💞 قلوب أرهقها العشق 💞 بالدارجة المغربية

💥 الفصل 14💥

سلطان جرها من يديها ما مسوقش ليها كيشوف قدامو و كلامها على يقين كيتكرر فودنو وقف حدا باب الفيلا و جبد تيليفونو اللي كان مضاد للما و دوز نمرة ديال مراد و هي كتشوف فيه بان ليها معصب ما بغاتش تهضرو تيبرد و يكون خير ...سلطان: ما كاين حتى واحد لتحت ؟؟مراد:لا كاين غير انا و منار فالكوزينة و كلهم لفوق عند يقين جالسين معاهسلطان : وا حل البابمراد: هضرتي معاهاسلطان: حل الباب أ مراد بلا ما تزيدني بهبالكناض مراد من فوق الفوتوي و حل ليهم الباب و بقا مشوكي مصدوم بانو ليه بجوج تايقطرو ...مراد : مالكم كي الفلالس خليتكم صحة سلامسلطان: شوف منار تعطيك شي حوايج عطيهم لخنساء تلبسهم [ حول نظراتو ليها لقاها كتشوف فيه و كمل كلامو ] دوشي بما سخون باش ما يفرعكش البردخنساء: س..ما خلاهاش حتى تكمل كلامها و انصارف و طلع لبيتو كيقطر مكره و كلام خنساء على يقين كيتكرر فودنيه حل باب شومبر اللي كان فيها نيت اللي دوز فيها الايام المرة و الحلوة و لكن كلشي كيفوت دوام الحال من المحال بدا كيفسخ حواااايجو ...سلطان: [ كيعوجها ] انا يقين بعدا ما نفوتوش واخا تفوتو نتابقا غير بوكسور و دخل للحمام طاالق عليه الما سخون باش يدفى و كينكر غير هو وعضامو ...سلطان : باغاني نفوت فيها شي دقة نيت نوريها ما تفوتوش بشحال كتطيح بزاااف على المعزة [ مرر يدو على شعرو رطب ] غاتهبلني بربي حتى غاتهبلني لسانها نقطعو الا عاودت ذكرات سميتو و لهيلا قالك عندها عزيز و انا فين خلاتني فهادشي كامل و تقاتل باش تجي لعندها و مرض فصحتك و اعتارف ليها بحبك باش فالتالي تقولك يقين عندي عزيز و الله يخليكم لبعضياتكم تفووو [ضرب يدو مع الحيط مكره ]إذا ثار الرجل غيرةفإعلمي يا حواء أنك إمتلكتي عااشقا_نزار قباني الموس_______م الثاني الجزء 339 حرب الهوسخنساء لبسات كابيشون غري فيه القب مع سروال ديال كيطمة غري و فيه السيور عطات ليها هاد لبيسة غير منار حيت خنساء جات من السبيطار ديريكت للفيلا ما جابت معاها حتى لعبة من حوايجها و طلعات لشومبر ديالها لبسات و نشفات شعرها خلاتو مطلوق ما قدراتش تدوش كتحس براسها عيانة طريق هداتها و بالها مشوش مع سلطان اللي مقلق منها و هي ما قصدات والو بكلامها فقط بغات توصل ليه ان يقين راه عندها عزيز بمثابة اخ او صديق عزيز و ما تقدرش تشوفو تايتآدى بسبابها و لكن معاامن مع عاشق مغيااار و كيتكوى غير الا لمسات يديها يد راجل باش تسلم عليه ماعارفاش بلي سلطان ولا كيعشقها لدرجة الجنون بعد خمس سنين ديال المعاناة ما كملاش حتى شهراين ردات ليه الأمل باش يعيش كانت بمثابة نور فحياتو بمثابةالقمر اللي كيضوي السما فالليل بمثابة شمعة اللي كتضيئ البيت بمثابة الامل فالحياة و شكون فينا اللي ما كيعشقش الأمل فالحياة ؟؟ بعدما كانت الحياة ضلام ولات كتبان ليه نور بفضلها بكلامها بحركاتها بعفويتها بجمالها الخلاب اللي تايشوفو غير هو خلاها تحفر فقلبو و صعيب تزول منو بل مستحيل لدرجة وصل لمرحلة يحلم بيها و هو فايق و ناعس و جل أفكارو غير عليها نعم إنه العشق الخالص الصافي الحب الكبير اللي كيكنو ليها بوحدو ، حاطها فمرتبة عمرو حط فيها شي بنت المرأة ...خنساء : [ حكات شعرها ] نخرج نمشي عندو نهضر معاه و لا نخليه مزال شوي يتفش وااه سيد عاد جا مزال ماشبعت حتى شوفة فيه غضب و تقلق يخليني غير نفرح بوجودو بعدا ياا على مغيار كي دايرحلات ثغرها مع آخر كلمة نطقات بيها و طلعات فوق السرير واقفة عليه برجليها ...خنساء: بلاااااتي بلااااتي أخنساااء هااااااويلي على تايغير بلااااتي غير بشوية أمخي شور عليا وحدة وحدة واش بصح قبيلة اعتارف ليا بحبو فاش جااا وانا كي المضبعة جالسة نفرنس بحال ما ناقص جد بابايا حتى خير و سلطااان تااااايبغيني وتاااايبغيني واااااااعكتنقز على سريرها بطفولية ما مثيقاش جايها كلشي بحال شي حلمة ....خنساء: دابا واش بصح سلطان المغني اللي كنت نشوفوغير فتلفازة و نظل نهترف بيها و نظل نبكي عليه و صحاباتي يضلو يقولو ليا و غير حلمي والله لاوصلتيه صدق طااااايحبني و طااايحبني أ عباااد الله هههه اويلي و باااغي يتزوج بيا من لفوق نااري ميمتي ويلي لااانزلات من سرير وقفات حدا المرآة كتشوف إنعاكسها فيهل لمدة من زمان و كتحس بعويناتها كيبريو بدموع الفرحة ....خنساء: ربي جابك ليه أ خنساء حيت حتى واحد ما غايبغيه بحالك و الله ما كاين شي بنت المراة تبغيه بحالي برب العزة ما كاينةسرحات بيها ذاكرتها لواحد نهار كانت جاية هي و صاحبتها كيهضرو على نفس الشخص اللي سالب ليها العقل و القلب من زمان و دابا أكثر ... فلاش باكخارجين من الليسي هي و صديقتها بطابلية بيضة وشكيكيرة فضهرهم حتى نطقات صديقتها هاجر ...هاجر: سمعتي الأغنية اللي خرج المغني المفضل ديالك ؟؟خنساء: سكنتك قلبي درتك مون امور سميتك عمري بور طوجور ما ضنيش راني مضرور لا تزيدينيش راني ديجا مضرور خلوها تهدر ااه تخوي قلبيبها قلبها معمر اااه على جال حبيبهاهاجر ضرباتها لكتفها ] واااا زمر راه قلت ليك غير واش سمعتيها ماشي فرعي ليا مخي بيهاخنساء: اوا كنغنيها بمعنى حفظتها ماشي غير سمعتها اصلن دوزيم ديما دايراها كيفاش بغيتيني ما نحفظهاشهاجر: يا ختي على صويت عندو شحال حنين اما تبوكيصة حذث و لا حرج و لكن خسارة مخطووبخنساء: طارو ليا بحب حياتي نقولك واحد الهضرة و ما تضحكيش علياهاجر :وا غير قولي عارفاك حمقةخنساء: عرفتي بكيت بزاااف فاش شفت كيف كيعامل خطيبتو و باين فيه تايحمااق عليها غرت عليه