💞 قلوب أرهقها العشق 💞 بالدارجة المغربية

💛الفصل 35 💛

الجزء 108قلوب أرهقها العشق فريد : ربما روحك المرحة و العفوية غاتخليه يحكي ليك وخصوصا انك دارسة علم نفس و باينة فيك بلي نتي إنسانة مثقفة و قاارية و واعية و من فوق هادشي كامل قادرة ترسمي الابتسامة على وجه ولدي اللي تمحات هادي شحالخنساء ابتاسمت بافتخار و عجبها الحال يشكرها بهاد الطريقة اللي ما موالفاش كتسمعها ...خنساء: شهادة كنعتز بيها موسيو فريد هدا واجب و بالعكس الا كنت انا غانفيدو فشي حاجة مرحبا و الا ما قدرتش بامكانك تجيب ليه طبيب نفساني غايعاونو اكثر منيفريد : الله يرضي عليك أ بنتي كنظن نوضو نمشيو عندو هدا هو الوقتخنساء: اه واخاناضت خنساء من فوق الطبلة و فريد حط ميتين درهم فوق الطبلة ؛ خنساء شافتها و ضرها قلبها و قالت مع راسها..خنساء: أ ميمتي على كويس ديال العصير و كويس ديال القهوة عاطيهم 200 درهم واش ندب و لا نبكي على زهري و لا اش نديرمافيقها من حديثها مع نفسها غير صوتو اللي قال ...فريد: مشينا ابنتيتحل ليها الباب الخلفي ديال سيارة اللي كانت من نوع ميرسيديس من طرف شيفور ...خنساء: شكراطلعات و طلع من جهة المقابلة سي فريد شاف فيها و ابتاسم و بادلاتو الابتسامة قلع الشيفور فاتجاه فيلا ديال يقين ؛ كتلعب فصبعانها بتوتر حتى سمعات صوت فريد.فريد : قالك صدفة احسن من الف ميعاد ما كدبوش شكون قال غانتلقا بالبنت اللي فرحات ليا ولدي و ممكن تعاونو عمري كنت نتخايلهاخنساء كتصنت ليه و كتبتاسم شافت فيه و جاوبات باقتضاب ...خنساء: انا صدفة ولات كتجيني عادية بالعكس الا ما وقعاتش ليا شي صدفة كنتفاجئفريد حدو حرك ليها راسو بالايجاب كيبتاسم و حل الكتاب اللي خدا و جلس كيقرا فيه فحين خنساء دورات وجهها لزاجة ساهية و كتخمم فيقين و كلامو و حركاتو و صورو كيفاش داك شخص غايكتائب و شنو غايكون سبب فإكتئابو و علاش فريد ما خداهش عند طبيب نفساني مباشرة ؟؟ أسئلة كثيرة جالو فعقلها و لكن بدون جواب ؛بقات على ديك الحالة كتفكر حتى وقفات بيهم الطوموبيل ...بانت ليها الفيلا ديال يقين و ابتاسمت مع راسها سافرت بها ذاكرتها لأول نهار جابها لهاد الفيلا فاش وقع ليها معاه داك البلان اللي خلاها تلاقاه اول مرة ضحكات مع راسها حتى سمعات صوت فريد...فريد :وصلنا أبنتيتحل ليها الباب مجددا من طرف شيفور و نزلات بخطوات رزينة و مع ابتسامة مرسومة على ملامح وجهها البريئ ...فريد : تفضلي ابنتي ما تحشميش دار داركخطا خطوات لامام و هي تابعاه حانية راسها دق فالباب و تفتح من طرف الخادمات ...فريد : سكينة كاين يقينسكينة الخادمة حركات راسها بالايجاب ...سكينة : كاين اسيدي فبيتوفريد تقدم بخطوات و خنساء موراه حتى دخلو لداخل الفيلا العصرية ديالو ...فريد شاف فخنساء و قال ....فريد: تبعيني أبنتيفريد طلع فدرج و خنساء تابعاه و كتحس بواحد التوتر رهيب و قلبها كينبض بوتيرة سريعة و كتحس بالم طفيف على مستوى بطنها ؛ وصل لبيت يقين و التافت شاف فيها و ابتاسم بحال كيهيئها نفسيا ..