مراهقة والاربعيني بلهجة جزائرية

32

#المراهقة_و_الأربعيني:

#الجزء32:

غدوا منداك نضت على ال13 الكااااللم، كانت هيام دارت الشغل مور السحور كي شافتني فتحت عينيا قالتلي صحا النوم قلتلها الله يسلمك .. وش ندير للفطور؟ قالتلي كيما تحبي، طيبنا و وجدنا كلشي و حطينا الطابلة سنينا صراع باش يجي ما بانش منبعد قالت هيام كولو خالكم ما يجيش يفطر، حتى ال9 دخل و جاب معاه حلويات السهرة، أنا مبرونشية مع برامج رمضان حتى قالي نوضي حطي السنيوة تع السهرة قالتلو هيام جيب خويا أنا دوك نحط بصح علاش بطيت سنيناك باش جي و ماجيتش، قالها جزت على يما باركتلها بشهر رمضان تعرفيها ما ترتاح حتى تشوفني قدامها و تباركلي قالتلو لوكان غير جبتها معاك، قالها ما تعرفيش يماك جي منبعد ديرلك ألف سبة باش ترجع، قالتلو و بابا كيفاش راهو؟ قالها بخير ليوم دار عمي صالح هو و مرتو و إخلاص و شيخك فطروا عندهم، تقلقت و دخلت للشومبرة قالي ويييين.. اصبري كولي شويا ڨاطو قتلو مانيش حايبا و دخلت، شويا هكدا و دخل فيدو طبسي بقلاوة صابني مع التلفون نحاهولي من يدي شاف فيه غلقو و رماه فوق الفراش قالي اقعدي تاكلي قتلو مانيش حايبا قالي زدتي عاودتي زعفي من واش تقلقتي و ما تكدبيش ما يوالمكش الكدب اهدري راني نسمع، سڨمت روحي و قتلو علاش ما جيتش فطرت هنا ولا حلاتلك القعدة مع إخلاص؟ غاس شويا و قالي اواااه انت دافعة كوارطك ولات القعدة معاك تنقص العمر انا نوض خيرلي قتلو إيه إيه روح لعندها هاديك خلوص رحت ليوم قابلتها باش فطرت و أنا ولات ما تعجبكش القعدة معايا ياك، دار ليا و شايد الضحك قالي يا بنتي وش راكي تهدري و الله غير عقل دراري، و الله ما شفتها ما شافتني، دخلت ما خزرت في وجه حتى واحد، سلمت على راس يما قعدت شويا معاها و خرجت فطرت مع صحابي قتلو اااااه خلاص ما هدرناش قرب... قالي كيفاش ندير مع غيرتك هادي؟ بصح المشكل نحبها و الله ما نتقلق منها قتلو يمال تحملني كيما راني حاملاتك ضحك ههههههههه قالي كيفاش كيفاش يا يما على لسانك الطويل هدا ارواحي لهنا و قعد يبوس فيا و أنا تجاوبت معاه، سمعت صواتهم قدام الباب بعدت عليه سڨم روحو قتلو رايحين نقعدو هنايا؟ قالي لالا ليوم حوست على كاش دار و ماكاش لا بيع لاشرا الناس خايفة بصح عندي دار فالعاصمة تروحي معايا؟ قتلو لالاااااااا العاصمة لالا ناض يضحك ههههه قالي يمال اصبري غير نصيب نخرجو وحدنا، المشكل غدوا ان شاء الله خارج ميسيو قتلو وقتاش ترجع قالي 3 ولا 4 أيام، و وصيت صاحبي على دار بالاك يصيبلي مام انا كرهت منهم ماشي غير انت قتلو بصح شوف وحدة صغيرة 3 شنابر بزاف باش ما نعياش فالميناج و واحد ما يلصق فينا و يجي يعيش معانا إدا بعت الدار، قالي ما نشريش دار صغيرة عمومي و حبابي بزاف و إدا كاش واحد من أهلي حب يجي معايا ما نمنعوش قتلو يتسمى ما درنا والو، قالي ليليان أنا ما نقدرش نخلي بابا انسان كبير شكون يرفدو على كبرو من غير وليدو البكري، لوكان نخليه لسعد يشبعو ميزيرية بالتمشحيح ديالو و نائل ما يعيشش عندو، هو تاكل عليا في كلشي ما نقدرش نخيبو، و تحملت مرتو هد السنين كامل على وجهو، قتلو و انت شكون لي راهو يخمم فيك حتى تخمم في راحة كل واحد، ياك كامل عندهم الدراهم و قادرين يشريو ديور وحدهم و المشاكل علاش انا ما نحملش مرت باباك، قالي وش حبيتيني ندير ليليان هدو أهلي و عار باش واحد يسمح في ماليه على جال كي مرتو ما تحملهمش، قتلو يمال علاش راك تعيي في روحك و تحوس.. و نضت خرجت.
هو بدل و رقد و أنا قعدت نطلع و نحبط وش حصلني في هاد العايلة ما كاش كيفاش نتهنى منهم.
غدوا منداك خرج ميسيو و يومين منبعد جا الحاج و الحاجة حبوا باش نرجعو، قالو لهيام عيطي لصراع و قنعيه باش نديو مرتو معانا، عيطتلو ما قبلش نحالها الحاج التلفون وبقى يهدر معاه يقنع فيه قالو اديها من عندي لوكان ام سعد تزيد تدنى لمرتك انا بنفسي نحاوزها بصح تان وصي مرتك تشد لسانها شويا و ما طيحش القدر، هو مازالو يهدر فالتلفون و الحاجة و هيام داوني للكوزينة ينصحو فيا منبعد قالتلي الحاجة روحي البسي قلتلها صراع قبل نروح؟ قالتلي نوضي صراع ما عندو حتى هدرة كي نهدر أنا.
لبست و رحت معاهم و هوما طريق كاملة و هوما يوصيو و ينصحو، دخلت صبت أم سعد ونائل و نور فالهول سلمت عليهم و طلعت لشومبرة صراع نتفرج فالتلفزيون حتى ال2 نضت انا و نور نوجدو فالسحور و نڨصروا كي شغل ما صرا والو.
الصباح جا جا صراع كنت راقدة في شومبرتو دور وجهو و رقد قلت هذا وشبيه؟ زعفان ؟! قربت ليه صراع صراع صراع قالي اااااااا لا حول و لا قوة إلا بالله.. قتلو راك زعفان؟ قالي لالا علاش حتى نزعف برك عيان حبيت نرقد قتلو يمال كسل يدك كيما موالف باش نرقد عندك قالي حبيتيني نفطر ارقدي خليني نرقد عطشان، قربت ليه و حطيت راسي على راسو وحظنتو قال الله لا تربحهم قتلو شكون؟ قالي لي ولدوا وحدة كيما أنت حتى تبلى قلبي بيها نضت نضحك و انا معنقاتو هههههه، قالي احشمي تتبلاي في رجال الناس احكمي روحك عليا قتلو علاااااااش هههههههه و جبدت يدو بالسيف عليه و رقدت عليها باس راسي وغمض عينيه.
