အချိန်ပိုပြီးလို့ ညနေ၆နာရီလောက် အိမ်ပြန်မယ်ပြင်လိုက်ပေမယ့် Hanni က မပြန်သေးဘဲ နောက်ထပ်နာရီဝက်လောက် နေခဲ့ပြီး တွက်လက်စပုစ္ဆာတွေ ပြီးမှပဲပြန်မည်လို့ဆိုလာသဖြင့် Hanni တစ်ယောက်တည်းကျန်နေမှာစိုးတာကြောင့် မင်ဂျီလည်း driver ဦးလေးကြီးကို စောင့်နေပေးဖို့ဖုန်းဆက်လိုက်ပြီး Hanni ကိုအဖော်ပြုရင်းစာဆက်လုပ်နေလိုက်သည်။
ကျန်တဲ့သူတွေက ပြန်သွားပြီဖြစ်လို့ ကျောင်းခန်းထဲမှာ နှစ်ယောက်တည်းကျန်နေခဲ့သည်။
ရုံးခန်းထဲမှာရှိနေတဲ့ဆရာမရယ် ကျောင်းဂိတ်ဝမှာစောင့်နေတဲ့ ကျောင်းစောင့်ဦးလေးရယ်ဆိုရင်တော့ တစ်ကျောင်းလုံးမှာ ၄ယောက်ပေါ့။
စာလုပ်နေရင်း piano တီးသံကြားလိုက်ရသည်။
အစကတော့
Hanni ဖုန်းက သီချင်းဖွင့်ထားတာများလားလို့တွေးလိုက်ပေမယ့် Hanni က ရုတ်တရက်
" မင်ဂျီ သီချင်းဖွင့်ထားတာလား " ဟု မေးလာသည်။
သီချင်းဖွင့်ထားတာမဟုတ်ကြောင်း Hanni ကို ပြန်ပြောရင်းနဲ့ piano သံကိုနားထောင်ကြည့်လိုက်တော့ ကြားဖူးနေကျ နာမည်ကြီးသီချင်းတစ်ပုဒ်ကိုတီးနေကြောင်းသိလိုက်ရသည်။
Big Bang ရဲ့ Haru Haru....
သီချင်းကိုသိသွားတော့နှစ်ယောက်သားတစ်ယောက်မျက်နှာတစ်ယောက်ကြည့်လိုက်မိသည်။
နေ့လည်ကမှဆရာမပြောတဲ့ဇာတ်လမ်းထဲမှာ သေဆုံးသွားတဲ့ကျောင်းသူလေးက piano တီးပြီးသီချင်းဆိုရတာကြိုက်တတ်ပြီး အကြိုက်ဆုံးသီချင်းက Big Bangရဲ့ Haru Haru. ဖြစ်ကြောင်းကြားခဲ့ရတာမဟုတ်လား။
အခုလိုတစ်ခန်းလုံးမှာ ၂ ယောက်တည်းရှိနေပြီး တိတ်ဆိတ်နေတဲ့ညနေစောင်းအချိန်မို့ ကြားရတဲ့piano သံက ခြောက်ခြားစရာကောင်းနေသည်။
" စာအုပ်တွေမြန်မြန်သိမ်းလိုက်တော့ ပြန်ရအောင် "
နှစ်ယောက်သားစာအုပ်တွေသိမ်းလိုက်ပြီး ပြန်ဖို့ပြင်နေစဥ်မှာပင် piano သံ ရပ်သွားပြီး ထူးဆန်းသောအသံကြီးတစ်ခုကြားလိုက်ရသည်။
" ခုံ ခုံ ခုံ "
ကြမ်းပြင်ကိုတစ်ခုခုနဲ့ရိုက်ခတ်နေသံကြီးဖြစ်မည် ဟုတွေးလိုက်မိချိန်မှာ ဆောနူးအိုပါးသတိပေးခဲ့တာကိုပြန်ပြီးသတိရလာသည်။
အခုအချိန်စာသင်ခန်းအပြင်ထွက်ပြေးရင် ထိုတစ္ဆေနဲ့တည့်တည့်တိုးနိုင်တာကြောင့် အိုပါးပြောသလို စာသင်ခုံအောက်မှာပဲမျက်စိကိုမှိတ် အသက်ကိုသတိထားရှူရင်း ပုန်းနေဖို့သာဆုံးဖြတ်လိုက်သည်။
YOU ARE READING
Blessed-Cursed
Horrorကင်ဆောနူးဆိုတဲ့ကောင်လေးက သရဲတစ္ဆေတွေကိုမြင်နိုင်တဲ့အစွမ်းရှိတဲ့ကောင်လေးတစ်ယောက်ဖြစ်ပြီး သေမင်းကတောင်ဝိဉာဥ်မကောက်နိုင်လောက်အောင်အငြိုးအတေးကြီးတဲ့သရဲတစ္ဆေတွေကို ကျွတ်လွတ်အောင်လုပ်ဆောင်ပေးဖို့တာဝန်ပေးခံခဲ့ရတယ်။ သူ့ရဲ့ဆရာဂျပန်ဘုန်းတော်ကြီးက ထူးဆန်းစွာပဲ...
