مراهقة والاربعيني بلهجة جزائرية

61

#المراهقة و الاربعيني:

#الجزء61:

كانت الساعة الزوج و نص سمعت الحس فالدار نضت من الفراش، حطيت راسي ما بين رجليا و نضت نبكي بصوت عالي و نقول يااااربي خود أمانتك في هاد الساعة و ما تخلينيش راني نموووووت...
لوكان جا عندي أب نعيطو و نقولو يجي يديني.. أنا نبكي حتى تفتحت الباب و دخل عليا صراع بحوايجو تع لعرس لتم زدت هبلت نضت من البونك و بديت نصوغ راك حايب تهبلنيييي... راني نتحرق ، قلبي شعلت فيه الناااار... قالي ما عطانيش قلبي نخرج و نخليك مورايا و الله ما نحب وحدة من غيرك و ديها من فمي و الله ما نبات الليلة غير في حضنك..  قتلو على وش من حضن راك تهدر و أنت عطيتلها كامل احلاميييي... تمنيت نلبس لاغوب بلونش كيما كامل لبنااااات و أنت ليوم تلبسها لإخلااااص.. تمنيت عرس ليااااااا و أنت درتو لإخلااااص.. رايح تحكم يدها قدام الناس و تقول هادي مرتي.. منبعد جي توهم فيا بكلام ما عندو حتى معنىىىىىى... راني نتحرق حس بيااااا رايحااااا نمووووووت... 
الشي لي برا كامل من حقي و انت خليتو من حقها علاش علاش.. تقولي مدللك و أنت حابسني هنا كي الزاوش فالكاجة.. ما قبلت نكمل قرايتي، ما خليتلي داري وحدي، أخلامي مديتها لغيري و تقولي نحبكككك.. وشمن حب هدا صرااااع.. دمرتني قتلتني عذبتني حرااااام عليك ارحمني وطلقني.. حبيت نعيييييش.. حبيت نتنفس اخطينيييي... أنا واقفة نعيط و هو ساكت.. حبطت عند رجليه قتلو تعيش ارحمني و اقتلني و ما تخلينيش هكدا رايحة نموووت... قالي ليلياااان... قتلو ما تقوليش ليليان، مانيش حايبا نسمع اسمي بصوتك طلقنييييييي..
دقدقو فالباب قفزت و وقف قتلو ما تروحش.. ما تخلينيش صراع و الله غير نحبك.. قالي و الله غير دوك نرجعلك.. قتلو مانيش حايبا ترجعلي اقعد معايا تعيش.. رفع يدو مسح دموعي و جبدني لحضنو.. تكروشيت في حوايجو و بديت نصوغ و نبكي على آخر صوتي و هوما يدقدقو فالباب.. قعد معايا شويا منبعد بعد عليا و خرج و أنا قعدت فالقاعة كليت روحي.. ما كان لي نشكيلو ما نقدر نخرج و نعيط وليت نضرب في راسي فالقاعة و نعيط يا ربي موتنييي.. ندور ندور و ما نصيب غير لحيوط قدامي نشكيلها.. صح ليوم حسيت بالغربة و تكسرت... بابا مات و خويا باعني و ماما ماتت و صراع تخطف.. كامل هادو ما عادلوش حرقة قلبي ليوم.. مرارة الموت حسيتها في فمي.. سمعت صوت الزغاريت عرفت بلي جابو وجه الشر تع إخلاص.. غلقت كامل التواقي و حطيت يديا على ودنيا باش ما نسمعش منبعد طحت فالقاعة ما قدرتش نتحرك فشلت وليت جسد بلا روح و ماكاش واحد من أهلو جا تفاقدني كامل خاينين..