على ال12 نضنا في زوج هو راح توضى و أنا رحت للكوزينة نوجدو الفطور، أم سعد راقدة في شومبرتها قالو مريضة و وقفت معانا الحاجة في بلاصتها، و كي العادة درت ديڨا في عوض ما ندير الملح فالكباب درت السكر و كي فقت مع عمري طلعت نجري لصراع قتلو صرررراع صرااااع نوض ناض مخلوع قالي وش كاين زدمو علينا الارهاب قتلو لالا راح الكباب ليوم باباك يشويني في بلاصتو قالي وش زدتي درتي يا المخبوطة؟! قتلو عمرتو سكر في عوض الملح قالي و أنا وش حبيتيني نديرلك؟ قتلو سلكني دبر راسك ياك انت راجلي قالي يااااااا تتفكري بلي راجلك غير كي ديري الديڨات.
قتلو ماشي وقت حكاياتك سلكني قبل ما يفيقولي قالي روحي دوك نحبط نندب على النهار لي شفتك فيه كاش واحد راهو مسلطك عليا جي ليا غير الوقت لي نكون حايب نريح؟! قريب حبستيلي قلبي و أنت منوضتني على الكباب.
حبط لتحت حسيتو تقلق شويا هكدا و لحقني دخل للكوزينة الحاجة كانت واقفة و هو عاقد حواجبو يالي نوضتيني من الرقاد، قالتلو الحاجة يا عمري على وليدي ملي رحت ماشفت هاد الطول عمر عليا الدار ربي يحفظك و يحميك، تبسم و باس راسها قالها و يحفظك يما وش راكم ديرونا فطور؟ قالتلو راك جيعان وليدي؟ قالها لالا جيت نسقسي برك إدا كاش ما تحتاجو قالتلو لالا الحمد لله كاين الخير و البركة درنا شربة دولمة كباب و ڨاطو للسهرة، خزر فالكباب قالها هدا ماشي طايب؟ قالتلو جابو نائل ما لحقش باش يطيبهولو، قالها درتولو الملح و لا مازال؟ و شرلي براسو تع قولي لالا قتلو لالا مازال، زاد شرلي على السكر تع هادي البلارة لي درتي منها؟ درتلو براسي إيه، نحى حفنة سكر و عجن بيها الفيونداشي و قال راني درتلو الملح قعدلكم غير تشويوه و نور صاغت لالااااا أبو حرب هدا سكر ماشي ملح.. قالها اااااا قولي و الله معليه ما كتبتش و دار يغسل يديه عيطت عليا الحاجة قالتلي ليليااان مقبيل قتلك ملحيه مليح هكدا كي فسد خير، قلتلها يما نسيت و زيد وليدك لي فسدو ماشي أنا دار ليا و هو يغسل فتح فيا عينيه مليح و دارلي براسو صار هكدا، دخل الحاج عرف بلي الكباب فسد بدا غير يدور و يتمتم هو على كرشو يخلي عرشو، و الحاجة تقول و الله غير حرام راح هد اللحم كامل باطل هكدا قالها صراع خلاص يما ما صرا والو دوك أنا نكوموندي، كان محمد وليد سعد عندنا قاعد فالصالو عطالو دراهم و قالو روح للريسطورو جيب زوج كيلو كباب مشوي قولو لعمي أبو حرب، و الحمد لله جازت بخير و كاموفلاها.
حطينا الفطور فطرنا و كملنا الشغل منبعد انا دخلت لشومبرة الحاجة نشوف المسلسل، دخل نائل جاب ليسوغيز حطهم قدام الحاجة قالتلو يا وليدي علاش شقيت روحك حتى السنان و ما عنديش باش ناكلها قالها ما نقدرش نشري ليما و ما نجيبلكش معايا قالتلو الله يرضى عليك يا وليدي ويرزقك بالذرية الصالحة، باس راسها و خرج، قالتلي ليليان نوضي جيبي طبسي ليك كولي و تفرجي، رحت جبت و قعدت مبرونشيا مع برامج رمضان، شويا هكدا و دخل صراع من صلاة التراويح صاب يماه راقدة باس راسها و دار ليا قالي واش يا أم الطراطڨ كملتي ديڨاتك و جيتي تتفرجي قتلو و انا وش درت؟ انت ديرها و حصلها فيا قالي يااااااا صار هكدااا؟! قتلو حبيبي خليني نسمع المسلسل ..
قالي يا سيدي غير اعرضينا على ليسوغيز و خلينا نشوفو معاك، دنيت شويا جا ساماني حطينا الطبسي ما بيناتنا ناكلو و نتفرجو دارت الحاجة قالتلو جيت يا وليدي قالها إيه و جبتلك معايا زلابية علابالي تحبيها، خزرت فيا الحاجة قالتلي ياخااااه وش درتي علاش راكي تاكلي و ترمي فالقاعة؟! قلتلها ماشي أنا صراع عيطي عليه هو و انا علاه خزر فيا مخلوع قالي أنااااااا؟!! قتلو نورمال حبيبي ما صرا والو دوك نرفد وش زربعت قالي وشنووووو؟! انا ولا أنت قتلو خلاص حبيبي علاش راك تكبر فيها أنا أنا ما تتقلقش برك دار ليماه قالها يما و الله ما أنا غير هي موالفة دير الديڨات و تحصلها فيا و دار ليا عض صبعو قالي انا نزربع اخخخخخخ نحكيلها على الكباب؟ قالتلو الحاجة وشمن كباب؟ قالي نحكيلها و لا نسكت؟ تعنكرت فيه قتلو خليني نشوف االمسلسل رايح يخلاص و انت قاعد غير تهدر قالي اااااااه... يمال كي خلاص اطلعي جيبيلي تريكو زيرني القميص قتلو نكمل برك قالي والو تطلعي دوك يا أم الديڨات، رحت جبتلو قالي لوكان غير جيبيلي نتعشى و الله ما فطرت مليح ديتها غير ڨوازيز و لبن قتلو اووو وشبيك خليني نكمل المسلسل، رفد التلكومند و طفاه عيطت لالااااااا و جيت نحيهالو رفعها فالسما و انا نصوطي باش نلحق يدو و نحيهالو قالي في عوض ما راكي تتلواي لوكان راكي سخنتي الماكلة و كملتي قتلو تعيش نكمل المسلسل برك قالي ما نقدرش نصبر راني جيعان تعلقت فيه باش نحيلو التيليكومند جبدني من شعري و جا يبوسني قتلو لالااااااا بعد الحاجة راهي هنا، هي كانت دايرة بظهرها وهو يتضارب معايا حتى باسني و انا نطبع فيه، الحاجة و هي دايرا للحيط قالت راح الحيا من وجوهكم ما تحشموش قليلييين الأدب... طبعني و هو يضحك و أنا خرجت رحت للكوزينة و نضحك دخل نائل قالي إدا راكي تسخني لصراع سخنيلي معاه راني جيعان، حطيتلهم كلاو و قعدنا نحكيو و نضحكو حتى للسحور باش رقدنا.
غدوا منداك وجعتني كليتي لخطر نصوم و ما نشربش الما قالتلي الحاجة افطري قلتلها لالا عادي نكمل، شويا هكدا جات نور و نائل جابو التوام كانو راحو دارولهم الفاكسا قاعدين غير يبكيو قالت الحاجة لنائل اديها لعند ماليها اليوم دوك تطلعلهم الحمى و هنا ما تلتهالهمش خليها تريح شويا.
