💞 قلوب أرهقها العشق 💞 بالدارجة المغربية

💛الفصل 88💛

الجزء 269 قلوب أرهقها العشق سلطان : ما يمكنش تدخل شي انثى لحياة شي راجل و ما تبدلوش يعني شحال من حاجة كتكون مولفها كتقطعها و الحب بصفة عامة كيبدل فحياتنا بزااف غير ماكلتك ما كتبقاش تاكلها مزيان ديما كتفكر فشريك حياتك واش جيعان واش ماكلاش مزيان نعاسك ما كيبقاش نعاس ضروري خاصك تنعس على صوت حبيبك ما كتبقى تشوف حتى شي انثى قدام عينيك من غير حبيبتك [باس يد عالية ] بزاف د العادات كيتبدلو انا حتى من حوايجي ما كنلبسهوم حتى تقولي دوقها فيهم عالية من ديما كنثيق فدوق ديالها و ما نقدرش نلبس شي حاجة و ما تكونش راضية عليها تقدر تقول بلي حياتك كيولي مشاركها معاك شخص آخر و شحال زوين تلقا الشريك المناسب اللي تحط عليه الراس و يشارك معاك احزانك و افراحك و كلشيي ديروه اونسومبل شي حاجة اللي زوينة بزاف كنظن ما كيعرف بحلاوتها غير اللي لقا شريك الحياة المناسب ليه اولا أ عالية [ شاف فعالية ]مانقدرش نوصف ليكم الاحساس ديال ديك المراهقة اللي جالسة وراء شاشة و هي كتشوف حب مراهقتها اللي كتسطى عليه كيف شي حمقة خاااااطب و كيشوف فخطيبتو فداك الشكل و كيقول هاد الكلام اللي كيقطع قلبها صغير لقطع و اشلاء ......الطريقة باش كيشوف فعالية تمنات يشوف فيها بيها هي تمنات لو كانت هي تماك و داير ليها ديك الشدة ديال اليد حسات بدموع هابطين على خدها مسحاتها بالخف باش ما تشوفهاش مها و ناضت لبيتها الصغير فين كتنعس و سدات عليها الباب و سحتات مع الباب كتبكي و تشهق ما عارفاش علاش كتبكي بحال شي خنجر تحشى فصدرها نتيجة هاد الخبر اللي نزل عليها كي الصاعقة كتحس بألم رهيب كيقطع فقلبها الصغير و كلها كترعد ما قدراتش تبقى فايقة ديك الصورة ديالو و هو ماسك فيديها و كيقولها ديك الكلام بقات محفورة فذاكرتها ناضت و تحشات ففراشها و غمضات عينيها لعلها تلقا سكينة فاحلامها اللي كتخايل فيهم راسها معاه .... نهاية الفلاش باكفاقت من سهوتها و شرودها و هي كتذكر دوك الاحداث بتفاصيل بحال عاد وقعو البارح ضحكات على راسها و على مراهقتها و على تعلقها بشخص عارفة واخا تطير واخا تنزل ما عمرو ما يكون ليها يااه شحال كتشوف راسها غبية فهاد اللحظة و لكن هااهي جات لعندو لدارو و مقربة منو و كتعالجو و ولات من بين اصدقاءو و جلسات مع عائلتو و خوه نيت صدق باغيها دنيا شحال صغييرة و الاحلام و المتمنيات كتحقق سبحان الله هادشي اللي كيقول ليها عقلها فهاد اللحظة داكشي علاش الواحد ما خاصوش يقول لا هاد الحاجة عمري نوصل ليها حتى واحد ما عارف المكتاب اش مخبي ليه و الحاجة اللي كتبان لينا حنا عظييييمة كيفشي جبل راها فالاصل حتى حااااجة ما كتسوى حتى ذرة عند الله سبحانه و تعالى كلشي ممكن و ما كاين حتى حاجة مستحيلة ...حسات بالقنطة و الملل نيت سبعة ايام و هي محبوسة فديك الغرفة...