💞 قلوب أرهقها العشق 💞 بالدارجة المغربية

💛 الفصل 49 💛

قلوب أرهقها العشق لحظة صمت و قلب كيدق بوتيرة سريعة عقل ما مصدقش هاد الكلام اللي جالس يقول فيه فريد واش بصح كلامو اللي يقول فيه و لا هي اللي ما كتسمعش مزيان واش بصح سلطان هو المغني المشهور اللي غاتمشي تقابلو واش سلطان نفسو عشق مراهقتها نفسو الشخص اللي كانت تبكي عليه حيت شافتو مع خطيبتو فالتلفازة ففترة مراهقتها و تقطع فتصاورو و تلصق فدفاتر واش هو نفسو اللي كان حلمها تحضر لسهرة وحدة ديالو واش هو نفسو اللي كانت تقيل تكتب فالأشعار على قبلو واش هو نفسو اللي كانت تمنى غير تشوف نظرة منو واش هو نفسو شخص اللي تكون بسبابو عندها مرض نفسي يسمى # بهوس المشااهير ؛ وديناتها تصمكو أما لسانها كأنه تسرط ما بقاتش قادرة تقول حرف واحد ....يقين : وي هو نفسو سلطان الزعيمي خويا هو نفسو الشخص اللي خانتو خطيبتو مع مدير أعمالو و هو نفسو شخص اللي مشلول و هو نفسو شخص اللي فاقد الأمل فالحياة بإمكانك تخايلي كمية الألم اللي كيحس بيها شخص كانو أضواء شهرة مسلطة عليه و بين ليلة و ضحاها لقا راسو فكرسي مشلول ما نفعاتو ديك المحبة ديال ناس فحتى حاااجة و بامكانك تخايلي كمية الالم اللي كيحس بيها شخص كان غايتزوج بالانسانة اللي كان كيبغيها و لقا راسو فديك الحالةخنساء شهقات بمجرد ما سمعات هاد الأسباب كلها اللي خلات سلطان يكتائب و قالت ....خنساء: دابا سلطان راه مدمر نفسيا و عاطفيا الله أكبر القضية عندو مشربكة ما يستاهلش ما ثيقتش يكون هو سلطان المغني المعروف واش بصح صدق خوك أ يقينيقين :وي هو خوياخنساء حطات يديها على الطاولة و وضعات راسها من فوق منهم كتحاول تدخلها لعقلها و قلبها كيدق بوتيرة سريعة ....فريد: بنتي مالك ؟؟؟خنساء هزات راسها ببطئ و شافت ففريد و قالت بتعب ...خنساء: والو غير انا وحدة من لي فان دياولو و لحد الآن ما مثيقاش بلي داك نجم اللي كان سااطع فسما و لا بهاد الحالة ما نكدبش عليك بقا فيا و بزاااف و دابا زدت بغيت نعاونوفريد قبط فيديها بقوة و قال ...فريد:مصير ولدي متوقف عليك أبنتي حنا دابا لحنا ليك البالون لطيران ديالك دونك تصرفي كيفما بغيتي معاه و لكن نبغي تعطي شي نتيجة مزيانة انا ثايق فيك غير خليك بعفويتك و بهبالك و بنضجك و بقرايتك غاتقدري تداويهخنساء: كن هاني غانحاااولفريد : غدا غايجي ياخدك ولدي باش يجيبك لعندنا لدارخنساء سرطات ريقها بصعوبة و حاسة بواحد التوتر فشكل و قلبها كيدق بسرعة و حريق خفيف كيزور كرشها أحاسيس ما عارفة فين تصنفها ...خنساء: إن شاء اللهالقدر هو اللي كيقرر شكون غاتلاقي فحياتك قلبك هو اللي كيقرر شكون غايبقى فيه و لكن النصيب كيقرر معامن غادي تكمل حياتك الجزء 147قلوب أرهقها العشق رجوع للواقعرجعات خنساء للواقع على إثر صوت زينب اللي ناضت كتطير للحمام ما عرفاتش خنساء مالها حتى سمعات صوت القيئ ديال زينب تصدمات و حيدات الايزار و تبعاتها كتشوفها طايحة لارض و كتقيا روحها غاتزهق داكشي كامل رداتو الشيئ اللي ثار دهشة فنفس خنساء و دخلات لعندها بسرعة قابطة ليها راسها باش تقيا براحة سمعوها حتى منانة و ياقوت اللي كانت كتحاول تنعس ولدها محمد سلطان لحقو عليهم ....