💞 قلوب أرهقها العشق 💞 بالدارجة المغربية

💥 الفصل 51 💥

الجزء 462 بعد مرور شهردازو هاد شهر كحل على العائلة كلها خبر وفاة سوسن دمرهم نفسيا كلشي ما توقعش سوسن غاتموت أثناء الولادة حدثو ليها مضاعفات وهي كتولد عيات تقاوم و لكن فالاخير استسلمات يقين دمر نفسيا و بكى عليها بزاف بقات فيه و بقات فالعائلة كلها لكن على الأقل خلات ليه قطعة منها اللي خرجات غير هي محطوطة سبحان الله كأن ربي عوضو بيها و سماها على إسم ماماها اللي ماتت ديما كيتذكر كلام سوسن كأنها كانت حاسة براسها غاتموت سبحان الله كانت كتوصيه على بنتها بزااااااااف .....كان جالس يقين حدا بنتو سوسن اللي خرجات بيوضة و عويناتها خضرين كيف ماماها و باباها كانو ملبسينها غير صوفيطمة و شورط و منعسها حداه فوق ناموسية و هي كتبجغط و كتحرك فيديداتها و ريوكها سايلين تقوليها ملاك منزل سبحان من خلقها ما يمكنش ما تشوفش فيها و ما تضحكش كتحمق ....ابتاسم يقين و حط يدو تحت ذقنها كيضحك معاها و هي غير كاتشوف فيه و تبجغط . حتى ناضت تتبكي . و هزها لعندو ببطئ و وقف بيها ...يقين: صافي بابا شووت فيك جووع هممحنى و باسها و هي تدخل بذرة اللي بقات معاه فالفيلا كتطيب وتخمل و مربية البنت كتحماااق على سوسن و حتى هي بقى فيها الحال حيت ماتت سوسن زوجة يقين و خلات بنيتة صغيرة كتحماق على بنت يقين و مهلية فيها و رادة ليها البال لدرجة انها رفضات تدير المعرض اللي عرضو عليها يقين غير باش ما تخليش سوسن بوحدها ...بهاد التصرف اللي دارت و انها ضيعات فرصة العمر ديالها غير باش تبقى مع سوسن بنتو يقين كبرات فعينو بزااف و واعدها بلي غايدير ليها معرض فامريكا عاجلا ام آجلا و اعتاذر لداك رسام ....دخلات بذرة بشوية و هازة فيديها رضاعة فيها الحليب ...بذرة قربات لعند يقين و طولات فيه الشوفة و مدات يديها باش يعطيها البنت ابتاسم ليها و مدها ليها و هي تسكت بعدما كانت كتبكي ...بذرة : [ كتبوسها و كتهضر ] علاش زين تايبكي علاش هاد البلارة تبكي ها نبكي انا على زهري العوج اللي شحال و انا نحفظ و فالتالي حطو ليا 10 واقفة وكلت عليهم الله ما تبكيش أ الكبيدة ديالي ما تبكيش أ ماما واخا [ حشات ليها رضاعة ففمها ] يالاه رضعي فيك جويعات أ حبيبة هممشافت فيقين لقاتو ساهي فيها و فتصرفاتها و فكلامها مع بنتو لقى راسو و لا كيسهى فيها بلا ما يشعر علاقتها مع بنتو و عفويتها كتخليه يبتاسم كأنه كيشوف امامو جوج بنيتات صغااار ...يقين : حطو ليك عشرة ؟؟بذرة حركات راسها بالايجاب و شافت فيه و جاوباتو ...@stories_farah بذرة : شحال و انا نحفظ فداك الموديل و فالتالي حطو ليا عشرة بغيت ليهم ذقة جدي اللي طاح ما ناضيقين مرر يدو على ذقنو و ضحك ...يقين: ماشي مشكل النقط لوخرين عندك مزيانينبذرة :واخا هاكاك انا باغا نشد الاجازة بالمونسيونيقين: و دابا حتى توصلي للإجازة و يحن الله ديجا كتديري جهدك و ربي ما غايضيعكش واخابذرة : و ضروري حنا كنديرو جهدنا و الكمال على اللهقرب ليها و عنكش ليها شعرها و قال بهدوء ...يقين : أصلن غاتكملي قرايتك فلاميغيكبذرة : وييه قلتيها ليا و لكن انا ما قادراش نخلي سوسن بوحدها ولفتها بزاف و ما باغاش شي حد يربيها من غيري تانحماق عليهايقين ابتاسم و حنى قبل سوسن صغيرة و شاف فيها و حرك راسو بالايجاب و قال ...يقين : حتى حنا غانمشيو لاميغيك معاكبذرة طرطقات فيه عينيها ما مصدقاش ....