" တစ္ဆေသရဲတွေကိုကျွတ်လွတ်အောင်ကူညီပေးတယ် ဟုတ်လား ဒါဆို ငါရောအကူအညီတောင်းလို့ရမလား
ငါဒီထဲမှာပိတ်မိနေတာဘယ်နှနှစ်ရှိနေမှန်းတောင်မသိတော့ဘူး
ဘာအစီအရင်နဲ့ဒီထဲမှာချုပ်နှောင်ထားမှန်းလည်းမသိဘူး
ငါသိတာက ငါကျွတ်လွတ်သွားမှပဲ ဒီနန်းဆောင်ကနေလွတ်မြောက်ခွင့်ရမယ်ဆိုတာပဲ
ကျွတ်လွတ်အောင်လုပ်ဖို့က ငါတစ်ယောက်တည်းအင်အားနဲ့မဖြစ်နိုင်ဘူး တစ်ယောက်တည်းလည်းကျွတ်လွတ်မသွားချင်ဘူး ငါမှလုပ်စရာတွေရှိသေးတယ် ကူညီပေးလို့ရမလား"
မနေ့ညက မင်ဂယူhyung တို့အဖွဲ့ကိုတော့သွေးအန်တဲ့အထိခြောက်လွှတ်လိုက်ပေမယ့် အခုနန်းတွင်းသူဝတ်စုံနဲ့ကျွန်တော့် ကိုတော့ မိန်းကလေးထင်ပြီး ယုံကြည်အားကိုးစွာအကူအညီတောင်းနေတဲ့ အပျိုစင်မိဖုရားတစ္ဆေရဲ့မျက်လုံးထဲမှာ မျှော်လင့်ချက်တွေအပြည့်နဲ့ဖြစ်သည်။
နန်းတွင်းသူဝတ်စုံကအလုပ်ဖြစ်သွားတယ်ပြောရမည်။
" မယ်မယ်ရဲ့ သေဆုံးရတဲ့အကြောင်းအရင်းနဲ့မကျွတ်လွတ်ရတဲ့အကြောင်းအရင်းကိုကျွန်တော်မျိုးကိုပြောပြရင် တတ်နိုင်သလောက်ကူညီပေးပါ့မယ် မယ်မယ်"
မယ်မယ်လို့ခေါ်မိတော့ မကြိုက်သည့်ဟန်ဖြင့်ခေါင်းခါသည်။
" မယ်မယ်လို့မခေါ်ပါနဲ့ ငါရင်ထဲမှာတော့ ငါကအမြဲမင်းသမီးအဆောင်ကသာမန်နန်းတွင်းသူလေးပါပဲ။
ရင်းရင်းနှီးနှီးပြောကြရအောင်
ငါ့နာမည်က ဗြောရီပါ မိသားစုက ငါ့ကိုငယ်ငယ်တည်းကနန်းတွင်းထဲကိုပို့ပေးခဲ့ပြီး နန်းတွင်းစည်းကမ်းတွေနဲ့ပျိုးထောင်ခံခဲ့ရတာပေါ့ ။
ငါ့ဘဝမှာအပျော်ဆုံးက ဆူဂျောင်းဂုံးဂျူရဲ့ နန်းဆောင်မှာနန်းတွင်းသူအဖြစ်နဲ့ တာဝန်ထမ်းဆောင်ခဲ့ရတဲ့အချိန်တွေပဲ
ငါ့ထက်နှစ်နှစ်ကြီးတဲ့မင်းသမီးက ငါ့ကို ညီမလေးတစ်ယောက်လိုချစ်ရှာတယ်။
မွန်းကြပ်စရာကောင်းပြီး ပျော်စရာရှားပါးတဲ့ ဒီနန်းတော်ကြီးထဲမှာ မင်းသမီးမျက်နှာတစ်ခုတည်းနဲ့ငါနေပျော်ခဲ့တယ်။
YOU ARE READING
Blessed-Cursed
Terrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
