مراهقة والاربعيني بلهجة جزائرية

30

#المراهقة و الأربعيني:

#الجزء30:

دخلت لشومبرة الحاجة و فرشت ليا و لحرب و رقدت، حلا راقدة في بلاصتها بصح ما نهدروش مع بعضانا، صراع قعد زعفان منها ما ضربهاش بصح ما يهدرش معاها نحالها  التلفون و منع خطيبها يجي يشوفها حتى لنهار العرس، إخلاص ولات كل يومين جي تخلي التلفون عند حلا و ما تروحش حتى للعصر و كانت تستغل أي فرصة باش تهدر مع صراع هو يقولها بنت عمي و هي تقولو إبن عمي رجعوهالنا باب الحارة 😑 حتى قلقوني، لالا و تزيد تستفرد بيه حقا حقا ديرها سبة باش تقنعو يهدر مع بنتو و يسمحلها بصح هو ما حبش.
وحد النهار دخل صراع للدار من الخدمة تكسل في شومبرة الحاجة و قعد يحكي معاها حتى نعس قالي أنا رايح نرقد هنا عجزت نطلع للشومبرة طلعيلي برك التلفون لفوق حطيه فلاشارج، ديتو كي لحقت بدا يصوني خرجلي اسم (بنت العم) قاعدة نكوبيلها 5 خطرات منبعد بعثتلو ميساج  (علاش ما راكش تواجب؟) انا هداك وين فتحت الميساج عاودت عيطت قست لاتوش رفدت بلخف عاودت كوبيت زادت بعثت ميساج وحدوخر ( واقيل قلقتك حبيت برك نستفسر على الشي لي قتلك عليه تعيش واجبني) غست و قلت في قلبي هدا وش راهو يلعب من مورايا بعثتلها مساج قلتلها (بنت عمي فيقي لعمرك و احشمي شويا مادام راني نكوبي علاش راكي تنسيستي) ياحي يا عمري هداك وين زادت عيطت فوق ال10 مرات منبعد بعثت.. ( وش صرالك أبو حرب في هديك الساعة كيفاش كنت معايا وش بدلك عليا دوك) بعثتلها ( والله هذا الموجود بنت عمي و الشي لي في بالك غير انسايه) رجعتلي قالتلي (والله ما حق عليك أنت واعدتني و دوك درت عليا و أنا تاكلة عليك ما توقعتهاش منك أبو حرب)
فاصيت كامل لي ميساج و حبطت قعدت نخمم وشنو هي الحاجة لي حبتها إخلاص من صراع و واعدها ملفوق و انا لا خبر.
حطيت مخدة تكسلت قدامو قابلتو و قاعدة نخزر في وجهو و نخمم حتى فتح عينيه قالي وش تبحرلك في وجهي و تحوسي عليه؟ حشمت و نضت بلا ما نقول والو قالي وشبيك احكيلي...سكت قالي وجديلي لاتاي بيدما نطلع ندوش.
خرج و أنا قعدت نتبع فيه بعينيا، كي كمل الدوش صابني في شومبرتو نستنى فيه غير فتح الباب حطيت يديا في جنابي كنت معولة عليه الموسيو دخل يدوش باش يروح يتلاقاها يااااه، شفتو غير بالسربيتة درت بلخف كي لبس جا قدامي قالي وش بيك ماراكيش في حوالك كاش ما كاين؟ عاودت درت ليه و درت يديا في جنابي قتلو انت لي قولي وش كاين؟ قالي فهميني و نقولك وش حبيتي قتلو وين راك رايح؟ قالي رايح للنادي كاش ما تحتاجي؟ قتلو شوف لوكان نعرف كاش ما راك مخبي عليا و لا لاعب بذيلك احلم باش نسامحك، كان يمشط في شعرو دار ليا مشوكي قالي راكي تهدري معايا؟!!  قتلو يمال مع خيالك؟ عقد حواجبو قالي و تهديني؟ رمى المشطة فوق لاكوافوز و جبد طابوري قعد و قالي ارواحي نشوف وش حكايتك فهميني وش راهو يدور في راسك، مع اللول خفت منبعد درت كوراج قتلو وشمن شغل عندك مع بنت عمك؟ قالي وش من شغل؟ قتلو سقسي روحك قالي و انت وين علابالك؟ قتلو من التلفون لي ما سكتش و لالة مولاتي تعيط و تعاود، ناض يجري لتلفونو قالي وش درتي يا المخبوطة قتلو سقسي روحك وش راك دير مورايا، رفد تلفونو عيط جيت نهدر قال ألو أم عمر ختي وش راكي... و أنا حطيت يدي على فمي ماشي اخلاااااص و هو عض يدو و دارلي جاست بيدو تع هاو وجهي دوك نتفاهم معاك و أنا تقول واحد دفق فوقي بيدون زيت مت بالخوف، كمل يهدر فالتلفون و يحلف فيا بيديه فهمت بلي قصداتو في افار تع كوارط و هو ما صحلوش الوقت مع لخر قالها اسمحيلي كنت راقد و الدراري لعبو بالتلفون، جيت هاربة دارلي بصبعو ولي لبلاصتك، بديت نرجع بلعقل للور باش نفتح الباب حتى شفتو ضحك و يقول اسمحيلي .. ما يكون إلا خاطرك .. إيه ههههه بالاك .. و بدا يقرب ليا و قالها إيه مازالت مراهقة و حصلت فيها وش رح ندير.. و دارلي بصبعو ما تخرجيش و كمل يهدر إيه ديريلي كابتور و ابعثيهملي .. لالا كيفاش ما صرا والو يلزم نفهم و نحاسبها مام مراهقة .. صحا صحا في أمان الله مرحبا بيك في أي وقت و كوبا.
