت شافت الباب كيتحل و دخلات منانة و علال ) هاااهي مي جااات أجييي ا مي عاد عيطااات ست الحسن و الجمال و دلااال اجي يااا مي اجي تفاهمي مع هاد الحماارة اجيمراد:وا تكاافت معااك حتى نتي بقا غير مك ولايني شعواقة تا هاد ختكخنساء: شووت أ المصيبةتسمع حلق مها مكشك من التيليفون ...منانة : أ تباااارك الله على عزري دوار لااا تبارك الله عليك فينك أ المصية اللي عاطيني الله فييينك أ المنونخة ياااا الحماارة كنتي غاتسكتي لينا القلب يصحاب لينا غير ضرباتك شي طوموبيل ما خلينا لا حاااحة لا ملاااحة و نتي غابر ليك الآثااار تا خطييبك شحااال و حنا نصونيو عليه ما كاين اللي جااوبنا قلبي كان غايسكت فيينك داابا فينكخنساء: و راه داكشي علاش كنت غابرة يقين أ مي جاه تسمم و جات لاومبيلونص داوه لسبيطار و غسلو ليه المعدة و بقيت معاه داكشي علاشمنانة:اوييلي على تسمم الله الله على وليدي مسيكين و دابا كي ولا بخير ؟؟خنساء:لا دابا شوية داكشي علاش تعطلت المهم ليلة غانبات عندو فالبيت حيت ما كاينش اللي يقابلومنانة : الله على وليدي فأشمن سبيطار كاين نجيو نطلو عليه داباخنساء:دابا مانعين زيارة حتى لغدا فصباح و اجي عندو شوفيهمنانة : اوا من قبيلة و قوليها طيرتيها مني خلعة و تهلاي ليا فيه راه عندي عزيز مقطر من عويناتي داك خضر العينينخنساء شافت فمراد اللي غايموت بالضحك ...خنساء:يالاه أمي الله يعاونمنانة : الله يعاون و ردي ليه البال داك الولد ما يستاهلش شهوة منوخنساء قطعات على مها و شدات قلبها كتحمد الله اللي دازت طريفة ...خنساء: مالك نتا كضحك كيهروكمراد: ههههه و عنااابة تا هاد منانةخنساء:يالاه نمشي ناكل راه فيا الموووت ديال جوووعمراد عنقها جنب و زاد هو و ياها ...مراد:زيدي نعالجو المعدة و نهضر معاك فشي موضوع مهمخنساء:و حتى انا بغيت نفهم كيف درتي كنتي فطاليان و دابا جيتي لمغرب دوختينيداخل سيارة واقفة على واحد المنطقة مرتفعة كتبين المنطقة كاملة المنظر جاي زوين خصوصا الاضواء اللي كيبانو بعادين داخل ديك سيارة اللي كانت من نوع لاند روفر فالأسود دخان غازي المكان نتيجة الكارو اللي هازو فيديه و عينو حومر دليل على ان دموع مجموعين فيهم كينتر نتيرات من الكارو و كيتفكر المنظر اللي شافها فيه كيبغي قلبو يوقف ألم رهيب كيحس بيه كيحس بلي خنساء عمرااات قلبو و ما بقاش قادر يشوفها مع حد من غيرو تسكن بيها بلا ما يشعر طلق واحد الفيديو ديالها كتغني فيه على كناوة تفكر نهار اللي صورات راسها فيه كيبقى يضحك و يسمع لصوتها رنان اللي توحشو و فاليد لوخر الكارو كيسف منو كيزيد يحرق فيه اكثر ما راه محروق و مكوي بنار العشق و الحب و الهيام ...تنهد و مرر يدو على وجهو دوز الخط لمراد و بقا كينتاضر يجاوبو باش يطمن عليها ...