هي راحت و أنا حصلت الدار في راسي و حلا يجي وش يجي ما تحبطش تعاون، تفطر و تعاود تطلع لشومبرتها تتفرج عندها تلفون بالتخبية على صراع شراتو كي رحت انا وياه عند هيام.
قعدت فالكوزينة واقفة من ال 11 حتى ال5، الحاجة كملت و دخلت لشومبرتها رقدت و أم سعد كملتها غير مرض و تخرج بالسيف ملي عاودت رجعت ما دير والو.
شويا و عاودت رجعت الحاجة تتفاقدني دخلت حلا عيطت عليها قالتلها انت تعرفي غير الرقاد و هادي مريضة كليتها توجع علاش عروسة اتحركي شويا، سلمت على راسها و قالتلها ما تزعفيش دوك نديرلك الديسار، رجعت الحاجة لشومبرتها رقدت و أنا قعدت نوجد الكيسان مع حلا نحب ندير الديسار حتى قالتلي ليليان راهم على عينك دقيقة اعطيني خمارك دوك نبعثهم يشريولي و نولي.
شويا هكدا و دخلت تجري لشومبرة الحاجة رافدة صاشي كحل و عاودت خرجت بالخف، عطاتني الخمار و قالتلي خلي انا نكمل و انت خرجي لابوبال خنقتني ريحتها، رحت على نيتي رميتها شفت الباب مفتوح جيت نغلقو حتى دخل صراع مقلق حكمني من يدي و قالي وش راكي ديري هنا و الصاشي لكحل وين راهو قتلو وشبيك رميتها فلابوبال قالي علاش كنتي مخرجة راسك من الباب قتلو ما كنت مخرجاتو جيت نغلق الباب جبدني من يدي و دخلني للدار عيط يمااااا خرجت تجري قالتلو يا ستار وش كاين؟ قالها ليليان كانت برا و مخرجة راسها من الباب ولا لالا قالتلو و الله ياوليدي ما علابالي انا دخلت لشومبرتي نريح شويا، نطقت حلا قالتلو بابا انا كنت راقدة و حبطت ندير الديسار و ليليان خرجت لابوبال قالت نرميها بصح ما علاباليش إدا فتحت الباب و لا لالا، غير قالت هكدا كركرني لفوق داني لشومبرة عابد وقف و قال شوفي دوك تقوليلي علاش خرجتي راسك من الباب و عادل وش عطالك فيدك و الصاشي وين رااااهي قتلو شكون عادل صراع ما خرجتش راسي و الله قالي و تزيدي تكدبيييي انا شفتك بهاد الخمار مخررجة راسك من الباب و عادل راجل أسماء واقف يهدر معاك، ما تخافيش ربي نتيااااا وش درتلك حتى تحوسي تكسري عرضي، مرة تحوسي تهربي مع وليد خالك و مرة تزاعديلي راجل قدام باب داااااري انطقييييي وش عندك معاه، قتلو صراع وشبيك و الله ما خرجت راسي راكي الصاشي وين رااااهي؟ قتلو رميتها فلابوبال وش ندير بيها؟ قالي ما تكدبيش حوست و ما صبت والو اهدري وش ما بينك وبين عااااادل و حكمني من شعري تهدري و لا دوك ندبحك؟ قتلو نحي يدك تشوف قتلك ما خرجتش و يجبد عليا بكف حتى رعفت و هو يعيط تخونينيييييي يا وحد ..... مع راجل ختي و قدام بابا داااااري...
أنا صايمة و مريضة و رعفت دخت و طحت بصح جايبة لخبر نحس فيا كي كان يكسر و يخبط فالباب خرجوا الحاج من الشومبرة و غلق الباب هنا تغاشيت ما فقتش حتى صبت الدنيا ظلمة فالشومبرة و صوت صلاة التراويح فالجامع، الباب مغلوق بالمفتاح العطش و السطر  فالكلى قتلوني حبيت ندخل التوالات بديت ندقدق فالباب و نعيط قلتلهم تعيشو برك ندخل التوالات بصح واحد ما فتحلي الباب ما قدرتش نحمل كثر حتى درتها على روحي قعدت نبكي و نخمم فالحكاية كيفاش صرات حتى تفكرت كي كان يقولي صاشي و مخرجة راسك و شفتك بعيني بهاد الخمار و حلا كي داتو من عندي لبساتو و دخلت بصاشي كحل تجري لشومبرة الحاجة منبعد بعثتني نرمي لابوبال و خلات الباب مفتوح باش فهمت الكومبلو.
انا هكداك حتى سمعت هيام و صراع يداوسو و يتعايطو شويا هكدا فتحت عليا هيام الباب و جات تجري في الظلمة ليا شعلت لاتورش تع تلفونها لخطر الضو خاسر في شومبرة عابد، كي شافتني ناضت تندب و انا كلاطيت بالبكا قلتلها و الله ماني انا غير حلا لي دارتها و حصلت فيا قالتلي خلاص أسكتي نوضي وش دارت فيك هادي حسبي الله و نعم الوكيل، جات تنوضني ما حبيتش قلتلها تعيشي استريني السطر تع الكلى قتلني و ما حملتش شمخت روحي قابلتني و بدات تبكي، مسحت دموعي و قالتلي و الله العظيم ماني مرا لوكان ما نقلبش عليهم الدار نوضي نوضي، جابتلي حوايج و طلعتني لخوها و تعيط قالتلو هكدا تظلم اليتيمة إن شاء الله يخرج فيكم ذنبها بالواحد حسبي الله و نعم الوكيل روح شوف بنتك ال..... وش راهي دير زبايل و تحصلها في راس هاد لمخلوقة، دخلتني للصالدوبا نحاتلي حوايجي علقتهم و هو بدا يطبطب فالباب بالزور قالها اخرجي فهميني وش دارت حلا ماشي دخلتي حطيتيلي حجرة فالصباط و خرجتي، قالتلي دوشي دوك نجي، خرجت ليه و قالتلو احبط معايا نوريلك الطريق ليزيستوار تع بنتك.
كي كملت الدوش و خرجت نسمع في حلا تعيط و تقول والله ما أنا لي خرجت عمتي تامني هاد ال.... و تكدبيني أنا؟ حبطت لتحت صبتو حاط يديه في جنابو و هيام تعيط مع حلا و الحاجة تهدن فالحالة.
