Blessed-Cursed

Arc(2-3) ၆လွှာက 콩콩귀신

နောက်ဆုံးတော့ မင်ဂျီတို့​ကျောင်းရဲ့ ယခင်ကျောင်းအဟောင်း ဘာကြောင့်ပိတ်လိုက်ရသလဲဆိုတာစုံစမ်းဖို့ အဖေ့အတွင်းရေးမှူးကိုအကူအညီတောင်းလိုက်ရသည်။

အတွင်းရေးမှူးက အမြန်ဆုံးစုံစမ်းပြီး ပို့ပေးလာသောအချက်အလက်များကိုကြည့်လိုက်မိတော့ တော်တော်လေးအံ့သြသွားရသည်။

ယခုကျောင်းအသစ်မှာ လွန်ခဲ့သော၁၀နှစ်ခန့်ကမှပိတ်ထားသော ပုဂ္ဂလိကပိုင်ကျောင်းအဟောင်းကြီးကိုဝယ်ယူပြင်ဆင်ဆောက်လုပ်ပြီး International High School အဖြစ်ဖွင့်လှစ်ထားခြင်းဖြစ်သည်ကိုသိပြီးဖြစ်သည်။

သို့သော် ကျောင်းအဟောင်းပိတ်လိုက်ရခြင်းအကြောင်းအရင်းမှာ လွန်ခဲ့သော ၁၅နှစ်က ကျောင်းသူတစ်ဦး ၆လွှာမှ ခုန်ချသတ်သေသွားပြီးနောက် ထိုနှစ်တွင်ပင် ထိုကျောင်းမှ သေဆုံးသူကျောင်းသူနှင့်စာသင်နှစ်တူ အတန်းတူ အခန်းဖော် ကျောင်းသားတစ်ဦးကိုလည်းနေအိမ်တွင်သေဆုံးလျက်ရှိသည်ကိုတွေ့ရခဲ့ရသည်။

ထို့နောက် ထိုကျောင်းတွင် သေဆုံးသွားသောကျောင်းသူက သူ့ရဲ့အမျက်ဒေါသတွေကြောင့် တစ်ကျောင်းလုံးကိုခြောက်လှန့်နေတယ်ဆိုတဲ့သတင်းနဲ့အတူ ကျောင်းသားတွေကျောင်းပြောင်းကုန်တာမို့ ထိုစာသင်နှစ်ပြီးတာနဲ့ ကျောင်းကိုပိတ်ပစ်လိုက်ရသည်အထိဖြစ်သွားခဲ့ကြောင်းသိလိုက်ရတော့သည်။

ထိုအချိန်မှစပြီး ကျောင်းကြီးကိုပစ်ထားခဲ့ရာ ၅နှစ်အကြာမှ အဖွဲ့အစည်းတစ်ခုကဝယ်ယူသွားပြီး အဆောက်အဦးတွေအကုန်လုံးကိုအသစ်ပြောင်းလဲဆောက်လုပ်လိုက်ပြီး ယခုလက်ရှိကျောင်းကြီးအဖြစ်ဖွင့်လှစ်လိုက်တာဖြစ်သည်။

၆လွှာမှ ခုန်ချသတ်သေသွားသည်ဆိုသောကျောင်းသူပုံလေး
နှင့် ထိုစာသင်နှစ်က သေဆုံးသွားသူနှစ်ယောက်ပါဝင်သော အထက်တန်း နောက်ဆုံးနှစ် အခန်းA က ကျောင်းသားကျောင်းသူများစုရိုက်ထားသောပုံလေးကိုပါတွေ့လိုက်ရသဖြင့် သေချာကြည့်လိုက်မိရာ

ဟင်

ဒါ ဒါက မင်ဂျီ့သူငယ်ချင်း Hanni..
ဒါကရော ဒါက မင်ဂျီတို့ဆရာမ..