حكمني من يدي و انا جمدت في بلاصتي قالي وش درتي؟ قتلو ما درت والو صونا تلفونو فتح الكابتور فيه لي ميساج عقد حواجبو و هو يقرا  منبعد خزر فيا قالي شكون لي سمحلك تخربي في تلفوني شحال من مرة حذرتك؟ قتلو و الله ما نزيد نعاود قالي ما تحشميش انت ما خممتيش كيفاش رايح يكون موقفي مع بنت عمي كي بعثتي لي ميساج وش كان يدور في راسك؟ قتلو عمبالي إخلاص قالي وش دخلك في شغالاتي و تلفوني و رمى التلفون فوق البونك، يهدر و يهز فيا، قالي انت ما عندكش مخ تخمي بيه؟ كيفاش تبهدليني و تصغريني قدام الناس هكدا؟ كي شفتو مقلق بزاف نضت نبكي و حضنتو قتلو و الله ما كان علبالي بلي هادي، شدني من شعري و بعدني على صدرو قالي انطقي وش ندير معاك دوك؟ قتلو ايه اضرب اضرب وش رايح دير لوكان عندي ماليا ما يخليوكش تضربني بصح وش حبيتني ندير ما عندي حتى واحد، عقد حواجبو و قالي يا ودي وش راكي تخرطي أنت؟ كي شفت ما فادش البكا معاه، حطيت عيني في عينو و قتلو إيه من حقي ما نقبلش يكون كونتاكت ما بيناتكم و لي تزيد تبعثلك نبعثلها انت راجلي وحدي و لي تقرب ليك نقطعها، رخى يدي على شعري و حسيت الضحكة في عينيه قالي انت مهبولة على روحك.. عنقتو و نضت نبكي قتلو و الله انت ديالي وحدي.. ضحك حوطني بيديك و حضني قالي وقتاش تكبري و تستعقلي قتلتيني، باسني مور ودني و بعد قالي شوفي هد المرة نجوزهالك بصح و الله العظيم يا ليليان و تزيدي تدناي لتلفوني غير واحد ما يسلكك من يدي حضنتو و قتلو أوكي، بعدني و حكمني من حناكي قالي هدا وش نلت منك غير أوكي و إيه و انعم و معليه بصح ماكاش حاجة راكي دايرتها سواسوا، عقدت حواجبي و قتلو علاش؟ تبسم باسني و وقف قدام لمرايا سقم روحو و خرج حبطت موراه، كي خرج للڨاراج سمعتو يهدر مع نائل و صوت كلب فالجنان، خرجت نشوف صبت نائل جاب كلب صغير و حرب فرحان بيه، قتلو نائل هدا تعمن؟ قالي تع صاحبي خلاه عندي يامات بيدما يرجع، رفدتو و حطيتو في حجري و حرب واقف قدامي و يمسح على شعرو و صراع قعد فالكرسي و قابلنا، قالي حرب ردي بالك ليليان يعضك قتلو لالا ما يعضش كان عندي واحد بصح كي مات بابا الله يرحمو باعو يحي، حكمت ودنيه و قاعدة نلعب معاه و نقولو حبيبي نطق صراع قالي حبيبك كلب؟! الله لا تربحك، ما برونشيتلوش كي قتلو هدا عمري هدا بابا خزر هو و نائل في بعضاهم و كلاطاو بالضحك قالو نائل و الله ياخويا هادي تع بابا غير شويا ههههه لتم فقت لروحي وش هدرت ضحكت تبهديلة ههههه ضحكت الحاجة و صراع ناض قرب ليا قالي و كي نقولك بنت الكلب تزعفي و مع لخر ظهر الكلب هو باباك، داقتلي بصح ما بينتش قعدت نلعب مع الكلب و نضحك، هو خرج و أنا كي قرب المغرب عيطتلي نور نعاونها فالعشا، شويا هكدا دخلت علينا حلا دارت يديها في جنابها و قالتلي وين راهو تلفونك؟ قلتلها علاش؟ قالتلي نحتاجو عندك مانع؟ قلتلها بصح قوليلي وش ديري بيه ديك النهار باباك قريب قتلني غير على جال كي بعثت لصاحبتي ماشي ديري كاش حاجة و أنا تحصل فيا قالتلي دوك تمديلي و لا لالا قلتلها اووووه روحي راهو في شومبرة الحاجة بصح يكون في علمك كاش حاجة ولا نقولو حلا، قالتلي بيعي و تشوفي قلت امشي قالتلي معامن راكي قلتلها على الكلب لي عندنا علاش انت كلب؟! قالتلي راني قتلك جربي تهدري و تشوفي قلتلها خايفة منك واقيل نطقت نور قالتنا اسكتوا قلتلها و الله غير نبيع لصراع عليها قالتلي ليليان انساي هد الحكاية و ردي بالك كاش ما ديرلك احملي قعدلها شهر و تروح لدارها.
