مراهقة والاربعيني بلهجة جزائرية

33

#المراهقة و الأربعيني:

#الجزء33:

قعدت عند دار خالي 5 أيام، كان صراع يوميا يعيطلي و ما نرفدش عليه ما علباليش علاش صح تقربت منو وبستو بصح ما نسيتش وش آذاني كي حبسني.
كنت نخرج مع ميلان من بعد جا راجلها و سافرت للدنمارك.
رجعلي السطر تع كليتي ديت مرت خالي و رحت للطبيب، عيطلي هو قتلو راني عند الطبيب هاو وش كاين هاو وش كاين ماسقسانيش علاش ماكنتش نرفد عليه قعد يسقسي فيا على حالتي قالي ملوقتاش عندك البروبلام تع كليتك غدوا ان شاء الله نكون عندك و صح غدوا منداك حكم طيارة ال4 كان عندي، حاولو معاه باش يبات ما حبش قالهم راني صايم و لازم غدوا إن شاء الله قبل الظهر نكون فالخدمة قتلو يمال وين نروحو دوك قالي نروحو للعاصمة نباتو و الصباح بكري نحكمو الطريق للدار.
دخلنا للعاصمة فالليل دخلني للريسطورو هو فطر و أنا تعشيت و نشوف فيه رفع راسو قالي راكي غايسة في وجهي كي العادة؟ حبطت عينيا قالي مازالكي زعفانة علاش مرة تهدري معايا مرة دوري وجهك عليا، تنهدت و قتلو علاش شكيت فيا؟ ماشي قلت ما نزيدش نضربك؟ قالي و الله غير حاولت نشد روحي قد ما نقدر بصح أنت مغندفة ديري روحك في بلاصتي تشوفي واحد كيما أنا و لابس حوايجي و فالطونوبيل ديالي و راكبة معاه إخلاص وش رايحة تخمي؟ حتى و تعرفيني جيك الغيرة و تتقلقي و جي تحاسبيني و إدا نكرت و انت متأكدة بلي شفتي إخلاص في طونوبيلتي وش ديري؟ يجي في بالك بلي واحد متنكر في طونوبيلتي و لا بلخف تبداي تخمي و تحوسي على الصح؟
حطيت راسي مجرد الفكرة قلقتني و خرجت روحي حبيت نخبطو بمغرفة على الوجه و هو يذكر في اسمها على لسانو.
قالي ليليان بطلي التغنديف ديالك هدا خدمي مخك شويا ماشي حتى تطفر.
كملنا ماكلتنا و عاودنا شدينا الطريق، وصلنا لوحد الباطيمة قتلو رايحين نباتو هنا؟ قالي إيه نباتو فلابارتومو و الصباح نشدو الطريق علاش؟ قتلو هنا كنت جيب  أم مصطفى ياااااك، فتح الباب و هو يضحك و دخل، دخلت و قتلو هي و لا لالاااا؟ قالي مام شومبرتي لي في دارنا هي نفسها لي كانت ترقد فيها وجدان، حطيت يدي في جنابي تكسل فوق البونك و هو يضحك، قتلو ما نقعدش هنا امشي نروحو دوك قالي الحالة ماراهيش مليحة ما نقدروش ندخلو فالليل نباتو الليلة برك و الصباح بكري نروحو قتلو حبيتني نرقد على الفراش لي كانت ترقد عليه الساقطة ديالك؟! راك تنوم، بلخف حبس الضحك و ولا سيريو تقعد قالي وشنو هدي الساقطة ديالي؟! رجعتي تخلطي فالهدرة؟ سڨمي هدرتك خير ما نعلمك كيفاش يكون الكلام، قتلو و الله ما نبقى هنا جبدت روحي بجيه و قلبت وجهي عليه، تنهد و بدا ينسف و يستغفر قالي نحي هاد الافكار من راسك جوزيها الليلة برك قتلو لوكان كنت متزوجة قبلك و طلقت و جبتك على فراشي القديم تقبل ترقد فيه؟ ناض من بلاصتو رفع يدو و عيط عليا قالي قادري روحك خير ما نفسدلك خليقتك، حطيت راسي و هو خرج مقلق بديت نبكي قلت في قلبي ريحت منو سمانة غير رجعتلو رجع لعياطو.
شويا هكدا عاود دخل جاب زوج كوفيرطات جدد و زوج مطارح عاليين رماهم قدامي و ناض نحى المدربة الكبيرة لي كانت فوق البونك حطها بجيه و دار ليا قالي تحركي و لا حبيتيني نخدم عليك، نضت معاه حطينا المطارح الجدد في بلاصة المدربة الكبيرة و فتحنا الكوفيرطات، شعل الكليماتيزور نحا حوايجو قعد غير بتع لداخل تغطى و دور وجهو و انا شعلت التلفيزيون تكسلت قدامو عطيتو بظهري تغطيت و قعدت نتفرج.
من ال9 حتى ال11 و هو راقد عرفتو عيان من الطريق، دورت وجهي شفت التلفون ديالو محطوط فوق الطابل دونوي من جيهتو، جبتدو و قعدت نقلب فيه ما صبت والو غير صحابو.
دخلت الفيسبوك ديالو صبتو اكسبتاني يعني وليت آمي معاه، دخلت لاباج ديالي نصيب حنا وليد خالي ادونتيفياني و بوبليا تصاورنا كي رحنا للمول نندب على عمريييييي، بلوكيت حنا و بلوكيت روحي، فتحت الفايسبوك ديالي من تلفوني و نحيتو كامل ورجعت حطيت راسي على المخدة، خزرت في وجهو و هو راقد قلت و الله و يعرف بلي صورتي فالفايسبوك غير يعدمني، منبعد تفكرت بلي حذفت الفيسبوك بصح ما لغيتش الصفحة و تقدر تخرجلو فالمسنجر بلي بلوكيتو و يفتح و يلقاها.
ياااااااااا.. نضت بالخف للتلفون ما عنديش النت نوضنتو صراع صراع صراع ناض مخلوع ها .. ها .. باسم الله الرحمن الرحيم وش بيك قتلو بارطاجيلي قالي وش بيك هبلتي تنوضيني هكدا على جال النت ارقدي مانيش حافظ المودباص قتلو الله يخليك .. الله يخليك.. قال ياااارب اعطيني الصبر .. رمى الغطا و ناض كركر حوايجو و دا تلفوني دارلي النت و جا و رماهولي فالفراش و رجع تكسل فتحت التلفون قعد يخزر قتلو علاش راك تخزر قالي وش درتي و الله ما ارتحتلك قتلو ماكاين والو طلعت برك فيسبوك قالي اااااا وش هدرنا؟! قتلو ياك أنت تان عندك حرام عليك علاش غير أنا لي ظالمني قالي اعطيني بابيي موشوار نمسح دموعي غضتيني شحال راني ظالمك نضت نضحك و كملت طلعت الفايسبوك و هو يشوف فيا جيت نفتح الكونت ديالي ما عرفتش قتلو صراع تعرف المودباص ديالي؟ قالي و انا وين نعرفو إدا ما تفهميش فيه علاش طلعتيه؟! قتلو ديك النهار ما نعرف كيفاش بنت خالي رجعتهولي بالنيميرو لي فتحت بيه، نحالي التلفون من يدي و دخل النيميرو كي بعثولو المودباص غير فتح الكونت نحيتلو التلفون قعد غايس فيا قالي و الله العظيم غير كاينة حاجة راكي مخبيتها اهدري قتلو ما كاين والو روح قالي اعطيني التلفون رحت نجري للصالدوبا جا يجري مورايا غلقت الباب على روحي قالي اخرجي و احكيلي وش درتي و الله يا ليليان و كاش ما نسمع ما نرحمك، فاصيت البوبليكاسيو و بلوكيت حنا و ميلان منبعد ديزانستاليت الفايسبوك و فتحت الباب، حط يديه في جنابو و قالي جيبي هنا عطيتهولو بدا يقلب قالي علاش نحيتيه وش درتي انطقي، قتلو ما دام راك مقلق ما نهدرش مانيش حايبا ننضرب علاش قالولك عليا حابسة؟ تبسم و قالي علاش حتى يقولولي أنا ثايق بلي انت حابسة كيما راني ثايق في روحي، قتلو أنا حابسة يااااك و قربت ليه، قالي بجاه ربي ما تقتلينيش كي شفتي يما ماشي هنا حقرتيني حرام عليك نضت نضحك و درت قالي خوافة قتلو انا خوافة؟ و قربت ليه قالي إيه سينو ارواحي تضاربيلي قتلو هاااا و رميت روحي عليه طيح روحو على البونك طلعت فوقو و نضرب فيه دبازي لكرشو وهو يضحك منبعد حكمني من يديا و قلبني على البونك نضت نعيط و نضحك بصوت عالي حط يدو على فمي  يا بنتي أسكتي فضحتينا دوك يقولو أبو حرب وش جاب للبرطما ديالو، حوطت رقبتو بيديا و قتلو تحشم بيا؟ قالي لالا بصح ما نحبش صوت مرتي يتسمع و قرب ليا قتلو تحبني؟ قالي و هادي تحتاج تسقسي عليها عندك شك؟ و قرب يشم رقبتي قتلو فاصيت الفيسبوك لخطر ميلان صورتني انا و ياها كي كنا فالمول و نشرتها فالبروفيل ديالها
حبس و خزر فيا بالقلق قتلو و الله ما كان علبالي و راني فاصيت الصورة و بلوكيت ميلان، حبط من البونك نضت نجري قتلو زعفت؟ قالي تعرفي كيفاش تخسريلي الڨوسطو حتى كي نكون مرتاح معاك قتلو و الله ما قصدي بصح علبالي انت ما رايحش تنسى قلت نقولك هنا خفت ترجع لدار خالي و تحقق معايا قدامهم، لبس صباطو و خرج بلاما يهدر حتى كلمة، تنهدت و قلت يزعف شويا و يتهدن المهم قتلو، غلقت الباب و عيطت لمرت خالي توصي وليدها حنا يفاصي الصور قبل ما يشوفها صراع قالتلي كوني هانية.