بذرة : حلف باللهيقين : كانفكر نخوي البلاد و نعيش مع بنتي لهيه و مرة مرة نبقى نجي لهنا كيفما كنت كندير قبلبذرة : و هو لاميغيك وااعرة و انا متشوقة غير فوقاش نمشي نقرا فيها و نعيش فيها و لكن كيقولو الغربة صعيبةيقين : غاتكون معاك سوسن و انا و غاتجيك الغربة صعيبة ؟؟؟ إهانة فحقي انا و بنتيبذرة : و هو صراحة عندك الحق وليتو دابا اكثر من عائلتييقين ابتاسم ليها و هي بادلاتو الابتسامة و بقاو مدة تايشوفو فبعضياتهم حتى سمعو دقان فالفيلا ...الجزء 463بقات بذرة مع سوسن و هبط يقين فالدروج و حل الباب ..بالحلة باش كيحل الباب كيضرب فخنساء و سلطان ...يقين : أهلنخنساء كانت لابسة كسيوة طويلة فالكحل و دايرة معاها جاكيط فنفس اللون زادت صححات بعض الشيئ على قبل و فجنبها سلطان اللي كان لابس تيشورت فالابيض مع سروال دجين فالكحل و حتى هو وجهو زادتنور و زاد زيان ما هو زواج وافقهم بجوج واخا الموت ديال سوسن أثرات عليهم خاصة خنساء اللي كلما تفكرات كلام سوسن كاتنوض تبكي ...خنساء: تبغيو شي ضياف و لا نمشيو بحالنايقين ابتاسم ليها و حرك راسو بالايجاب و قال ببشاشة ...يقين : مرحبا بالعكسيقين كيحس بقلبو بدا كيتوالف على غياب خنساء و نهار على نهار كينسى خنساء خاصة من مور ما تزادت بنتو اللي ملأت داك الفراغ اللي خلات ليه خنساء ...سلطان عنق خوه و قال ...سلطان : كي بقات سوسن صافا عليها ؟؟يقين : [ بإبتسامة ] حمد لله اخوياخنساء مدات ليه يديها و سلم عليها و دخلو جلسو فالصالون ....سلطان : فين هي عمو ؟؟يقين : راه بقات مع بذرة الفوق كترضعهاخنساء: و تا جيب لينا نشوفو الكتكوتة باش نمشيو لعند مي راه مزال تابعانا طريقيقين : قول جايين غير على قبل سوسنسلطان : جايين على قبلكم بجوجيقين وقف و قال ...يقين : واخا تبغيو تشربو شي حاجةسلطان : واحد الكافي نواغ [ شاف فخنساء] و المدام بغات jus d'Orangeخنساء: مع ميلفاي الله يخليكشافو فيه بجوج بيهم و غلباتهم الضحكة و هو مسكين ما فاهم والو هو كيسولهم على نيتو و هوما جالسين تايطنزو ...سلطان : ياودي ما بغينا والو جيب لينا غير شي كأس د الما الله يرضي عليك و سوسن نبوسوها و نشدو طريقيقين : علاش فين غاديينسلطان : غاديين عند نسيبة العزيزةيقين : جلسو تباتو و حتى لصباح و سيرو عندهاخنساء: يخليلي الصواب أ عوينات جليبينة لا صافي خاصك تضبر على شي مراةسلطان : كيف وقع ليك ما اختاريتيهاش من العزاياتخنساء ضرباتو لكتفو و قالت ...خنساء: شوف يا خويا الغدار قالك علاش ما شفتيش المراة من العزيات هدا باين الا مت ما يخليني نكمل حتى ثلثيام مقادة و يتزوجيقين : [ بابتسامة ] حاليا باغي غير نربي بنتي و نعيش طرونكيل و صافيخنساء : و لكن البنيتة مزال صغيرة و خاص اللي تربيهاسلطان : و تهلا فيك أ صاحبي و تهلا فالبنيتةيقين : بديتو عاوتنيسلطان : حنا تانبغيو مصلحتك أ صاحبي و نتا غاتكون خدام شكون غايرد بالو للبنت و هي مزال صغيرة و اي وحدة تمناكخنساء: و دابا سير جيب لينا البنت نمشيو بحالنايقين : حمقتونيعطاهم بالضهر و انصارف و طلع لبيت اللي فالطابق العلوي ...سلطان عنق خنساء جنب و قال فودنيها بهمس ...سلطان : و حنا ما نديروش شي بنيتة تكون تاتشبه ليك أ معذبة قلبي هممخنساء: باراكة عليك غير انا عاد تزيد ببنتي و لا ولدي حتى هيسلطان : بالعكس نهار كبير اللي تولدي ليا شي بنيتة بحالك و لا وليد بحاليخنساء: انا و لادي غايشيبوك و غاتندم على نهار اللي قلتي ليا فيه بغيت بنيتة و لا وليدسلطان : علاش تاتقولي هاكا [ جر ليها نيفها ] بالعكس ولادنا غايطلعو حلوين بحالكخنساء: شنو كاتنتاضر من ولاد ماماهم هي خنساءسلطان مرر يدو على لحيتو و قال بهداوة ...