مراهقة والاربعيني بلهجة جزائرية

جزء 13

#المراهقة و الأربعيني:

#الجزء13:

دخل الحاج  قالي وين راهي أم سعد قلتلو راحت لبنتك رايحة تزيد قالي و شكون رايح يطيب الحوت أنت؟ درتلو براسي إيه قالي   راني رايح نقعد مع سعد و بعد صلاة الجمعة ان شاء الله نجي نقي الحوت مليح و ديريه بنين و خرج قتلو في قلبي الله لا تربحك ما صبت وقتاش تتشهى الحوت غير ليوم كي راحو كامل.
قعدت نخزر فهديك الحوتة لي جابها فمها مفتوح و عينيها مشرعين و تترعد وحدها جايبهالي قد كرشو ياربي هادي كيفاش رايحة نقيها و نطيبها.
حكمت صاشي وموس كبير و قطعت راسها ياحي يا عمري راح نصها خلي برك باين بلي ما رايحينش ياكلو الراس قلت نزيد نقطع الذيل هكدا خير تولي على شكل مربع و جي شابة كي قطعتو عرفت بلي عميتها هادي خلاصت وش قعدت فيها.
جيت نقشرها ما عرفت منين نبداها غير نمسها تزلق من يدي بلاما نحكي على الريحة لي صرعتني انا هكداك حتى نسمع في واحد جاي للكوزينة دخل صراع وقف عند راسي قالي وين راحو ماكاين حتى واحد؟ قتلو راحو قالي وين راحو؟ قتلو وليد فطيم مات و راحت الحاجة للجنازة و خالتي أم سعد راحت لنويزك رايحة تزيد و ابوثرب اااا .. نسيت مانعرف المهم راحو كامل. أنا لاتية بهمي و هو يسقسي و يعاود قالي يا بنتي اهدري مليح وشنو ابو ثرب ... نويزك ... فطيم ...شكون هادو قتلو يا عمو اسماواتم هكدا علاش جبتهم من جيبي ناض يضحك قالي صحا نوال وين راحت راكي وحدك فالدار؟ قتلو نوال رفدت روحها و راحت لدارهم قالي علاش قتلو قالت لسعد كيفاش خوك يضرب وليدك و انت ساكت و داوسو و راحت قالي و انت كنت تتصنتي عليهم؟ وش قتلك لبارح؟ قتلو يا عمو أنت سقسيتني و أنا جاوبت ما تصنتش هوما عياطهم كان يتسمع من طاطاوين حبيتني نغلق ودنيا؟
ناض يضحك هههههههه قالي صحا و الخالوطة لي راكي دايرتها هنا وشنو؟ قتلو راك تشوف ليوم الحاج تشهى الحوت و حصل كلشي في راسي ما عرفت منين نبداه، قالي صحا دوك راني رايح نصلي صلاة الجمعة كيفاش نخليك وحدك فالدار؟ حتى حرب و حلا راحو لخوالهم.
ما رجعتلوش و قعدت نخزر فهديك الحوتة حبيت نبكي هو مشى شويا ووقف  في العتبة تع بابا الكوزينة و عطاني بظهرو قتلو عمو نسقسيك قالي وشنو قتلو هادي كيفاش نقيها و الله ما نعرف، قالي و انت شكون لي قالك ديريلنا الحوت قتلو أم سعد، ضحك حتى بانت سنانو ههههه قرب و قعدت يخزر قالي يا بنتي وين راهو راسها؟ ههههه قتلو علاش نتوما تاكلو حتى الراس؟! قالي حتى الذيل و نحيتيه؟ ههههه قتلو عمو دوك قولي برك كيفاش نحي القشور جاتني صعيبة قالي يا بابا علاش نتي خليتي فيها قشور قلبتيلها خليقتها قتلو ليوم الحاج ما يخليليش وش يسلكني من أم سعد، قالي نوضي نوضي اليوم ربي ما كتبليش الصلاة فالجامع اطلعي جيبيلي حوايج باش نبدل اغسلي قبل يديك من الريحة.
رحت نجري غسلت و جبتلو حوايجو دخل لشومبرة الحاجة لبس و دخل للكوزينة خزرت فيه ما كنتش منتبهة بلي شباب هكدا كنت مركزة من قبل غير على عمرو بلا ما نحكي على ريحتو لي معبقة الدار كلما يدخل.
كانت أول مرة في حياتي نقعد مع راجل براوي وحدنا في الدار، وقف و قاعد يقشر و مرتاح ماشي كيما انا ما كنتش الاز.
