💞 قلوب أرهقها العشق 💞 بالدارجة المغربية

💛الفصل 28 💛

قلوب أرهقها العشق مهدي : كتسولني بحال انا اللي خطيبتيسلطان رمقو بتخنزيرة و جاوبو ...سلطان : ما كتجاوبش فتيليفونها و كاع ما كاينة هنا موالفة كاتكون هي اول وحدة كاتجي شنو واقع ليهامهدي : ما واقع ليها والو تقدر تكون مشغولةسلطان : شنو هي هاد الحاجة اللي غاتشغلها عليا ؟؟ ما كاينش ياكمهدي : راه ا صاحبي ما عندهاش فحياتها غير نتاسلطان دار يدو على جنابو و كيلعب بلسانو داخل فمو و بقا ساكت كيشوف فمهدي مطلع حاجب و منزل لاخور و شي تخنزيرة عندو يااربي سلامة ....سلطان : عرفتي كن ما كنتيش صاحبي كن ق*** معاك سواايع و لا عرفتي شنو غادير ق**** جيب ليا طوموبيلتيجلس من فوق الكرسي و شاد على راسو بيدو كيحس بيه عاطيه الحريق بقوة الصداع ....مهدي : نجيب ليك دوليبرانسلطان هز عينو بالعرض البطيئ و قال ببرود ...سلطان: لا جيب ليا أسبروفالبلاصة خنزر فيه و كمل بصوت مرتافع ....سلطان : وجييب لياااا غير سوارت طومبيلتيمهدي :و كااالماااا أ صااحبي مالك معصبسلطان شد راسو بيدو و قال ضاغط على سنانو حاس براسو معصب ...سلطان : عاااالية ماا كايناااش كيف بغيتيني نكون هااا بغيتيني نكون ناااشط واقيلةمهدي : ها هو غاديسلطان : يالاه رول من قدااميخرج مهدي مغزف مالاقي ليه جهد من ديما سلطان كيعايرو و يسبو و لكن عارف هداك هو طبعو عصبي شوية فالكاراكطير ديالو و لكن طوب ديال ضرافات روجولة غير ما تبانش قدامو فاش يكون معصب ...هز سلطان تيليفونو كيحاول يصوني عليها والو توحشها و باغي يشوفها عض على شنايفو ما كيحملش هاد تصرفات و هاد البرود اللي كتقابلو بيه و فنفس الأثناء دخل مهدي هاز سوارت ديال طوموبيل ديالو و لاحهم ليه و قال ...مهدي : و صحاافة و ناس اللي باغيين يتلاقاو بيك ؟سلطان : طوموبيل موقفها فالبلاصة اللي ما كيوصلوش ليها الصحافة و البشار فين غايتلقاو بيا ؟؟؟مهدي: اه صافي و رد البال واش نصيفط معاك ليكرادكور ؟؟؟سلطان : مهدي واش انا غانبقى ديما نوريك خدمتك انا اصلن طاااالع ليا الخز لدماغي دابا غير قلب علياهز كاسكيط ديالو دارو فوق راسو و لبس نظاظر كوحل و خدا معاه تيليفونو و انصارف و خرج من واحد الجهة ما كيوصلوش ليها البشر و الصحاافة فيها غير تقنيين اللي كيخدمو فالمهرجان ...طلع فالفيراري ديالو السوداء اللون و كسيرا خالي موراه غير العجاجة صوت السيارة كان مزعج لدرجة اللي داز من حداه كيبقى يشوف فيه حيد الكاسكيط و نظاظرو و لاحهم فالكرسي اللي حداه مع تيليفون و مرر يدو على شعرو الرطب الاسود ...سلطان : فينك أ عاالية فيينكفوقتما كيفكر ف عالية و برودوها اتجااهو كيزيد يكسيري فجأة توصل بميساج فالتيليفون ظن بلي غاتكون عالية هزو و عينو مركزين مع الطريق فتح التيليفون و دخل للميساجات واتساب و هنا كانت صدمة بانت ليه صورة عالية صورة خلات دماغو يترفع و فرمشة عين دخل فطوموبيل تسمعات بوووم و اكيد سرعة اللي كان غادي بيها خيالية و ما غاينجاش من هاد الحادث بسهولة ...