منانة : الله ياااابنيتي الله ما عندك ما ترضي ما كليتيش حتى شي ماكلة دربحياقوت: ضربها البرد واقيلةطلقات خنساء الما على داكشي و نوضات زينب من الارض غسلات ليها وجهها فلافابو و زينب كتبان فيها مهلووكة ديال بصح ضراتها المعدة ....خنساء: شوية دابا ؟؟زينب حركات راسها بالايجاب و قالت بإرهاق ...زينب: حمد الله من قبيلة و انا كنحس بشي حاجة مثقلة عليا حتى تقييت حشاكم عاد ارتاحيتمنانة :اوا لباس عليك أبنتي يالاه تصبحو بخيرياقوت: تصبحو بخيرانصرف الجميع و كلها تحشى ففراشو ؛ضورات خنساء وجهها لحيط و ابتسامة كبيرة شاقة طريق شنيفاتها كلما تذكرات بلي غدا غاتبدا الخدمة اللي غاتقابل فيها داك الشخص المغرمة بصوتو وصورتو و من اكبر المعجبين ديالو من زمان كتحس بقلبها غايخرج من بلاصتو و كرشها كضرها بتوتر هزات صبعها السبابة و بدات كتمررو على الحيط حتى كتبات soltan ؛ ضحكات على تصرفاتها و غمضات عينيها و غفات غير مدركة بأشنو غايوقع فالمستقبل مثلها مثل أي إنسان مؤمن كيسلم أمرو لله و يتوكل عليه ما عارفش شنو مخبي ليه القدر .....{و ما كان ربك نسيا } سيتحقق حلمك و لكن في أنسب الأوقات له إنه تدبيره سبحانه يوم جديد نتفائل بكل ماهو خير لنا , فمع شروق الشمس تبتهج الحياة لترسم خطوط السعادة وترسم فرحتها للبسطاء والحالمون . أمل جديد أحداث كفيلة باش انها تقلب مجرى القصة نحو الأفضل او نحو الأسوأ من يدري ؟ .... الساعة تشير الى 12:00 زوالاواقفة خنساء حدا الباب و حداها فاليزتها اللي كانو مجموعين فيها ديجا الحوايج ديالها اللي جابتهم منانة البارح هادي نقطة مزيانة نفعاتها ما ضطراتش تجمع حوايجها حيت كانو مجموعين أصلن مصائب قوم عند قوم فوائد ....لابسة سروال ديال كيطمة فالغري مع تيشورت نص كم فالأسود و حازمة على نصها الفوقاني ديال الكيطمة مع كاسيكيط بناتية جاتها لبيسة كيووت و ديما خلاص طالقة سوالفها و شعرها الأسود الحريري عاطيها واحد اللمسة خاصة ....خنساء: تهلاو فراسكم غانتوحشكم و اللهمنانة تقدمات عندها بخطوات بطيئة و عنقاتها و قالت ...منانة : الله يرضي عليك ابنتي و الله يجيب ليك شي ولد ناس اللي يسترك الله ينقي طريقك من شوك سيري انا راضية عليك دنيا و آخرة سيري انا مفرشاك و مغطياك برضا الرحمان بغيتك فينما حطيتي يديك تربحي ياااربي تشافي داك السيد يااربيبعدات عليها و خنساء حنات و باستها فيديها و قالت ...