كملنا العشا و جوايه ال11 جا صراع و تلفوني مازالو عند حلا، حط الصاشي تع السقايط قدام الحاجة و ڨصر معاها شويا منبعد قالي ليليان طلعي التلفون حطيه فلاشارج، طلعت قعدت نلعب بيه دخل هو بدل و جا تكسل قدامي قالي وين راهو تلفونك حتى راكي مستعمرة تلفوني، كنت لاتية نلعب بلاما نفيق قتلو راهو عند حلا، عقد حواجبو و حط يدو على التلفون قالي وش راهو يدير عندها قتلو اااا تلعب بيه ضاق خاطرها، قالي نوضي جيبيه دوك قوليلها باباك يحتاجو، رحت ليها قلتلها انخلعت قالتلي قلتيلو راهو عندي؟!  قلتلها يمال حبيتيني نكدب، قالتلي ياوحد المسمومة بيك غير باش يضربني قلتلها علاش وش رايحة نستفاد؟! علاش عمبالك كامل الناس كيما انت صحا جيبي جيبي التلفون، قالتي اصبريييي.. ما نعرف وش فاصات منبعد رماتو على وجهي حتى طاح خزرت فيها رفدتو و دخلت لصراع عطيتهولو دخل انستڨرام صابها ديزانستالاتو قالي إدا دومونداتو فالنهار باش تهدر مع خطيبها اعطيهولها بصح فالليل ممنوع قتلو علاش وشنو الفرق أصلا أنا ما نحتاجوش فالليل نرقد، قالي ديري كيما نقولك قتلو صحا علاش ما ترجعلهاش التلفون؟ حكملي يدي جبدني ليه قالي ما تعييش مخك بهاد الحكايات خمي غير فيا، تبسمت، قعدت عندو كي رقد جبدت روحي بلعقل و حبطت رقدت مع حرب.
غدوا منداك ما نضتش بكري رجعت نوض على ال9 حتى و كاش ما يقولو وليت ما نبرونشياهمش و نثقلهم المهم راحتي، حبطت حلا مشنفة قعدت فالدروج و قالتلي اسمعي انت روحي وجديلي الفطور قلتلها روحي ترقدي حبيبتي مازالكي تحلمي، ناضت جاية ليا عيطت عليها الحاجة حلاااااا وش بيك صبحتي معولة على الشر؟ قالتلها إيه صبحت معولة على الشر و لوكان ما تنوضش ديرلي نفطر نمرمدها، قالتلها وش خداك عمبالك باباك راهو ناسيلك كي شفتيه مهدن و لا جلدك راهو ياكل فيك ليوم قالتلها إيه راهو ياكل فيا وش دخلك قالتلها تقادريني و لا نوض نقطعلك لسانك، دارت ليا قالتلي روحي وجديلي الفطور قلتلها مارانيش الخدامة ديالك هنا فهمتي عندك يدين حركيهم، جات حكمتني من الكتف عيط عليها نائل حلاااااااا وش كاين قالتلو عمو حبيت نفطر قالها تاكلي الرهج هاي الكوزينة قدامك واحد ماشدك تحركي يلا.
طلقتني و راحت قالي وش بيها هادي قتلو ناضت قالت راني معولة على الشر، رفع صوتو قالها لوكان تشوفي الشر لي راني مخبيه في قلبي عليك إدا حبيتي نخرجو ماشي مشكل سكتت، خرجت أم سعد قالتلو خليك من دواس النسا يا وليدي وش دخلك فيهم، قالها المر لي تضارب فهاد الدار ظهرها نكسرهولها و خرج، قالتلي حتى وليدي و جبدتيه ليك يا وحد السحارة، سكت عليها.
كملت حلا فطورها و خرجت قالتلي حوايجي راهم فالصالدوبا واش ما تغسليهمش؟ قالتلها تعيفنا لالة لي ماعندهاش الأصل، قلتلها نروح نشعل الماشينة بصح ماشي على جال حوايجك قالتلي بنت الميزيرية فالحة غير باش تبيعي لبابا بصح مانيش ناسيتلك اصبري عليا برك و الله ماني خارجة من هد الدار حتى نجنيك منها قلتلها لي تقدري عليه ديريه، بقات تمشي و تسب و تعاير سكت عليها ما واجبتهاش كيما قالتلي نور قعدلها شهر و نتهنى منها.
دخلت هيام تنهت السخانة، جابت حوايج للحاجة من عند الخياطة، قالتلها انت علاش راهو صوتك ينسمع ملبرا قالتلها انت واحد ما هدر معاك ما دخليش روحك، الحاجيه كانت تصلي رفعت صوتها ااااااااالله اكبر.. قالتلها هيام انت ما تحشمي من حتى واحد دوك؟ قالتلها كيما نحب لي عجبو اهلا وسهلا و لي ما يعجبوش هداك الباب يفوت جمل، هي قالت هكدا و هيام نحات صباطها و طاحت عليها بالضرب، نور جاتها على قلبها و أم سعد دخلت لشومبراتها ما دخلتش روحها و الحاجة بدات تعيط و تقولها هيام اطلقيها خليك منها بالسيف باش سلكتها منها، طلعت لشومبرتها تبكي و تعاير و هيام قعدت ترجف فالهول و تقول لوكان ما نخليش باباها يعاودلها التربية مانيش أنا و راني قاعدة هنا و نشوف كيفاش تحاوزني هد الكلبة شحال من مرة نقولها يا يما ما تخليهاش تروح عند خالاتها راهي جيب غير فالطبايع العيانين بصح هي دير رايها و تتوسطلها عند صراع باش يخليها، منبعد دارت ليا قالتلي و انت كي البروتية ما تعرفيش تنوضي ليها تكسريلها فمها قلتلها هي تغلط معايا و يرجعوني انا الظالمة يمال لوكان نضربها كيفاش، قالتلي علواش ضاربت معاك حكيتلها قالتلي معليش ياك يجي باباها، و الحاجة تهدن فيها و تقولها ما توصليهاش لصراع.