رحت دوشت و هو ما جاش، كان رفد ماكلة اونبورتي من المطعم كي تعشينا و علبالي هو يحب ماكلة الدار كثر من تع برا،  رحت للكوزينة صبت زيت و ملح و عفايس لي ما يفسدوش، جبدت مقلة و غسلت الطماطيش و البصل لي جبناها من الريسطو هو دايمن يشجعني باش نطيب مام ماجيش مليحة يقولي هايلة و يكوراجيني نقعد نحاول باش نتعلم.
سمعتو فتح الباب، دخل للكوزينة و تكى على الباب درت ليه قتلو زعفت؟ ما واجبنيش جا عاوني فالطياب، كي كنت واقفة نوجد لاتاي قالي علاش قلتيلي قتلو انت علمتني نهدر معاك كي تكون كالم خير ما نخبي عليك و تتقلق و نرجعو للدواس سكت، وجدت الماكلة و سخنت الكباب لي قعد حطيت فالسنيوة و قعدنا قدام التلفيزيون ناكلو حتى نطق قالي وسمها بنت خالك قتلو بلوكيتها قالي اعطيني اسمها بلعت ريقي، فتح الفيسبوك جبدها ديبلوكاها و قلب فالبروفيل ديالها صاب غير تصاورها هي و راجلها سكت، منبعد قالي لوكان ما قلتيليش ماشي غير نزعف نكسرلك راسك بصح ما دام عرفتي غلطتك و حاسبتي روحك ما تزيديش تعاوديها قتلو و الله ما نعاود قالي نشوفوها.. قالي و ماتزيديش تروحي لدار خالك عقليتنا و عقليتهم ماشي كيفكيف، بنت خالك ناشرة تصاورها فالفايسبوك و باباها يعلقلها انا هد العقلية ما تمشيش عندي، كي يضيق خاطرك نجيو هنا نقعدو يمات نريحو و نديك وين ما تحبي بصح خوالك انسايهم، كي تبان يماك إن شاء الله أنا نديك درتلو براسي إيه، كمل كلا و دخل دوش بدل و قعد يقرا فالقرآن.
انا بقيت مع التلفون و هو كمل و جا حضني و رقد قالي كي يلحق وقت الصلاة نوضيني.
لحقت الوحدة حبطت الباتري تع تلفوني و ما عنديش شارجور ديت تلفونو شويا هكدا و بعثلو صاحبو فالفايبر فيديو عيان جيتو نفتحو جبد صراع التلفون من يدي، قالي علاش تشوفي عفايس كيما هادو حرام و زيد كيفاش تفتحي لي ميساج تع صحابي قتلو تفتح وحدو قالي ما تكدبيش شفتك تفتحي فالفيديو وش ديري بهاد العفايس حشمتو، دخلت للصالدوبا و هو قعد فالشومبرة شويا هكدا جا طبطب عليا قالي ليليان اخرجي علاش تخبيتي لتم ارواحي نهدر معاك ياك أنا راجلك، غير فتحت الباب جبدني من يدي و باس راسي و داني قعدني قدامو قالي شوفي حياتي هاد العفايس ماشي ملاح هادي الحاجة لولا، الحاجة الثانية حرام تفسدلك تخمامك و دخلك في دومان عيان، قتلو اغلق هاد السوجي و الله ما ندخل نشوف هد العفايس، كي كنت نلعب دخل الميساج و بلا قصد فتحتو، قالي ليليان لوقتاش تقعدي هكدا حشمانة مني؟ كاش نهار حرجتك و لا قلقتك؟ حبطت راسي قالي نقول صغيرة ما نرغمش عليها بصح خلاص أنا ماراني باباك و أنت ما راكي بنتي منواش راكي خايفة، لليوم مازالكي مانعتني باش نولي راجلك، نضت من قدامو شدني من يدي قالي اقعدي فهميني ماكان حتى واحد معانا قوليلي ماراكيش حايبتني؟ كاش واحد فورصاك عليا؟ علاش راكي مخليتني هكدا؟ 10 أشهر و أنا نحبك و نتمناك و نستنى فيك تكبري هدا كامل فشوش؟! راكي تتعزي عليا؟ وشبيك احكيلي برك و الله ما نقلقك قتلو ما نعرف قالي كيفاش ما تعرفيش قتلو كيفاش رايحة نشرحلك؟ قالي اشرحيلي ما تخافيش لي في قلبك اهدريها و الله ماني حايب نشك فيك، قوليلي كاش ما راكي مخبيا عليا و تخافي نعرفو؟ صراتلك كاش اكسيدو و خايفة تهدري؟ قتلو كيفاش محسوب قالي يعني فقدتي العذرية ديالك؟ علاش راني حاكم سلاح و نهدد فيك؟ ياك راني نهدر معاك بلعقل و الله و عهدا عليا قدام ربي سبحانو إدا كاش ما صرالك اي حاجة أنا ساترك برك احكيلي و ما تسكتيش قتلو لالا و الله ما كاين والو
قالي يمال وشبيك علاش تخافي مني هد الوقت كامل راكي تتعزي عليا قتلو و الله ماني نتعزز انا نحبك قالي يمال علاش؟ حنا نهدرو عيط صاحبو كوبالو و دار ليا نضت للصالدوبا عاود عيط صاحبو ناض يهدر معاه، طفيت الضو و التلفزيون و رقدت، كمل لابال بالخف و جا تكسل قدامي قالي ليووون رقدتي حبيبتي ماشي رانا نهدرو غمضت عينيا قالي خايفة و لا وشبيك فهميني.. ما واجبتوش و قعدت مغمضة عينيا و هو يهدر و يمشي في يدو على الكور ديالي و لمساتو ولات جريئة كمشت روحي ما قدرتش نتجاوب تخلطت عليا ما بين خوف و حشمة و تفرفيش، قعد يحاول معايا بصح انا قعدت مخشبة تقلق و ناض من الفراش  عيط عليا قالي بجاه ربي وشبيك علاش راكي ديري هكدا فهميني و الله غير كرهت و مليت خلاص هدا كامل دلال؟!! تحوسي تشوفي حوايج عيانين فالنت و كي توصلي عندي تولي تمنعي في روحك عليا، بيك حاجة اهدري، سكت جبدت الغطا على روحي و نضت نبكي هو زاد تقلق قالي علاش راكي تبكي ضربتك؟ سيفت عليك؟ رايح نطرطق اعطيني مهلة اهدري معايا فهميني ما نيش اول واحد كبير يدي وحدة صغيرة عليه بصح ماشي جليد كيما راكي.. كاينة حاجة راكي مخبيتها عليا اهدري برك.. زدت فالبكا و ما هدرتش معاه، تقلق بدل حوايجو خبط الباب موراه و خرج.
بقيت في فراشي حتى أنا ماعلاباليش علاش راني خايفة كامل هكدا، قلت كي نرجع نحكي لهيام تعلمني كيفاش نتصرف معاه.
لحقت صلاة الفجر و ماجاش، نص ساعة منبعد دخل لعبتها راقدة تكسل ورقد حتى ال9 نوضني باش نوجد روحي، دخل دوش و انا خملت الدار و وجدتلو حوايجو خرج بدل و رجع الفراش لجارو و شدينا الطريق للدار لحقنا قبل آذان الظهر.
دخل الطونوبيل و حبط حط الفاليزا فالكوزينة و طلع ديراكت لشومبرتو بلاما يسلم على حتى واحد.
صبت أم سعد جزت عليها ما سلمتش دخلت ديراكت سلمت على الحاجة قعدت معاها سقساتني على دار خالي، شويا و حبطت نور و ولادها كنت شريتلهم حوايج لبستهملهم عجبوها قالتلي يعطيك الصحة، و جبت للحاجة العسل و طرف قماش و جبت لي كادو لهيام و بناتها.