و الله ما كرهتش توقع شي معجزة و نتزوج به انا نظل نبكي و ندعي ربي راني تسكنت بيه عارفة راسي ماشي طبيعية و لكن راه بزاف اختي كنموت عليههاجر : ههههههع و ناري ميمتي واش من نيتك أختيخنساء:و هاا باش كتعصبيني كلشي تايضحك عليا و هادشي ديال الله ما عندي ما نديرهاجر :أحبيبتي واش هداك غايشوف فيك واصلن اش جا ماوصلو ليك نتي المباركة المسعودة الا حضرتي غير لسهرة ديالو بقا غير تزوجي بيه حلمي على قدك باش ما تحماقيش من بعد هادوك ناس ما حنا ديالهم ما هما ديالنا ديريها فبالكنهاية الفلاش باكتنهدات و طاحت دمعة من عينيها و قالت ...خنساء: حتى حاجة ما مستحيلة مع الله هذا هودرس اللي تعلمت فالحياة الحمد اللهشافت فالباب و اتاجهت لعندو و فتحاتو شافت فالغرفة ديالو اللي اونفاص ليها بابها مميز بالأسود عكس الأبواب الآخرين و تفكرات نهار اللي جات عندو باش تعرف عليه تفكرات شحال قمعها ضحكات جنب و اتاجهت نحو الباب بالحلة باش كتحلو كيتحلو عينيها على وسعهم و شهقات بغات تعاود تسد الباب و هي تسمع صوتو رجولي اللي قال بنبرة آمرة ....سلطان: دخلي الموس_______م الثاني الجزء 340 حرب الهوسخنساء:ولكن نت..سلطان تمشى لناحيتها و جرها من يديها و سد الباب بشوي و تكا عليه و هي اونفاص معاه كتشوف ليه نيشان فعويناتو اللي تايتلفو جد بوها على القبلة و لكن ما قدراتش تحبس عينيها اللي تيتساراو على عضلاتو الضخمة و خاصة عضلات البطن السداسية كي مطراسيين وشعرو اللي تيقطر وفمو اللي حمر و بيوضيتو اللي صفا من ثلج اما ريحتو سلات معاها لدرجةحسات بالدوخةو التلفة والحشمة خاصة انها كتشوفو مبين على جسدو الرياضي الرجولي بإمتياز مع ملوي غير فوطة سوداء على نصو عاد خارج من دوش كلشي باين على الهواء مبااااشرة HD....سلطان :توحشتيني أ الحب هممخنساء :جيت غير باش ن..كك هو صراحة ...سلطان :مالك كتفتفي فالهضرة ياك لابس ؟؟خنساء:واش اللي بقا معاك غاتسرح ليه الهضرةسلطان:علاه مالي بوعو ياكما خلعتك ابنتيخنساء:علاه نتا غير بوعو وسكتيسلطان:[غمزها ] بوعو و عاجبك طيحتك ابنت منانة باينة فعويناتكخنساء: منين عرفتي سمية ميسلطان:إوا ضروري نعرف سمية نسيبتيخنساء: و لهيلا معاك بصح منين عرفتيها ؟؟سلطان: باش نسحر ليك ا زينخنساء:وهو سحور راك ساااحر ليا من زماااانسلطان: [تعصب ] منين مزال عزاز عليك رجالة راه سحور غامل هدا ما قضى فيك والوخنساء: أربي واش من نيتك مقلق حيت دكرت يقين و قلت ليك عزيز عليا وراه بحال خويا شنو فيهاسلطان:خووك ؟! و خويااا انا نتي اش جابو ليك آخر مرة تذكري سميتو حدايا خاصة من فمك عزيز عليك ما عزيزش عليك شغالك بينك و بينو و لكن باش تعاوديها قدامي ما نضمنش ليك راسيخنساء: وشنو تدير كااااع هي مليااارما عطلهاش جرها