القدر هو بمثابة حكمة ما غايستوعبهاش كلشي داكشي علاش خاصك تغمض عينيك و تقول " رب إختر لي ما تراه خيرا لي " ....فاش ما كاتكونش من نصيبك شي حاجة أختاريتها و بغيتيها بصدق عرف بلي نصيبك غايكون فحاجة أخرى اختارها ليك الله و غاتبغيها اكثر فثق بالله و لا تحزن ... الجزء 87قلوب أرهقها العشق حل عيونو اللي جامعين لونين مختلفين البني و الزيتي عاطيينه جمالية خاصة حس براسو كيتعرق بزااف و داتو كترعد بمجرد ما شاف الحلم المعهود اللي مرافقو أكثر من خمس سنوات ....دور وجهو لجيهة نافذة شاف بلي الصباح طلع و فجأة تسمع دقان خفيف فالباب ديال بيتو تحل الباب و دخل واحد الشخص التافت سلطان يشوف شكون وهو يرمق داك الشخص اللي دخل عندو بنظرات بااردة و رجع شاف فالنافذة و قال ...سلطان : كيف داز المعرضداك شخص ربع يدو و قال ...~ : لا سلام لا كلام نيشااان كيف داز المعرضدور وجهو و شاف فيه بنظرات باردة ...سلطان : بغيتي تهضر هضر ما بغيتيش خرج~: علاش أ خويا وليتي هاكاسلطان طلع حاجب و نزل لاخور و قال بعصبية ...سلطان : كيف جيتك~:وليتي قبيحسلطان ضغط على سنانو و قال ...سلطان: يقييييينيقين تقدم بخطوات بطيئة جر الكرسي و جلس ...يقين : نتا عارف هادشي بلا ما نبقاو نغطيو الشمس بالغربال مالك ساد على راسك خمس سنييين أصااحبي و نتا هنا ما كتقنط ما كتمل ما كايطلعوش ليك أربعة د الحيوط فراااسك زدتي فيه كاتعدب فراااسك غير هاكاك هادشي كاامل اللي كدير فروحك غاتحاسبك نفسك عليه غدا أمام اللهسلطان رمقو بتخنزيرة مغطية ببرود ...سلطان : من إمتى وليتي كتعطي الموعظة نتا رساام ماشي فقيه دير غير داكشي اللي كتعرف ليه و ما تقربش لشي حاجة ما كتفهمش فيهايقين : باغي نعاونكسلطان : ما رغبتكش باش تعاوني ما تزيدش من راسكيقين : الله يهديكسلطان : بنتلك كنضرب طااسةيقين غلباتو ضحكة و شاف فيه و حرك راسو يمين شمال و قال ..يقين : مصاب كن كنتي كضرب طاسة و ما تديرش فراسك هاد الحالةسلطان : شوف ديك الهضرة د علم نفس اللي غاتفرع ليا بيها ك*** انا الا جيت نهضر غانقولك ما أكثر منها فلذلك الله يرحم ماماك و يوسع عليها فهاد النهار قلب الموضوع و حياتي شخصية خليها بعيدة أباااغيقين شاف حتى عيا و فالأخير تنهد و قاليقين : توحشتك أ خويا حق لاإله الا الله الا توحشت خوياا القديمسلطان هز المخدة اللي حداه فناموسية و شير بيها عليه و قال ...سلطان : واش لديلمك ماغاتقلبش هاد الموضوعيقين : ههه كالما كاالما مال ديلمك قمااع ماالكسلطان : حيت لديلمك نتااااا ما كدخلش سوق ك***يقين : صافي ها هو سااكتسلطان : أكثر إنجاز تقدر تقدمو للبشرية هو تزم فمكيقين : دااكوغ ها هو ساكتسلطان : فوقاش جيتي ؟؟