على ال3 دخل صراع من الخدمة عيان قعد قالي ليليان جيبيلي ما بارد، جببتلو حكم الكاس و همسلي قالي وش كاين الحالة ماراهيش تعجب قتلو ماكاين والو و شريت لهيام تع راهو عيان ما تقوليلوش دوك فهمت.
رحت وجدتلو الغدا و هو طلع دوش ريح شويا و عاود حبط حس بلي كاينة حاجة، قعد قال وش كاين؟ الحاجة خزرت في هيام
و تعض في صبعها تع ما تقوليلوش بصح هيام ما سكتتش قالتلو شوف خويا أنا جيت الصباح جزت للفارماسي و الخياط على جال يما و يلزمني نرجع لولادي خليتهم بلا غدا بصح قلت قبل ما نروح نعلمك لخطر لوكان تخليها على يما تتحرق الدار و ما تحكيلكش بصح خلاص لحقت للعظم، كان متكلي تقعد و سڨم روحو قالها خير أم علي وش صرا؟ قالتلو شوف خويا أنا مارانيش نهدر على روحي، بنتك غلطت معايا و هدرت كلام كثر من فمها ضربتها و بردت قلبي بصح انا راني على هادي و خزرت فيا قالتلو هي طايحة تسب و تعاير فيها و في ماليها و هي ساكتة و زادت ملفوق تتأمر عليها و تقولها اخدمي عليا، قالها أم علي بجاه ربي قوليلي وش هدرت معاك حلا قالتلو انا خلاص خديت حقي منها بصح بنتك يلزملها تربية قالها هيااااام ما تخرجينيش من عقلي سقسيتك واجبيني قالتلو انا نوض نروح لداري خير، دار ليا قالي ليلياااان وش هدرت معاها؟ انا قلبي حبس و هيام و الحاجة يشرولي باش ما نهدرش هو بدا يعيط انطقييييي قتلو حلا غلطت معايا و هيام رجعتلها حلا قالتلها لي ما يعجبوش الحال الباب يفوت جمل .. انا غير قلت هكدا ضرب الطابلة برجلو و طلع يجري ليها لحقناه وهيام عيطت عليا قالتلي حابسة علاش هدرتي قلتلها يمال حبيتي أنا لي نخلصها، دخلنا موراه صبناها واقفة فوق البونك و تقولو و الله ما أنا يا بابا هي أنا ما درت والو و هو يتعنكر فيها و يقولها احبطي ما تعيينيش، شداتو هيام قالتلو بجاه ربي على وجهي تعيش، نحالها يدها و دار لينا قالنا اخرجووووو و لا نقتلكم معاها، وقفنا عند الباب و الحاجة تعيط ملتحت ياوليدي ما نقدرش نطلع خلي الطفلة راهي رايحة عروسة.
جبدها من يدها و طاح عليها بالكفوف، جات هيام تسلكها عيط عليها قالها بعدي، جبدها من شعرها و كركرها لشومبرة عابد و هي تعيط و تحلل، غلق عليها الباب و قال و الله و نسمع بيها حبطت لتحت و لا خرجت من هاد الشومبرة غير نفرغ حبة في راسها نساميها ليماها.
راح لشومبرتو و نائل خرج قال جيت نخرج نسلكها بصح قلت تستاهل خليه يربيها كثرت على ما وصاوها.
حبطت هيام و انا رحت للشومبرة جيت ندخل خفت منو وليت حبطت لتحت صبت هيام تلوم في روحها و تقول وش داني لوكان غير ما قتلوش، قلتلها شفتي علاش نسكت و ما نقولوش تعرفي خوك كيفاش داير ديري في بالك لوكان ماشي انت لي هدرتي يقولو ليليان قالتلي و انت زدتي عميتيها سقساك أسكتي قلتلها وش حبيتيني ندير نخاف منو ما شفتيهش كيفاش كان، قالت انا نروح طولت على ولادي لدوك مازالهم بلا غدا، قلتلها اصبري دوك نسقيلك اديلهم.
