"ဒါက သေဆုံးသွားရတဲ့အကြောင်းအရင်းပဲ ဒါပေမယ့် သူ
မကျွတ်လွတ်ရတဲ့အကြောင်းအရင်းက ဘာများပါလိမ့်။
သူ့ချစ်သူက တခြားတစ်ယောက်နဲ့လက်ထပ်သွားပြီဆိုတဲ့အသိနဲ့ သေဆုံးသွားတာမို့ ချစ်သူကိုစောင့်နေတာကြောင့်လည်းမဟုတ်နိုင်ဘူး။
အဖေကိုစိတ်နာနေတာဆိုရင်လည်း ဘာလို့ဒီအချိန်အထိ ဘယ်သူ့ကိုမှအနှောက်အယှက်မပေးဘဲ ငြိမ်နေခဲ့တာလဲ "
ဖြစ်စဥ်အစမှအဆုံးတိုင်တွေ့မြင်လိုက်ရသည့်တိုင်
ဦးလေးဂျေးဟို မကျွတ်လွတ်နိုင်ရတဲ့အကြောင်းအရင်းကို မသိရတာကြောင့် အနည်းငယ်စဥ်းစားရခက်နေသည်။
ထိုအခါမှ တစ်လျှောက်လုံးငြိမ်နေခဲ့တဲ့နီခီက သူ့စဥ်းစားလို့ရတာကိုထုတ်ပြောလာသည်။
" ကျွန်တော်ကတော့ ဦးလေးဂျေးဟိုက ဒီသစ်လုံးအိမ်ကိုစွဲလန်းနေတာလို့ထင်တာပဲ။
ကျွန်တော်ကိုယ်တိုင်တော့မကြားရပေမယ့် hyungတို့ပြောသလောက် ပြင်ပကမ္ဘာမှာ သူတောက်လျှောက်ပြောလာတာက သစ်လုံးအိမ်ကိုဖျက်တဲ့သူတွေဆို မိသားစုဆိုရင်တောင်သတ်မယ်လို့ ပြောခဲ့တာမလား။
ဒီသစ်လုံးအိမ်မှာ သူ့ချစ်သူနဲ့အမှတ်တရတွေရှိခဲ့လို့ ဒါမှမဟုတ် သူဖွက်ထားတာတစ်ခုခုရှိလို့များလား "
နီခီ့စကားကိုကြားမှ ဦးလေးဂျေးဟိုက သစ်လုံးအိမ်ကိုမဖျက်ဆိုတောက်လျှောက်ပြောခဲ့တာကိုသတိရသွားတော့သည်။
" အဲဒါဆို ငါတို့ ဒီထဲမှာ သူ့ချစ်သူနဲ့ပတ်သတ်တာ တစ်ခုခုတွေ့အောင်ရှာကြည့်ကြရအောင်။
သူစိတ်စွဲနေနိုင်လောက်မယ့်ပစ္စည်းတွေအကုန်သာယူခဲ့ ပြန်သယ်သွားပြီး ကျွတ်လွတ်အောင်လုပ်ပေးရမယ်"
ထိုသို့တိုင်ပင်ပြီးနောက် ကျွန်တော်တို့၃ယောက်သား သစ်လုံးအိမ်ထဲကို လှည့်ပတ်ရှာဖွေတော့သည်။
အလောင်းတွဲလောင်းကျနေတဲ့ အိပ်ခန်းထဲကိုရှာရတဲ့အခါမှာတော့ အတော်အတန် ရင်တွေတုန်ပြီး ထိတ်လန့်နေရသည်။
ထိုစဥ်မှာပင်
" ဟီး ဟီး ဟီးးး"
ဟူသော ခြောက်ကပ်ကပ်ရယ်သံကြီးကို ကြားလိုက်ရတာကြောင့် ၃ ယောက်သား မတိုင်ပင်ထားဘဲ အလောင်းဆီကိုပြိုင်တူကြည့်လိုက်မိကြသည်။
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