شريت ساعة لصراع بصح نسيت نعطيهالو، طلعت صبتو يقرا فالقرآن قعدت فوق البونك صدق و رفعلي راسو قتلو هد الساعة شريتهالك نسيت باش نعطيهالك شدها عليا قالي صحا قتلو برك؟! قالي يمال وش تحوسي قتلو والو راني رايحة قالي ربي معاك، جيت خارجة ما فقتش كيفاش تلاحت فيا حلا طبعتني و قعدت فوقي تضرب و تخبش في وجهي و تقولي علاش وليتي يا المسمومة كانت فيڨورتها تخلع شعرها محفف بولازيرو و حواجبها ماكاش تقول ما هي، طبعتها من فوقي جيت نوض حكمتني من شعري عيطت قلتلها بعدي علياااااا و طبعتها خبطت رجلها فالبلانت نجرحت ناضت تبكي و تعيط و دخلت لشومبرتها، خرج صراع خزر فيا قتلو ما درتلها والو كانت تضرب فيا طبعتها شاف شعري مشنشف و فمي مجروح راح ليها و هي تقولو علاش هكدا يا بابا علاش ديرلي هكدا اقتلني و ساميني لماما و ما تخليش هاد المسمومة تتحكم فيا، طلعت ليها الحاجة حضنتها و هو واقف و هي تعيط و تقولها جدة هاد المسمومة جازت عليا و قالتلي أم الرجالة تشوكيت رحت ليها قلتلها و الله ما قلتلها حاجة راهي تكدب، أنا خرجت من شومبرة صراع و انت هجمتي عليا ماشي تع واحد لي تغضي يعطيك ضربة مع لي درت حكمني صراع من يدي و رجعني لشومبرتو، شدني من ودني و قالي شوفي لوكان نسمعك هدرتي معاها و لا درتي بيها ما نتفاهموش، طبعتو قتلو تامن و لا ما تامنش ربي يسهل عليك أنا ما رحتش ليها فهمت، حكمني من شعري قالي ليلياااان أنا تقوليلي فهمت؟! ما تقلقينيش قتلو إيه اضرب و ارجع لطبيعتك انت ما تتبدلش و تطلب مني نتبدل علاش جبتني من دار خالي اااااه، طبعني و رفع يدو يهددني و قرب ليا قالي  تحبسي زيادة الهدرة و لا رايحة توصليني ندير فيك حاجة.. و ما نزيدش نسمع حسك فهاد الدار... خليتو يهدر و جيت خارجة قالي ما كملتش كلامي قتلو و انا ما رانيش حايبا نسمع بعدني ياريت رجعت ميتة و لا رجعت ليك و لماليك.. فتحت الباب جا يحكمني بصح كي فت خرجت ما حبش حتى واحد يسمع مشاكلنا قالي معليه منبعد نڨصرو عليها اشفاي..
حبطت لشومبرة سعد صبت نائل لتم قالي على سلامتك وقتاش جيتي؟ قتلو أهلا لوكان غير ما جيتش، سكت و خرج شويا هكدا دخلت نور قالتلي وين راهو نائل؟ قلتلها ما نعرف خرج غلقت الباب و راحت،  زدت شويا نضت خرجت شفت الحاج سلمت عليه قعد يوصي فيا قالي يا بنتي خليه ما تعانديهش اكسبي راجلك، كي كمل رحت للكوزينة صبت نور تبكي قلتلها وشبيكي؟ قالتلي ما بيا والو، شفت نائل داخل زعفان عاودت خزرت فيها دارت عليا و خدها كان احمر جيت رايحة قالتلي ليليان كي دخلتي على نائل ما صبتيهش يهدر فالتلفون؟ قلتلها إيه كان يهدر و كي دخلت كوبا و سقساني وقتاش جيت و خرج قالتلي صحا قلتلها راكي شاكة فيه كان يهدر مع وحدة؟ قالتلي هو يحب وحدة قبل ما نتزوج و عندها يامات سمعتو يهدر مع الحاج عليها حب يخطبها،
كرهت منو وش ندير نلبس و نوجد روحي منبعد يخليني و يخرج، قعدت معاها نواسي فيها و في وسط الكلام قلتلها نور نسقسيك حلا وشبيها شكون دارلها هكداك؟ قالتلي صراع كي خرجت من السبيطار و حبسها نائل قالو هادي ما يفيدش معاها الحبس خليني نعاود نربيها بطريقتي و حففلها شعرها و حواجبها قالها هدا درس ليك.باس مرة أخرى ما تخميش تحبطي راسي و فتحلها الشومبرة بصح هي حشمت تخرج هكداك و راهي حابسة روحها ليل و نهار تبكي و تقول اقتلووونييي...  حبت تروح لخالاتها و هو راهو مانعهم باش يشوفوها، و لبارح جات ليها إخلاص كي عرفت بلي ماكاشو، قلتلها و أنا علاش راهي تخلف فيا وش دارلها باباها؟ قالتلي و أنا وين علابالي ليليان همي يكفيني.
خرجت رحت قعدت في شومبرة الحاجة حتى قرب الفطور نضت وجدت معاهم الطابلة.
صراع خرج و ماجاش حتى لليل جاب معاه شويا حلويات ليماه و ما هدرش معايا، كي شفتو طلع لشومبرتو لحقتو دخلت موراه و غلقت الباب، دار ليا و كمل يخرج في حوايجو من الخزانة، قتلو انت حففت لبنتك و أنا علاش تهدر معايا قالي ياحي يا عمري ولينا لهد الحكاية؟ قتلو كيفاش رجعنا و هي غير دخلت تهمتني بلي عايرتها قالي شفتيني آمنتها؟ قتلو انت مانع خالاتها يجيو ليها و كي تغيب جي اخلاص بالتخبية و تتفاهم معاها على كومبلو جديد قالي وقتاش جات إخلاص؟ قتلو لبارح كي ما كنتش قالي خلاص انا نهدر مع الحاجة.
قبل السحور دخل ليماه قالها كي نقول ما يدخلوش يعني ما يدخلوش، عرفت بلي أنا لي قتلو قالتلي حرام عليك الطفلة نفسيتها دمرت كي دارلها باباها هكداك و انت تروحي ديري الفتنة ما تخافيش ربي؟  قلتلها ما رانيش نفتن بصح حلا و إخلاص يكرهوني و غير دخلت حبت ديرلي تهمة جديدة.
رحت لشومبرة سعد باش نرقد و هوما كانوا يتسحروا دخل عندي صراع  قالي ما تصوميش؟ قتلو ما نقدرش الكلية ديالي توجعني سكت و خرج.
كان تلفون نائل محطوط لتم شفت نيميرو يعيطلو و كل شويا يلحقوا ميساج، دخل نائل رفد تلفونو و خرج للجنان تبعتو و قعدت نتصنت سمعتو يقول ( فالعيد إن شاء الله نجي نخطبك) مع لي درت صبت صراع مورايا مكتف يديه قفزت قالي لالا كملي كملي خودي راحتك مازال ما كمل.. قتلو و انت وش جابك مورايا و جيت رايحة قالي انت علاش دايرا هكدا؟ قتلو هدا علاش راهو يخون في مرتو قالي و انت وش دخلك؟ قتلو أصلا نتوما كامل خوناء ناض يضحك قالي ههههه منين جبتيها هادي خوناء و لا خاينين؟ حتى فالقواعد و ما تسلكيش راسك ههههه قتلو انت هداك لواش قاعد غير باش تضحك عليا خليتو و رحت و هو ما حبش يسكت من الضحك
غدوا منداك راح يخدم جاز نهار عادي منبعد راح ميسيو سمانة و رجع قبل العيد بيومين، عطا للحاجة و هيام و ولادها يشريو حوايج العيد و كي جا يمد لحلا ما حبتش تشد عليه و قعدت حابسة روحها فالشومبرة، أنا جا يعطيني قتلو ما كالاه شريت كي كنت في دار خالي ، نور حبت يديها نائل هي و ولادها معاه باش يتكساو بصح هو عطاها الدراهم و قالها روحي لداركم و اشري و هي محبتش.
في هدوك ليومين ما كانش يصحلي نشوف صراع بزاف لاتية مع الميناج أنا و نور و هي متزاعفة مع راجلها و ولادها هبلوها.
صباح العيد صبحو يتغافروا و أنا غير نشوف ما عرفتش وش ندير قاعدة غير نتبع و ندير و نقول كيما هوما جاتني الحالة جديدة بصح عجبني الحال لخطر في دارنا كان غير يحي و يماه لي يتغافروا و أنا كي نجي نغافرهم يبدا يتقعد و يعاير فيا حتى نداوسو.
جوايه ال8 دخل الحاج و نائل و هداك مول القميص لبيض لي داي قلبي حبيبي صراع.
تغافروا كامل و أنا قتلو عيدك مبارك حبيبي ما رجعليش اووو وش بيه هدا زعفان؟ قعد معاهم و يضحك نورمال بصح انا ما خزرش منبا فيا رحت ساميتو قتلو كل عام و انت بخير كيف كيف ما رجعليش، راح لافابو يغسل وجهو وقفت عند راسو قتلو كل عام و انت بخير ما رجعليش أوووو وش جاه عليا هدا !!
جوايه ال 11 جات هيام و ولادها مدولهم كامل الدراهم كي لحقت دالتي قالي صراع خلاصولي قتلو مازال كاين فالبورطفاي ديالك ما رجعليش.
