Lighthouse Of Love 💜 အချစ်မီးပြတိုက်လေး အပိုင်း - ၃
(Unicode)
"သမီးဘာတွေစားလဲ မတည့်တာတွေစားသေးလား ညထဲကချောင်းတအဆိုးနေတာနော် "
"ဘာမှမစားပါဘူးမေမေရဲ့"
ရေခဲမုန့်အစားကောင်းသွားသည်ဟု မပြောရဲ၍ လွန်းငယ်မုသားဆိုလိုက်မိသည်။ ဒီနေ့အတွက်တော့ ငါးပါးသီလမှာ တစ်ပါးကျိုးပြန်ပြီဖြစ်သည်။
"မညာချင်စမ်းပါနဲ့ မိလွန်းငယ်ရယ် ညည်းကိုကျုပ်မွေးထားတာပါတော်"
"အော်မှတ်မိပြီမေမေ မနေ့ကငှက်ပျောကြော်စားသေးတယ် အဲ့ကဆီတွေမတရားပဲလေ ရစ်ပြီးဆိုးနေတာအဲ့ကတည်းက ဟီး...မှတ်မိပြီ "
"ကဲ မောင်ရယ်ပြောစမ်းပါအုံး မောင့်သမီးကို"
"မကလဲ ခလေးကတစ်ခါတစ်လေစားတာကို စားပါစေ ခဏနေဆေးတိုက်လိုယ်မယ်"
"ကျက်ကျက်အလိုလိုက်နော် ဖေမောင် ပြောစကားနားမထောင်ရင် သားဖနှစ်ယောက်လုံး ကြိုးတုတ်ပြီး ထားခဲ့လိုက်မှာ"
သားဖနှစ်ယောက် မျက်စာပြစ်ပြကာခိုးရယ်နေကြသည်။ ဒါကိုမီးဖိုချောင်ဆီမှ မေမေကတော့သိမည် မဟုတ်ပေ။ လွန်းငယ်တို့သားအဖကို အရမ်းချစ်သည့်မေမေက တစ်ခါတစ်လေ အဲ့လိုစေတနာ ဒေါသလေးတွေဖြင့်နှုတ်ထိုးတတ်ပေသည်။ အဲ့လိုလေးတွေပြောလျှင် သားဖနှစ်ယောက်ပျော်နေတတ်သည်ကို မေမေတော့မသိလောက်ပေ။
မေမေနှင့်ဖေဖေရဲ့အပြောအရ ရည်းစားဘဝမှ ယခုထိ ဖေမောင်ဆိုသည့်ဖေကြီးနာမည်ကို အဖျားဆွတ်၍မောင်ဟုခေါ်တတ်သည်တဲ့။ ဒါကိုလွန်းငယ်တော့ မယုံပေါင် တအားတွေချစ်ပြီး ချစ်စနိုးနှင့်မောင်ဟုခေါ်လျှင် ခေါ်တယ်ပေါ့။ မေမေ့နာမည် ခင်ခင်စန်း ကိုတော့ ဖေကြီးကလဲ မတဲ့လေ။ ကြည့် ဖေကြီးနှင့်မေမေက လွန်းငယ်ကိုညာတာပါဆို။ လွန်းငယ်ကိုရှေ့ထား၍ ထိုသို့ ဖေကြီးနှင့် မေမေ အချစ်စမ်းပြီးခေါ်တိုင်း သဘောကျ၍ သွားကြီးဖြီးကာ ပျော်ရတာလဲအမောပင်ဖြစ်သည်။
"လွန်းလေး ချောင်းတအားဆိုးနေတယ်နော် ဘာတွေစားလဲ"
"ဟိုနေ့ကလေ လောပန်းက ရေခဲမုန့်ဝယ်ကျွေးတယ် အဲ့တာစားမိလိုက်တာ ချောင်းဆိုးတော့တာပဲ"
YOU ARE READING
Lighthouse Of Love (Completed)
Romanceအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