خنساء: اللهم أمين غانبقا نعيط لياقوت فالتيليفون ديما و ندير ليكم ابيل فيديو و غانجي عندكممنانة : الله يرضي عليك أبنتي [جبدات مية درهم من البزطام ] هاااكي ابنتي شدي هاد البركةخنساء:لا و الله ما نشدها فلوسك هادوك الخلصة اللي قبطت فديك المكتبة عطيتها ليك باش تديري بيها اللي بغيتي فحالة ما احتاجيتي شي حاجة غير نتخلص الشهر اللول نجي نكري لينا شي دار باش تسكني فيها نتي و زينب واخامنانة :يكون خير أ الحبيبة يكون خير الله يحفظك و الله يرضي عليك و الله يلاقيك بولاد الحلالخنساء :امين أ مي أميين [ شافت فزينب ] نهار يعلنو على نتائج د الباكالوريا صوني عليا نشوف شحال غاتجيبي باش حتى الا ما كانتش شي نقطة زوينة ندير ليك شي مدرسة د الفلوسزينب : شكرا أ خنيفيستي حتى يعلنو على نتائج و نقول ليك نتي لولةخنساء:واعنداك على الله تجيبيه بشي نقطة زوينة [شافت فياقوت ] تهلاي فراسك و الا احتاجيتو اي حاجة عيطو ليا واخاياقوت :يا لالا خنساء كبرااات و حتى هي ولات بعقلهاخنساء: ما تخليوش الواحد يدير عقلو زعماا حراامخنساء تودعات معاهم كاملين و دموع فعينيها رغم أنها من زمان انها كتحلم تخوي المدينة باش تعيش بوحدها من زمان و هي كتحلم بالإستقرار و لكن كتبقى العائلة عندها طعم آخر داك جماعة ديالها ماليها مثيل واخا يكونو كيفما بغاو يكونو كتحس بواحد الشعور فشكل و بواحد الحنين كيشدك باش انك تبقى و ما تغادرهمش ....العائلة عالمٌ من الدفء والحبّ وحضنٌ واسعٌ يمتلئُ بالصخب والضحكاتِ والابتسامات وبين أفرادها الكلمات والأسرار والدموع فالعائلة هي أغلى ما يملكه الإنسان.الجزء 148 قلوب أرهقها العشق خدات طاكسي فإتجاه منزل يقين حاطة راسها على زاجة و كتشوف طوموبيلات و الناس و كتبتاسم غير هي و راسها و اخيرا بعدات و هدا أنسب حل باش ما تفرقش شمل ختها و خصوصا انهم محتاجين بلال حيت بطبيعة الحال هو اللي سكنهم فدار دابا كن قالت لختها الحقيقة كانت غاتوقع كارثة حتى ربي دار ليها مسلك د الخير منين ما نطقاتش و رزقها الحكمة و الخدمة اللي ما عمرها طاحت على بالها واااو شنو هاد صدفة العظيمة شكون كان يقول يقين غايصدق اخ سلطان عشق مراهقتها ما عمرها ضنات بلي غاتخدم عندو و تقابلو ؛ حلات الزاااجة ديال طاكسي و حطات يديها على الباب و وضعات راسها عليه و كتحس بريح كيضرب فوجهها و كيطير شعراتها الشيئ اللي فرحها ....ما هي الا دقائق قليلة كانو وصلو لجيهة الفيلات فين كايسكن يقين نزلات بعدما خدات شانطة ديالها و انصارف طاكسي جراتها معاها حتى وصلات لباب ديال الفيلا و دقات فالباب ما هي الا ثواني قليلة تفتح الباب من طرف سكينة ...سكينة:نحساااء هاديخنساء:لواه لفعاء اجي نبوسك بعدا [ سلمات عليها بالوجه ] كاين يقين ؟؟سكينة:كاين يقين نعيط ليك عليهخنساء:وا قولو راه جات خنساء باش نمشيوسكينة : فين غاتمشيو اصكعةخنساء: و نتي سوقك سيري كلمي ليا يقين بلا هدرةسكينة : واخا فيك أ بوبريصةخنساء:و دابا تلاحي من قداميسكينة عطاتها بضهر و دخلات فحين خنساء بقات واقفة و قلبات الكاسيكطة و لات كتبان كيف شي زوفري و هزات رجل و رجل حاطاها لارض و متكية على الحيط دايرة يديها فجياب الكيطمة و ساهية فالفراغ حتى حسات بشي حد تكا حداها فالحيط و مد ليها كارو هي بالصدمة شافت فداك الكارو و انتافضت من مكانها بالهزة باش كتهز عينيها ضهرات ابتسامة على ثغرها و قالت ...