💞 قلوب أرهقها العشق 💞 بالدارجة المغربية

❤الفصل 67 💛

الجزء 202قلوب أرهقها العشق سلطان : ما قلت حتى حاجة كضحك لهاد درجةخنساء جمعات ضحكة غير بزز و قالت ...خنساء: هه احم دابا نتا متأكد بلي نتا راضي بقضاء الله و قدرهسلطان: [ بصوت غاضب ] ياكما بنتلك شانق راسي و لا واخد سمخنساء: على ما بان ليا نتا ما عارفش شنو هو الرضا بقضاء الله و قدره المفهوم ديالو ما واضحش فدماغك هادوك اللي كينتاحرو و اللي كاياخدو سم باش يموتو و يتهناو من عداب الحياة هادوك شكل واحد اخووور هادوك ماشي ما راضيينش بقضاء الله و قدره هادوك حالة خاصة كيمشيو لجهنم ديريكت بعينيهم محلولين الله يستر عند بالهم بلي غايتهناو من العداب و لكن عاد كيدخلو فعداب اكفس و أطلس منو حكم الانتحار فالاسلام حرام هادي معروفة كيف يعقل ان ربي عاطيك جسد و نافخ فيك من روحو و خاالي الملائكة تسجد ليك و منزلك لأرض باش تعمرها و تصلح الا قدرتي تصلح شي حاجة و حاطاك فمقام خليفة ديالو فالأرض غير هاد الكلمة كافية باش انك ما تلقيش بيديك لتهلكة و ما تقتلش راسك و مع ذلك كيمشي بنادم و ينتاحر انا ما كنهضرش على اللي مسكين احمق و اصلن دماغو ما معاهش هاداك اصلن مرفوع عليه القلم اما الرضاء بقضاء الله و قدره فهو ان يكون داخل ديالك كيتعصر بالألم من المشاكل و كطلع ليك دنيا فراس و كتبغي غير فوقاش ربي يقبض روحك باش تمشي لعندو و تهنى و لكن قلبك و فمك كيقولو الحمد الله هدا هو الرضاء بالقضاء و القدر نتا فاش تايسولوك و تايقولو ليك كيف بقيتي كاتقولهم عاايش و صافي عمري ما سمعتك قلتي الحمد الله و ديما معبس وجهك و هادو من بين الأدلة اللي كتبين بلي نتا ما راضيش على وضعك الحالي و بالتالي ما راضيش على شنو عطاك الله خاصك تعلم تجاهل الحزن اللي عندك لداخل و عرف بلي دنيا فايتة شحال غاتعيش فيها خمسين عام ستين عام مية عام كاع غايجي نهار اللي يقولو فيه الله يرحمو كتشوفني مثلا انا كنضحك و ضاربة دنيا بركلة و لكن المشاكل اللي عندي ربي اللي عالم بيهم و لكن كنقول الحمد الله دنيا خاصك تعلم تصبر فيها بالعكس نتا خاصك تعرف بلي المؤمن مصاب و فاش كيبتاليك الله بشي حاجة سواء مشاكل سواء مرض سواء ضغوطات اي حاجة عرف بلي نتا عزيز عندو الا لاحظتي بلي الانبياء كلهم تقريبا كانو فقراء يعني ما عطاهمش دنيا و لكن خبا ليهم الآخرة و لكن فرعون و قارون و اشباهو اللي كانو من طغاة كان عاطيهم دنيا و لكن داكشي اللي كيتسناهم فالآخرة ربي اللي عالم بيه دونك كلشي فيه حكمة و ربما هاد الشلل اللي عاطيك الله ربما كايغفر ليك بيه دنوبك ....رجعات راسها اللور حسات بفمها عيا بقوة الهضرة اللي كتمنى على الله تعطي نتائج إيجابية معاه صغرات عينيها فيه بان ليها ساكت و كان كيصغي ليها باهتمام و بالتركيز كأنها فيقاتو من ضلام اللي كان حاشي راسو فيه و بكلامها بدا كيبان ليه نور ...خنساء ناضت من حداه بالعاني و خلات الكلام اللي قالت ليه يخدم فعقلو و قربات للبحر و وقفات فالرملة كتحس بالما بارد فرجليها بدات كتضحك و حنات كتطوي سروالها من لتحت باش ما يفزكش و زادت دخلات لداخل و كتبتاسم ضورات راسها بان ليها سلطان كيشوف فيها بنظرات جميلة مع بريق فعينيه بمجرد ما تلاقات عينيهم ابتاسمو لبعضياتهم لمدة من زمن حتى لمحات جوج بنات بكسيوات حد الفخاض وقفو عليه كيبان ليها غير شعرهم الاسود اللي واصل حتى لضهرهم و طاي عندهم سيكسي نيت بقات خنساء غير حالة عويناتها ...خنساء: شكون هاد العزافات اللي وقفو على سلطانصغرات فيهم عينيها و بدات راجعة باللور و بقوة الفضول اللي فيها خرجات من الما و توجهات لعندهم بقا راسها ضارها