Blessed-Cursed

Arc (1-6)ဖယောင်းပြတိုက်ထဲကအချစ်ကြီးတဲ့ 상사귀

ဒီအဖြစ်အပျက်တွေက အတိတ်မှာဖြစ်ခဲ့ပြီးသား၊ ငါက သရဲနီကြီးသေဆုံးရတဲ့အကြောင်းအရင်းကိုလာကြည့်ရုံပဲ
အခုလက်ရှိမျက်စိရှေ့မှာ အမှန်တကယ်ဖြစ်ပျက်နေတာမဟုတ်လို့ ဘာမှပြောင်းလဲပေးလို့မရတော့ဘူး
စိတ်ငြိမ်ငြိမ်ထားပြီး သရဲနီကြီးဘဝကနေကျွတ်လွတ်နိုင်အောင်ပဲ ကူညီပေးရမှာငါ့တာဝန်ပဲ

ခဏလောက်သတိလစ်သွားရာကနေပြန်သတိရလာပြီးနောက် ကိုယ့်စိတ်ကိုငြိမ်အောင်ထိန်းရင်းဖြေသိမ့်နေရသည်။

ထို့နောက်နီခီရင်ခွင်ထဲကနေအသာရုန်းထွက်ပြီး ပတ်ဝန်းကျင်ကိုကြည့်လိုက်တော့ ပြခန်းပိုင်ရှင်အမျိုးသမီးကမရှိတော့ပေ

" အပေါ်ခဏပြန်တက်သွားတယ် hyungသတိမရသေးလို့ကျွန်တော်လိုက်မသွားတာ "

ကျွန်တော်မေးစရာပင်မလိုလိုက်ဘဲနီခီက အလိုက်တသိဖြေပေးလာသည်။

နီခီ့ကိုခေါင်းငြိမ့်ပြပြီး သေဆုံးနေ​သော အမျိုးသားအလောင်းရှိရာဆီသို့လျှောက်လာခဲ့သည်။
ပြခန်းပိုင်ရှင်အမျိုးသမီးက ကျွန်တော်သတိမေ့နေစဥ်အတော့အတွင်း အလောင်းကို အဝတ်အစားတွေချွတ်ပေးထားပုံရသည်။
အမျိုးသားခမျာ ပွက်ပွက်ဆူနေတဲ့ဖယောင်းရည်တွေကြောင့်အဝတ်အစားနဲ့အသားတွေကပ်ပြီးလောင်ကျွမ်းသွားကာ အဝတ်အစားတွေချွတ်လိုက်ချိန်မှာတော့ အရေခွံတွေပါကွာကျကုန်ပြီး ကျွန်တော်ပြခန်းထဲမှာ မြင်ခဲ့တဲ့သရဲနီကြီးပုံစံအတိုင်းတစ်ပုံစံတည်းဖြစ်နေသည်။

အဖြစ်ဆိုးလိုက်တာ..
ဖယောင်းကန်ထဲသို့တွန်းချခံရသောအမျိုးသမီးမှာမူကား ကန်အောက်ကိုမြုပ်သွားပြီး အလုံးစုံလောင်ကျွမ်းသွားပြီများလားမသိ အစအနပင်မမြင်ရတော့ပေ။

အမျိုးသားမသေဆုံးမီ ပြခန်းပိုင်ရှင်အမျိုးသမီးတုတ်နဲ့ရိုက်လိုက်တော့ လဲကျသွားစဥ်က သူ့ဘောင်းဘီအိတ်ကပ်ထဲမှ လက်စွပ်ဘူးလေးက လွင့်စင်ကာ ပစ္စည်းတွေထည့်ထားတဲ့ဗီဒိုကြီးတစ်လုံးအောက်ကိုဝင်သွားတာတွေ့လိုက်ရတာမို့ အောက်မှာရှိမရှိတစ်ချက်ငုံ့ကြည့်လိုက်သည်။

ဗီရိုအောက်ဘက်အတွင်းကျကျတစ်နေရာတွင်ထိုဘူးအနီလေးကိုတွေ့လိုက်ရသဖြင့် နေရာကိုသေချာစွာမှတ်သားပြီးနောက် ကျွန်တော်တို့နှစ်ယောက်မူလကပုန်းအောင်းနေသောစင်နောက်သို့ပြန်လာခဲ့သည်။