سمعتهم كي طلعوها لشومبرتها ما تحملتش.. رحت فتحت الباب بلعقل و طليت.. شويا و قالو راهو داخل العريس.. أنا شفتو دخل لعندها كرهتو في هديك الدقيقة غلقت الباب و قعدت نبكي بحرقة.. منبا ربع ساعة صبتو فوق راسي كان مدوش.. شفتو نضت نصوغ اخرج علياااااا ما نحتاجكش... قالي ليوم خلاصت عليها تبقى خدامة و الله ما نقربلها.. قتلو كداااااب اخرج برا.. سمعت يتيريو البارود برا من الخوف قعدت فالقاعة و حطيت يديا فوق راسي قعد قدامي.. قتلو دخلت عليها ياااااك... ذبحتنيييي.. قالي والله ما كملت معاها غير سال الدم خرجت و حق ربي ما عندي حتى رغبة بيها.. كنتي تدور غير انت في بالي، عطيت لختها الاشارة تع عذريتها و رحت نجري دوشت و جيت ليك... قتلو ما رانيش حاملاتك وسخاتك وليت كيما هي عفتك رووووح ما نحتاجكش اخرج علياااا... جا يحضني ما حبيتش قاعدة نبكي و نطبع فيه حتى سمعت الدقديق فالباب و هوما يقولو أبو حرب وين راك؟ حكمتو من يدو قتلو ما تخرجش ما تخلينيش تعيش... قالي و الله ما نزيد نخليك و جبدني لحضنو و أنا نبكي.. الدقديق فالباب و هو ساكت ما واجبهمش قاعد برك يهدن فيا.. منبعد فتحت هيام الباب و دخلت صابتو قاعد معايا فالقاعة، مخليني في حضنو و يمسح على شعري.. قالتلو أبو حرب يحتاجوك لتحت.. قالها قوليلهم ما يحبطش.. قالتلو عمي عزام يحتاجك.. قالها أم علي اغلقي الباب موراك.. قعدت تخزر منبعد ولات خرجت.. 
نحيت راسي من صدرو قتلو مانيش حاملاتك وليت نعيفك كي كنت معاها.. قالي نوضي تغسلي ما تقعديش فهاد الحالة.. كوني هانية و الله ما علابالي بيها من ليوم خلاص.. نضت مسحت دموعي و قتلو ماراني حايبا نشوف حتى واحد و قعد فالبونك.. زادوا دقدقو فالباب ناض هو فتح صابها خالة إخلاص قالتلو يا وليدي أنت هنا و العروسة لداخل.. قالها تفضلي قولي وش تحتاجي؟ قالتلو لالا بصح مخلي العروسة وحدها يضيق خاطرها مسكينة روح ليها على وجهي.. قالها وجهك غالي الحاجة بصح إدا ضاق خاطرها اديها معاك وش نقدر نديرلها أنا...
خلا الباب مفتوح و راح يفتح فالخزانة دخلت حالتي شافت فيا و خرجت عاود غلق الباب موراها و رجع قعد قدامي..
كنت متكسلة و مدورة وجهي بصح قلبي محروق و النار شاعلة فيه و هو حاط يدو على راسي و يهدر.. قالي و الله ما تحلى في عيني وحدة من غيرك علاش أنا مهبول باش نبدلك بيها و روحي معلقة فيك.. علبالي كان يحاول يهدني و يطمن قلبي..
سمع نور دقدقت فالباب تع شومبرة إخلاص و قالت أبو حرب العشا.. ناض من بلاصتو و فتح الباب قالها نورر جيبي العشا لهنا..
جابت الماكلة و دخلتلها لعندنا قالتلي نوضي حنونة كولي لقمة من الصباح و أنت قاعدة للشر.. قالها صراع خودي راحتك ختي دوك أنا نوكلها.. هي خرجت و هو قالي يلا حبيبي نوضي.. قتلو بعد عليا ما تقربش مني.. قالي نقرب نوضي تشوفي يلا.. قتلو مانكلش وخررر.. جبد يدي و وقفتي من البونك قتلو وشنو بالسيف؟ قالي ريحي نهدرو.. قعدني و قالي شوفي منا و جاي والفي بلي رايحة تشوفي إخلاص قدامك.. خزرت فيه بالزعاف قالي ما تشوفيش فيا هكدا راني حايبك تفهمي و تعرفي كيفاش تتصرفي ماشي تخربيها بديڨاتك كي العادة.. إدا حبيتي تجنيها من هنا اتصرفي بعقلك و ما تخلي حتى واحد يلومك.. عاونيني باش نطلقها.. قتلو كيفاش؟ قالي تهرب منا هي بنفسها و هي لي تطلب الطلاق ماشي أنا لي نطلقها باش ما نتلاموش بيها و ترجع.. قتلو ما فهمتش.. قالي سانديني بالعقل وللا تصرفات طايشة...