هي راحت و انا طلعت لعندو صبتو نحى حوايجو و كل حاجة وين رماها و متكسل غير بالشورت و مغطي عينيه بيدو و يتمتم، بديت نطم في حوايجو نحى يدو عمبالي رايح يضربني قفزت حتى قال واحد ما يفتحلها الباب غير للحاجة مانيش حايب نشوفها دور فالدار قتلو تأمر، قعدت عاود عيط نضت من بلاصتي و حطيت يدي على صدري قالي انا وش قلت آاااا لي يتمادى معاك و يعايرك تحكيلي علاش هكدا شخصيتك ضعيفة، قعدت قدامو تنهدت قتلو وش ندير صراع؟ دوك لي يقولي حاجة نجي نحكيلك؟ هاك تقلقت و ضربتها، هي تان طفلة يتيمة كي تنضرب بسبتي وين نروح من ربي سبحانو؟ دوك شهر و تروح عروسة نحملها خير من المشاكل، قربت ليه و قتلو بصح انت علاش تضربها هكداك حرام تآذيها و تآذي روحك و هي صغيرة و خالتها تعمرها، كنت تعيط عليها تخوفها بصح بلاما تضربها، سكت و فتح يدو قالي ارواحي عندي، تكسلت قدامو قالي راكي تعقلي فيا؟ قتلو انت العقل كلو بصح ماشي كل حاجة بالضرب صراع ضربك صعيب وهي عروسة حرام عليك لوكان تشوهها وين تروح، باس جبهتي و قالي وش رايح يصرا لوكان جات كيما انت ياك نتيجتك فالعمر، انت لدوك إدا حكمت حوايجك تموتي و هي ولات ما تحشمش تحط عينها في عيني و تقابحني، قتلو هي خير مني بصح تربية إخلاص أثرت عليها راك مليح كي ما خرجتلكش فيفي عبدو ناض يضحك قتلو علاش ما شفتهاش كيفاش لاصقة فيك لا حشمة لا حيا، حط راسو و سكت و قعد يتنهد حتى حسيت بيدو ثقالت عرفتو رقد، جبدت روحي بلعقل و خرجت، فتحت عليها الباب صبتها غايسة و وجهها أحمر غير شافتني رمات عليا بعفسة و قالتلي اصبري عليا برك انا لي نطلقك عاودت غلقت الباب و حبطت لتحت دخلت للكوزينة مع نور قاعدين نخدمو و نڨصرو.
غدوا منداك صراع كان فالخدمة و مع الظهر كنت نسيق فالڨاراج جيت نغلق العين حتى نحس بحاجة ترمات من فوق الباب و صوت موطو جاز فيتاس من قدام الدار، خزرت صبت مشوارة كحلة فتحتها فيها ورقة مكتوب فيها أبو حرب و داخلها رصاصة انخلعت حطيت يدي على صدري و دعيت يااااارب احميه و احفظو و دخلت نجري للحاج و نطبطب بالزور عمو عموووو خرج قتلو شوف وشنو هادي انخلع قالي منين جبتيها حكيتلو، رفد التلفون عيط لصراع و نائل و الدار كامل وقفوا على رجل خفنا.
شويا دخل نائل قال علاش ما يسمعلناش و يبطل هد الخدمة.
دخل صراع لاقاه الحاج قالو يا وليدي بجاه ربي بطل قالو بابا ما يصيبنا غير مكتوب الله و الحاجة نحات خمارها و تجبد في شعرها انت معول عليا بجاه ربي بطل هد الخدمة خمم فهاد البنات لي راهم في رقبتك وين يروحو مورااااك، أنا واقفة و نبكي ما عرفت وش ندير علبالي مام نهدر مارايحش يسمعلي و يقولي الله كريم.
حبطت حلا تجري و تبكي و تقولو بابا اذبحني و ما تخرجش تعيش ما تروحش ما تيتمنيش و الله ما عندي واحد من غيرك، دمعت عينيه و تبسم جبدها ليه و باس راسها قالها ما تخافيش بنتي ما عندو مارايح يصرالي.
درنا كامل بيه ما خليناهش يخرج قعد معانا بصح كان يطلع و يحبط و ألف فكرة في راسو.
شويا و عيط لصاحبو قالو راني جاي ليك، نائل وقف في وجهو قالو بجاه ربي ريح هنا، قالو نااااائل وشبيك علاش حنا فيران نقعدوا مخبيين فالدار من الموت، إدا كاتبة مرحبا قالو ما تروحش بطونوبيلتك انا نديك، هوما خرجوا و حنا قعدنا نبكيو و ندعيو حكمنا الرعب في هداك النهار.
لحقت ال10 تع الليل و ماجاوش نعيطو نعيطو واحد فيهم ما يرفد، الوحدة كيف كيف حتى ال3 تع الليل الحاج عيط في تلفون نائل رفد عليه واحد قالو هد التلفون تع واحد تقاس ليوم فالانفجار، عيط الحاج عيطة وحدة و حنا نضنا نتبكاو و نتصاوغو منبعد قالنا اسكتو خليوني نفهم قالو قولي برك ولادي عايشين و لا ميتين قالو واحد راهو مليح و الثاني حالتو شويا حرجة، ناض يعيط ولادي رااااحو.. لبس و خرج بطونوبيلتو.
خلانا حالتنا حالة قعدنا حتى للصباح و نعيطولو هو و سعد ما يرفدوش، منبعد علي وليد هيام راح للسبيطار بلا علم يماه هو يموت على صراع دايرو هو باباه، شافهم و عيطلنا قالنا خالو صراع رماو عليه بومبة و باش يحمي خالو نائل رمى روحو عليه على هديك تقاس بزاف الشظايا دخلت في ظهرو  و خالو نائل تقاس في رجلو.
قعدنا نبكيو و ندعيو و قاعدين على الجمر ، لي يجي يقولنا راهم ملاح بصح ما شفناهمش، جازت 3 أيام كانت تروح غير الحاجة و ام سعد و الناس داخلين خارجين فوق ما كانت حالتنا حالة زادنا التعب تع الضياف طيب و حط و ارفد.
