Lighthouse of love 💜🖤 Extar (အပိုင်း-၁)
ခလေးနှင့်အိမ်ထောင်သက်တမ်းတစ်နှစ်ရှိပြီဖြစ်သော်လည်း ညားခါစလင်မယားလေးလိုပင် ချစ်မြဲချစ်ဆဲ သွားအတူလာအတူပင်ဖြစ်သည်။ ဟင်းချက်လေးသင်ချင်ပါသည်ပြောသည့်ခလေးဟာလဲ ဥဿာသေချာသင်ပေးထား၍ ယခုဆိုဟင်းအတော်များများထိချက်တတ်နေပြီဖြစ်သည်။ ဘေးမှကူပေး၍ အတူယှဉ်တွဲချက်ပြုတ်သည့်အခါများလဲ ချစ်စဖွယ်ချွဲ၍ ချက်ပြုတ်တတ်သေးသည်။ ဒီခလေးလေးကလေ ဥဿာအတွက်တော့ အဖိုးတန်လွန်းလှပါပေသည်။
"ဦး"
"ဗျ .."
"လွန်းငယ်ကို ဥနီလှီးပေးပါအုံး လက်မအားတော့လို့"
"ဟုတ်ပြီဗျာ"
"ငရုတ်သီးလေးလဲနဲနဲထောင်းပေးအုံးနော်ဦး"
"Ok ဗျာ.."
"အယ်.. ကန်စွန်းရွက်လေးရောသင်ပေးလို့ရမလားဦး"
"ရတာပေါ့ကွ "
အားလူးအကြီးကြီးတစ်လုံးကိုအခွံသင်ရင်း အလုပ်ရှုပ်နေသည့်ခလေးက ဥဿာကိုကူပေးဖို့ပြောနေသည်ကြောင့် ဥဿာအကုန်လိုက်လုပ်ပေးလိုက်တော့သည်။
"ဦး မြည်းကြည့်ပေးအုံး "
ဥဿာထကာ ဟင်းအိုးလေးဘေး ဇွန်းလေးကိုင်ကာစောင့်နေသူလေးဘေးသို့သွားလိုက်ကာ ခလေးခွံ့ကျွေးသည်လေးမြည်းစားလိုက်သည်။
"မိုက်နေရောကွာ ရှယ်ပဲ"
"ဟီး MasterChef သွားပြိုင်တော့မယ်နော်"
"ကိုယ်အဖော်လိုက်လုပ်ပေးမယ်ကွာ"
"ဦးကဒိုင်လုပ်ပေးမှပေါ့ "
"ဟုတ်ပြီဗျာ ကိုယ့်ဇနီးလေးကိုအမှတ်ပြည့်ပေးမှာစိတ်ချ"
"၁၁ မှတ်ပေးနော် သူများတွေက ၁၀ မှတ်အမြင့်ဆုံးဆို လွန်းငယ်အတွက်က ၁၁ မှတ်ကအမြင့်ဆုံးပဲ"
"ဟုတ်ပြီ ဒိုင်တွေအကုန်လုံးကို ကိုယ်ပြောပေးမယ် ခလေးအတွက် ၁၁ မှတ်သီးသန့်လို့"
"အွန်း ..ဦးကလာလဲကူချက်ပေးရမှာနော် "
"ဟုတ်ပြီဗျာ "
အတွေးပေါက်တာတွေပြောကာ နောက်မှသံယောင်လိုက်ပေးလိုက်တော့ မခို့တရို့လေးပြုံးကာ ဟင်းအိုးလေးမွှေနေလေသည်။
YOU ARE READING
Lighthouse Of Love (Completed)
Romanceအချစ်တွေကင်းမဲ့ပြီးမှောင်မိုက်နေတဲ့ကိုယ့်ဘဝလေးကို အလင်းရောင်ပေးခဲ့တဲ့ခလေးက ကိုယ့်ရဲ့မီးပြတိုက်လေးပါကွာခလေးရယ်။ ဥဿာခမ်းထည်🖤💜 နိုးနိုးလွန်းငယ်