خنساء : و ناااري ميمتي عل غمة و على قنطة [ ناضت جلسات ] الواحد هو اللي يخلقها و يفرح راسو من لاشيئ انا غماليت فهاد البيت وااه نوض نضور براسي و ندلعو هاااح اللي لقا علامن يتفشش و ما تفشش يحاسبو ربي احسن خدمة فالعالم هي هادي حمدتك يااااربي و شكرتكناضت دخلات للحمام دوشات و دهنات برودويات ديال الفانيلا لداتها و فركات راااسها مزيااان نيت حتى ولات كتشقشق خرجات من الحمام ملوية غير فوطة بيضة قصيرة على جسدها و حلات الماريو اللي فيه حوايجها و بدات تعزل تلبس شي حاجة لقات واحد الكسيوة قصيورة حد الفخيضات و سماطي لبستها فالبلوسيال و فيها بزاف ديال الوريدات بما انها غاتبقى غير فبيتها تاخد راحتها فاللباس سرحات شعرها بالسيشوار اللي عندها فالغرفة و لقات المايكاب اللي عمرها دارتو حيت غرفتها مجهزينها ليها بكل ما تحتاج شدات عكر حمر و دارتو فشنيفاتها و طلقات شعرها على طولتو جات سوووو سيكسي بقات دور حدا المراية و تشوف فراسها و مرا تبوس راسها من المراية كتصرف كيف شي حمقة ...خنساء: نااري قربت نتسطى بقوة اللي جالسة بوحدي زعما نكون زدت فيه و داكشي اللي وقع عادي اصلن الغلط كيوقع مالي مشيت بستو و انا متعمدة ياك غير غلطت كلشي من داك الحمااار داك الكيدار ديال مراد دعيتو لله نوض نشطح نحيد عليا هاد الطاقة السلبيةهزات التيليفون ديالها و طلقات اغنية خليجية مغربية دقة ديالها زوينة سميتها [ الخاين الجاني ] كتحمقها جهدات ليها و حزمات نصها و طلقات شعرها رطب الحريري و عطات بضهرها لباب و جلسات تحرك براسها و تحرك مع إيقاع الموسيقى شطيحتها زوينة جاية مع الايقاع ديال الموسيقى و كتحرك شعرها معاها ...الجزء 270 قلوب أرهقها العشق فنفس الأثناء طلعات ميلودة الصينية ديال الغدا لخنساء حيت عارفاها ما كتنزلش بغات تحل الباب و هي تسمع سلطان خارج من البيت دارت لعندو و ابتاسمت ليه ....ميلودة :ولديسلطان: جبتي ليها تغداميلودة: وي راك عارفها ما كتنزلش ما عرفت مالها واش درتو ليها شي حاجة ؟؟سلطان دور وجهو جنب و ابتاسم و حط يدو على شنايفو و حرك راسو بنفي مع ابتسامة جدابة ...سلطان: لا ما عرفتش حلي الباب نشوفو شنو كتدير لقيتيني غانهضر معاها نشوف مالهاميلودة: واخا اولدي واخا ما باغا تشوف حد نديروها فيد اللهبالحلة باش كتحل الباب كيشوفو منظرها بواحد الشكل هاااارب هوما بقاو غير حالين فيها فمهم و هي جالسة على ركابيها كتحرك فشعرها و دايرة يديها على قلبها و كتحرك شعرها كيف دوك الخليجين و منساجمة مع إيقاع الموسيقى ما حساتش كاع بلي راهم دخلو و مع كل هزة ديال شعر سلطان كيحس بقلبو كيتهز معاها جنناتو و سطاه المنظر ديالها بهاد الشكل تذكر نهار اللي قال ليها شطحي ليا و كانت غير دايرة ليه خاطرو ها هي دابا كتركز من جدر عقلها ضحكو منظرها و لكن فغيمون عجبو بزاف عض على شنايفو و عينو كيبريو معاها كيحس بنار قوية عندو لداخل قال بهمس ...سلطان:فوقاش تحسي بهاد النار اللي شاعلة فيا و تطفيها ا روحي إمتى ؟؟