نقاها و قالي ارحيلي الثوم رحيتو منبعد ملحها و دوزنها و قال شعلي الفور خليه يسخن باش دخليها قتلو اوكي
منبعد قالي روحي جيبيلي نغسل رحت نجري جبتلو هو يغسل و أنا مركزة على ريحتو عجبتني بزاااف قتلو عمو وسمو البارفا ديالك ريحتو شابة، تبسم و قالي boss قتلو عيب وشنو هاد الاسم قالي أنت عقليتك ناقصة هادي الماركة تع الريحة لي سقسيتي عليها ماشي الشي لي راهو يدور فراسك قتلو ما يحشموش خلاصت عليهم الأسماوات؟ ناض يضحك و جا رايح قتلو وين راك رايح؟ قالي نروح نقرا شويا قرآن ربع ساعة و تقوم الصلاة ما تنسايس كي يسخن الفور دخليها طيب قتلو ايه.
دخلت دوشت بالخف و خرجت سمتعو يجود القرآن حتى الآية و حفظتها  بصوتو... (الم اعهد اليكم يا بني ادم انّ لا تعبدو الشيطان انه لكم عدوا مبين)
عجبني كيفاش كان يقرا منبعد دخلت للكوزينة يايماااااااا القط كلا الحوت حاوزتو و غلقت الباب و رحت نجري لعند صراع قتلو يا عمو القط كلا الحوت سلكني قالي و انت علاش ما غلقتيش الباب موراك يا لالة؟ قتلو و انا وين علبالي بلي عندكم القطوط ما قتليش هدا كامل على جالك قالي شوف اسيدي دوك حصلتيها فيا حق الخير ياك قتلو يا عمو تعيش سلكني راني في حمايتك ناض يضحك قالي كلا كلشي؟ قتلو كلشي قالي انا عادي ما تتقلقيش من جيهتي ما نتغداش بصح دبري راسك مع الحاج ما عندي ما نديرلك حكمتو من يدو يا عمو تعيش راني في حمايتك و هو ارواح انت و شدو من الضحك عمري ما سمعتو يضحك هكدا موالف غير يعيط ما علباليش هداك النهار وش خداه لي نهدرها يضحك عليها.
قعد يضحك حتى ولا يسعل رحت نجري جبتلو كاس ما قتلو و هاني جبتلك الما في كاسك لي تحبو سلكني برك شرب و قالي يتسمى رشوة هههههههههه
قالي نوضي نقي السكوندال لي درتيه فالكوزينة نصلي الظهر و ندبر راسي.
راح يصلي و انا غسلت كلشي حتى وليت نقطر بالما و عاودت دوشت و بدلت و هو كمل صلاتو و خرج أنا نشف في شعري في شومبرة الحاجة و هو دخل قالي بصحتك قتلو يسلمك قالي ادا كملتي ارواحي معايا للكوزينة رحت صبتو جاب ربع حوتات مشوية و خبز تع الجلجلان و بيض و عفايس وحدوخرين طايبين واجدين قتلو يا عمو و الله ما علبالي كيفاش نجازيك سلكتني و من الفرحة بستو ضحك و مسح على راسي قالي بابا دوك تتعلمي بلعقل. قتلو نحط الماكلة قالي اصبري حتى يجي الحاج و يما و لا نقولك نزيد نعيط لهيام جي تتغدا معانا و لا نديلها حقها، قتلو لوكان غير تعيطلها جي خير و الله كي ما تكونش هنا فالدار غير نتقلق قالي خلاص دوك نعيطلها.
وجدت الطابلة و غطيت الماكلة حتى سمعتو يعيطلي قالي ليليان اغلقي الباب و طمي الصواشي و ليزاسيات جوتابل قتلو ايه كي كملت جيت نحطهم فلابوبال جا مورايا قالي خلي دوك انا نديهم.
خرج رماهم و دخل قالي انت ديري الديڨات و انا حصليني نكوفري عليك راني رميتهم لا من شاف و لا من درا نضت نضحك ههههههههه.
رحت للشومبرة تكسلت في بونك الحاجة شعلت التفزيون كانوا دايرين غنية نحبها زدت الصوت شويا و قعدت نسمع حتى نسمع فيه يعيط وشنو هذااااا الصوووت.. و دخل نضت من بلاصتي قالي وشنو هد الأغاني نقصيلو، انا من الخوف طفيت التلفزيون كامل....
يتبع....