كنت كل يوم نطلع لشومبرتو نبكي مخ راسي حتى نرقد و نتمنى كي كان يوقف عند راسي و يقولي ربي يقويك ... الله يعاونك، توحشت صوتو و قعدت نستنى غير وقتاش يخرج و نشوفو.
جازت سمانة جابو نائل فرحوا بيه و يحضنو فيه، قتلو الحمد لله على سلامتك و القنطة خانقتني خرجوا كيف كيف رجع واحد برك.
يومين منبعد قالو اليوم يخرج صراع اوووف كي لي كان ميت و حياوه، قالولي وجديلو شومبرة سعد القديمة لخطر ما يقدرش يطلع لفوق.
وجدتلو الشومبرة و قعدت نحسب بالدقيقة غير وقتاش يدخل من الباب.
لحقت ال7 تع الليل ڨارات طونوبيل و سمعنا الدراري يتفارحو جابو عمو صراع جابو عمو صراع.. نضنا من بلايصنا نجريو، وقفت عند باب الكوزينة، ولاد عمومو كامل كانوا واقفين حبطوه من الطونوبيل و هو يمشي بالسيف.
راحت الحاجة و هيام يجريو ليه حضنوه و انا جيت نروح شافت فيا الحاجة و شرتلي بعينيها تع ادخلي للدار علابالها بلي ما يحبش الڨراج معمر بالرجال، كنت متوحشاتو موت بصح ما كاش كيفاش بقيت على نار بصح على الأقل شفتو و هد الشي لي صبرني.
دخلوه للصالو و أنا قعدت فالكوزينة مع العشا و جيب و ادي و حط، حنا سقينا العشا و إخلاص دخلت مع دارهم عينيها حمورا قالت لهيام كيفاش راهو صراع؟ قالتلها الحمد لله، زاد دخل سعد سقساتو عليه و تبكي قالها نتعشاو و ندخلوه للشومبرة تشوفوه، قلقتني نائل اقرب ليها من صراع لخطر وليد عمها و وليد خالتها في نفس الوقت، لي يشوفها كيفاش كانت تبكي يقول راجلها لي مقيوس.
قعدت فالكوزينة مع الماعن أنا و نور حتى عيطتلي هيام قالتلي ليليان شلي يديك و ارواحي رايحين يخرجو صراع، غسلت و وقف نستنى غير خرج دارو كامل بيه يسلمو ما صبت منين نجوز ليه و هو بالسطر و واقف بالسيف.
إخلاص عنقاتو و تبكي و تقولو لوكان كاش ما صرالك نقتل روحي قالها بعيد الشر عليك بنت عمي، كي سمعتو قالها هكدا و هي لاصقة فيه كي الڨرادة و أنا قدامو ما شافنيش منبا درت و رحت للكوزينة وليت نغلي قعدت نكمل فالماعن شويا هكدا عيطلي سعد ليليااااان.. رحت ليه قالي وش بيك اختي راجلك رجع من الموت و انت غارسة راسك فالكوزينة ارواحي تشوفيه، قتلو جيت و ماصاحليش كيفاش نجوز ليه، دار ليه سعد قالو صراع راني بايت هنا غير تحتاجني نكون عندك و راح قالو ربي يحفظك خويا بارك الله فيك.
هو خرج و أنا درت ليه حكمت راسو ما بين يديا قتلو انت راك ناوي تقتلني علاش دير فيا هكدا؟ قالي لوكان تعرفي شحال راني متوحشك ارواحي لعندي، جبدني قعدني على رجلو حطيت راسي عند رقبتو حضنتو و نبكي و هو يهدن فيا و يمسح على راسي، تحركت عيط أخخخخخ .. قتلو سلامتك حبيبي فيا ولا فيك و الله قريب مت لوكان تشوف وش صرا فيا و انت غايب ماراكش ناوي ترحمني؟ بدا يضحك و هو يتوجع، فتحتلو القمجة قتلو نشوف وين راك مقيوس حكم يدي جبدها باسها و قالي والله ما بيا حاجة ماتخافيش.. قربني ليه حضني و حكم وجهي ما بين يديه و بدا يبوس فيا من لهفتو حسيتو متوحشني كثر ملي كنت متوحشاتو، ذبت ما بين يديه و نسيت همومي معاه، حنا هكداك حتى سمعنا الدقديق فالباب نضت نجري بدا يضحك و قال ادخل.. دخلت إخلاص و في يدها الدوا صابتني نلم في شعري حتى وهو رومانسي ما يتهنى حتى يشنشفلي شعري.
