အေးစက်မှုနဲ့ထုံကျဥ်လာတဲ့ပခုံးကြောင့်နီခီ့ကိုအသာအယာတွန်းဖယ်လိုက်သည်။
" တောင်းပန်ပါတယ် ဆောနူးစံသွေးထွက်နေတော့ စိုးရိမ်သွားတာနဲ့ သက်သာအောင်လုပ်ပေးမိတာပါ တမင်အသားယူတာမဟုတ်ပါဘူး "
သူရှင်းပြမှပို၍ပင်နေရခက်သွားသည်။
အင်္ကျီကိုပြန်ဆွဲတင်ရင်း ထွက်ပေါက်ကိုလိုက်ရှာကြရန်နှစ်ယောက်သားတိုင်ပင်လိုက်ကြသည်။
ခုံ ခုံ သရဲ콩콩귀신 သေဆုံးရသည့်ဖြစ်စဥ်ကိုသိလိုက်ရသော်လည်း သူဘာကိုစိတ်စွဲပြီးမကျွတ်လွတ်နိုင်ဖြစ်နေရသည်ကိုစဥ်းစား၍မရနိုင်ဖြစ်ရသည်။
ခုဏလေးတင်မြင်ခဲ့ရသောဖြစ်စဥ်မှာ
ခုံ ခုံသရဲ콩콩귀신ဖြစ်လာသူ ဟယ်ဂျောင်း ဆိုတဲ့ကျောင်းသူလေးရော
သူ့ကိုသတ်လိုက်တဲ့ကျောင်းသားရော ဟယ်ဂျောင်း ရဲ့ချစ်သူ ထယ်ဆော့ဆိုသူရော၃ယောက်လုံးက အသွင်အပြင်ထင်ထင်ရှားရှားမြင်ရတာမို့ သေဆုံးပြီးသူများဖြစ်မည်မှာသေချာသည်။
သူ့ကိုသတ်တဲ့သူလည်းသေသွားပြီပဲ သူက ဘာကိုအငြိုးအတေးတွေဆက်ရှိနေပါလိမ့်။
ဟယ်ဂျောင်း ကိုသတ်လိုက်တာ အခြားတစ်ယောက်ဆိုပေမယ့်
ဟယ်ဂျောင်းချစ်သူ ထယ်ဆော့မှာ ချစ်သူသေဆုံးသွားသည့်အပြင် ထိုနေရာမှာ အခြားကျောင်းသားကျောင်းသူများ၏သံသယဖြစ်ခြင်းကိုခံခဲ့ရတာမဟုတ်ပါလား။
ထယ်ဆော့ကို အခြားသူများကသံသယဝင်စေရန် ဦးဆောင်ပြောသူမှာ လက်ရှိ မင်ဂျီတို့ဆရာမဖြစ်လာမည့်ကျောင်းသူပင်ဖြစ်သည်။
ထိုကျောင်းသူနဲ့လူသတ်သမားကြားမှာ ဆက်စပ်မှုများရှိနေလေသလားမသိပေမယ့် တော်တော်တော့သံသယဝင်စရာကောင်းနေသည်။
တကယ်လို့ ဟယ်ဂျောင်းသာသေသွားရင် သူ့မှာဘာအကျိုးအမြတ်တွေများရနိုင်မှာမို့လဲ။
ရွှေတံဆိပ်ရချင်တယ်ဆိုရအောင်လည်း ဟယ်ဂျောင်းမရှိရင် ရွှေတံဆိပ်ရမယ့်သူက ထယ်ဆော့လေ သူမှမဟုတ်တာ။
တကယ်လို့များ တကယ်လို့များပေါ့လေ အဲဒီ့ဆရာမဖြစ်လာမယ့်ကျောင်းသူက တတိယနေရာဆိုရင်တော့ ဖြစ်နိုင်ချေအများကြီးရှိသွားချေပြီ။
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