بالهزة باش كتهز راسها كتسالا الموسيقى و كتجي عينيها فعينين سلطان حدا الباب جالس من فوق الكرسي المتحرك ديالو حسات بقلبها كيغزل و تفافات تصدمات تدهشات و جا فبالها بلي غايكونو شافوها و هي كتشطح و تفكرات القبلة اللي وقعات مع سلطان بالغلط كلشي تجمع عليها دهشرات بقات غير كترمش و حاضياهم و جلسات على قاعها لارض و مكالية بيديها بجوج حاطاهم لارض و قالت ....خنساء: م..من فوقاش و نتوما هناسلطان هز يدو كيصفق ليها و هي غير كتشوف فيه و ملامحها مصدومين و كتنهج حيت عيات بالشطيح و العروقات هابطين مع جبينها....سلطان: تبارك الله على فيفي عبدو د المغرب

ميلودة : هههه لا تبارك الله عليك كتحركي شعرك من داكشي مشاء الله عليك الله يحجبك كتعرفي لكلشي حتى تعلميني

دخلات ميلودة كضحك عليها و حطات البلاطو فيه الغدا و خرجات و دخل سلطان و ميلودة سدات الباب بقات غير خنساء مع سلطان قرب بالكرسي حتى جا فوق راسها و هي طايحة لارض و شعرها مشعكك و كلها عروقات و كتنهج بحال كانت كتحارب انتابه سلطان لدوك شنيفات اللي عليهم العكر أحمر ثاروه بلا قيااس و الكسيوة اللي لابسة قصيرة زادت كملات عليه اللي خصو ما قدرش يشوفها بهاد الشكل و هز عينو كيشوف فالسقف و هي مزال طايحة فالارض كتحاول تستوعب ....سلطان :غاتبقاي قدامي هاكا ؟؟خنساء انتابهت لراسها شنو لابسة ووقفات بسرعة و قالت ...خنساء: اوا نتا اللي هاجم عليا مالي انا اللي درمت و دخلت و زايدون راه قلت ليكم ما باغا نشوف حدسلطان هبط عينو كيشوف فيها و هي معصبة كيزيد يرجع شكلها مثير اكثر كتبان ليه كيف شي حلوة يغزز منها و ياكلها و محال يشبع منها كتجيه كيف شي طفلة صغييرة بهاد الحركات بلا ما يشعر ابتاسم ابتسامة خفيفة و قال و عينو فعينها ...سلطان : حشمانة مني على داكشي اللي وقع [ غمزها ]خنساء زادت تزنكات صرطات ريقها بصعوبة و قالت ...خنساء: غانمشي نبدل هاد الحالة و نجي نتغدا خرج عفاكسلطان :علاش غانخرج انا راه الحمام بدلي فيه كنتسناك باغي نهضر معاكخنساء:باغا نعس عيانة ما عندنا فاش نهضروسلطان: دابا سيري تلبسي حوايجك و نتفاهموخنساء حنات راسها و دازت من قدامو بسرعة كي الريح و هو غير كيضحك عليها عارفها حشمانة منو و معصببة بلا قياس و ما عارفة راسها اش كتقول رد راسو اللور و غمض عينو كيتخايلها و هي كتشطح قدامو بداك الشعر اللي كيتحرك معاها سمعها زدحات الباب حل عينو و قال بصوت مرتفع باش تسمعو باغي يعصبها ...سلطان:وااا هرسيهحتى هي ماشي من العاكزين جاوباتو من مور الباب بصوت مرتفع ...خنساء: [ كتمسح فالعكار كتهضر بعصبية ] حماااامي هداااا و بيتي هدا ندير فيه ما بغيتسلطان : ماا مكتوووبش بسميتكخنساء: هادي دار عمي فرييييد و قالي خودي رااااااحتك [ طولتها]سلطان كيضحك عليها و قال ..سلطان : ما تهضريش فالحمام دابا يصرفقك شي جن و يردك مصرفقة اكثر ما راكي مصرفقةخنساء كتبدل فحوايجها و جاوباتو فنفسها باش ما يسمعهاش ....