فالبلاصة من يديها حتى تزدحات مع صدرو حسات بداتها كتغزل الكلام تصرط ليها كتبغي تهدر ما كتقدرش قشعريرة رهيبة كتسري فجسدها صحتها تنملات عليها و دنيا كتدوخ بيها خنساء الله يرحمها غيبات غير من ريحتو رجولية اللي كتسكر اما عويناتو حكاية أخرى سرحات فجمالهم الخلاب اللي كيزعزها كأنثى و كتحس بحرارة جسدو العاري صافي سيدةذابت و ساحت كي زبدة فوق نار مهيلة ..سلطان دور يدو على ضهرها حس بيها كترعد و صفارت و نبضات قلبها كيتسمعو حتى لعندو و حتى هو كذلك ما كانش اقل منها غير هو مثبت ماشي بحالها مفافي غير هو و عظامو ...سلطان : [ بإبتسامة باغي يهدنها ] مال حبيبتي كترعد ياكما مسكونة نجيب ليك فقيه يقرا عليك ؟؟خنساء غمزاتو ] وراني محتاجه نيت بحرا يطير السحور لي داير ليا راه مجهد مصيفط ليا ملك الجان واقيلةسلطان: [بإبتسامة ] معاك الملك ديالهم شخصياخنساء: وراك جن نيييتسلطان: [غمزها ] إوا جن ما يطيح غير فجنيةخنساء: و الله حتى كتعايرني غير بالفنسلطان: واش كاين شي حد كيعاير حبيبتو غير كنضحك معاك أ ساكنة قلبيخنساء: [ بخجل ] فينما كانت شي كلمة كتلصق فيها قلبي باش تبان خاااتر فرومانسية زعماسلطان: و راني رومانسي أ الحب ما نحتاجش عاد نبينها غير صبري تولي حلالي وتشوفي رومانسية كيف دايرةخنساء: [ بحزن ] ما كرهتش و اللهسلطان: باغا تولي مراتي همم عقت بيكخنساء: و علاه انا كرهتسلطان بقا سااكت و غير كيشوف فيها و يضحك حتى دخل ليها شك ...خنساء: مالك ؟؟سلطان: مالي ف la banque * البانكة * بغيتي شي حاجة نجيبوها ليك ازين دابا تحضرخنساء:ههه و لا كتشوف فيا و تضحكسلطان: [ بجدية ] بغيتي تولي مراتي ؟؟خنساء سهات فيه لمدة من زمان و حركات راسها بالايجاب و حنات راسها حشمانة ...سلطان: كاتبغيني ؟؟هزات راسها فيه و غمضات عينيها و حركات راسها بالايجاب و عاودت هبطاتو ضحكاتو حركتها الطفولية مد يدو لذقنها هز ليها راسها شافت فيه ...سلطان: بغيت نسمعها من فمك ماشي كتحركي ليا راسك و تغمضي عويناتك كي الفارة .خنساء:و راني جاوبتك ضروري تحرجنا زعماسلطان: من فمك عندها حلاوة فشكل انا ماشي صمك باش تهدري معايا بالإشارة بودني الحمد اللهخنساء: كنبغيكسلطان هو اللي فشل هاد المرة كان متشوق يسمعها من فمها و كانت احلى حاجة كيسمعها فحياتو قال بهمس و قربها ليه أكثر ...سلطان: عاوديهاخنساء: و راه قلتها ليك واا كنحشم ابنادم ياك قلتي نتا ماشي صمك و بودنيكزاد قربها ليه أكثر و نطق بهمس قرب وجهها اللي ولا داخل فوجهو . بورشها و زعزع ليها قلبها اكثر ما راه مزعزع ..سلطان: عفاك أ معذبة قلبي عاوديها محتاج نسمعهاخنساء: ك..