سلطان : غايطلعو شنيولاتخنساء: اوا اللهم غير شنيولة وحدة ولا نشبعك شنيولات يشبعو فيك غير قريصسلطان : أ لالا قااابل بيهم حيت عندي الحلخنساء: امم اما هو ؟؟سلطان : قريعة ديال فيليطوكس قاضية الغراضخنساء : انا كانشوف مزال صغيرة على الحمالة و الولاد باراكة عليا غير نتا أ حوبي نتهلا فيكالجزء 464 سمعو شي خطوات ديال شي حد هابط فالدروج هزو راسهم بان ليهم يقين اللي نازل و هاز معاه البنيتة فيدو و موراه بذرة ...سلطان و خنساء وقفو بجوج بيهم باش يهزو سوسن ..خنساء: انا اللي غاتعطيها ليا لولة ياكسلطان : شكون عمها ؟؟ انا دونك انا ولا بيهاخنساء : يقين ما تخليهش يؤثر عليك بهضرتو الله يرحم ليك الواليدين انا اللولةيقين بقا كينقل نظراتو بين سلطان و خنساء و تايضحك و البنيتة فيدو تاتبجغط و ريوكها سايلين ...بذرة : تايقول المثل لي فام دابوغ دونك خنساء هي اللولةيقين : [شاف فسلطان ] عندها الحق غير كب الما على كرشك أ عموخنساء: يعطيك رضا اودي يا بذرةيقين مد لخنساء البنيتة و هزاتها و بقات هزاها تتلعب معاها و انصارفت بذرة للكوزينة باش تجيب ليهم شي حاجة يشربوها ....خنساء دمعو عينيها بمجرد ما شافت البنوتة ...خنساء: غير المرحومة محطوطة الله يرحمها و يوسع عليهاسلطان : مشات و خلات طرف منها الله يرحمهاخنساء: معذرهم قالو لي ولد ما ماتشيقين : سبحان الله كانت حاسة بموتها خاصة فاش قربات تولد شحال و هي توصيني عليها شكون كان يقول غاتموت ؟؟ لحد الآن ما مثيقش شي بعض المرات كيجيب ليا بالي غير كنحلمسلطان : ربي بغاها ما عندك ما دير لله ما اعطى و لله ما أخذ الله يسمح ليها و يغفر ليها و يجعل مأوها الجنةخنساء: اللهم أمين يا ربيجات بذرة بصينية فيها العصير و حطات ليهم الغاطو و بغات تنصرف ...سلطان : بذرة فين غادة ؟؟بذرة : غادة للكوزينة باش تهضرو على راحتكمسلطان : دابا نتي وليتي وحدة من لافامي جلسي معاناخنساء: غير عدبتي راسك و الله حنا غانمشيو نيت دابابذرة : عاد جيتو فين غاديينخنساء: لا راه مزروبين و الله خاصنا ندوزو عند ماما نشوفوها و قبل ندوزو عند عمي علال و عاد خاصنا نمشيو عند ياقوت ختي لدارهابذرة : نسيت ما باركتش ليك زواج ديال ياقوت الله يكمل عليها بخيرخنساء: اللهم امين شكرا حبيبةسلطان خدا من عند خنساء البنيتة و جلس يضحك معاها و حتى هي الخنفوسة بدات تتضحك معاه ...خنساء: يا خويا انا فاش هزيتك حرااااام واش طلقتي البشارة جالسة تاتخنزري فيا اوا و فاش هزك هاد بولحية عاد جلستي تاتفرنسيسلطان : قولها هذا عمو نضحك معاه و نلعب معاه ياك احبيبة همم [ باس سوسن فخدها ]وقف سلطان و مد سوسن لبذرة و قال ...سلطان : خاصنا نمشيويقين : و دابا هادي مجية أ صاحبي ؟؟سلطان : و دابا بصراحة جينا نشوفو سوسن المرة جاية نجيو و نجلسو معاك و نشوفوك نتايقين : واش غدا غاتمشيو لايطالي ؟؟؟خنساء: اييه غدا عندنا طيارة قالك زوجي الكريم تماك بغانا ندوزو شهر زبدة بغيت نقول شهر العسليقين : هه مزيان الله يديكم على خير ايطاليا مزيانة تعجبك بزاافخنساء: عمرك شفتي شي كوبل كيدوزو شهر العسل قبل من العرس ؟؟