Blessed-Cursed

Arc (5-8)ထူးဆန်းစွာရောက်လာသော 물귀신

နီခီနဲ့နှစ်ယောက်သား ကျောင်းထဲပြန်၀င်လာခဲ့ပြီး Memory stick စတင်ရှာဖွေကြသည်။

ဆရာမ ဟာရူမီက ကျောင်းအုပ်ကြီးဆီမှာရှိနေတဲ့ memory stick က သူ့ဆီရောက်နေတယ်လို့ပြောတာကြောင့် ဆရာမရဲ့အခန်းထဲမှာ ရှာဖွေကြည့်ဖို့ဆုံးဖြတ်လိုက်သည်။

အောက်ထပ်မှာ ယောက်ျားလေးတွေအိပ်ခန်းတွေရှိပြီးအပေါ်ထပ်မှာ မိန်းကလေးအိပ်ခန်းတွေရှိတာဖြစ်သည်။
ဆရာမတွေကတော့ အောက်ထပ်ကလျှောက်လမ်းအဆုံးမှာရှိတဲ့အခန်းတွေထဲမှာ နှစ်ယောက်တစ်ခန်းနေကြသည်။
အခန်းတံခါးတွေမှာ အခန်းထဲရှိဆရာမတွေရဲ့ အမည်တွေကို ကပ်ထားတာကြောင့် ဘယ်ဆရာမက ဘယ်အခန်းမှာရှိနေလဲဆိုတာအလွယ်တကူပင်ရှာတွေ့နိုင်သည်။

ဆရာမအရေအတွက်က မ ဂဏန်းဖြစ်တာကြောင့်
ဆရာမ ဟာရူမီက တစ်ယောက်တည်းတစ်ခန်းသပ်သပ်ဖြစ်နေတာကျေးဇူးတင်စရာပင်။

အခန်းမီးကိုဖွင့်လိုက်တော့ အခန်းတွင်းကိုရှင်းရှင်းလင်းလင်းမြင်လိုက်ရသည်။

ဆရာမဟာရူမီရဲ့အခန်းထဲမှာ ပစ္စည်းသိပ်များများစားစားမရှိဘဲ ရှင်းလင်းသပ်ရပ်နေသည်။

အဝတ်ဗီဒိုတစ်လုံး စာအုပ်စင်တစ်ခု ကုတင်တစ်လုံးနဲ့ ကုတင်ဘေးမှာတော့ အံဆွဲတွေအများကြီးပါတဲ့စားပွဲတစ်လုံးနဲ့ထိုင်ခုံတစ်ခုံ။ အခန်းတံခါးဘေးမှာတော့ဖိနပ်စင်အသေးလေူတစ်ခုရှိနေသည်။

စားပွဲပေါ်နဲ့ စာအုပ်စင်ပေါ်မှာတော့ ဒီဂေဟာမှာသင်ပေးတဲ့
တစ်ခါသုံးပလတ်စတစ်ပိုက်လေးတွေ၊
စွန့်ပစ်ပလတ်စတစ်အ်ိတ်လေးတွေနဲ့ပုံဖော်ထားတဲ့ handmade အရုပ်ကလေးအချို့ရှိနေသည်။
နံရံပေါ်မှာတော့ ကလေးတွေဆွဲထားတဲ့ပန်းချီကားလေးတွေ ချိတ်ဆွဲထားသည်။
ပန်းချီကားတိုင်းရဲ့အခြေမှာတော့
"ဆရာမဟာရူမီအတွက်လက်ဆောင်" ဆိုတဲ့ စာတန်းလေးကိုတွေ့ရသည်။

ကလေးတွေက သူတို့ဆရာမလေးကိုသိပ်ချစ်ကြတာပဲ။

ပစ္စည်းတွေသိပ်မများတော့ရှာရသက်သာတာပေါ့ဟုသာတွေးရင်း ရှာဖွေမှုကိုစတင်လိုက်သည်။
ဗီဒိုထဲက အံဆွဲထဲမှာ အ၀တ်တွေကြားမှာရော အခန်းထဲကရှိရှိသမျှနေရာအားလုံးထောင့်စေ့အောင်ရှာဖွေပြီးပေမယ့် memory stick ကိုရှာမတွေ့ပေ။