كي شافتني حلا قالتي يا وحد المسمومة حبيتي تحصليها فيا و ديري العداوة ما بيني و بين بابا، قالها بلعيييي و دار ليا قالي أنت اطلعي لفوق خفيييييييي، درتو فالثقيل و رحت ديراكت لخزانتها هي طبعتني قالتي وش تسحقي آاااا درت لهيام قلتلها و الله غير هي تسلفت خماري خرجت و خلاتني فالكوزينة و دخلت تجري و في يدها صاشي كحلة خباتها هنا فالشومبرة، قالت الحاجة صح كنت نقرا فالقرآن شفتها كي دخلت خبات صاشي كحلة في خزانتها بصح ما درت والو في بالي قالتلها حلا ما عندي حتى صاشي راهي تكدب جات ليها هيام قالتلي بعدي تشوفي قالتلو بابا راهم يكدبو غير باش يحصلوها فيا و يجبد عليها بكف و جبدها من شعرها قالها افتحي الخزانة يلا قدامي قالتلو ما علاباليش وين راهم المفاتح يكدبوا ما تامنهمش، رماها فالقاعة و قالها عيان حوسي في حوايجها و خرج، هوما يحاولو يفتشوها و هي ما خلاتهمش حتى طاحو المفاتح من حوايجها رفدتهم حبت تنحيهملي حكمتها من شعرها و نضت نعيط عليها يا وحد ال.... حبيتي ترمي بلاك عليا، دخل صراع حكمها من شعرها قالها وين راهو المفتاح؟ عطيتو لهيام و هي تبكي في يدو و تحلل فيه، خرجت هيام صاشي فيها برية و ساعة و سنسلة تع ذهب رقيقة مڨرافي عليها اسم (حلا)  جات هيام تفتح البرية ما خلاهاش و دا حلا لفوق لحقوه الحاجة و هيام قبل ما يغلق الباب قالها يما اخرجي و حلا مكمشة فالكوانة ترجف من الخوف و تبكي و الحاجة تقولو بجاه ربي يا وليدي، جبد سلاحو قالهم بعدو عليهاااااا...
الحاج و أم سعد كانوا راحوا ضياف لدار سعد و نائل كان برا و نور عند دارهم، يعني ما كان حتى واحد و اني كي شفتو فهديك الحالة تخبيت فالصالدوبا نسمع غير في عياطو قالهم لوكان ما نقتلهاش دوك غدوا كي تروح لدار راجلها جيبلو راجل للدار و تحبطلي رااااااسي.. بعدو عليهااااا.. شويا و سمعت صوت نائل يتضارب معاه و صراع يعيط و قالب الدنيا و يكولهم ما نديرلها والو نحط رصاصة في رجلها و نقعدها آفي، هادي تسودلي وجهييييي.... و هي تبكي و و تعيط و هيام و الحاجة كيف كيف..
نائل نحا السلاح لصراع قالو راهي اضربها بصح ماتعوقهاش.. هو يضرب و يعيط ديفورماها حتى ولا راسها يشرشر بالدم رفدوها نائل و الحاجة للسبيطار يجريو و هيام و صراع ناض لعياط ما بيناتهم أول مرة سمعتهم يداوسو هي تقولو و الله ما نزيد نخليها دقيقة عندك و هو يقولها اخرجي روحي لدارك ما دخليش روحك ما بيناتنا و أنا خفت نخرج يفرغ فيا زعافو، حتى فتحت عليا الباب و قالتلي امشي ليليااان معايا وجبدتني و هو يقول امشي لدااااااخل قالتلو انت ماشي خويا صراع وحدة حابسة و لوخرا بعثتها للسبيطار تبع  القلق ديالك و شوف وين يوصلك، دخل الحاج في هديك الدقيقة داه للهول و هو بعد عليه رفد تلفونو و خرج بالطونوبيل.
هيام قالتلي امشي ما تقعديش هنا قلتلها ما يقبلش و الله لوكان نخرج غير يذبحني قالتلي قتلك امشي ما تحوسيش تفهمي قالها الحاج وين دايا الطفلة خليها دوك يتهدن راجلها و يتفاهمو قالتلو ما نقعد ما نخليها و منا و جاي انساو بلي عندكم بنت وسمها هيام، قالها يا بنتي وش صرالكم غير فهميني صراع ما حب يهدر و لا نتوما علاواش ضاربتو؟ قالتلو سقسي وليدك هدا إدا قعدلو وجه يقابل بيه بعد الشي لي دارتو بنتو.
رفدت حوايجي و خرجت مع هيام حتى كوارطي و رفدتهم هي من خزانة يماها رحنا نمشيو و هي قريب تخرج من حوايجها قلتلها هيام تعيشي عييت هدا الحد كليتي رايحة تحبس ما قدرتش نزيد نحمل و قعدت، قالتلي ليليان خلاص وصلنا نوضي عاونتني حتى وصلنا لاقاونا ولادها يسقسيو عيطت عليهم قالتلهم هد الشي ما يهمكمش، دخلت دارتلي تشكة تع فولتارين و قالتلي دوك يزل عليك الحال، منبعد حطتلي كليت و قعدت قدامي شعلت التلفيزيون و عاقدة حواجبها منبعد دارت ليا قالتلي إدا عندك ذرة كرامة ما تقعديش هنا طحتي ما بين الذيابة و انت نعجة ما تقدريلهش سلكي روحك قبل ما تطفر فيك، قلتلها وين حبيتيني نروح وين يسكنو دارنا راهي في يد الإرهاب و ماما ما بان عليها حتى خبر و خويا إرهابي و النيميرو تع خالي ما عنديش، قالتلي انا نعطيلك النيميرو تع خالك و عيطيلو يجي يديك علاش راكي متحملة هد المعيشة كل يوم الضرب، هديك لي ما تتسماش مخطوبة و دور مع راجل عمتها و ترمي في بلاها عليك يمال لوخرين وش رايحين يديرو فيك، صراع و ما يقدرش يحميك منهم هوما يديرولك كاش مصيبة و هو بالقلق ديالو كاش ما يديرلك و تضيعو في زوج كي أنت كي هو، روحي ما تقعديش هنا، هي تهدر و أنا غايسة فيها و دموعي جراية، قالتلي شوفي ليليان انا ما راكيش مجينيتني برك حكمت ضميري بصح ترجع ليك تحبي تقعدي لي عندي قلتو، قلتلها اعطيني النيميرو تع خالي، قالتلي ان شاء الله و هديك الدار إدا زدت عتبت بابو ما نتسماش أنا وليد بابا و يما يقولي روحي لدارك و ما دخليش روحك يمال لوخرين كيفاش، كانت تهدر و تبكي و تمسح في دموعها قلتلها أم علي و الله ما يقصد ياك تعرفيه شحال يحبك بصح هو كي يكون زعفان ما يعرفش وش يهدر منعد يندم، خزرت فيا قالتلي كامل وش دار معاك و مازالكي دافعي عليه؟!! انت حابسة، قلتلها ما علابالوش وش راهي دير بنتي و هي عرفت كيفاش تخدمهالي، دورت وجهها و سكتت و أنا رحت للشومبرة تكسلت و قعدت نخمم صبت هيام عندها الحق يوميا يديرولي مشكل مرة السريقة مرة الخيانة وش يزيدو يديرو فيا، إدا زوج مرات و خرجتلي سلامات ربي العالم بالثالثة كيفاش.
رقدت و كي نضت الصباح صبت هيام قاعدة و ولادها راقدين في ثلاثة حسيتها رايحة تطرطق، دارت ليا قالتلي النيميرو تع خالك راهو في تيليفوني نوضي عيطيلو، عيطتلو رفدت عليا حكيتلو كلشي قالي غدوا ان شاء الله نجي نديك ما تبكيش خالو ما بقاتلك حتى قعدة مع هاد الهماج.