يقين : ياك قلتي ليا بقا ساكتسلطان : يقين ق****يقين : هههه و مالك على نقشة خاصك غير فوقاش تشعلسلطان : حيت مالوغوزمون نتا خويايقين : جيت البارح انا و دادا ميلودة و مرادسلطان : جا حتى مراد ؟؟يقين : وي حتى مراد جا البارح من كنداسلطان : مزياان لابس عليهيقين : شنو كاتعرف على مراد ؟؟سلطان ابتاسم بخفة و قال ..سلطان : الزهو و النشاط و البناتيقين : مازال كيفما هو ما تبدلش عايش الحياة ما مسوقش ما عندوش حس المسؤولية فالقاموسسلطان : المسؤولية غاتشرفو غير خليه يعيش الحياةيقين : و نتا كيف كاتحس براسك ؟سلطان ابتاسم بإستهزاء و شاف فالنافذة و قال ببرود ...سلطان : شنو كاتعني كلمة إحساس؟؟يقين :ماشي حتى لديك درجة أ سلطانسلطان التافت و شاف فيه و قال بحرقة لدرجة عينو تغرغرو بدموع ...سلطان : شنو كتنتاضر من شخص مشلول ما قادرش يحرك نصو سفلي امم باش غايحس فنظرك شخص خمس سنين وهو فالركنة جالس عندو كي الليل كي نهار كن ما هاد سرجم اللي قبالتي ما نعرفش فين انا أ يقيين بااش غانحس امم عييت و مليت و تقهرت لدرجة فكرت فالانتحار شنو غايكون إحساس شخص كل نهار كايتسنى الله يخلصو من العذاب و يقبض روحو امم شنو كتنتاضر اخويا مني باش غانحس فنظرك سعادة ما بقيتش عارف شنو كاتعني الحزن حتى هو وليت كيف شي حيوان كانكل و نعس بلا شعور بلا إحساس عايش و صافي حيت كنتفس ... الجزء 88قلوب أرهقها العشق يقين بقا ساكت وكيشوف فخوه و كيسرط ريقو بصعوبة و حابس دمعتو غير بزز عارف خوه كايعاني و لكن ما باليد حيلة و اللي زاد طين بلة دخول الأم ديال سلطان "وفاء" كتبكي بحرقة على كبدتها ؛ سمعات كلامو كاامل حيت كانت جايبة ليه الفطور و ما كاين ما اصعب من قلب الأم فاش كتشوف فلذة كبدها كيعاني بهاد الشكل و خصوصا معاناة سلطان داك الشخص اللي كان نجم فسما و دابا ولا كي الحنش مقطوع راس صعيب و ماشي ساهل واخا دازت خمس سنين على ديك الحادثة و لكن جرحو مزال ما بغا يبرا و يطيب و ما عرفو شنو يديرو معاه مقصح قلبو من جيهة كلشي ما كيبغي يهضر مع حد و كيتصرف ببرود كأن الأحاسيس ضاعو ليه ...وفاء:سلطانهز راسو شاف فيها ببرود و دوك دموع اللي فعينيها كيحرقوه واخا بارد قلبو اتجاه كلشي و ما كيحملش راسو و لكن دوك دموع اللي كيشوفهم فعيون ماماه كيحس بيهم كيقسمو قلبو لأجزاء صغااار ...سلطان : علااش كاتبكي ؟؟وفاء مسحات دموعها و حاولت تهدن و قالت ...وفاء:كي صبحتي أ حبيبي مزيانسلطان رجع شاف فنافذة و قال ...سلطان : صبحت و صافي مع الاسف ما زال حيوفاء تقدمات بخطوات سريعة و صوت طالونها كيقرقب حتى جلسات حداه فناموسية و شدات وجهو بين يديها و دموعها ناازلين من عويناتها ما كتقدرش تقاومهم ...وفاء: علاااش كاتبغي تعدبني أ ولدي غير هاكاك علاش كاتقول هاد الهدرة نتا غاتعيش و غاتبرا و غاتوقف على رجليك و غاتزوج ببنت ناس اللي تستاهلك و غاتبغيك ديال بصح و غانعيش حتى نشوف وليدات وليداتكسلطان هز يدو ببطئ و مسح دموعها و قال ...سلطان : شكون نتي ؟؟