جاو الضياف رحت للكوزينة نوجد لاتاي حتى دخلت عليا سارة بنت هيام قالتلي حالة صراع قالك اطلعي ليا راني لفوق
طلعت للشومبرة غير دخلت قالي واش ليوون ما تغافريش عليا؟ قتلو ااااا والله غير غافرتك شحال من مرة و ما حبيتش ترجعلي قالي صح؟ ما سمعتكش معليه ارواحي غافريني دوك ما صرا والو، بستو في خدو و قتلو كل عام و انت بخير قالي يعطيك الصحة علاش هكدا يتغافروا الناس ياوحد الحابسة قتلو يمال كيفاش هكدا شفتهم يديرو قالي ارواحي نعلمك حكم يدي ورجعني للبونك بدا يبوس فيا و يقول ما حقش عليهم يقولو خلاص الفرماج فالدار و هو كامل فهاد الرقبة قتلو ماشي باطل وين راهم دراهم العيد بدا يضحك نوضني عطاني دراهم قتلو هدا ماكان؟ رمى عليا البورتفاي ديالو و قال أنا تان نحتاج شكون يمدلي و جبدني ليه عيطت اااااه الحاجة قفز نضت نجري قتلو سمعتها تعيطلي و هربت قالي نصيدك نصيدك العربي و لا اقعدي..
حبطت صبتهم قاعدين الحاجة غير خزرت في وجهي ضحكت و دارت.
رحنا كملنا الغدا و سقينا مور صلاة الظهر موراها قعدنا نڨصرو و نضحكو، دارت الحاجة لصراع قالتلو ياوليدي وقتاش معولين جيبولنا أخ لحرب؟ خزر فيا و قالها قريب إن شاء الله يما قالتلو و مور العيد نحتاج العقد تع ليليان في يدي دارها براسو إيه و كل شويا نصيبو يشوف فيا.
نور راحت لدارهم و دار سعد عيطو لصراع عرضونا للعشا، الحاجة و أم سعد راحو مع الحاج و أنا سنيت صراع حتى للمغرب باش جا و بدا يزرب فيا غاولي غاولي.
كي خرجنا كانت وحدة جارتهم ترش عند باب دارهم تكون فالثلاثينات هكداك ضاربتك الفيزو كور و ديكور الحجرة تنطق، غير شافتو عيطتلو وش راك أبو حرررب صح عيدكم كل عام و انت بألف خير رجعلها شداتو بالڨصرة و الضحك و أنا مريحة فالطونوبيل قالتلو شكون لي راهي معاك؟ قالها مرتي و ليكيداتها بالسيف قالها سلمينا على أبو رائد أيا السلام عليكم و جا طلع فالطونوبيل و أنا تقول حطوني فوق الطاجين وليت نغلي من الغيرة، نطق قال الله لا تربحك يا أبو رائد عرفت تخير درت ليه مشوكيا قتلو و انت كفيت و وفيت لوكان غير حضنتها و غافرت عليها علاش حتى ملبعيد برك قالي منبعد يقولو أبو حرب تبلاها و تحرش بيها؟ يعني الواحد يهدر الحق تستاهل قتلو روح ليها عيطلها ما ترفضكش قالي لوكان ما جاتش متزوجة و حرام أنا نروح ليه و نرقد حتى قدام باب دارها، ما عرفتش وش نقول بكيت و انا مدورة وجهي عليه قتلو تتوالمو في زوج جايين قد الباب ناض يضحك ههههه قالي راني نڨصر معاك و الله غير يحبلها باش نشوف فيها برك حبيت نهبلك بيها قتلو توالمك بعدني.
كان طاح الليل و الحالة فارغة حبس الطونوبيل و جبد وجهي ليه قالي انا من غير هد الجوهرة وحدة ما تحلى في عيني و باسني بالسيف باش بعدتو عليا قتلو احشم رانا برا، قالي ياك غير بوسة و ما كان حتى واحد راني عطشان و رجعني ليه هو يبوس فيا و أنا رميت يدي على الكلاكسو قفز حتى خبط فالتوا تع الطونوبيل قالي خلعتيني الله لا تربحك ضحكت و سڨمت خماري.
وصلنا لدار سعد و نوال ماشي دار المرأ الثانية، رحبوا بينا تعشينا، كي صلى صراع العشاء و قعدنا ما نحاش عينو عليا حسيتو رايح ياكلني في أي لحظة، كي طلعنا فالطونوبيل قالي ليليان خلاص هدا الحد لحقت للعظم، من اليوم تطلعي ترقدي معايا و حوايجك كامل تحطيهم فالشومبرة انساي الشومبرة تع يما، عندنا شومبرتنا نداوسو نتضاربو ما تحبطيش منها، ما رجعتلوش بصح عرفتو وش راهو حايب، داني حوسنا حتى لحقت ال12 تع الليل قالي يلزمنا ندخلو للدار لوكان نطولو كثر نوليو في خطر.
دخل الطونوبيل حكمني فالكوزينة قالي خمس دقايق تطلعي لفوق ما ديريلي حتى سبة مفهوم قتلو إيه قالي راني نستنا فيك.
هو طلع و أنا قعدت نخمم و حكمتني الرجفة من الخوف، رحت لعند الحاجة قلتلها رقديني عندك في فراشك راني خايفة، غطاتني معاها و رقدتني في حضنها شويا و دخل صراع قالتلو وش تحتاج من عند الطفلة يا وليدي راهي راقدة قالها آاااا راقدة.. معليش، طلع و خبط الباب تع شومبرتو.
نضت الصباح كانوا كامل بنات أم سعد فالدار و هو حبط منايفني ما يهدرش معايا و نيفو فالسما، دخل عندي للكوزينة و حكمني من يدي قالي أنا نوريلك كيفاش تكسري كلمتي طبعني و خرج.
بقيت مع الشغل تع الدار وحدي لخطر نور في دارهم و حلا في شومبرتها و ولاد بنات أم سعد داخلين خارجين زرزقو الدنيا بصبابطهم يلعبو فالجنان و يجيبو التراب.
جا صراع طلع لشومبرتو كنت خملتها، و الدراري ما حبوش يريحو طرونكيل عيطت عليهم و ديت كل واحد ليماه و عيطت معاهم قلتلهم ماشي هكدا إدا ما راكمش حايبين تخدمو معايا احكموا ولادكم، قالتلي شيماء بعقلك ما عندو ما دخلك ماشي دارك فهمتي، قلتلها داري و دار راجلي و إدا ما تحكموهمش نضربهم قالتلها أسماء خليك منها شيماء هادي لسانها لسانك ق..... قلتلها لوكان ما جيتيش هكدا ما تقوليش عليا هد الكلمة بصح لا يظن السفيه إلا ما فيه، و هوما ناضو ليا انت تقولي علينا قح..... و تحاماو فيا، خرج الحاج يعيط غير شاف صراع حبط قالو تشد مرتك لسانها على بناتي و لا نوض ليها، صراع ما رجعلوا والو بصح قالي ليليان اطلعي مورايا، طلعت و أنا نرجف كي يكون هكدا سونس فروا لداخل يغلي و ملبرا كالم نولي نخاف ما نعرف بواش يخرجلي.
دخل للشومبرة و دار ليا قالي أنت ما عندكش لي يحكم فيك واقيل قتلو هوما لي بداو جبد عليا بكف قتلو برد دوك قلبك كي ضربتني زادني الثاني جيت خارجة حكمني من يدي و طبعني تحت فالقاعة حكمني من شعري قالي على حساب الشوفة ما رانيش معمرلك العين و حب يدنى ليا بالسيف ما خليتوش بديت نبكي و نقولو أخطيني .. خليني .. قالي بالاك ماكيش فيارج بديت نعيط و نبكي رجعني لدارنا ما نحتاجكش اديني لدار خالي، عراني و حط يدو على فمي قالي نرجعك اتفشي دوك كيما تحبي بصح حتى نتأكد منك و في دقيقة فراها و كمل كلشي.
بعدني عليه و ناض حتى طحت في القاعة دخل يدوش و انا قعدت جامدة في بلاصتي مشوكيا و غايسة لا حس لا حركة برك دموعي يطيحو و السطر قطعني حسيت بحاجة سخونة خرجت مني ما نضتش الكور ديالي كامل كان يوجع فيا ما قدرتش نتحرك.
كمل و دخل صابني مازالني كيما خلاني شاف الدم فالقاعة قرب ليا غمضت عينيا ما كنتش حايبا نشوف في وجهو قالي ليليان علاش هاد الدم نوضي كنت كي الجثة ما قدرتش نتحرك رفدني رد بالو بلي كنت نرجف غطاني و طفى الكليماتيزور و يقولي ليليااان اهدري برك معايا قوليلي نديك للطبيب راكي تتوجعي؟ و أنا ساكتة يسمع فيا غير كي نتنخفت من البكا قالي اهدري معايا برك تعيشي.. الله لا تربحني الله ينعلك و يخزيك يا ابليس كيفاش درت فيك هكدا، تفرفش ما عرفش وش يدير مرة يوقف مرة يقعد فوق البونك و يمسح على شعري  و يقولي نديك للسبيطار و لا حبيتي ترقدي اهدري قوليلي برك وش راكي تحسي ما تسكتيش..