حبطت حضناتو قدامي لا حشمة لا حيا تغزل فيا و قالتلو ما تيماجينيش شحال خفنا عليك و هو طبطب على ظهرها و خزر فيا قالها الحمد لله بصح دناي شويا الجرح راهو يوجع فيا، بعدت و قالتلو  سلامتك ابن عمي إن شاءالله في عديانك و قاعد يخزر فيا شافني مقلقة ما عرفتش وش ندير، هي خرجت و أنا قلت طريق السد لي تدي ما ترد هو ضحك و جبدني من يدي ليه رجعني لحظنو قالي ايييي هيييه وين وصلنا؟ قتلو صراع وش صرا معاك احكيلي علاش حبوا يآذيوك قالي ما تعمريش راسك بهد الحكايات ارواحي و كمل يبوس صونا تلفونو تقلق اووووو ماشي ناويين يخليوني نرتاح ضحكت و هو ريبوندا و انا رفدت الحوايج لي نحاهم لبست خماري و طلعت حطيتهم فالمشينة، شفت وجهي فالمرايا ندبت اوف منك يا صراع تقول حالف فيا وين نحط وجهي من الناس و الدار معمرة الحاجة لولانية يقولو ما تحشمش ماكاش لي يقول راجلها و أنا نقول علاش إخلاص زاد عليها الحال، انا هكداك حتى جات ليا سارة بنت هيام قالتلي راهو يزڨيلك خالو صراع، ديتلو ما بارد شرب، سڨمتلو المخايد تكسل و جيت خارجة قالي وين رايحة اقعدي معايا قتلو نروح نكمل الحوايج قالي خليهم ارقدي معايا قتلو صراع الناس قاعدين فالهول و انت رجعتلي وجهي خريطة قالي ياك مرتي و حلالي لي يحل فمو معاك نقطعلو لسانو قتلو البونك تع واحد ما يكفيش قالي ما تغندفيش روحك ما راكيش تشوفي فيا فشلان يعني كوني هانية اقعدي معايا برك باش نرقد على ريحتك، قربت ليه تكسلت حوطني بيدو باش ما نطيحش حط راسو على راسي و غمض عينيه كي حسيت بيه رقد نضت خرجت، كانوا راحو الضياف نسمع غير في صوت الحاج و الحاجة و أم سعد فالصالو، رحت للصالدوبا كملت حوايجو و دخلت لشومبرة الحاجة، صبت هيام وبناتها ونوال وحنين بنت سعد و إخلاص و حلا مفرشين و متكسلين، كي دخلت خزرو فيا نطقت هيام قالتلي ليون وش راهو صراع؟ قلتلها الحمد لله قالتلي و الله ما صحلنا نقعدو معاه قلتلها عيان شويا بصح رقد.
ما علاباليش وش خبرتهم إخلاص ناضو يضحكو قالت نوال من حقو الراجل يشوف الطفلة صغيرة و شابة كيفاش حبيتيه يشد روحو، حلا قالتلها هادي شاطرة غير باش تبيع و تحبط مطراسية قالتلها هيام انت صح ماشي مربية مرا هي و راجلها انت وش دخلك فالوسط غير ماتخافيش لاحقة على الزواج و انت تان يديرولك نفس الشي قالتلها و انا علاش راكي تقوليلي العيب على لي ما تعرف العيب و صايبة راحتها فهاد الامور عمبالها راهي تغري فيه قلتلها و أنت وشمن مرقة حرقت شواربك هداك راجلي ما دخلتوش لدار بابا و طلعتو نتختل بيه فالشنابر قالتلي معامن راكي؟ قالتلنا نوال استهدو بالرحمن الراجل مريض وشبيكم؟! دارت ليا هيام عيطت عليا قالتي و انت وش عندك هنا روحي ترقدي مع راجلك، قلتلها إيه دوك نروح برك ندوش، ضحكت قالتلي روحي دوشي بصحتك يستاهل أبو حرب، إخلاص تتعنكر دورت وجهها باش ترقد و قالت قلة أدب.
أنا فهداك الوقت ما فهمتش علاش كي قلت ندوش هيام ضحكت و إخلاص تعنكرت لخطر انا قصدت ندوش كي عرقت من السخانة و نحي الريحة تاع الكوزينة منبعد باش فهمت.
ديت حوايجي دخلت دوشت و رحت للشومبرة لي فيها صراع صبتو راقد بصح ينازع من السطر، فتحت الغطا و رقدت قدامو، هو يعيط من السطر و أنا من التعب رقدت ما فقتش حتى حسيت بيه كي ناض و راح يمشي بلعقل قتلو نجي نعاونك قالي لالا حبيبتي ارقدي ما كالاه، رجعت رقدت شويا و دخل فيدو سجادة نضت فرشتهالو وقف يصلي بالسيف، كي كمل رجع تكسل قدامي حط يدو على شعري و يمشي فيها قالي غسلتي شعرك؟ درتلو براسي إيه و انا مغمضة عينيا، قعد يلعب بشعرني و يمشي في صباعتيه على خدي و عينيا و يهدر قالي ما تقدريش تيماجيني شحال راني متوحشك و شحال نتخيلك و نحن ليك تبسمت..قالي ليليان ... قتلو امممم قالي خلاص ما قدرتش نزيد نصبر فتحت عينيا قتلو وشبيك؟ قالي ماشي بزاف؟ تقعدت جيت نوض قالي وين رايحة وشبيك ما تخافيش قتلو لالا برك باش نشرب الما قالي علاش راكي خايفة احكيلي وش مخوفك باش نفهم و الله غير عييت قتلو ماشي راك مريض قالي ما يهمكش مريض ولا لالا نص مرضي منك عييت فهميني برك قتلو صراع انت ما علاباليش كيفاش تولي نخاف كيما فهداك النهار كنت تزيرني و توجعني خليني نوض، قالي لوكان تطلقيلي روحك جيك ساهلة قتلو وش تحوس من فوق هد الشي ياك راني راقدة قدامك قالي راكي تغندفي في روحك؟ بزاااف والله غير مليت حتى الناس يسقسيو وش يقولو عليا ماشي راجل؟ حبيتي تذليني كي شفتيني نحبك؟ قتلو صراع باش نذلك؟ بجاه ربي اخطيني، جيت نوض قالي اصبري وشبيك؟ طبعتو و نضت عيط من السطر حكم كتفو مغمض عينيه و يعصر فيه، رجعت قتلو اسمحلي وجعتك و نضت نبكي و نقولو قولي وش حبيت علاش يتبدلو حوالك كي نجي عندك قالي يا الحابسة نحبك افهمي، خليتو و خرجت و هو تقلق و ناض يعيط مورايا هادي ماشي حالة و الله غير رايح نكلاطي غير أنا لي ربي باليني بيك، طلعت لشومبرتو تكسلت و قاعدة نخمم وش يحوس كثر جميع حاجة لي موالفة نشوف مرا متزوجة ديرها راني نديرلو فيها وش حب كثر من هكدا، بقيت حايرة و لي عياتني كثر هو تقلق و دور وجهو عليا نجي نهدر معاه يقولي أنت ما تحبينيش لوكان تحبيني صح ما تعزيش روحك عليا بصح ما علاباليش كيفاش راكي تخمي و علواش راكي ناوية، مرات نوصل انا و ياه لوحد النقطة نحس لا هو فاهمني ولا انا فاهماتو، و مرات نقول خلي نتحمل و نخليه على راحتو و نشوف وين راهو حايب يوصل بصح ماشي بيدي غير يبدا يتجرأ و نحس بيه تبدل حالو و تولي لمساتو قوية نتوجع و نخاف لا اراديا و نتفكر البنات في المسيد كي كانوا يقولو الراجل يتبدل حالو و يولي يحكم بالزور و كاين بنات ماتو هدا وش بقات فكرة في راسي.
أنا تزوجت و رحت لدار راجل درتلو في بلاصة بابا ما كاش واحد فهمني وشنو هو الزواج.
كانوا يجيو الناس يطلو عليه و هو قالب وجهو عليا و ما يهدرش معايا و كي يهدر معايا يقولي خلاصلي الصبر و انت ما تحوسيش عليا كزوج حاسبتني أب.
مرات نجي نهدر مع هيام و نحكيلها لخطر هي اقرب وحدة ليا منبعد نحشم وش رايحة نقولها علاش يتبدل حالو و يتجرأ و نقص من هيبتو قدامها بهاد الأمور ما جاياش و زيد هو دايمن يوصيني يقولي الشي لي يصرا ما بيناتنا يقعد ما بيناتنا.
سمانة منبعد بدا يخف الغاشي علينا مينداك و يجي واحد، و رجعت كل حاجة لبلاصتها حتى صراع ريح و وليت قليل وين نتلاقو دايمن برا و كي يدخل يا يرقد يا يحكم التلفون.
الحاج و الحاجة حاولو معاه باش يحبس الخدمة ما سمع لحتى واحد.
وضع الدار كامل رجع لطبيعتو إلا وضعي قاعد غير يتأزم و صراع بدا ينفر مني حتى ماولاش يطلب مني والو، و إدا صادف و كانت هدرة مابيناتنا يعيط و لا يهدر فوق نيفو، كنت حاملاتو و ساكتة و الحاجة انتبهت قالتلي ليون وش صرالو صراع غير مقلق وش كاين ما بيناتكم قعدت غايسة ما عرفتش وش نقوللها زدت شفتو دخل للكوزينة خفت كاش ما نهدر يسمعني وليت سكتت.
في هداك النهار جات يمات بابات خطيب حلا (جداتو) لي هي عمتو المهم خالوطة داخلين في بعضاهم، ناس ملاح و لسانها حلو، حطيت لاتاي فوق النار و قعدت نوكل وليد نور، دخل صراع للكوزينة قالي شكون لي جا قتلو عمتك صبرية دخل سلم عليها و قعد يڨصر و يضحك معاها في الهول و انا كملت للطفل غسلتلو و حطيتو في الكرسي ديالو و رحت حطيتلهم لاتاي كي جيت نمد لعمتو بدات تقولي الله يبارك ما شاء الله عليك وسام عندو وحد الزهر... عمبالها انا حلا، صراع قلب وجهو قالها عمتي هدي مرتي بنتي حلا راهي لفوق، قالتلو منيتك؟ و دارت ليا قالتلي شحال في عمرك؟ هو تعنكر و قالي روحي جيبيلي كاس ما ما خلانيش نواجبها، رحت للفريجيدار انا فتحتو و هو حكملي يدي قالي و الله غير وصلت لحدها معاك، داي الشيعة بلي متزوج و انا ما نلت والو قتلو وش حبيت؟ قالي شوفي هد الوضع ما يلزمش يبقى على حالو على حساب الشوفة مانيش معمرلك العين و شفتيني نحبك راكي تتفشي بالزايد عليا، لوكان عيني ندمك و نكسرك ما نرحمكش بصح دايمن نقول نحبها نساعفها بصح لوقتاش.. راني كي لي مكتوب اسمو في الحصاد و المنجل ديالو مكسر، يمال ديري حسابك عندك يومين في يدك ندخل عليك ملاحة و لا قباحة...