دقدقوا فالباب و دخلت خالة اخلاص حاكمة إخلاص من يدها
أنا شفتها قدامي و النار شعلت فيا.. جيت نوض حكمني صراع من يدي.. خالتها قالتلها سلمي على راس راجلك و اقعدي كولي معاه.. مرتك ماراهيش عدوتك كونوا حباب ماشي مليح المشاكل.. سلمت على راسو و هو عاقد حواجبو قالها اقعدي تاكلي.. دارت ليا قالتلي وش راكي ليليان؟ شفت فيها عينيها حمورا من البكا.. دورت وجهي عليها بصح لداخل كنت نغلي.. قعدت معانا على السنيوة تع العشا و خالتها بقات تهدر مع صراع و هو يردلها، و أنا عينيا ما نحيتهمش على إخلاص.. كانت لابسة ديزابيي صاتا طويل أبيض بالموف بصح مازالها بالماكياج و لاكواف ديالها حتى الغوج الافغ ديالها مازالو مسڨم يعني ما باسهاش طمنت بصح ما فهمتش كيفاش توشاها و هي حاجة ما فسدت فيها.. كنت نتوقع رايحة تدخل و تستشفى فيا بصح عينيها شابعين بكا ما عرفتش وش صرا بالضبط..
صراع كانت يهدر مع خالتها فوق قلبو و هي تحلل فيه باش يرد بالو عليها.. دخلت عجوزة حلا قالتلو إخلاص راهي أمانة عندك أبو حرب رد بالك عليها.. قالها وصيها هي لي ترد بالها على تصرفاتها ما نسحقهلش تتصادم مع ليليان... قبل ما يكمل كلامو قاطعاتو خالتها قالتلو و الله غير وصيتها ما تدنى ليها ما تهدر معاها.. نطقت إخلاص قالتلو راهي في عوض ختي و الله ما ندنى ليها.. جبدت النفس و جيت نوض صراع كان حاكم يدي و مثبتني خزر فيا تع ريحي..
خرجت خالتها و ختها و غلقو الباب و هي مدت يدها تاكل و أنا متعنكرة فيه لوكان صبت ناكلو هداك وش كان خاص غير يجيبها لشومبرتي و تقابلني..
نطق صراع قال اسمعوني في زوج ما نحتاجش المشاكل الكبير فيكم يتفهم الصغير و الصغير يحترم الكبير و لي تحوس على المشاكل و تضارب والله غير الطلاق عندي أسهل من شربة الما.. هدرها و زير على يدي فهمت قصدو وهي كل كلمه يهدرخا تقولو تأمر أبو حرب.. قالها ما تتأمليش من هاد الزواج بزاف أنت لي جيتي و لصقتي روحك و تأكدي عندو مدة و يخلاص و كل واحد فينا يروح لحالو رفعت راسها و.بكات قالتلو أنا و الله ما..... قاطعها قالها اشششت حسك ما نسمعوش و ادا كملتي ماكلتك روحي لشومبرتك.. دخلت الحاجة و هو يهدر دور وجهو.. باركتلو و سلمت عليه قالتلو يجعلها زواجة الدهر يا وليدي.. شافت إخلاص تبكي استغربت.. أنا قعدت غير نخزر ما فهمتش وش صرا بالضبط و الحاجة قالتلو وشبيها إخلاص؟ ناض و خرج.. أنا عينيا منفخين من البكا ما شافتنيش ولاتيا تسقسي على إخلاص.. نضت و رحت قعدت فالبونك.. و هي داتها لشومبرتها.. شويا و عاود دخل صراع و عيط لحلا قالها ارواحي بنتي ارفدي الماكلة منا و احبطي.. أنا مغطية وجهي بالفراش و هي رفدت السنيوة جات تهدر معاه قالها راني عيان بنتي حبطي الماكلة دوك.. هي خرجت و هو غلق الباب و لبس بجامتو و جا لعندي للبونك كنت عاطيتلو بالظهر تكسل مورايا حط راسو على راسي و همسلي قالي حضنك و ليلة معاك ما نبدلهمش بالدنيا.. ما رديتلوش، تهدنت بصح ما بردش قلبي، مجرد كي نتفكر بلي كاين مرا فالدار تشاركني فيه نخاف..
