" hyung သရဲက ဝတ်စုံအဖြူနဲ့ ဆံပင်ဖားလျားချထားတယ်လို့ပြောလိုက်တာမလား hyung ပြောပုံအရဆို ချောညောန်ဂွီရှင်ပဲ
အဲဒါဆိုသူက မိဖုရားတော့မဖြစ်နိုင်ဘူးထင်တယ်နော်
နန်းတွင်းသူတို့ရှန်ကုန်းတို့ဖြစ်မယ်ထင်တယ်
ဘယ်လိုပဲတွေးတွေး ကျွန်တော်ဒီပုံစံအတိုင်းဝင်လို့ဖြစ်မယ်မထင်ဘူး "
ကျွန်တော့်စကားကို hyungကထောက်ခံသည်။
" ဟုတ်တယ် ငါလည်းအဲဒါပြောမလို့ အခုပဲ အကြံရတာ ငါတို့ နန်းတွင်းသူဝတ်စုံ ဝင်ဝယ်ရအောင် "
"နန်းတွင်းသူဝတ်စုံက ဘယ်သူ့အတွက်လဲ "
hyungရဲ့စကားကိုရုတ်တရက်သဘောမပေါက်တာမို့ပြန်မေးလိုက်မိသည်။
" မင်းအတွက်လေ
ဒီပုံစံအတိုင်းဝင်သွားရင် မင်းလည်းမောင်းထုတ်ခံရမှာပဲ နောက်ပြီး တစ်ခုခုလုပ်လိုက်မှာစိုးလို့ စိတ်မချဘူး အဲဒီတော့ နန်းတွင်းသူလိုလေးဝတ်ပြီး ဝင်သွားရင် မိန်းကလေးထင်ပြီး ခြောက်ချင်မှခြောက်မှာပေါ့
အဓိကက ငါတို့ကျန်ခဲ့တဲ့ပစ္စည်းလေးတွေအရင်ဆုံး အပြင်ထုတ်ပြီးသွားမှ ကျန်တာဘာဆက်လုပ်မလဲ
အခြေအနေကြည့်ရမှာ
ဆိုတော့မောင်းထုတ်မခံရဘဲ ထိခိုက်အနာတရမဖြစ်ဘဲ အထဲကိုအရင်ဝင်လို့ရဖို့ကအဓိကပဲ "
" အဲဒါဆို အစတည်းက အခန်းထောင့်ဂိမ်းကိုမကစားခဲ့ပါနဲ့လား နန်းတွင်းသူဝတ်စုံကြီးက ပြေးရလွှားရမလွယ်ဘူးလို့
hyungဝတ်ပြီးဝင်သွားပါလား။"
" ငါ့မျက်နှာကြီးကိုသူက အနီးကပ်မြင်ထားတာ မမှတ်မိဘဲနေပါ့မလား
မင်းကကျတော့ မတူဘူးလေ သူကမင်းကိုမမြင်ဖူးသေးဘူး
ပြီးတော့ သရဲတွေမင်းကိုသဘောကျကြတယ်ဆိုတော့အနည်းဆုံးပစ္စည်းလေးတွေပြန်ယူခွင့်ရဖို့လေးပဲခွင့်တောင်းကြည့်ရင် အဆင်ပြေချင်ပြေမှာပါဆောနူးရယ်နော်"
နောက်ဆုံးမှာတော့ မင်ဂယူhyungပြောသလို နန်းတွင်းသူဝတ်စုံဝင်ဝယ်ပြီးတစ်ခါတည်းဝတ်လာခဲ့လိုက်သည်။
.
.
.
" အပေါ်ထပ်ဝတ်ကတိုလိုက်တာ ရှည်တာမရှိဘူးလား "
မင်းဂယူhyungက ကားပါကင်ထိုး လက်မှတ်ဝယ်နဲ့ အလုပ်ရှုပ်နေတုန်း
တစ်ချိန်လုံးငြိမ်နေတဲ့ နီခီဆီက အသံထွက်လာသည်။
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