مع الظهر جات الحاجة قعدت مع هيام تحلل فيها قالتلها تعرفيه شحال يحبك ما جابش خبر لروحو وش كان يهدر علاش بنتو كاش ما خلاتلو عقل، و هي رافدة راسها بالسيف و دموعها تسيل منبعد قالتلها و هديك الساقطة تع بنتو وين راهي، قالتلها بونداولها راسها و جبناها و صراها راكب راسو قال يفسخ الخطبة و يعوقها و يحبسها فالدار حتى تتربى، و الحاج و نائل قالولو خليها تتزوج تنستر و خباو على أم سعد و صراع ما خلاش خوالها يجيو ليها حتى جدها و ما خلاهش يشوفها، راهو حابسها في شومبرة عابد و المفتاح عند نائل.
صراع راهو حاير و ما عرفش كيفاش يتصرف خاف يقتل عادل و يتضارب مع عمامو بنتو تتوسخ سمعتها و تنشهر و ختو تتطلق و تزيد تكبر الحالة، و ما قدرش يسكت و يجوزها كي شغل ما صرا والو و نائل راهو يشد فيه غير بالسيف، الله لا تربحها بنتو معولة تقتلو و دارت ليا قالتلي ليليان ما تزيديهاش على صراع ارجعي و الله غير وليدي رايح يروح مابين يديا غير من تحت مشاكلكم، قلتلها وش حبيتيني ندير علاش ما شفتيهش كيفاش ضربني لبارح و حبسني ما نقدرش نزيد نعيش معاه، قالتلي و انت كي الحابسة ما عرفتيش تحكيلو كلشي كي جا سقساك خليتيه حتى ضربك باش هدرتي، قلتلها نسيت في هديك الدقيقة منبعد باش تفكرت قالتلي بعد واش و دوك رايحة تقعدي هكدا حابسة لسانك فيه ميترا بصح راسك فارغ قالتلها هيام علاش وليدك يخلي الواحد يشوف الطريق قالتلها من حقو وش حبيتيه يدير، يشوف وحدة من نسا الدار مخرجة راسها برا و و واقفة مع راجل و عاطيلها حاجة و يسكت؟ سقساها و لا لالا؟ ما تقعديش تحصلي في غلطاتها فيه، و هي علاش مغندفة هكدا لوكان واجباتو علاش حتى يضربها، كي تكون تداوس لسانها يولي فراشية و كي تلحق للصح تولي تنسى و ما تعرفش دافع على روحها و تولي الغلطة فيه، ماكفاهش همو فعوض ما تقوليلها ارجعي اوقفي مع خويا في محنتو كاش ما يصرالو واقفة معاها و تشعلي فالنار، لوكان كاش ما صرالو بعيد الشر و تغمضت عينو شكون بيك و بيها ااااه ما تخميش انتيا، غلط معاك غلطة نسيتي كامل الحوايج المليحة فيه و زعفت منو على كلمة قالها وقت زعافو بصح نتوما ما فيكمش الخير و ناضت جات رايحة قالتلنا و الله لوكان كاش ما يصرا لوليدي ما تسلكوا من يدي لا انت لا هي لا بنتو.
هي راحت و هيام ما هدرت والو قاعدة برك غايسة و دموعها يطيحو منبعد ناضت للكوزينة.
ساعتين من بعد عيطت الحاجة قالتلها بلي صراع و نائل تلثموا و زدموا على عادل كسروه و تيراو على رجلو برصاصة و جاو، و أسماء عيطت لان سعد حكاتلها بصح ما علابالهاش بلي خاوتها عمبالها كاش حسيفة و باباك راح للسبيطار يشوفو..
كي قعدت نص ساعة للفطور جا صراع طبطب الباب فتحلو علي قالو عيط ليماك، لبست خمارها و خرجت ليه طليت عليهم من التاقة نشوف فيه واقف عند الباب و وجهو باين عليه التعب تبسم معاها و قالها ندخل و لا تحاوزيني؟ قالتلو الدار دارك ماشي داري دخل باس راسها قالتلو تفضل بصح ما ضحكتش معاه، طابس ينحي صباطو و انا دخلت للكوزينة و نشوف فيه من الباب باس البنات و قعد على الكرسي و هي دخلت للكوزينة ما قعدتش معاه و هو تنهد قالها ام علي ما تزيديهاش عليا تعيشي راني عيان دقيقة تع زعاف افهميني.. و هي قعدت تقلب فالماكلة و دموعها تسيل ناض وقف عند باب الكوزينة خزر فينا و انا جزت عليه و رحت للشومبرة جا مورايا فتح عليا الباب قالي علاش ما حكيتيليش دورت وجهي عليه و بكيت قالي شحال من مرة سقسيتك و انت ما حبيتيش تواجبي علاش سكتي تحبي تعذبيني انت؟!
ما رديتلوش طابس باس راسي وقف تنهد و خرج من الدار.
راح علي ليماها قالها علاش راكي مكبرتها هكدا جا ليك حتى للدار و طلب منك السماح وش حبيتيه يزيد يديرلك كثر من هكدا؟ قالتلو علي ما دخلش روحك قالها لالا ندخل روحي و نزيد، كي وقف عندك فالكوزينة قلت دوك تحني و تهدري معاه حتى و فوق قلبك ما عرضتيهش منبا على الفطور و هو صايم ما عندكش قلب؟ قالتلو علي اخرج علياااااا قالها أنا أصلا راني خارج من الدار كامل و هاي ليك اقعدي فيها وحدك و كي يموت اقعدي تندبي ياك و نشوفوها شكون لي رايح ينفعك منبعد، خرج و خبط الباب و هي قعدت فالقاعة و تبكي و بناتها يبكيو و يحاولو فيها ماما تعيشي سامحي خالو.
أذن المغرب وجدنا الطابلة، انا ما كنتش صايمة بصح هوما في ثلاثة ما حبوش يفطرو.
لحقت ال12 و علي ماجاش تعيطلو ما يرفدش و هي تحلف و تقول كي يجي نوريلو كيفاش يترجل عليا، لحقت الوحدة تع الليل النار شعلت في قلبها عليه غير دخل تكروشات معاه جات تضربو حكم يدها قالها مانيش دراري كنت مع خالي صراع قالتلو و أنت وش داك لتم؟ قالها ما دخلنيش فيك مانيش دراري باش نشد النيف معاك على خالي، قالها هاو طاح على جالكم نتوما الزوج و ديناه للسبيطار ابردوا دوك، هي جمدت في بلاصتها و ضربت وجهها قالتلو يا يما خويا وش بيه، قالها حاسبي روحك خلاها و دخل للشومبرة راحت تجري موراه يا وليدي قولي وشبيه صرااااع قالها طلعتلو لاطونسيو ديناه للسبيطار صرالو تشنج فعضلات القلب .. قالتلو و دوك وين راهو قالها مازالو فالسبيطار راهي معاه الحاجة و نائل قالتلو و انا علاش ما عيطتوليش قالها كامل على جالك و لوكان ماشي جدة قالتلي ارجع لعند يماك ما كنتش معول نولي، لبست حجابها و خرجت فهداك الليل تبكي و تقول خويا رايح يموت و أنا قعدت فالدار نبكي و نلوم في روحي و علي قعد في شومبرتو يغلي،  على ال3 نائل وصل هيام للدار سقسيتها على صراع ماوجبتنيش قاعدة غير تبكي شربت الما و نوضت بناتها شربوا قبل الإمساك صلات و قعدت تقرا فالقرآن قلتلها هيام بجاه ربي قوليلي برك كيفاش راهو، قالتلي مازالو فالسبيطار ما قدرتش نشوفو كان راقد و الدنيا غير رجال ما حبش نائل يخليني ندخل، كي ما صحليش نشوفو رجعت مع الحاجة.