نحى الغطا و شافني صاب الفراش كامل بالدم بدا يسب في روحو و رفد التلفون عيط لهيام قالها خلي كامل وش كاين في يدك و ارواحي بلخف غاولي ليليان راهي تنزف منبعد تفهمي كلشي... كوبا و قرب ليا قالي ليليان و الله ما قصدي نوجعك ماعلاباليش كيفاش حتى ما شديتش روحي و فورصيتك اهدري معايا ما تسكتيش تعيشي، يمسح على راسي و يحلل فيا و يدعي على روحو.
شويا هكدا جات هيام فتحت الباب و قالتلو وش بيها قالها أم علي الطفلة دنيت ليها جاتها ايموراجي ما حبش الدم يحبس نديوها للطبيب قالتلي ليليااان قوليلي وشبيك
جات تشوفني تكروشيت فالغطا حشمت تشوفني هكداك بديت نبكي و نقولهم حبيت ماما... جيبولي ماااماااا تعيشو..  قالتلو خويا يلزمنا نديوها كاش ما يصرالها و قالتلي ما تخافيش و الله ما نكشفك برك نلبسلك حوايجك، غير وقفتتي جرا الدم مابين رجليا تخلع و ناض يعيط على هيام امشي رايحة تموووووت، جات شيماء تجري جابتلي حجاب و خمار لبستهملي، دارت هيام لصراع قالتلو أبو حرب اغلق الشومبرة الدم تع العذرية ديالها مازالو هنا حتى نجي و نغسلو، دارلها براسو إيه غلقها و حبط يجري قبلنا و انا حابطة فالدروج بالسيف سانديني هيام و شيماء من الجيهتين، قالتلها شيماء وشبيها نزفت منو؟ قالتلها إيه على حساب الشوفة.
ديك التبهديلة كامل سمعوا بيا و شافوني الحاج الحاجة نائل حشم حتى يوقف، خرجتني هيام و الحاجة و طلعوا معايا فالطونوبيل و هيام تمسحلي في دموعي و تقولي ما تخافيش ما كاين والو يصراو حكايات هكدا عادي بصح صراح ما كانش في حالو مفرفش و غير يخزر فيا فالمرايا عروق رقبتو يبانو حسيتو رايح يكلاطي.
وصلنا للسبيطار دخلتني هيام بعثونا للماتيرنيتي قالتلها الفرمليه تدخل غير المريضة ممنوع قالتلها هيام تعيشي عروسة نزفت في الدخلة ديالها و تخاف وحدها مع لول ما حبتش تخليها كي عطاتلها دراهم دخلتها معايا انا سمعت النسا لي يولدوا يعيطو لتم و انا الدمعة نشفت في عيني من الخلعة
جات تشوفني الجينيكولوغ ما خليتهاش قالتلي اتا وي كي سلمتيلو روحك ما حشمتيش و دوك طاحت عليك الحشمة، قالتلها هيام عروسة جديدة و صغيرة ما تعرفش هد العفايس جدد عليها، حاولت معايا نضت نبكي شنفت و خبطت و راحت، جات طبيبة وحدوخرا قالتلي وشبيها الشابة ديالنا علاش راهي تبكي حكمت في هيام، مسحت على راسي قالتلي ما تخافيش تهدني علبالي صعيبة عليك و ما تعرفيش بصح لمصلحتك باش ما تتوجعيش كثر خليني نشوفك، شافتني و انا رايحة نقطع حوايجي من السطر، الطبيبة شهقت قالت وش دار فالطفلة هادي ماشي حالة عروسة هدا اغتصاب
وين راهو عقد زواجها جيبوه دوك سينو نكتب تقرير اغتصاب و زيد راهي محتاجة لعملية ما نقدرش نخليها هكدا و هيام تحلل فيها و تقولها مزوجة بالفاتحة و مازال ما عقدت فالمحكمة و تحاول تقنعها مع لخر قالتلها نخيطلها بصح بلا لانيستيزي ما عندناش قالتلها لالا ما تقدرش تحمل ولات دارتلي تشكة باش يحبس النزيف و عطاتني دي كالمو و لي زونتيبيوتيك و خرجتني قالتلي منبعد مور العصر نديك لوحدة بريفي.
غير شافنا صراع جا يجري لاقانا قالها كيفاش؟ قالتو وشنو كيفاش يا خويا هادي خدمة ديرها ما صبت وين نحط وجهي اصبر نخرجو و نحكيو.
كي طلعنا فالطونوبيل حكاتلهم هيام كلشي منبعد قالتلو يا خويا طفلة قدها ديرلها هكدا قالها هيام ما تكفرينيش علاش انا مستقصد باش نآذيها بصح و الله غير خرجتني من عقلي رحت معاها بلعقل هربت، زبطت وجهي فيها كيف كيف غازلتها ساعفتها حللتها هكداك و تهرب
عندي شهور ماشي نهار و لا زوج، قلتلها احكيلي فهميني والو وصلتني حتى شكيت فيها و صارحتها ناضت تبكي و تتخبى مني وش حبيتيني ندير، قالتلو لوكان قلتلنا نهدرو معاها و نفهمها بلعقل و انا نوجدهالك و نطلعهالك قالها نجي ليك نقولك وجديلي مرتي؟!! خليتها على راحتها قلت بالاك ربي يهديها بصح وصلت  للحد و هي قاعدة غير تهرب، دارت ليا قالتلي ليليان أنت علاش ما هدرتيش، راجلك و يحبك علاش تهربي منو؟ قلتلها ما نعرف والو على الزواج عمبالي الراجل كي يبوس المرا تولي زوجتو كيما الأفلام و ديك النهار شفت شويا فالنت و خفت... أنا نهدر و هو غايس منبعد قالي وش ما تعرفيش أنا كلما نبدا نقرب ليك تمنعي روحك عليا و تهربي لوكان قعدتي و عرفتي للخر، درت لهيام قلتلها و الله كنت نخاف هو كان يتبدل حالو منبعد يتقلق
هو كان يتبدل حالو ما علباليش كيفاش يولي قالي اشششت ما تهدريش هكدا عيب خافني نفرش كلشي ههههههه منبعد قالهم وين نديكم دوك قالتلو نديوها للطبيبة داويها.
وصلنا للكابيني قالوا جي على ال4  قعدنا نستناو فالطونوبيل و هو راح جاب لي سوندويش ليماه و ختو و انا جابلي الكبدة قالها لهيام وكليها ولات صفرة.
جات الطبيبة دخلت هيام معايا دارتلي لانيستيزي خيطتني، طلعنا فالطونوبيل عاود حيا فيا اللحم بديت نبكي من السطر و هو يشوف فيا من المرايا، كي لحقنا للدار دوشتلي و عطاتلي دوا تع الرقاد ما فطنتش حتى غدوا منداك
غير نضت جات الحاجة و هيام زغرتو و فرحانين و يضحكو و يباركولي و يدعولي و الحاج ذبح زوج كباش و عرض و فرحان كامل عرفوا بلي زواجنا انا و صراع ولا فعلي و بداو يتيريو فالرصاص برا.
دخل الحاج عليا يضحك باس راسي و قالي دخلة مباركة ربي يسعدكم إن شاء الله طول العمر و يحفظكم و عطاني دراهم حشمت ما صبت ما نقولو.. اووووو هادو علواش راهم فرحانين فوق ما جرحني و بهدلني..
جات تنوضني هيام باش نغسل قلتلها وين راهو صراع مانيش حايبا نشوفو علواش دار فيا لبارح قالتلي راهو برا مع الرجال
شويا و جات الحاجة جابتلي سنيوة قالتلي صراع شوالك الكبدة بيدو و قعدت توكل فيا.
غسلت و خرجت لاقاوني النسا يسلموا و يباركو و يعطيوني فالدراهم و إخلاص عينيها ما رفدتهمش فيا.
دخلت للشومبرة جات هيام مشطتلي قلتلها وين راهو صراع؟ ضحكت قالتلي العريس راهو فالصالون مع الرجال واش توحشتيه؟ قلتلها لالا كرهتو ما وليتش نحبو قالتلي بعد واش صرا ما بيناتكم رايحة تحبيه كثر ما تقدريش تكرهيه ربي سبحانو قال وجعلنا بينهم مودة ورحمة قلتلها ما نحتاجش المودة ديالو لي ما بيناتنا خلاص، قالتلي من حقك دوك راكي مجروحة منو ربي يداوي القلوب و يصفيها، ماشي كي جا خويا بصح و الله غير يحبك لبارح النار شعلت فيه كي شافك هكداك، بصح انت تان هو يحبك و مساعفك و انت تتهربي منو زعف و داك بالسيف.
