💞 قلوب أرهقها العشق 💞 بالدارجة المغربية

💛الفصل العاشر💛

الجزء 29قلوب أرهقها العشق خنساء كتحمد الله فنفسها حيت ثاقو بيها و ما تفرشاتش و الامور غادة كيفما بغات هي ...خنساء: وييه حتى انا جاتني عجب زهري يترجل معايا حتى لهاد الدرجةياقوت: اوا نتي اللي جالسة تعايري و تصوطي و ما عاجبك حال هانتي بسبابي ربحتي صباط شكون بحالكخنساء: و الله ما كدبتي ما بحالي حد غانوض نلبس شي بيجامة من دياولكياقوت: سيريخنساء: مازال ماجات مي و باياقوت: كن جاو راك شفتيهمخنساء: المهم هانا مشيتخرجات من الكوزينة و اتاجهت لبيت ديال ختها لبسات بيجامة صيفية طويلة نص كم مريحة و فيها وريدات و جمعات شعرها و تفكرات كلام يقين و سهات مجددا فالفراغ و دماغها كيستحضر بعض الكلمات اللي خلاو أثر عميق فعقلها ... فلاش باكيقين: عمري ما فكرت نساعد شي حد باش يكدب على عائلتو حتى تلاقيت بيك انا كنكره الكدوب و أعدى حاجة عندي، نتمنى من قلبي ما تلقايش مشكل مع عائلتك بسبابي و تفكري ديما بلي حبل الكدوب قصير قدما طال زمان ولا قصار الحقيقة كتبان نهاية الفلاش باكتنهدات و تكات على الحيط و ضحكات ...خنساء: يخليلي عوينات جليبينة كن ماهو كن ماعرفت مانقول كيفما عاونتيني بغيتك فينما حطيتي يدك تربح يا وجه الربححبسات طوموبيل من نوع رانج روفر فالأسود حدا الفيلا الشخصية ديالو نزل من سيارة وسد الباب وخطا خطوات موزنة وكلها ثقة وعاد شكلو المميز العجيب الغريب اللي كيمتاز بيه بوحدو عاطيه لمسة خاصة شخص واحد ماكاينش نسخة منو "يقين الزعيمي" ...دخل لداخل بعدما فتحو ليه الباب الخدمات ..حول نظراتو بانت ليه ميلودة هازة كتاب بلغة الانجليزية فيديها ودايرة نظارت فعينيها ومنغامسة فالقراءة كأنها فعالم معزول على الآخرين...تمشا ناحيتها وجلس حداها عاد انتابهات ليه ابتاسمت وسدات الكتاب حطاتو فوق الطبلة وحيدات نظراتها الطبية وحطاتها فوق الكتاب ودارت عندو وقالت بصوت هادئ حنون ...ميلودة:وصلتيها اولدييقين تنهد وحرك راسو بالإيجاب ...يقين:كيف بقات صوفي ؟ميلودة:راه فاقت وعطيتها تاكل وعطيتها الدوا وراه كتلعب فبيتك كيفما العادة ماكتخرجش منو هداك هو مكانها المفضليقين:تحسنات على قبل؟ميلودة:الحمد الله بدات كتصح أصلن نتا رجعتي وهي تولي مزيانيقين:كتحس بيا وكتوحشني كنبغيها بزاف صوفي ماشي مجرد حيوان بالنسبة ليا هي جزء لايتجزأ من عائلتي[ سها فالفراغ وأضاف بحزن ] صوفي هو آخر كادو عطاتو ليا بعدما مشات من حياتيميلودة مررات يديها على دراعو بحنان وقالت بصوت حزين ...ميلودة:مازال اولدي كاتفكر فيهايقين:كنفكر فيها مانكدبش عليك ونقولك لا ولكن ما بقاتش بديك الاهمية نهار على نهار كنتأقلم وكنسا خصوصا هي عايشة حياتها مع راجلها وعلاش انا غادي نبقا رابط قلبي وعقلي مع انسانة اللي هي مرتاحة بفراقي وببعادها عليا امم ؟فغيمون فراقها فلول جاني صعيب حيت كيفما كان الحال مدوزناش قليل لدرجة دخلت فإكتئاب ولكن دابا حتى انا غانشوف حياتي و"فاتن" كتبقى صفحة وطويتها هادشي الا ماقلتش كتاب وحرقتوميلودة:هي عوال تدخل فعلاقة ؟يقين ابتاسم بإستهزاء ...يقين:ماكنفكرش فعلاقة حاليا كانفكر فخدمتي والمعارض اللي غاندير كنفكر فالمستقبل أكثر من الارتباطميلودة:مايمكنش تكمل حياتك بلا ونيسيقين:كاينة نتي وكاين صوفي وكاينة الواليدة والواليد وخوتيميلودة مررات يديها على فخضو وقالت بحنان ..