كملنا طفينا و دخلنا لفراشاتنا بصح وشمن عين ترقد و صراع فهديك الحالة.
نضنا على ال11 هيام خملت الدنيا بلخف و قالت نروح بالاك نقدر نشوفو قلبي راهو نار عليه حتى سمعنا الدقديق فالباب فتحت هيام صابتو خالي رحبت بيه هي و وليدها قالها ما جيتش ضيف جيت ندي بنت اختي قالتلو رجلها راهو طايح ڨراف فالسبيطار كي يريح و يخرج يعملها ربي تاويل قالها درت ليسكال باش لحقت هنا ما نقدرش نستنى حتى يخرج راجلها ديجا صبرنا فوق لي يلزم أذيتو بنتنا بزاااف هنا تحبس، انا نديها و كي يخرج راجلها يجي يطلقها و إدا حبت هي ترجعلو براحتها و دار ليا قالي أيا حالة وجدي روحك مروحو، انا قعدت غايسة في هيام، و علي راح عيط لجدو ربع ساعة دخل هو و الحاجة قالولو هادي مرتو و ما جاياش تديوها بلا علمو، خالي تقلق قالهم هنا و تحبس سترتوها كثر خيركم و إدا وليدكم غلط مع بنتنا ترجع لينا و رجل ما حصلت في صباط و قعد يعيط غير نروح معاه و خلاص، قالي الحاج روحي دوك مع خالك و كي ينوض بالسلامة ان شاء الله نحكيلو و هو يتصرف.
رفدت فاليزتي و رحت مع خالي، طريق كاملة ما نشفوش دموعي، كامل وش غلط معايا و حسيت قلبي خليتو لتم، دخلت صبت لتم بنت خالي لي متزوجة فالدنمارك وسمها ميلان، حضنتني و قعدت تواسي فيا هي و يماها منبعد قالولي وش دارولك حتى رجعتي هكدا كيفاش كنتي و كيفاش وليتي.
دخلت دوشت و عطاولي حوايج من تاوع بنت خالي وسمها ريتا كان عندها منبا شهر برك ملي تزوجت.
لبست و خرجت و بالي عند صراع، قالتلي ميلان راكي منيتك مازالكي تخمي على هداك الهمجي كيفاش قدرتي تحمليهم؟! تبسمت قلتلها وش رايحة ندير نحبو قالتلي تحبك حبوبة وش حبيتي فيه هدا؟! شحال في عمرو؟ قلتلها 43 سنة قالتلي لالا شيوشبيك يا طفلة السيد دارلك غسيل مخ، نوضي نوضي نروحو للمول تشوفي الدنيا الله لا تردو لا هو لا ماليه.
عطاتني سروال جين و تريكو أحمر مكييت حسيت روحي صح كنت مدفونة قالتلي أيا نروحو قلتلها وحدنااا ؟! قالتلي يماك معامن، قلتلها بصح ما نطولوش تعيشي الليل و صراع لوكان يسمع يقتلني قالتلي حتى اسمو و يعيي غير قوليلي هدا وش عجبك فيه؟ انسايه دوك دوك تشوفي الرجال لي عندنا هنا تنسايه و تنسايه ماليه، قعدت غايسة حسيت روحي تقلقت كي كانت تهدر عليه هكداك، بصح هو تان آذاني قلت خلي نخرج نشم هوا نقي عندي 9 أشهر و انا محبوسة ما بين 4 حيوط.
قلتلها وين راهو حجابي تشوكات قالتلي من نيتك؟ قلتلها و نخرج هكدا حبيتي صراع يصلبني في وسط الشارع قالتلي مازالكي تقوليلي صراع؟ كيفاش قدرتي تتأقلمي مع معيشتهم؟ قلتلها ما علاباليش كيفاش صح عقليتهم ماشي كيما عقليتنا بصح هو ينحب، قالتلي وقتاش حبيتيه ماشي كل يوم بضربك ملوقتاش والفتي الضرب انت و رجعتي هكدا؟ قلتلها ماي مات بابا الله يرحمو و طحت في يد يحي والفتو، قالتلي انساي هاد السوجيات و امشي نخرجو.
لبست و خرجت معاها بالستيل ديالي تع بكري لا حجاب لا خمار، نمشي و خايفة نقول دوك يشوفني صراع.
طلعنا فالطونوبيل تع خالي تسوق فيها ميلان هي نوضتها حتى ڨارات طونوبيل قدامنا شعلوا لي فار و كلاكسوناو
حبط اووووو وليد خالي حنا غير شافني قالي أوووو ليليان سلمنا على بعضانا قالي علاش تبدلتي هكدا وش صرالك؟ تبسمت قتلو وش ندير قالي طلقتي ياك قتلو لالا جيت برك نريح شويا
قالتلنا ميلان و دوك رايحين نقعدوا هنا خليونا نروحو، ديمارينا و هو جا مورانا، لحقنا للمول كنت نحس روحي عريانة سنين و انا نلبس هكدا و في 10 اشهر والفت نلبس كيما هوما، شويا هكدا قلتلها ميلان أيا نرجعو للدار قالتلي وشبيكي علاش راكي معقدتها هكدا عيشي حياتك و انسايهم.
دورتني على كامل ليماڨازا و في عوض ما كنت نشوف في الحوايج لالا كنت نحوس في وجوه الناس على وجه صراع ما علاباليش علاش مالڨري علبالي بلي مستحيل يكون هنا.
جا حنا مورانا عيطلنا در خزرت فيه وش جاب لجاب صراع لي يعمرلي عيني في كلشي، نعشق فيه كلشي.
ميلان دخلت تقيس الحوايج و أنا خزرت في روحي فالمرايا نكرت روحي سقسيت وين يتباعو لي شال رحت باش نشري واحد و حنا قاعد يتبع فيا جيت نخلص جبد الدراهم خلصو قتلو لالا عندي قالي معليه اعتبريه كادو، جبدت الدراهم و عطيتلو وش خلص قالي ليليان وش بيك علاش راكي مكبرتها هكدا نسيتي شكون أنا؟ قتلو جوستومو كي علابالي شكون أنت لي قتلك لالا أنا مرا متزوجة و راجلي ما يقبلش ندي حتى دورو من عند غيرو، و جيت رايحة تقلقت منو لاصق فيا تزوجت و مازال عندو انا نتطلق و نرجع ليه.