فريد : ديري اللي فجهدك أ بنتي ثايق بيك حاولي تضحكيه و لا هضري معاه بعفوية ولدي ما كيعجبوش التصنع بغيت نعرف شنو فقلبو والحاجة اللي غاتخليه يسد عليه فبيتو ما غانعرفش احسن منك نتي اللي قارية على هادشي تبارك الله عليكخنساء: نتمناو اسي فريد و لكن واش عمر وقع ليه هاكافريد سكت مدة كأنه كيفكر و فالاخير حرك راسو بالايجاب ...فريد : نهار طلق مراتو شحال و هو ساد عليه و ما كيهضر مع حتى واحد واخا حاولنا و حاولنا لدرجة ان جبنا ليه طبيب نفساني باش يتعالج خمج ليه وجهو عطاه قتلة د العصا و كان غايدعينا داك طبيب غير ربي حفضخنساء صرطات ريقها بصعوبة و جاوباتو ...خنساء: ض ..ضرب الطبيب لا واقيلة كيبان ليا نرجع منين جيت ياكما تسرعت الجزء 109قلوب أرهقها العشق فريد ضحكاتو حيت بان فيها الخوف ...فريد : ما عندك مناش تخافي كاين فرق بينك و بين الطبيب نتي كيعرفك و فايت ليه تلاقاك و نتي بنت و هو ما مربيش على أنو يمد يدو على المراة و أصلن انا باش قلت ليك تصرفي معاه بعفوية باش ما يحسش بشي حاجةخنساء: أمم غانحاول أ موسيو فريد و لكن شنو غانقولو ليه إلا دخلت عندوفريد : عادي قولو جيت نشكرك على الخدمة اللي دخلتيني ليهاخنساء: هي نتا عارف بلي ولدك اللي توسط ليا باش خدمتفريد بلل شفايفو و دار يدو فجيابو و قالفريد : قالها ليا عدنان قبيلةخنساء تنهدات و ما جاوباتش ؛حط يدو على البوانيي ديال الباب و فتح ...فريد : يقيندخل لداخل و خنساء تابعاه و كاترعد متوترة غير هي و راسها ...لقاوه نااعس و شعرو مليوح على المخدة و صوفي ناعسة حداه حتى هي ؛ بمجرد ما خنساء لمحاتو قلبها دق بوتيرة سريعة ؛ عينيها ما بغاوش يحيدو من شوفة فوجهو الملائكي كان مغمض عويناتو و باين فيه عيان شوية و اللي زاد أكد ليها هادشي هي الكحة اللي صدرات منو و هو فغرق نعاس ؛ كان مستلقي فسريرو غير بشورط الشيئ اللي خلا عضلات جسمو تبان بشكل وااضح و زايدها بالوشام اللي مزوق لحمو هي ما بقاتش قادرة تستحمل هاد كتلة الجاذبية اللي كتشوف تخالط ليها الشكلي مع العكلي ضبابة بدات تحس بيها بين عينيها ...فريد شاف فحالة ولدو بحزن و تقدم عندو و قال بصوت مرتفع باش يسمعو ...فريد : يقييين يقييينكيسمع صوت غاارق كينادي باسمو بدا كيفتح عويناتو بشوية حتى جاو فعيون باباه فريد اللي واقف على راسو عاود سدهم و فتحهم باش يتأكد بلي راه باباه هداك اللي واقف قدامو ؛ يقين ناض بشوية حتى تقاد فالجلسة و باين فيه عياان و داايخ وقف المخدة و تكا بضهرو عليها و رجع سد عينو و قال ...يقين : الواليدفريد : جيت نشوفكيقين : i'm fine thank you * انا مزيان شكرا *فريد :are you sure * واش متأكد *يقين : I already told you that I want stay alone. I want to rest. The voice of people disturbs me * انا ديجا قلت ليك بلي باغي نبقى بوحدي باغي نرتاح صوت البشر كيزعجني *عاود فتح عينو و قبط فيد باه عيونو فيهم هم و حزن كبيييير و كبيييير بزااف و عاد زيد عليها العيا كتحس بوجهو طاافي ....يقين : ما تقلقش مني عفاك ماشي لخاطري انا ماشي مزيان ما بغيتكش تفهم من هضرتي بلي كنجري عليك بغيتي تبقى بقى فدار و لكن باغي نبقى بوحدي أ الواليد الا جات على خاطرك * قرب يد باه لفمو و باسها * سمحلي أ الواليد ماشي لخاطري و الله ما لخاطري نهار نكون مزيان انا غانجي عندكمتنهد باه بحزن و قال بابتسامة...