" ဆောင်ဟွန်းhyungက ဘယ်လိုသိနေခဲ့တာလဲ Harua က ဂူမီဟိုဆိုတာကိုလေ "
" နီခီ့ခြေထောက်ကို ကုပေးလိုက်ကတည်းကသိနေပြီ။ ဒါပေမယ့် သူကမကောင်းတဲ့ရည်ရွယ်ချက်တော့ရှိပုံမပေါ်လို့ ဒီအတိုင်းပဲသတိနဲ့စောင့်ကြည့်နေလိုက်တာ ကိုယ်က ဂူမီဟိုတွေနဲ့သိပ်မစိမ်းဘူးလေ "
Harua က သွေးနှောဂူမီဟိုဖြစ်တဲ့အပြင် လူသားတွေရဲ့ပတ်ဝန်းကျင်မှာပဲ လူတွေနဲ့အတူတူကြီးပျင်းလာတာမို့
ကျွန်တော်တို့ဝေခွဲမရဖြစ်သွားခဲ့တာဖြစ်သည်။
ကံကောင်းတာက သူ့မှာ မကောင်းတဲ့စိတ်မရှိဘဲ အဖေကိုရှာချင်ရုံသက်သက်သာရောက်လာခဲ့သူဖြစ်နေတာပင်။
" ဟို ဂူမီဟိုကို ဘယ်လိုလုပ်ကြမလဲ "
Harua ကမေးတော့မှ သူ့လက်ချက်နဲ့ သတိလစ်သွားတဲ့ ဂူမီဟိုကိုသတိရလိုက်ကြသည်။
" မြေခွေးအမြုတေယူထားလိုက်ပြီး ဂျယ်ယွန်းရှိတဲ့နေရာကိုမေးရမယ် သူသေချာပြောပြလာရင် အမြုတေပြန်ပေးပြီး သူ့နေရာသူပြန်ခိုင်းလိုက်မယ်လေ "
ဆောင်ဟွန်းhyungရဲ့အကြံကိုအားလုံးက သဘောတူလက်ခံလိုက်ကြပြီး Haruaက ထိုဝူမီဟိုဆီမှအမြုတေကိုယူထားလိုက်ပြီး သတိရလာမယ့်အချိန်ကိုသာစောင့်နေလိုက်ကြသည်။
" ဒီထဲရောက်မှ ဂူမီဟိုဆိုတာကိုသေသေချာချာတွေ့ဖူးတာပဲ
ဂူမီဟိုတွေက မျက်လုံးအကြည့်နဲ့ညှို့တတ်တယ်လို့ကြားဖူးပေမယ့် ခုဏကဂူမီဟိုကျွန်တော့်ကိုညှို့ဖို့ကြိုးစားတုန်းကဘယ်လိုမှမခံစားရဘူး စိတ်ထဲလည်းဘာမှမပြောင်းလဲဘူး ပုံမှန်ပဲ သန့်စင်တဲ့ဝိဉာဥ်ပိုင်ရှင်ဖြစ်တာကြောင့်များလား"
ကျွန်တော်က ဝေခွဲမရစွာပြောမိတော့ Haruaက ခေါင်းခါသည်။
"အဖေကဂူမီဟိုဆိုတာသိပြီးနောက်ပိုင်း ကျွန်တော်ဂူမီဟိုတွေအကြောင်း အများကြီး လေ့လာခဲ့တယ်။
လောကမှာ ဂူမီဟို စိတ်ညှို့လို့မရတဲ့လူသား ၃မျိုးရှိတယ်တဲ့
အဲဒါက
မျက်စိမမြင်တဲ့သူရယ်၊ နှစ်တစ်ထောင်ဂူမီဟိုရဲ့သတို့သားဒါမှမဟုတ်သတို့သမီး ရယ် ၊ နောက်ပြီး တစ်စုံတစ်ယောက်ကိုရင်ထဲကလာတဲ့ အချစ်စစ်နဲ့ချစ်နေမိတဲ့သူရယ်တဲ့
အဲဒီလူသားသုံးမျိုးကို ဂူမီဟိုတွေက စိတ်ညှို့လို့မရဘူးတဲ့လေ။
ဆောနူးhyungက နောက်ဆုံးတစ်မျိုးဖြစ်မယ်ထင်တယ် "
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