وفاء شافت فيه بإستغراب؛ توقفات عن البكاء و قالت ..وفاء: كيفاش ؟؟سلطان : بغيت نقول شكون انا ؟؟وفاء : ولدي نتا سلطان ولديسلطان : وشكون اللي كيولد السلطانوفاء ابتاسمت بخجل و قالت ...وفاء: الملكةسلطان : و الملكة ما كاتبكيشوفاء دمعو عويناتها و عنقاتو جنب و حطات راسها على راسو ...وفاء: شنو نجيبلك أ حبيبي تشهيتي شي حاجة نصوبها ليك تاكلها ؟؟سلطان : باغي غير المايقين كان كيتأملهم بحب و فالاخير نطق ...يقين : لقيتي علامن تفششوفاء شافت فيقين و ابتاسمت ليه و قالت بحب ...وفاء: كيف صبحتي نعستي مزيان أ ولدي البارح جيتو معطلين غاتكونو عييتو بطريقيقين : نو ça va حمد الله نعست مزيانوفاء: حمد الله آه نسيت ما سولتكش كيفاش دوزتي المعرض ديالكيقين : مزيان حمد الله كيف ديماوفاء: برافو عليك [ طلقات ليه يديها و أضافت ] أجي حدايا نعنق وليداتي بجوجيقين ما كانش من العاكزين حتى هو محتاج داك الحنان اللي كتعطيه ليه وفاء بدون مقابل من زمان من نهار فقد ماماه ...اتاجه لعندها و جلس حداها من جيهة لوخرى و عنقاتو هو الآخر....سلطان :مزاحمني حتى فالواليدةيقين : الحنانة ديالي هاديسلطان :جمع راسك راك ضسرتي نتاوفاء كتموت عليهم بالضحك و قالت بصوتها الحنون ..وفاء: ههه كتفكروني غير فصغركم و لكن باش كنتو كتعجبوني فاش كيبدا داك الكارتون ديال انا و اخي و تعانقو و تبقاو تفرجو عقلتو عليه .سلطان بعد من على وفاء ما كيبغيش هاد الاجواء الحنونة و قال ببرود ...سلطان : ما عقلتشأما يقين راه سااهي فالفراغ بمجرد ما تنطق حداه إسم كارتون أنا و أخي جات فبالو هي ما منهاش جوج ديك الفتاة الغبية اللي غير بتصرفاتها خلات طابع فعقلو شكون من غيرها "خنساء" . الجزء 89قلوب أرهقها العشق أجمل ما في الأيام الماضية أنها مضت و أجمل ما فالايام الحاضرة أنها غاتمضي و أجمل ما في الأيام اللي غاتجي انها مازال ما جات و اجمل ما فالحياة أن هناك أمل كيتجدد و ما كيتسالاش ....دازت الوقت بسرعة من نهار الخطبة الايام كتمر عادي فقط خنساء كتنتاضر يوم الاثنين على احر من الجمر حتى من الكونيكسيون تسالات ليها ما كاين غير الشقا و نعاس و اخيرا و صل يوم الإثنين اللي غاتمشي فيه خنساء لمقر العمل ...كتحرك بسرعة كيف شي فراشة فالحقول غاتطير بالفرحة لما لا و هي أخيرا ضحكات ليها دنيا و لقات خدمة وماشي اي خدمة فبنسبة ليها غاتخدم فأكبر مكتبة فالمغرب اللي تكلمو عليها فالتلفازة ....واقفة على زينب كتفيق فيها حيت كانت نااعسة ....خنساء: بس بس زينب زيينب فيقي أ زمرة فييقيزينب ضارت عندها و وجهها معمش و كارهة الحياة كانت غاتخسر لهدرة و فآخر لحظة تراجعات....زينب: ما...مالك أ صاحبتي مصبحة علياخنساء: نوضي شوفي كيف جاتني الكسوة اللي غانمشي ندير بيها مقابلةزينب طلعات وهبطات بعينيها فخنساء كتشوف فكسوتها اللي كانت طويلة فالاسود سامبل و جاية نص كم مع واحد الصاك مزيون فنفس اللون دايراه فيديها ...