فريد: عاذرك اولدي و لكن ماشي انا اللي بغيت نشوفك واحد الضيفة اللي بغات تشوفك تلاقيتها حدا البابيقين مع داايخ بنعاس كتبان ليه غير ضباابة و عينو مصغرهم قال بشك ....يقين : كيفاش؟؟تقاد فالجلسة أكثر و كيفرك عينو بيديه باش يتواكض و كيهضر ...يقين : شكون هادي ؟؟فريد : خنساءبمجرد ماسمع سميتها هز راسو فباه و جمد ما بقا قال والو حتى تنحى فريد لجنب و هي تبان ليه خنساء واقفة ابتاسمت ليه بابتسامة جميلة حتى تغمضو عويناتها ما عرفش علاش حتى هو ابتاسم واش زهقات ليه بلا ما يحس ولا شكلها كيخليك تبتاسم صحة عليك بحال فاش كتشوف فشي طفل صغير واخا تكون معصب حتى تعيا غير كيبتاسم ليك كتضحك بلا هواك و لا قلبو اللي ضحك بشوفتها و انعاكست تلقائيا على وجهو من يدري جميع الاحتمالات واردة ....نطق بهمس ...يقين :عوينات جلبانةقلوب أرهقها العشق فريد اللي كان قدامو سمعو و مرر يدو على لحيتو شاف فيهم بجوجو قال ...فريد: غانخليكم هانا لتحتغادر الغرفة و خلاهم غير هما بجوج ؛ بمجرد ماسد الباب هز تيليفونو و دوز الرقم ديال مراد اللي جاوبو فالبلاصة ...فريد: الو مرادمراد: عمي فريد أ مدرا شنو درتي لقيتيهافريد: لقيتها و جبتها تهضر معاه لعل و عسى يحل ليها قلبومراد: راه بحال والو يتحل ليها كولو بقاا غير فالقلب طزز راه ديك البنت سكنات عقلو انا نقولك و هي اللي غاتقدر تنفعنا و تعرف مالوفريد: صراحة زينها فشكل معدر ولدي طاح فيها انا اللي شارف و عجباتنيمراد : أ هيا والله حتى نشكم بيك لخالتي وفاءفريد ضحك و حرك راسو يمين شمال ...فريد: غير جرب و الله تا نطير ليك الشنايف زعما زوينة بزاف زينها فشكل تصلاح عارضة لشي ماركة مشهورةمراد: و الله حتى ضرافات ديك البنت كن تشوف داك نهار كي تعصب حيت عدنان صاحبو غوت عليها و كدا و جالس يضحك ليها و الله حتى عجباتو دوك نظرات انا جاوني فشكل المهم غاتكون عجباتو حيت هاديك فالت ليه ريزويات و هبيلة و ولدك مع هو رسام و عميق قالها ما عرفتيشفريد : ما فيهاش التصنع اللي فقلبها على لسانها و زيد عليها قارية علم نفس تعرف كيف تصرفمراد: تا اشمن قارية علم النفس هاديك براسها خاصها طبيب نفساني انا نقولكفريد : وا لواه ما تزيدش فيه عاود كتبان بعقلهامراد: انا راه كنشم ناس تافهين ما يخفاوش عليافريد : و لكن انا عندي فكرة اخرىمراد : اما هيفريد : سلطانمراد : ما تقوليش باغي تصيفطها عند داك المسطي العصبي و الله حتى يحمق البنت و يااااك أ عمي فريدفريد : ما عرفتي حتى هو يرتاح ليها و تفرحو و يرجع لحياتو الطبيعية و يبغي يتعالج و يرجع يحس بالحياة و يرجع كيف كان و أحسنمراد: هداك راه ولا بحال شي وحش مع هو ساد عليه ما كيخرج ما كيدرج ولا صوفاااج أ عمي و البنت على قد الحال غايهبلهافريد مرر يدو على لحيتو و قال بحزن ...فريد : ولدي غايرجع كيف كان انشاء الله و غايتعالج و نتمنى تكون خنساء عندها دواهمراد : و فعوط ماترد ليه عقلو غايصدق هو مطيرو ليها انا نقولك و ما تندمنيش ا عمي حيت ورتيها ليكفريد: قطع قطع باراكة من الهضرة الخاوية الا كنتي كتعرف تعوم تلاح الجزء 110قلوب أرهقها العشق تقدمات عندو بخطوات بطيئة و قالت بصوتها ناعم اللي انساب لمساميعو كلحن زوين ...