خنساء: بغيتو يضربك نتا انشاء الله ماشي جن جنية بااايرة و شااارفة ما عندها سنان تبقى تبعاك و كتقول سلطان أرى سي بووووسةالجزء 271 قلوب أرهقها العشق خرجات من الحمام بعدما لبسات كيطمة فالبينك و جمعات شعرها على شكل كعكة صهدها سمعها حلات الباب و دار عندها بالكرسي المتحرك و هز يدو لمستوى اعلى بحال كيقولها سلام و قال ...سلطان: هاااي فيفي عبدوخنساء ربعات يديها و جلسات من فوق الناموسية كيعصبها و كيفقصها بهاد الالقاب اللي كيعطيها ...خنساء: اوا راه قالو ليك خلي بااالك من فيفيسلطان : دابا مالك معصبة ؟ مالنا ما نخافوشخنساء: لا نخاافو نخاافو شنو بغيتي تقوليسلطان : مالك سادة عليك فبيتك سبع ايام هادي شنو عندك ؟؟خنساء : ما عندي والو غير كنت عيانة شوية و صافيسلطان: واش انا جبتك من داركم باش ترجعي تخدمي و لا باش تسدي عليك فبيتك و دوزيها نعاس عفواااا شطيحخنساء: و راه كنت مريضةسلطان: لا باينة كنتي مريضة ثيقتكخنساء:و غير بغيت نحيد عليا الطاقة السلبية و نضت كنخرجها بديك طريقة اما انا راه و الله حتى كنت مريضة و عيانة شوف عيني كيفاش داخلين و تحتهم كحلسلطان بقى ساكت كيشوف فيها و قال بصوت رجولي رخيم ....سلطان : سمعيني نقولك واحد الحاجة اي حاجة وقعات لينا فالحياة حنا ما عندنا فيها حتى دخل يعني وقعات صدفة واخا هي ما كايناش شي حاجة سميتها صدفة كتكون قضاء و قدر ما عندنا علاش نعمرو بيها راسنا اللي دارها الله هي اللي تكون خاصك تكوني مقتانعة بهادشي و تخوي راسك من اي حاجة شوشاتكخنساء بقات غير كتشوف فيه ما قالت لا طابت لا تحرقات ....سلطان :داكشي اللي وقع ما عندك حتى دخل فيهخنساء: و الله حتى غير كنا لاعبين و الله حتى مراد اللي حكم عليا نبوسك فحنكك و خرج عليا و الله انا ما ق....سلطان : شوووت ثقيتك عارف شنو وقع انا نسيت اصلن حتى نتي نساي الغلط كيوقع صافي غير ارتاحي و ما تعمريش راسك بهادشي و رجعي لحياتك طبيعية ما عندك لاش تحشمي مني انا عندي داكشي عااادي جدا المهم قلبي عليا هاد sujet بغيت نديك معايا لواحد البلاصةخنساء:فين ناوي تديني ثانيسلطان : نلوحك نتهنى من تكوليخك غادي نديك و صافي زيدي قدامي ما تبقايش تسولي بزافخنساء: واش دابا ؟؟سلطان : وي داباخنساء: واش غانخرجو هي نوض نلبس حوايج لخروج ؟؟سلطان : بلاش ما تحتاجيش غير تبعينيخرجات من البيت و تبعاتو دخل لاسانسور و ورك على واحد الرقم و خنساء غير حاضياه شنو غايدير تسد الأسانسور و خنساء غير كتشوف ما فاهمة والو و فين دايها حتى تحل الاسانسور فواحد الطااابق ارضي عمرها شافتو خرج هو و هي تابعها كيف شي فارة كان طابق فيه غير مسرب و واحد الباب كيبان مسدود من البعيد ديال الخشب قرب سلطان لعندو بالكرسي المتحرك و هي تابعاها و كتفكر شنو غايكون عندو هنا و لاش جايبها لهاد البلاصة اللي غالب عليها اللون الابيض و الأسود دخل ليها الشك ؛حتى فتح و شهقات شافت فيه و بقات مبهوضة حرك سلطان راسو بمعنى دخلي ...تقدمات للأمام و بقات كتشوف فأركان المكان و ما مصدقاش شنو كتشوف عينيها ...