အခန်းထောင့်ဂိမ်း 구석놀이 ဆိုတာ သရဲခေါ်တဲ့ဂိမ်းတစ်မျိုးပါပဲ အခန်းရဲ့ထောင့်တွေမှာရှိတတ်တဲ့တစ္ဆေသရဲတွေက်ုခေါ်ပြီး ဆော့တဲ့ကစားနည်းလို့ပြောရမလား။
ဒီကစားနည်းကိုဆော့ဖို့ လူ၄ယောက်လိုပါတယ်
ဒီကစားနည်းကိုကစားမယ့်အခန်းထဲမှာ ကစားမယ့်လူလေးယောက်ကလွဲပြီး တခြားသူတွေရှိလို့မရပါဘူး
အိမ်မွေးတိရိစ္ဆာန်တွေတောင်ရှိနေလို့မရပါဘူး။
ပြီးတော့ဒီကစားနည်းကိုဆော့နေတုန်း လုံးဝစကားမပြောရပါဘူး။ ခေါင်သူကြီးကသာ လိုအပ်တဲ့အချိန်မှာစကားပြောခွင့်ရှိပါတယ်။
ဆော့မယ့်သူတွေက အရင်ဆုံးသူတို့ရဲ့နာမည်တွေကို သုံးခါအော်ပြီးအခန်းထောင့်တစ်ခုစီမှာနေရာယူရပါတယ် ။
နေရာယူတဲ့အခါ အခန်းထောင့်ဘက်ကိုမျက်နှာမူပြီး မတ်တပ်ရပ်ရပါတယ်
ကစားပွဲစတဲ့အခါ မီးခလုတ်နားအနီးဆုံးလူက မီးခလုတ်ကိုပိတ်ပြီးတာနဲ့
နာရီလက်တံ ဦးတည်ရာ အတိုင်းလမ်းလျှောက်သွားပြီး
အခြားထောင့်မှာရှိနေတဲ့သူရဲ့ပခုံးကိုသွားပုတ်ရပါတယ်
ပုတ်ခံရတဲ့သူကလည်း နောက်တစ်ထောင့်ကိုသွားပြီးနောက်တစ်ယောက်ကိုပုတ်ရပါတယ်
အဲလိုနဲ့အခန်းထဲကလူလေးယောက်လုံး နာရီလက်တံအတိုင်း လှည့်ပတ်နေရင်းနဲ့ ကစားပွဲအရှိန်မြင့်လာတဲ့အခါ ဖြစ်လာနိုင်ချေ၂ခုရှိပါတယ်
ပထမတစ်ခုက ဆော့နေတဲ့သူလေးယောက်ထဲက တစ်ယောက်ပျောက်သွားတာ။
ဒုတိယတစ်ခုက ဆော့နေတဲ့လေးယောက်အပြင် ၅ယောက်မြောက်ကစားသမား(သရဲ) ရောက်လာတာ။
ဆော့နေတဲ့သူလေးယောက်ထဲကတစ်ယောက်ပျောက်သွားခဲ့ရင် ခေါင်သူကြီးက ကျန်တဲ့သူတွေကို သူတို့ရဲ့နာမည်တွေပြောင်းပြန်ရွတ်ဖို့ညွှန်ကြားရမယ်။
အဲလိုညွှန်ကြားလိုက်တဲ့အခါ ဆော့နေတုန်းက အခန်းထောင့်တွေကိုမျက်နှာမူထားရာကနေ အခန်းထောင့်တွေကိုကျောခိုင်းပြီး ကိုယ့်နာမည်ကို ပြောင်းပြန်ရွတ်ရပါမယ်။ အခန်းထဲကလူအကုန်လုံးရွတ်ပြီးသွားတဲ့အခါ မီးခလုတ်နဲ့အနီးဆုံးလူက မီးကိုပြန်ဖွင့်လိုက်ရင် ပျောက်သွားတဲ့သူက ပြန်ပေါ်လာပါတယ်တဲ့။
YOU ARE READING
Blessed-Cursed
Terrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