سلطان : حتى نرجعو و نديرو العرس ماشي دابا و احتراما لسوسن لي ماتت ما جاتش نعرسو و سيدة عاد توفاتخنساء: اوا راه حتى انا احتراما ليها ما عرستش اما و الله حتى ندير ليك طيارة يا وليديسلطان : و نتي راك براسك طيارةخنساء ضرباتو لكتفو و قالت ...خنساء: اوا اشداك أ خويا تزوج بيا من نهار لول منين عرفتيني طيارة خليني فدار ميسلطان : و انا عزيز عليا نسوق طيايريقين بابتسامة ] هانتوما تخلعو ليا بنتي ما تدابزوش ليا هنابذرة بقات ساهية فسلطان و خنساء و غير كتضحك و مرة مرة كترمي الشوفة ليقين و تخايل راسها فسلطان و خنساء كتبتاسم بلا ما تحس ...الجزء 465 إيطالياعصام كان جالس فالغرفة اللي فيها زينب حالتها هي حالتها ما فاقتش اكثر من شهر و هي على نفس الحالة داك البصيص ديال الأمل اللي كان عند عصام بدا كيطفى عيا ديال بصح و مل كل نهار كل يوم كل ساعة كل دقيقة كل ثانية كيتمنى غير تكون شي إشارة صغيرة باش تفيق و والو الحال كما هو عليه ...واليوم ككل يوم كان جالس حدا راسها و ماسك يديها اللي كانو دافيين و كيقرا عليها بعض الآيات من الذكر الحكيم القرآن الكريم ككل نهار لعل و عسى يجيب ربي الشفاء و تنوض و لو تحرك غير صبعها ....ناض من مكانو حيت حس بالتعب و هبط لكافتيريا خدا كاس ديال القهوة و طلع بشوية عليه كيجغم من داك الكأس ديال قهوة اللي اكثر منها هاد الايام بزاف باش يبقى سهران مع مادموزيل زينب ...وهو غادي فالكولوار تلاقى بالطبيب الايطالي المكلف بحالتها سلم عليه باليد و قال ...~:Sembri stanco * كيبان فيك عيان *عصام: Non importa, voglio solo che Zainab si svegli dal coma * ماشي مهم الاهم هو تنوض زينب من الكومة *~: I test che abbiamo fatto per Zainab dimostrano che è in buona salute e non ha complicazioni, basta svegliarsi. * الفحوصات اللي قمنا بيها لزينب كتوضح بلي هي بصحة مزيانة و ما عندها حتى مضاعفات فقط خاصها تفيق *و هوما فطريقهم لغرفة ديال زينب و كيتكلمو على حالتها حل الطبيب الغرفة ، بالحلة باش كيحلها كيلمحو زينب حالة عينيها و جالسة من فوق السرير و شادة فراسها اللي تايعطيها الحريق الصدمة كانت قوية على طبيب و بالاخص على عصام اللي من زمان و هو كينتاضر تحل عينيها و تفيق عينو بداو تايلمعو و قلبو عاد رجع ليه النبض من جديد و بقوة الصدمة طاح ليه الكاس ديال القهوة لارض .....تقدم عندها طبيب بخطوات مسرعة و بدا كيقوم بالفحص ديالها و هي غير كتشوف فيهم ما فاهمة والو بقات مدة و هي ساكنة ما كتحركش فقط نظراتها مفيكسياهم على عصام ....زينب: ع..ع..عصامعصام تقدم عندها و مسك يديها و قلبو كينبض بشدة و عينو دمعو مرر يدو على شعرها و قال بفرح شديد باين من عينيه ....عصام: زينب نتي بخيرزينب : [ كتكلم بتعب ] راسي كيحرقني بزااف ش..شنو وقع ليا ؟؟؟عصام بلا ما يتردد عنقها عندو و كيردد كلمات الشكر و الحمد و الامتنان لله تعالى حيت فاقت و رجعات فتحات عينيها و كتكلم و ما واقع ليه والو .....زينب : كح...كح..ب..بغيت الما عفاكعصام فالبلاصة كب ليها الما و عطاها تشرب و يدو ما زالتش على شعرها و كيبتاسم غير هو و راسو بحال شي حد كان تالف و لقى دارهم ولا بحال شي حد فقد اعز ماكيملك و لقاه و لا بحال شي حد مات ليه قلبو و رجع حيى من جديد هادشي اللي واقع لعصام فهاد اللحظة ....طبيب طلب من عصام باش ينصارف باش يجريو ليها فحوصات الازمة باش يتأكدو بلي هي مزيان ....انصارف عصام من الغرفة بعدما قبل راس زينب و بلا ما يتردد جوج مرات دوز الخط لسلطان باش يطمأنو على زنوبة ....