دخلت معاهم للريسطورو جزت للسانيتاغ مسحت هداك الماكياج و لبست الشال على راسي، كي خرجت صبت حنا دوموندا رنڨيلا و ميلان شايدة ڨارو و تتكيف ضحكت قلتلها ملوقتاش رجعتي تتكيفي؟ راجلك ما يقولك والو؟  قالتلي جربتها والفتها. نطق حنا قالي صح راجلك يضربك كيفاش راكي عايشة معاه؟ حرت وش نقولو ما نحبش نهدر فيه الدونية قدامهم قتلو تهموني بلي راني نخون فيه ضربني، قالي علاش ما عندوش ثقة فيك؟ قتلو لالا ماشي هكداك هو برك شويا مقلق حتى بنتو و ضربها كي فهم الحكاية و رفدوها للسبيطار، قالتلي ميلان مع بنتو يدير هكدااااا؟! قلتلها هي مخطوبة و تحب وحدوخر ضربها قالتلي هدا حيوان قلتلها لالا ماشي حيوان هو راجل و نص و كل انسان في عيب هو عيبو كي يتقلق يدو تسبق عقلو قاتلي إيه جوستومو الحيوان لي كي يزعف يفقد عقلو قلتلها ممكن يكون حيوان بصح من صنف السبع و زهراتو واعرة ( و الله يا البنات غير هي لي قالت عليه هكدا بالعراقية و أنا قلتها بطريقتنا 😁)
قالتلي تحبيه كامل هكدا؟ يا بنتي كبير عليك، حنا حاكم تلفونو كي شغل ما راهوش يسمع، حتى أنا ما عرفتش علاش ندافع عليه مام كنت مجروحة منو.
صونا تلفوني باسم (دقات قلبي) و صح حسيت بدقات قلبي مابين ضلوعي بصح خفت نرفد عليه درتو سيلونسيو بعثلي ميساج ( قلبك حجرة حرام عليك تعب قلبي في غيابك ما نحملش زعافك شحال حقودية ما خممتيش حتى تعيطي و تطمني عليا) ما رجعتلوش زاد بعث ( عصفورتي راني فالدار خرجت من السبيطار و راني مريض و الله خليني نبعثلك نائل يجيبك و الله غير توحشتك) لتم عرفت بلي ما زال ما علابالو بلي راني في دار خالي بعثتلو ميساج (صراع راني عند دار خالي و خلاص كلشي ما بيناتنا) عيطلي سور بلاص ما حبيتش نرفد بعثلي ( وشنوووو.. ارفدي التلفون خير ما نقلب الدنيا) غلقت التلفون و ما زدت بعثتلو حتى كلمة قلت خليه يعيش الألم ماشي غير أنا لي نتوجع.
جابو العشا كليت شويا ما عطانيش خاطري سنيتهم كملو و قلتلها لميلان امشي نرجعو للدار قالنا حنا اصبرو اصبرو نديرو فوطو سوفونير و صورنا.
سقساتني ميلان على الفايسبوك ديالي قلتلها وسمو (مشاعر بريئة) بصح تغلقلي قالتلي عندك النيميرو لي فتحتيه بيه قلتلها إيه قالتلي جيبي تشوفي، رجعتلي الكونت و اجوتات روحها هي و حنا عندي فليزامي، التلفون صونا عيط صراع كوبات و كملت اكتيفاتو و عطاتني التلفون قالتلي راني رجعتهولك، عاودت عيطت الحاجة رفدتلها و أنا نمشي قلتلها انعم يما قالتلي علاش رحتي قلتي لصراع بلي راكي عند دار خالك؟ قلتلها و نتوما علاش ما خبرتوهش
قالتلي وش خداك وليدي هدا وين خرج من السبيطار معولة تقتليه؟ قالتلي وشنو هد الحس وين راكي؟ قلتلها خرجت مع بنت خالي ميلان اصبري نلحق للطونوبيل و نهدر معاك مانيش نسمع مليح من الحس، نحالها صراع التلفون قالي وييييين خرجتي؟! أنا سمعت صوتو وقفت في نص الطريق، و حنا جا يجري جبدني من يدي ويقولي ليليان منيك تحبسي هنا و يحبس فالطونوبيلات باش يقطعني، و صراع قالي شكون لي راهو معاك كوبيت في وجهو و قطعت الطريق مع حنا نجري حتى وصلنا لطونوبيلة ميلان.
الحاجة قعدت تعيط علبالي بلي صراع يعيط من عندها، غلقت التلفون قتلني الخوف.
طلعنا فالطونوبيل ديمارات ميلان قالتلي انسايهم و عيشي حياتك نحاتلي التلفون رماتو فلاريار و شعلت الموسيقى و تغني
أنا تخمامي كامل كان عند صراع هو مريض و انا ندير فيه هكدا رفدت التلفون شعلتو بلخف عاودلي صراع باين بلي وصلو ميساج بلي شعلت التلفون.
نقصت للموسيقى و قلتلها لميلان ما تهدريش و رفدتلو قالي وين راكي دوك؟ قتلو خرجنا خالي نحوسو قالي هداك الصوت تع مقبيل ماشي تع خالك قتلو لالا صوت بنتو قالي ما تكدبيش صوت راجل قتلو لالا هي صوتها يتشبه لصوت الراجل، ميلان حبست الطونوبيل و دارت ليا مشوكية تعنكرت فيها و درتلها بصبعي اشششت و هي تشرلي أنا صوتي كيما تع الراجل معليه اشفةي عليها.
قالي وش نديرلك دوك تخرجي بلا علمي ما تقولي راجلي في السبيطاااااار؟!! قتلو و الله غير خرجت بالخمار و ما درتش الماكياج
قالي لوكان نعرف بلي خرجتي بلا بيه و الله غير نذبحك ليليااااااان.. قتلو و الله غير لبستو و زيد وش دخلك ياك رايحة نطلق روووح... قالي كي نجي و نوريلك كيفاش نطلقك معليه و كوبا في وجهي، شويا و عاودتلي هيام قالتلي يا المعزة وش درتي علاش قلتيلو، راني دوك في دارنا دار حالة في بابا و يما كيفاش خلاوك تروحي قلتلها و حبني نقعد تحت رحمتو؟ قالتلي هو ما كانش علبالو بلي رحتي و زيد ما تغندفيش روحك علبالك شحال يحبك و الله غير راهو مريض، قلتلها هيام ماشي انت لي قلتيلي ادا عندك ذرة كرامة روحي و ما ترجعيش؟ قالتلي هداك الكلام كان في وقت و ليوم حاجة اخرى صراع يحبك راهو كي المهبول عليك فالدار  يا بنتي و الله غير يعشقك قلتلها و الله ما علبالي أم علي الحياة هنا حاجة و عند صراع حاجة و المشكل ما قدرت نقعد هنا ما قدرت نتحمل القلق و الزعاف تع صراع كثر من هكدا
هنا سمعتو قالها قوليلها كي تخرج تستر روحها و خمارها ما تنحيش من فوق راسها سينو نمسح بيها الدنيا و كوبا.
ما عرفتش وش ندير نخليه و نعيش حياتي هنا و لا نرجعلو.
وصلنا للدار قعدت انا و ميلان في شومبرة ختها ريتا، شويا دخل علينا حنا قعد معانا و كل واحد فينا كان حاكم تلفونو، قالتلي ميلان وريلي نشوف راجلك وريتلها تصاورو قالتلي ما تخيلتوش هكدا اواااه بدلت راييي حبيه حبيه قليل وين تصيبي كيما هو  ههههه ، جا حنا شاف تصويرتو قالي باين عربي نحيتلو تلفوني قتلو خير منك خرج و خلانا.