دخلت الحاجة فتحت خزانتها عطاتني براسلي تع ذهب و قالت
ان شاء الله نشوف ولادكم يلعبو في هدا الدار و باست راسي، منبعد دات القماش لي فيه الدم قلت في قلبي وش بيهم هادو ما يحشموش منبعد باش عرفت بلي عمومهم دايرين بلي أنا بعت روحي لعابد و صراع سترني، و صراع مالڨري كونتر هاد العفايس بصح سمح للحاجة توريلهم كامل و تقولهم مرت أبو حرب طاهرة وعفيفة وما مسها غير أبو حرب.
أم سعد فهداك النهار ما عجبهاش الحال لخطر كامل عرفوا بلي عابد تهمني باطل.
كنت متكسلة في شومبرة الحاجة و حاكمة تلفوني شويا و دخل صراع حطيت  عينيا جا باس راسي و قالي مبروك حبيبتي الله يوفقنا و نقدر نصونك
و نسعدك، مسح على راسي جابلي باغوغ نحى الخاتم لبسهولي و باس يدي جبدتها منو باس راسي و خرج، عاودت نحيت الخاتم و حطيتو فالباطة.
دخلت الحاجة قلتلها مانيش قادرة نخزر في وجهو مانيش حاملاتو خليني نروح لدار هيام قالتلي ما تخرجيش من دارك اقعدي هنا و انا ما نخليهش يدخل هنا حتى يعرف غلطتو و يصفى قلبك من جيهتو.
هو كمل العيد و رجع للخدمة ما زدتش شفتو و أنا قعدت زوج سمانات ما خرجتش من شومبرة الحاجة قاعدة غير مع التلفون و التلفيزيون.
نور ما عجبهاش الحال بصح هي فيها طبيعة ما تشكيش تخلي حتى يهدرو الكبار، راحت شكات لأم سعد و أم سعد شكات للحاج و الحاج جا للحاجة قالتلو ديروها شغل ما كاش.
فهداك النهار جا صراع من الخدمة طلع ديراكت رقد في شومبرتو و غدوا منداك شكاولو قالهم فواش قلقتكم كي راهي قاعدة لتم ياك ما دنات لواحد ما آذات واحد ديروها شغل ماكاشها فالدار، أنا راجلها ماراهيش تخدمني و ساكت و انتم وش ضركم قالتلو أم سعد بصح هي عروسة كيما هي كيما نور علاش هدي تخدم و لوخرا قاعدة
هدا يسموه فشوش زايد، قالها لي راهو معتبرها عروسة راهو غالط مادام الدار باسمي يعني دارها و الواحد كي يكون في دارو يدير واش يحب ياكل يشرب يشنف... أنا راضي بيها و نتوما واش راحلكم فيها، لي عجبو صحة و صلاح و لي ما عجبوش الباب راهو مفتوح، نور راهي تخدم في راجلها و انت تخدمي راجلك و حلا تخدم جداتها و خوها و أنا راضي بزعافها، و لوكان نزيد نسمع واحد هدر غير نبيع الدار زكارة و نشريلها دار صغيرة قيسنا برك و لتم حيروا وين تروحو.
قالتلي الحاجة راكي تسمعي يا الجايحة شوفي شحال يحبك ما تخسريهش اكسبيه و بدلي طبايعو مفتاحو راهو عندك، ما عندك حتى واحد من غيرو راهو عيان عندو يومين ملي رجع من الميسيو ديالو و ما خزرتيش في وجهو و هو راهو مخليك على راحتك باش ما تزعفيش منو.
قلتلها و الله ماراني قادرة نخزر في وجهو ملي دارلي هكداك طاح من عيني.
نور ما ولاتش تقدر تحمل الوضع و ناضت تدعي على روحها كرهت و زادت التعب تع الدراري و نائل خطب لي كان يحبها بصح ماليها شرطوا دارها وحدها و هو حب يخرج بدارو وحدو بصح الحاج و صراع ما قبلوش قالو يا تشري لكل وحدة دار و لا تخليهم في زوج فالدار الكبيرة.
الحالة تع البلاد مع الارهاب كانت كلما تزيد تتأزم و صراع كان أكثر واحد في الدار لي في خطر كي كان يخدم عند الدولة و كثرت التهديدات عليه بصح هو ما يحكي ما يشكي ساكت و مخليها على الله و ديما  كان يقول (ولو اجتمع قوما على أن يضروك فلن يضروك إلا بشيئا كتبه الله عليك )
وحد النهار كانت الحاجة غايبة و مور الظهر كل واحد يحكم شومبرتو، كان غير حرب معايا، دخل عليا للشومبرة أول مرة بعد 3 سمانات قال لحرب روح وليدي اطلع العب في شومبرتي.
انا كنت حاكمة تلفوني و نشوف فيه جا قعد قدامي نحالي التلفون من يدي و قالي ليليان حبيت نهدر معاك قتلو مانيش حايبا نسمعك و جيت نايضة حكم يدي و رجعني قالي من حقك تكرهيني و تزعفي مني أنا همجي و حابس ما عرفتش نتعامل معاك وش حبيتي قولي عليا بصح و الله ما كنت علبالي بلي ما تعرفيش كان في بالي بلي تتفشي عليا، حاولت نهدر معاك ياك راكي شافية
لوكان حكيتيلي أنا نعلمك و نفهمك، كي كنت نشوف تصرفاتك و كلامك معايا من سابع المستحيلات باش نخمم بلي ما تعرفيش، بنات هد الوقت ما كاش حاجة ما يعرفوهاش و زيد انت قارية و عندك صحابات فالمسيد يحكيو قدامك، 10 شهر و أنت عندي ديري كامل هداك الشي معايا كيفاش حبيتيني نخمم بلي ما عرفيش، علاش ما سقسيتينيش نفهمك، طلبتي مني شرحوو أنا قصرت؟
هو يهدر و انا حاطة راسي و نمسح في دموعي قرب ليا و جبد راسي لصدرو قالي و الله العظيم غير نحبك و كي توصليني نآذيك نتأذى كثر منك، بعدت راسي عليه و ما هدرت والو قالي وش حبيتيني ندير نفذ قوليلي برك قتلو ما ديرلي والو، قالي ندي يامات من الخدمة و نطلعو للعاصمة تبدلي الجو؟ لتم الحالة هانية ماشي كيما هنا قتلو لالا تنهد قالي براحتك و خرج.
كي جات الحاجة حكيتلها قالتلي و الله غير عذبتيه ما كفاهش الخطر لي راهو عليه فالخدمة قلتلها ما قدرتش ننسى واش دار فيا، الشي لي دارو اغتصاب ما نقدرش ننساه في سمانة و زوج و ثلاثة و نسامحو.
خلاتني و أنا بقيت وحدي نخمم، حتى خرجتو من قلبي بصح غير جا و سمعت كلامو حسيت حبو عاود انغرس في قلبي.
غدوا منداك كان عطلة جات نور توجدلو الفطور قالها يعطيك الصحة راني حايب ندير وحدي، وجد السنيوة و قال لنور حطيها فالهول، فتح الباب تع الشومبرة كانت الحاجة تهدر مع هيام فالتلفون و انا متكسلة فالفراش هداك وين فطنت و حرب يلعب بالأيباد ديالو قال شكون لي مازال ما فطر يجي يفطر معايا و خزر فيا، دارت ليا الحاجة قالتلي نوضي كولي مع راجلك، جبدت الغطا غطيت راسي هو غلق الباب و راح، جات الحاجة نحاتلي الغطا قالتلي نوضي و لا نضربك و الله غير كثرتي على ما وصاوك قلتلها مانيش جيعانة دوك قالتلي معليش روحي اقعدي معاه ما تصمطيش روحك الراجل صبرو قليل يجي النهار وين يطرطق و النسا راهم على ريسانهم برا و يروح ما بين يديك قلتلها اوووووه و نضت من الفراش خرجت غسلت شفتو محبط راسو و ياكل و نائل و الحاج قاعدين معاه و يحكيو.
قعدت دار ليا و تبسم، حطلي الماكلة قدامي عيطت لحرب باش يجيبلي البسكوت من عند الحاجة و كاس من الكوزينة قالي صراع كولي من واش طيبت راكي صفرة و سربالي لاتاي فالكاس ديالو قالي اشربي، ضحك نائل قالو رانا مطورين أبو حرب و أخيرا خليت واحد شرب من كاسك، قالو شد لسانك و استر ما ستر الله بالسيف باش قعدت معايا ما تخربهاش علينا، ضحك نائل قالو ههههه و من الحب ما قتل توجدلهم الفطور بيدك و تسربيلهم يشربو في كاش باش يرضاو.
حكمت البسكوت و فرغت عليه لاتاي كي عادتي و بديت ناكل علبالي بلي صراع يوجعو قلبو من هد الخالوطة، صبر صبر منبعد قالي علاش راكي تخربطي كولي ياك كاين الخير ما رجعتلوش جيت نوض حكمني من رجلي قالي اقعدي كملي ماكلتك براحتك راني نايض.
كي خرج طلعت لشومبرتو اول مرة بعد الشي لي صرا ما بيناتنا، حكمتني القنطة كي تفكرت كيفاش كان يديرلي، خملتلو شومبرتو و شعلت الكليماتيزور و غلقت الباب غسلتلو حوايجو و رجعت للشومبرة.
