" ဗြောရီ ဒီလိုအဖြစ်ဆိုးမျိုးကြုံရတာရော ငါတို့နှစ်ယောက်ကြားထဲကရင်နာစရာအဖြစ်အပျက်တွေအကုန်လုံးရောက ငါ့ကြောင့်ပါပဲ။
ငါသာ ငါ့နှလုံးသားကိုဖုံးကွယ်ပြီး လိမ်လိမ်မာမာနဲ့ ခမည်းတော်ပြောတဲ့သူကိုလက်ထပ်လိုက်ရင် ဗြောရီကိုလည်း ငါနဲ့အတူနန်းပြင်ကိုခေါ်ထုတ်သွားပြီး မပေါင်းဖက်ရရင်တောင်အနည်းဆုံးတော့ ဒီလိုဆိုးဝါးတဲ့ဇာတ်သိမ်းမျိုးမဖြစ်လောက်ဘူးပေါ့ ။
တကယ်တော့ ငါမသိခဲ့ဘူး ဗြောရီကို အဲဒီမှာအခုထိချုပ်နှောင်ထားတာကို တကယ်ကိုမသိခဲ့တာပါ
အဲဒါကြောင့် ငါကဗြောရီလာရှာခဲ့ရင် ပထမတစ်ခါကလို လွဲသွားမှာစိုးလို့ တစ်စက္ကန့်လေးတောင်ဒီနေရာလေးကနေမခွာနိုင်ဘဲသူ့ကိုစောင့်နေခဲ့တာပါ"
ထို့နောက်မင်းသမီးက ဇာတ်ကြောင်းအစအဆုံးကိုရှင်းပြလေသည်။
" ဘာပြောတယ်ဂုံးဂျူ
အခုဘာပြောလိုက်တယ်။
တော်ဝင်လက်ထပ်ပွဲကိုငြင်းဆန်ရတဲ့အကြောင်းအရင်းက
နန်းတွင်းသူလေးတစ်ယောက်ကိုသဘောကျနေမိလို့ပေါ့လေ ဟုတ်လား "
" ဟုတ်ပါတယ်ခမည်းတော်
အဲဒါကြောင့် ဘယ်လောက်ကောင်းတဲ့သူမျိုးကိုပဲဖြစ်ဖြစ် သမီးတော်လက်မထပ်နိုင်ပါဘူး။
သမီးတော်ကို ဒီအတိုင်းလေးပဲ လွတ်လပ်သူဘဝနဲ့တစ်သက်လုံးနေသွားခွင့်ပြုပါ။
မင်းသမီးဆိုတဲ့အဆောင်အယောင် ရာထူးတွေ တော်ဝင်ဘွဲ့တော်တွေကိုရုတ်သိမ်းလည်းရပါတယ်။ အဓိကက သမီးတော်မချစ်မနှစ်သက်တဲ့ဘယ်သူ့ကိုမှလက်မထပ်နိုင်လို့ပါ"
ဘုရင်က
မင်းသမီးစကားကြောင့် ဒေါသထွက်လွန်းလို့အသားတဆတ်ဆတ်တုန်နေပေမယ့် အတတ်နိုင်ဆုံးစိတ်ကိုငြိမ်အောင်ထားပြီး စကားဆက်သည်။
" နန်းတွင်းစည်းကမ်းအရ နန်းတွင်းသူဆိုတာ ဘုရင့်အမျိုးသမီးပဲ တကယ်လို့ မင်းက မင်းသားတစ်ပါးဖြစ်နေရင်တောင် ငါအဲဒီနန်းတွင်းသူကိုမင်းကိုပေးလိုက်တယ်။
အခုတော့ ကြားလို့မှမကောင်း။
ဒီအကြောင်းကို တခြားသူတွေသိလို့မဖြစ်ဘူး။
သိသွားရင် ဆူပူမှုတွေအများကြီးဖြစ်ပြီး နှစ်ယောက်လုံး လူမြင်ကွင်းမှာကွပ်မျက်ခံရတဲ့အထိဖြစ်နိုင်တယ် အဲဒါကိုရော နားလည်လား ။
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