ميلودة:نتا عارفني مزيان شنو كانقصد بالونيس ماتبقاش تراوغ فالهدرةيقين ربع يدو وكيشوف فيها بغباء ..يقين:شنو قصدتي بالونيس فهميني أكثر أزين ديالي [جر حنكها بحب ]ميلودة ابتاسمت وجاوباتو هي الاخرى بحكمة ...ميلودة:ماشي مشكل نشرح لولدي شنو كنقصدو بالونيس [ دارت رجل على رجل وأضافت] الونيس هو الشخص اللي اي إنسان على وجه الكرة الأرضية محتاجو بمعنى هو داك الشخص اللي كتحط عليه راسك وتقولو شنو ضارك وهو كيسمع ليك وعمرو ما يمل منك الونيس هو الشخص اللي كيفهمك من نظرة عينيك حتى الا قلتي لناس نتا بخير ونتا فداخل ديالك ماشي بخير كيعرفها و كيقراها من عينيك الونيس هو اللي كتلقا راحتك بين يدو وكتحس براسك مالك العالم فاش كيكون حداك وفاش كيغيب بحال كتغيب عليك الشمس كتولي حياتك كلها ظلام لدرجة لو خيروك بينو وبين العالم تختارو هو حيت بكل بساطة كيولي وجودو مرتابط بالسعادةيقين:من اللخر بغيتي تقصدي بهاد الونيس الحب والعشق والارتباطميلودة:برااافو عليك هداك هو الونيسيقين مرر يدو على لحيتو وزفر انفاس حارة وقال بعد مدة صمت ...يقين:حتى وحدة ماغاتقبل تربط حياتها بشخص ماقادرش يوفر ليها عائلة متكااملة او بمعنى اصح stérile *عقيم *الجزء 30قلوب أرهقها العشق بغا يوقف وهي تشد فيدو وقالت بصوت حازم بعض الشيئ..ميلودة:شووت جلس فين باغي تهرب علاش ماباغيش تفهم بلي هداكشي ديال الله أولدي وماشي نتا هو اللول ولا اللخر اللي عندك هاد المشكل ونهار غاتلقا البنت اللي غاتستاحق تكون معاك غاتبغيك كيفما نتا حيت الحب ماشي هو نبغيك بالحاجات زوينة ديالك الحب اولدي هو نبغي عيوبك وظلامك قبل من ايجابياتك ونورك و هادشي اللي خلا فاتن تسمح فيك هي ماكانتش كتبغيك من أساسو هي شافت غير إيجابيتك وما قدراتش تقبل سلبياتكيقين:من حقها تسمح فيا حيت كانت باغا الولاد وكتحماق عليهم وهديك حريتها شخصية كن كانت هي اللي ماكتولدش غاتقولو ليا تزوج عليها باش تولد ولكن منين كاين لافوط فراجل كتردو اللومة على المراة المهم حنا فمجتمع اللي ديما خاصو يرد اللومة للمراة حيت حنا فمجتمع ذكوري بامتيازميلودة:أولدي الحبيب بالعكس كن بقات معاك وتبنيتو شي ولد ولا بنت وربيتوها منها تديو الاجر ومنها تطفيو شوقكم للولاديقين:واش فنظرك انا مااقتارحتش عليها هاد الاقتراح ولكن قالت ليك هي بغات ولاد من دمها ولحمها والله يسهل عليها هي حرة دير اللي بغاتميلودة:دابا ربي يفاجيها اولدي دوام الحال من المحال وكلشي فيه خير ماتبقاش تعمر راسك بهادشي الطب راه تطور تقدر تعالج وربي يلاقيك بشي بنت ناس تنسيك فيها وماتنساش كلشي فيه خير غير هو الله يرضي عليك ماتبقاش حابس فالماضي عطي فرصة لراسك وبغي من جديديقين وقف من مكانو وغمزها ...يقين:انا و الحب دابزنا Ça fait longtemps المرار اللي دقت منو كاافي [هز يدو باستسلام] انا من الحب ديميسيونيت قدمت الاستقالة ومنين قلبي غايعاود يصوني غانطفيه ولا نديرلو مود أفيوون [صيفطلها قبلة فسما ] باراكة عليا غير نتي أالعمرعطاها بضهر وخلاها كضحك على كلامو حركات راسها يمين شمال وهزات كتابها تقراها فحين يقين طالع كيصفر فدروج فجأة تفكر الفيديو اللي كانت خنساء كتغني فيه أغنية "انا وأخي" ما حس براسو حتى ابتاسم و بدا كيغني بصوت منخفض ...