كنبغيكصوت نبضات قلبو تسارعو مع كل شهيق و سرحان طويل إجتاح عقلو قشعريرة سرات فجسدو اما قلبو فرا ضربو زلزال و الفيضان والاعصار و اي كارثة طبيعية وقعات فقلبو اللي غايسكت بقوة ما نبض و هي بقربو كيحس براسو كأنه في الجنة فهاد اللحظة و الحور ديالو ها هي قبالتو تربط و تعقد لسانو اكثر منها إكتفى غير بنظرات عميقة و تنهيدة عندها معنى أعمق مع إبتسامة جميلة الموس_______م الثاني الجزء 341 حرب الهوسخنساء: اوا و نتا امولاي سلطانسلطان: مالي انا ؟؟؟خنساء: تا تبغيني و لالا؟؟سلطان: اش هذا سؤال ؟؟خنساء: [ كشرات ملامحها ] لا جواب من نيتك و نتا اللي جالس تسولني اييه و انا فاش سولت رادني هبيلةسلطان: اهااا غير بردي و نتي دغيا كتعصبيخنساء: اوا ما عرفت راه بنادم فشي شكل الا ما عصبك ما يكون هانيسلطان: و دابا غير برد اخويا شفيق نشعلك شي كارو تكالماخنساء: مالبورو الله يحفظكسلطان هز يدو حطاهم على شفايفها جامعهم ليها على شكل بوسة ...سلطان: أبحرا نييت نقطعهم ليك من جدرخنساء بعدات عليه و قالت بحزن مع براءة فوجهها مش طبيعية ....خنساء: و الله تا كندوي بصح تاتبغيني ؟؟سلطان : :[بصوت حرش ] و تاااانموت عليك وتانتسطى تانتهوبل ماكاينش اللي ساحر ليا قدك نتي واش انا قبيلة جيت و قريت عليك جريدة صباح و نتي كتطرحي عليا هاد السؤال واش بعقلك أ حبيبة ؟؟ما خليت باش قلتها ليك قلتها ليك بشعر قلتها ليك بتشرميل بقا غير نقولها ليك بجميع لغاتخنساء: [ مسبلة عويناتها ] و مالي ما نستهلشسلطان : [بإبتسامة ] تستاهلي ا معذبة قلبي تستاهليخنساء: مبروك وقوفك على رجيلات شفتي راه قلت ليك ربي كبيرسلطان: حمد الله واخا ما فرحتش بيها و ندمت علاش مشيت كاعخنساء: علاش؟؟سلطان:[بحزن] خداك ليا من يديخنساء: و كنحس بذنب جيهتو أ سلطان و راه حاول ينتاحر جوج مرات المرة الاولى فاش مشيتي و المرة الثانية البارح حيت تخاصمناسلطان : يقين خاصني نقنعو يمشي لشي مصحة نفسية و لا خاصو يبغي شي وحدة ديال بصح واخا هاد الاقتراح ما كنرشحوش حيت واخا يبغيها غايبقى فبالو بلي نتي اللي كايبغي أماااا الا ماصدقش هادشي غانضطر نتاقل لخطة أخرىخنساء: و لكن دابا انا معاك و انا مخطوبة راه خيانة هاديسلطان عاود قندش و نطق بعصبية ...سلطان: مخطوبة ؟! واش كاينة شي خطبة بزز و زايدون مالنا اش تانديرو كااع ما كنديرو وااالو غير يبعد يقين نديك عند العدولخنساء: و يقينسلطان:وهااا لعب دراري صغار شنو قلنا على يقين انا نتكلف وجمعي و طوي ما تجبديهش ليا دابا خليني ناشط ما تهبطيش ليا المورال بيقين و لا قدوردق شي حد و فالبلاصة خنساء بعدات عليه ...سلطان: مالك بعدتي غاناكلكخنساء: سمعت دقان.ما جات فين تكملها حتى سمع سلطان صوت ماماه كتبكي ...وفاء: سلطاان حل اولديخنساء:[ خافت و قالت بهمس ] ويلي جااو و غايشوفوني معاك ويلي و الا كان معاهم يقين ناري ميمتي شنو نديرو دابا