زينب: زوينة وااعرة الله يسهل عليكرجعات نعسات و خنزرات فيها خنساء ..خنساء: تفوو عليك عاطياني رأي نااشف كيدارة لوخرىزينب : وااا سيري بحاالك أ زعتر فرعتي ليا البصلة السيسائية ديال المخيخ ديال المخ دياليخنساء عوجات فمها و شافت فالمراية ابتاسمت مع نفسها و خرجات من البيت فرحانة و كلها حيوية و نشااط راه الخدمة هادي اللي من زمان و هي تقلب عليها و لقاتها بمشقة الأنفس و ماشي حتى هي اللي لقاتها كن ما توسطات ليها جارة ختها كن راه مازال جالسة حدا مها منانة كتنش الذبان ...جات تحشي رجليها فالبالغينة و هي تذكر نهار اللي عطاها ليها يقين عضات على شنيفاتها و ابتاسمت و سافرت بيها مخيلتها لنفس نهار ... فلاش باكخنساء شافت فالكارطونة ورجعات شافت فيه كأنها مامصدقاش ..خنساء:واش هاد الكادو ديالي أنا واش متأكد؟يقين ابتاسم بخفة وحرك راسو بالإيجاب ..خنساء :ولكن علاش عذبتي راسك ؟؟يقين : يا نصوب الكادو لكلشي ياما نصوب لحد [ حك لحيتو وكمل كلامو ] تقدري تقولي بلي خفت يبقا فيك الحال وتجيك الغيرة من يارا حيت رسمتها يعني مراعاة لمشاعر ديالكرجوع للواقعما فيقها من سهوتها غير اليد اللي تحطات على كتفها حتى قفزات من مكانها ضارت لقاتها غير ماماها اللي فايقة تصاوب الفطور ، حطات يديها على صدرها و قالت بخوف ...خنساء: حراام عليك طيرتيها مني خلعة أ ميمنانة : بسم الله عليك غادة لخدمة ؟؟خنساء ابتاسمت ليها و قالت ...خنساء: آه الا كتاب دعي معايامنانة : الله يسر ليك و الله يسهل عليكخنساء حكات شعرها و قالت ..خنساء:مي ما نلقاش عندك شي خمسين درهم باش نطلع فالطاكسي باش ما نتعطلشمنانة تنهدات و جبدات بزطامها كتقلب نيت هي اللي لقاتها كطير و تنزل ...منانة : هي اللي عندي كطلع حتى لسما و تنزلعطاتها ليها و خنساء باست ليها يديها و قالت ..خنساء: غايجي نهار اللي غانرضهاالك بطريبلمنانة : امين امين اودي غير تكوني نتي قادة براسك هاديك هي دنيا و ما فيهاخرجات خنساء و كتسمع ماماها كتدعي معاها ...منانة : سير أبنتي الله يسهل عليك و الله يسر ليك و الله يبعد عليك ولاد الحرام و الله يلاقيك مع ولاد الحلالخرجات خنساء من الباب ديال العمارة فين ساكنين دنيا سااهتة نورمال تسعود ديال الصباح حتى واحد ما كيضور ؛ غادة فطريق و كتلوي فشعرها اللي كانت طالقاه و كتفكر فشخص واحد ما منوش جوج يقين ما عرفاتش علاش منين شافتو خدا عقلها منها حتى لهاد درجة واش حيت تصرف معاها مزيان واش حيت كلامو بقا راسخ فبالها و لا حيت جمالو سطاها ما عرفاتش هي براسها ما قدراتش تفهم راسها ...طاالع ليها المورال ديال بصح غادة و كتبتاسم غير هي و عظامها حتى وصلات للمحطة ديال طاكسيات و هي تلمح واحد البرهوش يكون عندو ديك خمسطاااش العام هاز واحد البيدو فيدو و كيطبل فيه و كيشوف فيها و مصغر عينو حتى وصل لحدها و قال ...البرهوش: عفاااك أ ختي وقفي نسولك