يقين:انا وأخي وأخي ...سمعات صوت السرسار خرجات من البيت باش تحل الباب لقات ياقوت سبقاتها وفتحاتو ...ياقوت:مرحباااا مرحبااا نهار كبير هذادخلات الأم "منانة " مراة تكون فأواخر الخمسينات من ملامحها باينة قاصحة لابسة جلابة فالزرق مع زيف فنفس اللون التجاعيد كيبانو فوجهها بشكل كبير تسالمو بالوجه وقالت بصوت حنون دافئ كحنانها اتجاه بناتها ...منانة:كيف دايرة وكيف داير مولا دارك وفين واحد ياراياقوت:حمد الله أ مي دخلي ماتبقايش واقفة فالبابخطات خطوات لداخل ولمحات خنساء واقفة ...تقدمات عندها بخطى بطيئة حنات وباست يد ماماها ...خنساء:مي سلام كي بقيتي مزيانمنانة:حمد الله من صباح ونتي دالعة [ شافت فياقوت] أمدرا عاوناتك بعدا فشغال ولا والو مقابلة غير داك المشقوف ديال تيليفونياقوت: لا لا نفعاتني الله يجازيها بخير فين هو بعدا با ؟منانة: باك جابني بطوموبيل ومشا يجيب صاحبو علالياقوت:امم مزيان با ماكتحلا ليه الجلسة غير مع علال هههمنانة ضحكات وقالت ..منانة:اوا هانتي تشوفي الحماق تقولي كايعطيه البزولة هههياقوت:دخلي أ مي لصالونمنانة:واخا أبنتي هاني ندخل [ حولات نظراتها لجيهة خنساء] الله يرضي عليك جيبي ليا شي كاس ديال الما حلقي لصقخنساء:ونيت هاد الشماش كتسخف يا ميمتي ولكن نتي جابك با فطوموبيل زعما ماجيتيش حتى على رجليك اش نقول انا ؟منانة:علاه ماالك نتي فين كنتي؟خنساء:مشيت جبت ليكم الحلوةمنانة:وهانتي بعدا نفعتي ختك وعاونتيها الله يرضي عليكخنساء:امينياقوت:وا دخلي أ مي راه يارا مع ولاد جارتي فصالون كيلعبومنانة:وا حتى نتي حمقة لاش خالية ولاد صغااار كيلعبو فصالون دابا يكرفصوه ليكياقوت:وحتى نتي امي دابا دخلي دخلي غانمشي ندير القهوة راه قرب يجي بلالمنانة:وكيف داير هو مع الخدمةياقوت:يحمد الله ويشكرو عايشين بيها ماخاصنا حتى خيرمنانة:اوا الحمد الله حتى هو مرضي وضريف ومومن وحتى نتي مرضية يا بنتي الله يجيب لخنساء شي سعد بحال سعدكياقوت:الله اجيب ليها ماأحسن من سعديخنساء عوجات ملامح وجهها وقالت ببرود ...خنساء:وبااغا نخدم أمي اشمن زواج واشمن هممنانة خنزرات وشافت فيها شوفات قااصحين ...منانة: فعوط ماتقولي ياربي امين وتسدي حلقك جالسة كتنفخي واصلن شكون خدا رأيك نهار يجيك الراجل المناسب غاتهزي قلوعك وغاتزوجيالجزء 31قلوب أرهقها العشق خنساء حسات بالحكرة والضلم من كلام مها كتحس براسها بحال مثقلة عليهم وكلمة جوج خاصك تزوجي خاصك تديري دارك وزيد وزيد من الكلمات اللي بالنسبة ليها كلمات جاارحة كتحس براسها ماعندها راي ماعندها دور كأنها دمية او أحد الكراكيز اللي كيحركو خيوطها بالكيفية اللي كيبغيو هما ...أضافت منانة ...منانة:وزايدون دابا أبنتي راك غير جالسة فدار ياك شحال ونتي تقاتلي باش تلقاي خدمة ومازال ماسهل اللهخنساء:ولكن غانلقاها إنشاء اللهياقوت:اوا الا جاك راجل ا لالا مع الخدمة دقة وحدة ههههمنانة:هههه هاديك هي المخيرةخنساء:زهري مايمكنش يخدم حتى لهاد الدرجةمنانة:وماعرفتي رزقك أش مخبي ليك ودابا سيري جيبي ليا الماخلاتهم منانة ودخلات لصالون فحين ياقوت وخنساء دخلو للكوزينة ولقاو سناء مقابلة الحليب لا يفيض ...