ရုတ်တရက်မို့ အခန်းထဲဆွဲခေါ်ခံလိုက်ရတော့ ရုန်းကန်ချိန်မရဘဲ ပါလာခဲ့သည်။
" ဆောနူးစံ "
ဘယ်လောက်ရှာရှာ ရှာမတွေ့ဘဲ အပုန်းကောင်းနေတဲ့ တစ်ယောက်သောသူက အခုတော့ကျွန်တော့်ရှေ့ကိုဆိုက်ဆိုက်မြိုက်မြိုက်ကြီးရောက်လာခဲ့သည်။ဒီအသံလေးကိုမကြားရတာ ဘယ်လောက်ကြာပြီလဲ။
ဒီအတောအတွင်း ဘယ်တွေရောက်ပြီး ဘာတွေလုပ်နေလဲ
ဘယ်လ်ိုများအဆက်အသွယ်မလုပ်ဘဲနေနိုင်ရတာလဲ
ဘာကြောင့်ထားသွားတာလဲ
ရင်နဲ့မဆံ့အောင်မေးခွန်းတွေအများကြီးရှိနေခဲ့ပေမယ့် ဘာမှမမေးန်ိုင်ဘဲ နေရာမှာတင် မလှုပ်မယှက် ရပ်နေမိပြီး မျက်ရည်တွေသာ အတားအဆီးမရှိကျလာခဲ့သည်။" ဆောနူးစံ ကျွန်တော့်ကို အရမ်းစိတ်ဆိုးနေပြီလား ကျွန်တော်မကောင်းတာပါ ကျွန်တော်တောင်းပန်ပါတယ် ကျွန်တော့်ကိုဆူပါဦး"
ထိုသို့ပြောကာ ရင်ခွင်ထဲကိုဆွဲသွင်းပြီးတင်းကြပ်စွာပွေ့ဖက်ထားတဲ့ လူဆိုးကောင်ရဲ့ကျောပြင်ကိုသာထုရိုက်လိုက်မိသည်။
"လာချင်တိုင်းလာ ထွက်သွားချင်တိုင်းထွက်သွားပြီး မင်ကငါ့ကို ဘယ်လိုသဘောထားနေတာလဲ
ထွက်သွားရတဲ့အကြောင်းအရင်းလေးကိုတောင် အရေးတယူလုပ်ပြီးမပြောနိုင်လောက်အောင် ငါက မင်းအတွက် အဲလောက်လေးတောင်အရေးမပါဘူးပေါ့ဟုတ်လား
အမှောင်မိုက်ဆုံးအချိန်တွေမှာအတူရှိနေပေးလို့တန်ဖိုးထားတယ်ဆိုတာတွေက အလိမ်အတွေမလား မင်းခြေထောက်လေးမကောင်းတာနဲ့ ငါက မင်းကိုပစ်သွားမယ်ထင်နေတာလား
ဘာလို့အဲလိုလုပ်ရက်ရတာလဲ လူဆိုးကောင်ရဲ့ "တရစပ်ထုရိုက်နေပေမယ့် နည်းနည်းလေးတောင်တွန့်ဆုတ်မသွားဘဲ ပိုတိုးဖက်လာတာကြောင့် အသက်ရှူတွေပင်ကြပ်ချင်ချင်။
" ဆောနူးစံ ရင်ထဲ တင်းကြပ်နေသမျှကျွန်တော့်ကိုဆူပြီးသွားရင် ကျွန်တော်ရှင်းပြတာကိုနားထောင်ပေးနော်
မဟုတ်သေးဘူး
ရှင်းပြတာကိုနားမထောင်ခင် အရမ်းလွမ်းနေလို့ ခဏလောက်
နမ်းခွင့်လေးပေးပါဦး "
YOU ARE READING
Blessed-Cursed
Hororကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...