خنساء:مغاااادمراد : راك شاشة ابنت الباشاخنساء: راك واو بلا ضواومراد: راكي طوب بلا سطوبمراد: هاي هاي على الفردة كشكشخنساء : عيش راجل و لا مووت و نتا كتحاولمراد: نميلو و ما نطيحوشخنساء:و الا طحنا نطيحو واقفينمراد و خنساء شافو فبعضياتهم و تشتتو بضحك فحين يقين عاد خرج من الفيلا بعدما خدا سوارت ديال اللوطو بالخرجة باش خرج سمع صوت ضحكهم واصل لفين و فين توقف لوقت عندو للحظات و هو كيشوف فخنساء كتضحك من جدر عقلها مع مراد غمض عينو و عاود فتحهم و هو كيشوف فمراد قابط ليها فيديها و كيهضر ....مراد: عشيييرتي خنسااء المريولة داااابا غانبصم ليك عليها [شدلها يديها و دار بحال طبع ليها فيها ]خنساء: و نتا زعما ربح اجي لهنا لاش ماد ليا كارو هاكا كيسلمو عندكم ناس فبلادكممراد:اوا شفتك سااهية و قالبة الكاسكيط و لابسة الكيطمة و متكية على الحيط كان ناقصك غير الكارو عطيتو ليكخنساء:[ضرباتو لكتفو ] بنتلك كنضرب شقوفةمراد: و صراحة شنايفك زورق و وجهك طاالعة عليه شي ضبابة فشكل تقولك ما كتخرجيش من القهاوي ديال الشيشةخنساء: ضباابة فعينيك أ الحولمراد: يااااك أ المريولةخنساء: اوا نتا لابس عليك دادا ميلودة أش خباارها كلشي هانيمراد : كلنا بخير أ زين ناقصانا غير نتي ...تسمع صوت يقين اللي كان كيتصنت لحوارهم كامل و ما عاجبو حال ....يقين: كتعنب على البنت ما حشمتيشخنساء التافتت و شافت فيه و ضهرات على ثغرها إبتسامة جميلة ...خنساء: يقين لابس عليك بخييرجاوبها بإقتضاب ....يقين : حمد اللهجر يقين الشانطة ديال خنساء و شاف فمراد الليكيشوف فيه بريبة ما بغاش يخليها معاه ...يقين: تبعني حل ليا الكوفرمراد: سير راسك و فوتني عليكخنساء: انا غانجي معاكيقين فرح و لو أنها ما بانتش على وجهو تقدم بخطوات بطيئة و شاف فيها و ابتاسم و هو جار الفاليز ديالها قال ...يقين : كيف بقيتي شوية ؟؟خنساء: حمد اللهيقين : خديتي دوا ديالكخنساء عاد دارت ليها طن فراس بلي سيد جالس كيمعني ليها على ليغكل حشمات بزااف لدرجة عضات على شنايفها و حركات راسها بالايجاب ما عاوداتش نطقات ...وصل لطوموبيل و حل الكوفر راسو و حط فيه الفاليز يعني هو اصلن ما محتاجهمش و لكن علاش عيط لمراد بقات خنساء غي كتشوف ما فهمات والو سد الكوفر و شاف فيها ....يقين : تغديتي ؟؟خنساء: لا ما كليت والو صراحةيقين دار يدو على خصرو بطريقة جميلة و قال ...يقين :و علاش ؟؟خنساء: حيت درت معاك دابا داكشي علاشيقين: امم ملتزمة فالمواعيد ديالك ما عندي ما يسالك ؛ حتى ندوزو لشي ريسطو فطريقنا و نتغداو واخا ؟خنساء: واخا اللي بان ليكيقين شاف فيها مطولا و انتابه لديك الكاسكيط اللي قالبة ضحكو شكلها و فنفس الوقت بغا يشوف شعرها كامل بلا عائق كيعجبو لون شعرها و طولو و رطوبيتو و خصوصا عطرو اللي تغلغل فأنفاسو ....بحركة سريعة منو حيد ليها الكاسكيط صدمها بقات غير مبرققة عينيها فيه ...خنساء: أ ..علاش حيدتيهايقين : ما جاش معاك شعرك هاكا باين أحسن الكاسكيط غير ديال الولاد