جات لعشية هيام مع العصر فتحت السوجي معايا و حاولت تقنعني و انا قعدت شايدة فالموقف ديالي.
فالليل جا دخل لشومبرتو و عاود حبط قال شكون لي خمل شومبرتي قالتلو الحاجة مرتك علاش؟ دار ليا تبسم و قالي يعطيك الصحة و عطا لهيام الدراهم و قالها تروحي غدوا ان شاء الله للسوق و تجهزيها من كلشي و ادا ما كفاوكش نزيدلك قالتلو ما يكون إلا خاطرك أبو حرب تستاهل ليون تتدلل، قعدت محبطة راسي.
غدوا منداك ما رحناش لخطر أم سعد كانت عارضة دار ختها و إخلاص حبت تشوف حلا، زواجها كان تأجل حتى يحددوا صراع و منع خطيبها يجي برك تتواصل معاه بالتلفون لخطر عاود رجعهولها.
خرجت نعاون نور حكاتلي بلي نائل كسر الحاجز مابيناتهم و تقرب منها لخطر غلقت عليه الباب و قالتلو طلقني مادام ما راكش معتبرني مرتك ولا ندي ولادي وما تصيبونيش، وش ذنبي باش خوك كان يخوني ومات وجيت أنت كملت عليا، منبعد قالتلي و انت لوقتاش معولة تقعدي رافدة شنايفك على راجلك، يا الجايحة الراجل يحبك و إخلاص تتمنى غير نظرة عينيه و تحوس غير على الفرصة باش تديه ما بين يديك، ما كاش انسان معصوم من الخطأ هو صح فيه عيوب بصح يحبك و يحترمك و يحوس غير باش يرضيك، شهور و انت تتعزي عليه و ما كرهش منك، صبر صبر صبر و مع لخر انت لي خليتيه يطرطق، كلشي راهو في يدك انت تمشي حياتكم كيما تحبي قلتلها وش ندير قالتلي انا هدرتلك و انت دبري راسك.
إخلاص حبطت حلا جابتلها بيريكا تقول شعرها و رسمتلها حواجبها، دخلتها للكوزينة قالتلها امشي نديرو بتي فور ليوم يجي خطيبك و اقعدي انت و ياه و باباك ڨصروا و اضحكوا و خلي غيرك تقتلو القنطة
درت صبت صراع واقف فالباب تع الكوزينة يشوف في بنتو، اخلاص غير شافتو قالتلو ااا أبو حرب حبطتها تبدل الجو، هز راسو ومشى جبدها لحظنو و هي كلاطات بالبكا و هو الدمعة حاصلة في عينيه قالها والله يا بنتي ما تهون عليا حالتك بصح خدايمك عذبوني تقبلي تحطي راسي فالتراب فواش قصرت معاك حتى تذليني هكدا، حياتي كاملة و انت تأمري و انا نفذ و نقول ما نحرمهاش يتيمة منبعد بتصرفات عيانة تخلي لي يسوا و لي ما يسواش يجيب سيرة باباك، هو يهدر و حنا نبكيو، باس راسها و قالها كوني فحلة بنتي هزت راسها مسح دموعها، دار شافني نبكي عليهم ضحك و قالي اطلعي عندي هدرة معاك.
سكتت هو طلع و انا كملت الماعن حتى جات سارة بنت هيام قالتلي راهو يزڨيلك خالو صراع.
طلعت لشومبرتو دقدقت فالباب كان يقرا فوحد الورق قالي ارواحي تشوفي، قربت و قعدت فوق البونك و أنا نرجف قالي وش تعرفي على الزواج؟ سكتت.. قالي عمرك ما خممتي كيفاش جيتي للدنيا ما قريتي؟ ما تحشميش اهدري كي شغل راكي تهدري مع روحك و ادا حبيتي حتى غمضي عينيك، قتلو كنت دايرا في راسي بلي الراجل كي يبوس مرتو يوليو عندهم دراري، قريت علوم بصح كان حفظي شفهي و آلي ما نخدمش عقلي و نفسر الأمور و نشرحها، كنت المهم نحفظ المادة، ما كنتش ننتبه للكلمات و نقرا على الأعضاء التناسلية بصوت عالي و يحيى يبهدلني يقولي نقصي صوتك و أنا ما اهتميت ما خممت ما تمعنت فالشرح
وحتى دوك ماشي واضحتلي الأمور كيفاش تصرا قالي قارية قرأن؟ قتلو إيه فالمسيد قالي سامعه بأية (نسائكم حرثًُ لكم فأتوا حرثكم انى شئتم) قتلو ما شفتيش قالي ربي سبحانو فالقرآن  شرح العلاقه الزوجية بأجمل وصف وقال نسائكم يعني الزوجة، أمي و أختي و بنتي ماشي نسائي لخطر يما مسؤولة على روحها و ختي تان و بنتي كي تتزوج تولي تحت حكم غيري ..
المرأة الوحيدة لي رايحة ترافقني طول عمري و تبقى تحت جناحي حتى نموت ولا لاسمح الله الطلاق هي الزوجة لي هي انت وصفها ربي سبحانو بنسائكم حرث لكم يعني الأرض، وصف الزوجه مثل الأرض التربة للرجل و الانسان ما يرتاحش الا فأرضو مهما مشى و راح و حوس بصح آخرتها يرجع لأرضو يرقد و يرتاح،  و وصفها بأية (لتسكنو إليها) يعني راحتي من الدنيا هنا و حط يدو على صدري،
فاتوا حرثكم انئ شئتم و هي العلاقة الزوجية لي وصفها مثل الحراثة للأرض..
شد يدي غلقها بيدو و قالي هكدا.. يحرث أرضو باش يرتاح و تصلح و هي نفسها
الحياة الزوجية، حشمت من وصفو حتى وليت نعرق و هو كمل يشرحلي، قالي كي تحرثها اكيد رايح تحط فيها بذور و هاد البذور تتفاعل داخل التربة و تنبت..
ونفس الحال ما بين المرأة والرجل.. والشي لي صرا هو نفسو لي شرحتولك بالقرآن والحراثة، إن شاء الله بعد لي صرا انزرعت البذور داخلك وهاد الشي هو لي ينتج طفل عن طريق عملية التلقيح اكيد قريتي عليها، هزيت راسي.. قالي خفتي من الشرح قتلو لالا قالي شفتي لوكان انت صارحتيني بلي ما تعرفيش كنت شرحتلك العلاقة و نحيتلك الخوف و طمنتك
انت خفتي و رحتي تحوسي وحدك و هدوك لي فيديو لي كنتي تشوفيهم زادو الخوف عندك، مانيش نبرأ في روحي علبالي جرحتك بصح انت سبب مهم فهد الجرح شحال من مرة قتلك أنا أهلك ما تحكيش لغيري و افتحيلي قلبك، أنا صح مقلق و مرات نولي قاسي بصح نتفهم، حبسي الطيش ديالك حبيبتي و لي ما تعرفيهاش سقسيني و أنا نفهمك، و لي يقلقك اعطيني برك اسمو هنا انت ماراكيش خدامة الدار دارك و دار راجلك و انت راع راعيتو ما تطغاي ما تهمليه و الكلمة الطيبة مع الناس مليحة فهمتي؟ درتلو براسي إيه قالي يعني ليوم تبقاي معايا قتلو لالا قالي نعل الراسة تع لي يهدر معاك عندي ساعة و أنا نرحي منبعد تقوليلي لالا، نضت ضحك و جبدني قالي اقعدي براحتك و الله ما نفورصيك تطلعي تحبطي وين ما تحبي الدار دارك باس راسي و قالي ديري لي يريحك.
حبطت و قعدت نخمم في كلامو و هو حبط مورايا قعد في شومبرة الحاجة، دخلت إخلاص جابتلو لي بتي فور لي طيبتهم و قالتلو ذوق وليد عمي و اعطيني رايك قالها يعطيك الصحة قالتلو بصحتك، خلات الطبسي دارت تضحك و خرجت، هو جا يرفد باش ياكل نضت نجري نحيتهالو خزر فيا مخلوع قالي وشبيك؟! قتلو لوكان زدت حضنتها خير قالي بدينا بالهبال قتلو ما تاكلش ممنوع، ديت الطبسي للكوزينة قالت إخلاص علاش ما كلاش قلتلها تعرفي أبو حرب ما عندو حاجة فالڨاطو قالي ما حبيتش برك نحشمها و قلتلها يعطيك الصحة عمري شدي الڨاطو ديالك، و رجعت ليه صبتو يضحك قالي و الله غير توحشت هبالك، فتح الكوفيرطا و قالي ارواحي لعندي قتلو ما نجيش راني نعسانة قالي يمال نعيط لإخلاص جي تساميني راني محتاج حضن مع هي معمرة الواحد يدفى ماشي كيما انت لي يرقد قدامك يشبع برد، قربت ليه و درت يديا في جنابي ضحك و جبدني من يدي قالي نموت على الغيرة ديالك يا الزينة تولي تهبلي، طبعتو و قعدت قتلو معمرة ياك و هو يضحك حتى حصلتو عطيتو شرب الماء قالي ارواحي قدامي و تشوفي قتلو لالا يعطيك الصحة.