خنساء: ما عرفت واش نقولك صباح الخير و لا مسا الخير هههيقين ابتاسم و هز التيشورت اللي كان حداه لبسو إحتراما ليها و قال ...يقين : سمحي ليا على هاد الدخلة و اللهخنساء: هانية نتا جالس فدارك انا اللي هجمت عليكيقين بغا ينوض من بلاصتو و هي تحبسو ...خنساء : لا غير بقا راه كتبان فيك عيانيقين كح بشوية و رد راسو اللور بتعب ...يقين : كح كح شوية ما تبقايش واقفة جيبي الكرسي و جلسيخنساء دورات وجهها بان ليها واحد الكرسي فجنب مشات جابتو و حطاتو حدا ناموسية و جلسات و ابتاسمت ليه ...خنساء: نتا لابس عليك ؟؟يقين راد راسو اللور و بعيون متعبة و ابتسامة باهتة جاوبها ...يقين: الحمد الله لابس عليا ما ناقصني حتى خير الفلوس موجودةخنساء ابتاسمت ليه و حركات راسها بنفي و قالت ...خنساء: ما قصدتش الفلوس قصدت صحتكيقين : نقولو الحمد اللهخنساء صغرات عويناتها و قالت ...خنساء: كتقولها من قلبك و لا غير فوق خاطركيقين :من قلبيخنساء ابتاسمت و جاوباتو هي الاخرى بعفوية ...خنساء: يصحابلي فوق خاطرك كنت غانتفاهم معاكيقين ابتاسم و جاوبها ...يقين : نتي لابس عليك ؟عائلتك ؟ كيف غادة مع الخدمة كح كحخنساء: حمد الله انا لاابس الحمد الله ما حد روح كتطلع فيا و تهبط عائلتي راهم عايشين حتى هما حامدين الله كيتكركبو مع الزمان أما بالنسبة للخدمة راك عارف تمااارة و بيني و بينك صاحبك هو اللي لابس عليه ديال بصح كيدخل لعاقة الله يزيدو هههشقات ابتسامة خفيفة طريق شفايفو و قال ..يقين: حاضياه غاتقوسي ليا على صاحبيخنساء جاوباتو بعفوية ...خنساء: ههه كيقولك اللي عندو الحجبان ملاقيين و لا كتكون عينيهم خوضر هما اللي كيكونو قوااسة ديال بصح كيعطيوها لواحد مكمدة ما يهزش راس من موراهابمجرد ما نطقات الجملة الأخيرة يقين تشتت بضحك و هي عاد وعات على راسها بلي راه يقين عينو خوضر و جالسة تعاير فيه بشكل غير مباشر ضربات على فمها بيديها كتنعل فزهرها فنفسها و لكن واخا هاكاك على الاقل قدرات تضحك يقين ؛ كتشوف فيه كيضحك بطريقة رجولية و سنيناتو كيبانو و عويناتو كيتغمضو الشيئ اللي كايعطيه جاذبية و جمااالية خاصة خلاتها تسهى فيه للحظات ....خنساء: نسيت نتا عندك عوينات جلبانة غاتكون قواس من درجة فارسيقين : هههه مازال زايدة فيهخنساء : هههه ما هي خربانة خرباانة انا مكحلها معاك مكحلها اللهم نكمل و مولاها ربييقين عض على شنايفو كمحاولة منو انو يحبس الضحك و قال ...يقين :علاش جيتي عندي ؟؟خنساء بقات ساكتة مدة و فجأة توسع بؤبؤ عينيها و قالت ...خنساء: ياكما ديرونجيتك واقيلة سمح ليادارت راسها غاتنوض و تقلقات و هي تحس بيدو زيرات على دراعها ...يقين : فين غادة جلسيخنساء: واقيلة جيت فشي وقت ماشي هي هاديك بان ليا فيك عيان و باغي تبقى بوحدكيقين : انا غير سولتك سؤال عادي علاش تقلقتي و بغيتي تمشي بحالك ؟خنساء: و لكن نتا بحال ما عجبكش الحاليقين : منين جيتي و انا كنضحك و نتي كاتقولي ما عجبنيش الحال جلسي و لا غانوض نوريك تقليقة و تبغي تمشي بشحال كطيحخنساء تفكرات فاش قال ليها فريد انه عطا سلخة ديال الكلاب لداك طبيب و هي تدير بناقص و رجعات جلسات ...يقين : وا شفتي دابا شحال كتباني مزيونة و نتي جالسة بعقلك