Blessed-Cursed

Arc( 5-5)ထူးဆန်းစွာရောက်လာသော 물귀신

( ကြောက်တတ်ရင်မနက်မှဖတ်ကြပါနော်)

ပုံမှန်ထက်တိတ်ဆိတ်နေသည့်ညကို ထူးဆန်းသောအသံတစ်ခုကဖြိုခွင်းလိုက်သည်။

နံရံကိုတစ်ခုခုနဲ့တိုက်နေသည့်အသံ တဒုတ်ဒုတ်ကြောင့်သာမက
လည်ချောင်းထဲမှာပူလောင်ခြောက်ကပ်ပြီး ရေဆာတဲ့ခံစားချက်ကြီးကြောင့်ရော နိုးထလာပြီး ဘေးကိုစမ်းကြည့်တော့ အတူအိပ်နေတဲ့ ဆာကူရာအောနီးက မရှိတော့ပေ။

ဘယ်ရောက်သွားပါလိမ့်။ တဒုတ်ဒုတ်အသံက မရပ်မနားဆက်လက်ထွက်ပေါ်နေသည်မှာ ခြောက်ခြားစရာကောင်းလှသည်။

ညဦးပိုင်းမှာတော့ ဆာကူရာအောနီး နဲ့နှစ်ယောက်သား ရောက်တတ်ရာရာစကားတွေပြောဖြစ်ကြပြီး အခန်းမီးတွေအကုန်ဖွင့်ပြီး အိပ်ယာဝင်ခဲ့ကြပေမယ့် အခုတော့မီးတွေကပိတ်လျက်သားဖြစ်နေသည်။

ဖုန်းကိုလှမ်းယူပြီးဖုန်းမီးဖွင့်ကာအခန်းထဲကိုထိုးကြည့်လိုက်တော့ တံခါးပေါက်နားမှာ ဆာကူရာက အခန်းကိုကျောပေးကာ အသိစိတ်လွတ်နေတဲ့သူလိုမျိုး နံရံကိုနဖူးနဲ့တိုက်နေတာကိုတွေ့လိုက်ရသည်။

ကြားနေရတဲ့တဒုတ်ဒုတ်အသံက သရဲခြောက်တာမဟုတ်ဘဲ သူ့ကြောင့်ဆိုတာကိုသိလိုက်ရတော့ အနည်းငယ်စိတ်သက်သာရာရသွားသလိုလို။

ဆာကူရာအောနီး ဘာဖြစ်တာပါလိမ့် အိပ်မက်ယောင်ပြီးလမ်းထလျှောက်တာလား သူရပ်နေတဲ့နေရာမှာလည်း ရေတွေရွဲစိုပြီးရေကွက်ကြီးဖြစ်နေသည်ကိုတွေ့လိုက်ရတော့ စိတ်ထဲနည်းနည်းထင့်သွားသည်။

နံရံကိုနဖူးနဲ့တိုက်နေတာ နဖူးတွေနာတော့မှာပဲ ဟုတွေးကာ အနားကိုလျှောက်သွားလိုက်ပြီးနောက် ပခုံးကိုအသာအယာပုတ်လိုက်တော့ နံရံကိုနဖူးနဲ့ဆောင့်နေခြင်းက ရပ်တန့်သွားပြီး နောက်သို့လှည့်ကြည့်လာချိန်မှာ လိပ်ပြာလွင့်မတတ်လန့်သွားသည်။
ခန္ဓာကိုယ်ကနည်းနည်းမှမရွေ့လျားဘဲ ခေါင်းကြီးကသာတစ်ပတ်လည်သွားပြီး လှည့်ကြည့်လိုက်တာကြောင့်ပင်

လန့်လွန်းတာကြောင့် နောက်ကိုတစ်ဖြည်းဖြည်းဆုတ်လိုက်ချိန်မှာ ခေါင်းကြီးကပြန်လည်သွားပြီး ချယ်ဝန်းရှိရာဘက်လို့လှည့်လာကာ တစ်လှမ်းချင်းရှေ့တိုးလာသည်။