دخلت الحاجة قالتلو ابو حرب صح عرس وليد عزام غدوا ان شاء الله؟ قالها إيه و دار كلشي على ضربة الحنة و العرس رايح يدير غير فالجنان الحالة ما تعجبش خليه يتهنى عندو 7 اشهر و هو خاطب، قالها عمك عيط و عرضنا كامل قالها إيه روحي قالتلو حلا تروح مع خالاتها تبدل الجو قالها يما مازالنا في حكاية خالاتها ملي منعتهم عليها رجعت للطريق  قالتلو حرام عليك ياوليدي الطفلة مرضت ياك نهار برك خليها ليوم تروح مع جدها و غدوا ان شاء الله نجيبوها معانا قالها ان شاء الله قالتلو و ليليان؟ قالها لالا ما تروحش هوما ساقطين و يقعدوا داخلين خارجين هوما يقعدوا يخزروا فيها و هي ما تعرفش تستر روحها و توصلوني للموحال قالتلو أنا نتحمل مسؤوليتها قالها اديها بصح كاش حاجة نولي ليك.
وجدت وش نحتاج للعرس و رقدت و غدوا منداك دانا الحاج و صراع قال كي نخرج من الخدمة نلحقكم، ملي رحت ما خطيتش الحاجة ما هدرت مع واحد ما ضحكت مع واحد.
كانوا الرجال برا مزهينها و البنات طلعو لفوق طفاو الضو و قعدو يطلو عليهم قالتلي الحاجة اطلعي تشوفي معاهم شفت صراع يشطح و يضحك و فرحان تبسمت على ضحكتو وشخصيتو وهيبتو، نطقت إخلاص قالت حلا شوفي باباك طولو يسوا كامل الرجال ليلة برك معاه تسوى العمر و ادا حبيت نموت موراها غير نموت و بنات عمها يضحكو
أنا درت وش بيها هادي تهدر هكدا قدامي وليت نغلي.
كملو حبطنا شويا و نسمع في صراع  يعيطلنا باش نروحو حاولت معاه مرت عمو باش نزيدو نقعدو قالها عيان حبيت نرقد، حنا جينا رايحين جات إخلاص قالتلو اديني في طريقك لدارنا قالها اطلعي
طلعنا للطونوبيل كنا كامل نسا معاه و بسلامتكم كامل سمان تحشرنا كي الطاكسي المخفي، و هو ملي قلع و هو يبلاڨي و حنا شابعين ضحك، خزر فيا قالي انت اضحكي هنا و كي ندخلو للدار اقلبي خليقتك عليا، دورت وجهي و نمسح فالدموع تع الضحك، هو يسوق و يشوف فيا و حسيت إخلاص ما نحاتش عينيها علينا، كنت محشورة مابيناتهم و راسي قدامو مديت صبعي و بديت نمشيه على كتافو و هو يدير احم، طريق كاملة و انت نتبلى فيه و نلعبها تع ماشي بلعاني مرات نلعب بالكول مرات بالمونش، رجع راسو لعندي و همس قالي حبيتي نديرو اكسيدو ارحميني حطيت راسي على كتفو و ضحكت نطقت الحاجة قالتلو كاش ما قلت وليدي قالها ماشي معاه يما لوكان خرجو عروق رقبتي من العياط ما تسمعيش و دوك كي همس سمعتي؟ اخخخ من طراطڨك يا نورية شكون يقدر عليك هوما ضحكوا و هو قعد يشوف فيا قالي خودي راحتك ادا درنا اكسيد الموت بيد الله ضحكت همس في ودنو قتلو نعست بدا يجبد فالنفس و يتنهد و يشوف فيا فالمراية حطيت راسي قريب من كتفو وصل اخلاص لدارهم هي حبطت ولا شويا الوسع قعدت فالكرسي، زاد وصل هيام لدارها قعدت غير أنا وحلا وصلنا للدار دخل الطونوبيل جينا داخلين حكمني من يدي قالي اطلعي لشومبرتي و راح للباب يغلقو.
رحت لشومبرة الحاجة بدلت و فرشت ليا انا و حرب دخل هو هدر معايا بعينيه علاش هنا ما رجعتش تكسلت فالفراش تنهد و طلع لفوق.
غدوا منداك جات هيام صباح بكري كان موصيها تخرجني نشري، شراتلي كلشي جديد جهزتني من كلش.
رجعنا للدار تغدينا و داتني عند الحفافة، عاودنا رجعنا للدار طلعنا كامل الحوايج فرزناهم في شومبرتو، و دارت تفريشة جديدة للبونك و لبستني ديزابيي ابيض و فهمتني في كلشي اول مرة نسمعها تتجرأ فالكلام معايا لهاديك الدرجة قالتلي دوك خلاص ما تخافيش الواعرة جازت اطلقيلو روحك يجيك كلشي ساهل.
ال8 تع الليل دخلت الحاجة زغرتت و باستني و دعاتلنا و رمات الورد فوق فراشنا باسوني و خرجو.
قعدت نستناه في شومبرتو و حاكمة التلفون، وحد السويعة هكدا دخل رفع حواجبو كي شافني قدامو و صاب الحالة مبدلة من كلشي شومبرة تع عرسان ليلة عرسهم، قالي اليوم الصغيرونة وش جات دير عندي؟ حشمت و حطيت راسي جا باس راسي و قالي الشومبرة ضوات بيك حياتي، راح فتح الخزانة صاب حوايجي لداخل و الماكياج ديالي فوق لاكوافوز تبسم، رفد حوايج و دخل دوش و جا، قتلو طفي الكليماتيزور البرد عليك قرب ليا قالي تخافي عليا؟ حبطت عينيا باسني من خدي و راح دار الريحة سڨم روحو تكسل فوق البونك و فتحلي يدو، رحت تكسلت قدامو و شايدة الديزابيي خفت ادا يتفتح حشمت منو، حط يدي فيدو و قالي شفتي الواحد كي يكون يتحرق و النار شاعلة فيه منبعد تصبي عليه ما بارد يرتاح هكدا راني نحس دوك معاك، ماشي فرحان لخطر قامت نفسي عليك بصح كي راكي في شومبرتي هد الشي فرحني تبسمت، قالي ما نقولكش مارانيش متمنيك أنا نحبك و لو كان ما جيتش نحبك ما نتمناكش بصح ديري في بالك كي تكوني انت مرتاحة أنا نرتاح، من هد الليلة مسكنك من العالم كامل هنا و شار على صدرو و مسكني معاك مانحرمكش مني بصح ما تعذبينيش و تحرميني منك.
قعد يهدر معايا غير بلعقل و واعدني بلي ما يدناش ليا حتى انا نحب بلا ما يسيف عليا، يهدر و يمسح على شعري حتى رقدت على صدرو
كي لحق الفجر ناض للصلاة نضت معاه هو راح يتوضى و انا نحيت الديزابيي لبست روبة قصيرة و رحت موراه صبتو كمل الوضوء رفع راسو قتلو خليني نصلي معاك ضحك جبدني من يدي باسني في خدي و قربني لافابو غسلت وجهي و نشفت منبعد عاود الوضوء و هو يعلمني كيفاش نتوضا، دخل للشومبرة عطاني خمار و جبد اللبسة تع الحج ديالو سڨمهالي هي و الخمار وقفت موراه نصلي رفع يديه الله اكبر و عاود كتفها درت كيما هو وش يدير نتبعو، حبيت نعيش شعور الطمأنينه بالصلاة و ندير كيما هو نشوف وش يحس كي يكون يصلي و صح حسيت روحي ارتحت.
هو بقى رافع يديه و يدعي مور الصلاة كي كمل قال امين رب العالمين و مسح وجهو درت كيما هو رفد السجاده وهو يتبسم حكم يدي و داني للبونك، هو وعدني بلي حاجة ما تصرا ما بيناتنا غير و إدا أنا حبيت بصح تبخرت الوعود تحت قول (كلام الليل يمحيه النهار) و اندمجنا مع بعض بصح هد المرة م كنتش خايفة بالعكس حسيت معاه بالحياة و من هداك النهار تبدلت حياتي معاه، هداك العصبي و لي يضرب ولا يعلمني ويتعلم هو كيفاش يضبط نفسو معايا، بدلني وعلمني نطيعو و هو تبدل و رجع عندي هو كلشي أب و أخ و أم و أخت و أهل و أصدقاء، لي ما نعرفناش نسقسيه عليها و هو يفهمني و يشرحلي بطريقة واضحة
الحياة ما يخلاصوش مشاكلها بصح نحاولو نتحكمو فيها بتصرفاتنا ..
هو كان فالنهار يغازل و يضحك و يحاول يتفهم أكثر باش ما نتهربش منو فالليل و نكونو مرتاحين..
خلاصت فترة خطوبتي هكدا سميتهت وبدأ زواجي الفعلي مع حياة جديدة و جدية.......