خنساء:بالله العلي العظيم حتى مثقلة عليكم واه زدتو فيه باغييني نتزوج صحة وباغيين تغرقوني بالولاد والمسؤولية والطياب من دابا مالي عليها أختيياقوت:هههه علاه ماالك مازال صغيرة راه كبرتي والمراة تاليتها دار راجلها أزين شحال مابقيتي معانا غاتزوجي غاتزوجيخنساء:[ضربات رجليها مع الارض بالفقصة ] شي بعض المرات كنقول راك متفتحة فدماغك ولكن شي بعض المرات كنتأكد بلي دماغك تقليدي مازال عاقل على جد نمل واش انا كنقولكم باغا نخدم ونتوما جالسين عليا زواج زواج على أساس شفتو راجل غير واقف حدا الباب وكيرغب فيا تفوو كتعصبو بنادم حق الله [ جلسات من فوق الكرسي وكتشوف فيهم معصبة ]ياقوت:سااليتي أزين هدرتك واهاكي دي لماماك تشرب ورجعي بغيت نقوليك شي حاجة غاتعجبكخنساء:شريتي ليا طوموبيل مثلاياقوت:لقيتها لراسي ولايني وجهك صحيح دي لمك تشرب واجي ندويو معاكخنساء:شكون نتوما ؟؟ياقوت:البوليس والجادرمية نوضي تهزي ونتي شحال فيك دالهضرةناضت كتنفخ ماعاجبها حال هزات البلاطو ديال الما وخرجاتو لصالون لقات ماماها منانة هازة يارا فحجرها وكتلعب معاها ..كبات ليها الما ومداتو ليها وقالتخنساء:هاك أميمتيمنانة:اري الله يرضي عليكهبطات على الكاس ومداتو ليها حطاتو خنساء فوق الطبلة وماماها كتشوف فيها شي شوفات فشكل وكتبتاسم الشيئ اللي لاحظاتو خنساء ونطقات ببلاهة ...خنساء:واش وجهي زال منو البرص ؟منانة:كيفاش؟؟خنساء:هه حيت كتشوفي فيا بحال عجبتكمنانة:وعلاه يصحابلك نتي خايبة ؟بالعكس راك غزالة يا الهبيلة شوفي شعر اللي عندك والفورمة وطولةخنساء:غير هاد البرص مخسر لينا ديكور ولد الهم هههمنانة:داكشي اللي عطا الله اللي بغاك يبغيك بخنونتك ابنتيخنساء جلسات من فوق السداري حداها ودارت رجل عل رجل وقالت باستهزاء ..خنساء:يهديك الله أ مي راه حنا فوقت ديال المظاهر زوق تبيع شحال ماكنتي عاطي للعين كاتلقا الخدمة وكلشي كيعطيك قيمةمنانة:اوا خلاص عليا اللي غايتبعك على الزواق ويخلي المضمون راه غير أحمق وخلاتها مي الله يرحمها ماشي اللي لبس الحرير راه مير (أمير) وماشي اللي نعس بلا سرير فقير شحال من واحد تحت الحرير حقير وشحال من فقير بلا سرير ميرخنساء: ههه وا مثل زيين هدا خاصني الورقة والستيلو باش نحفضوسمعات صوت أختها جاي من الكوزينة ..ياقوت:خنساااءخنساء:غانمشي نشوف شنو بغاتنيناضت للكوزينة تشوف ختها لاش كاتعيط ليها ...خنساء:هانا جيت شنو بغيتي؟ياقوت:والله يعطينا وجهك ياك قلتلك سيري عطي لمك لما وأجي ونتي مشيتي جلستيخنساء:اوا المهم هاني جيت اش بغيتونيجلسات خنساء فالكرسي وبجنبها جالسة سناء جارة ختها اللي كانت بدورها جالسة فكرسي خشبي وهازة تيليفونها طالعة هابطة فالانستغرام ...ياقوت: ياك باغا تخدمي ؟؟.خنساء:واش هدا سؤال اصاحبتي بطبيعة الحال باغا نخدمياقوت:اوا أ لالا لق..ماجات فين تكملها حتى تسمع سرسار فالباب ..ياقوت:غانمشي نحل الباب ونجيخنساء:واخا سيريانصارفات ياقوت من الكوزينة وخلات خنساء مع سناء ..ردات خنساء راسها للور ولصقاتو مع الحيط ودارت يديها بجوح تحت منو كتسنا ختها ترجع باش تعرف شنو باغا تقول عم الصمت لثواني بيناتهم حتى دورات وجهها لجيهة التيليفون ديال سناء وهي تحل عينيها على وسعهم لدرجة حتى فمها تحل معاهم مامصدقاش شنو كاتشوف أمامها ...