انا نخنتش في تلفوني طلعولي إعلانات إباحية حبيت نقرعج داني الفضول فتحت شفتهم طلعتلي السخانة و عرقت خرجت نجري من السيت و غلقت التلفون بقيت مصدومة من الشي لي شفتو و قعد يدور في راسي حاولت ننسى حتى نعست و رقدت.
غدوا منداك كان رايح خالي للكنيسة قتلو عندي عام ما رحتش قالي علاش راجلك ما يخليكش؟ قتلو لالا جامي قتلو و أصلا ما نضنش عندهم لتم بصح جامي جبرني باش نبدل ديني فرض عليا الحجاب برك.
لبست و رحت مع خالي انا لتم فالكنيسة و صوت صراع في ودني وهو يرتل (يس و القرآن الحكيم) ما علاباليش علاش. 
كي ولينا غير وصلنا للدار ڨارات طونوبيل فيها صراع و الحاج و سعد، دخلهم خالي للصالو و أنا بدلت حوايجي و قعدت نتصنت عند الباب، مع اللول كان غير الحاج لي يهدر و لوخرين ساكتين منبعد قالو خالي بنتنا طعنتوها زوج مرات في شرفها، المرة الاولى بسبة وليدكم الله يرحمو و جات عندكم عاشت معاكم و شفتو اخلاقها و هاد المرة شكيتو فيها نطق صراع قالو انت واثق من اخلاق بنت اختك؟ قالو أكيد قالو يمال علاش جيت تحلل و قلت استروها؟ كنت قادر تديها لوليدك مادام تعرفها وش تسوى و تكوبي الحكاية لي كانت دور فهداك الوقت، خالي سكت منبعد قالو شوف هاد لحكاية تع شكينا فيها و طعناها في شرفها احكيها لوحدوخر ماشي ليا، أنا مانيش مخنث و سروالي حابط و مرتي تخوني و نضربها كفوف و خلاص، يكون في علمك لوكان جيت شاك فيها ذرة راني قتلتها و غلقت الحكاية وسقسي علينا إدا ما تعرفناش يقولولك كيفاش نتصرفو مع المرا لي تخون، أنا طلبت منها تبرير علاش كانت واقفة عند الباب نكرت و كي عاودت سقسيتها شحال من مرة قعدت ساكتة و ما حكاتلي والو ضربتها تأديب ماشي شك لوكان جيت شاك فيها نستعمل سلاحي ماشي يدي .. جيت و ديت مرتي من داري بلا علمي بوشمن حق؟ قالو خالي شوف أبو حرب حنا تفاهمنا من البداية الزواج يكون شهور و طلقها، قالي أنا لي نقرر هدا زواج ماشي لعبة، مرتي عاشت معايا 10 اشهر و جي دوك تقولي تفاهمنا ما تفاهمنا، قالو بصح الطفلة عيطتلي تبكي و ماشي حايبا تعيش معاكم قالو ما تقوليش الطفلة ، هد المرة مرتي و كي تبكي و تنجرح أنا لي نداويها ما نسمح لحتى واحد يدخل ما بيناتنا، و زيد هي مراهقة ما تعرفش مصلحتها وين و انت لوكان جات المعيشة عندك مليحة لوكان لايمت يماها ماشي مخليها عايشة فوسط الإرهاب
كي صراتلها هديك الحكاية انت لول لي دورتلها ظهرك و دوك جاي تقولي الطفلة ما حملتش، أنت يومين و تبعثها لخوها، قالو أنا ما تبريتش من ختي و ملبكري نصرف عليها قالو أنا عندي ختي أرملة و معلقها في رقبتي ماشي غير بالدراهم الراجل ما يرميش ختو ما عندها وين تروح لوكان ختك حملت معيشتك ما ترجعش لربيبها تعيش معاه و تحملو و هو ارهابي ملفوق، و دوك جاي تقولي ترفد بنتها؟ مرتي ما تقعدش هنا عيطلها قالو ماشي بالسيف هي تعبت من حياتكم ما راهيش هاملة عندها عموم و عندها أهل بصح أنا نتحمل مسؤوليتها، ضحك قالو ههههه شفت كيفاش دوك قلت عندها عمومها و بديت تخمم ترميها وين راهم ما شفت حتى واحد جا و سقسى عليها و لا حوس يفهم كيفاش راهي عايشة.
بقى صراع يهدر و خالي يقولو خليها هنا وهي تقرر وصراع ما حبش قال ما تقعدش هنايا و قوى حسهم حتى رعف صراع قالو الحاج ياك قلنالك راك مريض خلي الطفلة تتهدن شويا، خالي عطالو القطن و انا رحت نجري للكوزينة و ميلان معايا عطاتلي القطن دخلت للصالو ما صبتوش قالي سعد راهو فالصالدوبا دخلت صبتو فلافابو مطابس راسو و يغسل قاعدة نخزر في ظهرو كنت متوحشاتو موت... رفع راسو شافني قدامو دار ليا بلخف قالي يا أم الديڨات بنتي دوك تليقلك طريحة، نشف وجهو و قالي بصح عندك الزهر جيت متوحشك، غلق الباب و حط يديه في جنابو قالي هكدا ليليان تخليني و أنا فالسبيطار؟ حطيت راسي، قالي راهم يقولو كرهتي مني و ما راكيش حايبا تعيشي معايا محملتيش صح؟ ما واجبتوش، قرب ليا قابلني رفع وجهي قالي علبالي جرحتك و آذيتك بزاااف و لي ديريها فيا نستهل بصح ما تحرمينيش منك و الله غير نحبك  حبيتيني نقتل روحي انت تتهناي مني و انا نتهنى.
مد يدو لجيبو تع السروال ملور جبد البورتفاي حط دراهم في يدي قالي هدا مصروفك اقعدي هنا يامات علبالي نفسيتك راهي تعبانة بدلي الجو يمات و نجي نديك تفاهمنا؟ درتلو براسي إيه حكم وجهي ما بين يديه قالي ما تخرجيش بلا خمار و لبستك مستورة ماشي مزبوطة هكدا؟ قتلو إيه رفع راسي و قعد يخزر في وجهي قالي ما تزعفيش و الله العظيم غير نحبك باسني من خدي و قعد يشوف في وجهي حبطت راسي حط فمو على شفايفي و قعد يبوسني بلهفة، حركت يدي حطيتها على خدو هو حس بلي تجاوبت معاه حوطني بيديه و كمل حسيت بشوقو ليا، بعدت وجهي منو تبسم حط يدو على خدي قالي تروحي معايا دوك؟ والله خالك أكبر كذاب لوكان جا فيه الخير لوكان قعدت يماك عندو، قتلو خليني هنا يمات قالي عيانة؟ درتلو براسي إيه باس خدي و قالي براحتك يمات و نرجع ليك نديك، غسل وجهو نشف سڨم حوايجو فتح الباب و قالي بلاما نوصيك و سيي ما تخرجيش بزاف و تلفونك تخليه دايمن قدامك مفهوم؟ قتلو إيه.
خرج راح للصالو و أنا غسلت و دخلت غمزتني لميلان ضحكت..
تفاهم مع خالي قالو رايح نخليها هنا يامات ترتاح و نجي نديها، رحت سلمت على سعد و الحاج وراحو..