كان مازال الحس لتحت بصح عينيا تغلقو من النعاس و هو ثقل راسو عليا و نفسو هدات عرفتو رقد.. و أنا رقدت بلخف..
مرات كي يكون الانسان خايف و متعذب و مقهور و فجأة يحس بالأمان بلخف ينعس و يرقد..
كي فطنت صبت روحي على يدو، نحيت راسي و قعدت نشوف فيه.. كانو زوج أحاسيس في قلبي متناقضين من جيهتو..   شعور يحبو و شعور حايب يقتلو.. ما عرفتش هاد الراجل وش دايرلي مام يآذيني بصح قلبي يخلقلو ألف عذر باش يسامحو بصح عقلي رافض تماما باش يسامح لخطر تآذيت بما فيه الكفاية.. غير تفكرت اللحظة لي كان فيها مع إخلاص بلخف عفتو و نضت من عندو.. فتحت الباب و خرجت من الشومبرة.. حبطت لتحت صبتهم كامل راقدين، خالة إخلاص و ختها و.حلا و نسا وحدوخرين راقدين فالصالون، جات في راسي نحرق الدار بيهم بصح ما يستاهلوش نوسخ يديا بيهم و ندي ذنوبهم ربي سبحانو ياخدبي حقي منهم..
فتحت الباب و خرجت للجنان.. حضنت روحي و بديت نشوف فالڨاراج و الدار و نتفكر فرحتي اول مرة كي جيت لهنا.. شحال كان عندي احلام و أمنيات كامل تبخرو و واحد فيها ما تحقق لا قراية لا دار لا حياة سعيدة ولا حتى حاجة، أنا منحوسة لوكان فيا الخير لوكان ما جيتش لهنا و متت مع أهلي.. أنا نخمم حتى شفت قط كحل يشوف فيا نضت بلخف نجري دخلت للدار خفت.. طليت من التاقة تع الكوزينة ما صبتوش  قعدت نحوس بعينيا وين راح حتى حسيت حاجة توشاتني قفزت و صغت حط يدو على فمي و قالي اشششت ماكان والو وشبيك هدا أنا.. قتلو وخر عليا.. بعدت عليه و قلبي يخبط من الخوف.. قالي وش راكي ديري هنا؟ قتلو وش دخلك.. خليتو و دخلت و أنا نهدر مع روحي قلت هدا هو نفس القط لي شفتو من قبل، لالا هداك في دار هيام بالاك برك يتشبهلو لخطر تان كحل...
فتحت الفريجيدار باش نجبد الما نشرب صبتو معمر بالماكلة تع العرس خبطها و درت ما صبتوش قلت وين راهو هدا؟ خرجت برا ماكاشو.. تلفتت من و من ماكاشو، طلعت لفوق بالاك راح من الباب الثاني لشومبرتها، جيت نفتح عليها الباب جاتني صعيبة بقيت حايرة و روحي متعذبة خفت نفتح نشوفهم كيف كيف.. قعدت ندور فالصالة حتى شفتو طلع رحت لعندو و أنا مقلقة قتلو وين كنت؟ قالي كنت فالتوالات تع برا وشبيك؟ قتلو نكرهكككك و دخلت للشومبرة جبدت الفراش من الخزانة و فرشت فالقاعة.. دخل هو شافني قالي علاش فرشتي هنا اطلعي للبونك.. قتلو ما دخلش روحك.. قالي ليليان بركاينا من لعب الدراري و اطلعي.. قتلو ما راني لا حملاتك لا حاملة نقرب ليك نكرهك كثر ما تتخيل.. قالي اكرهي على روحك بصح فراشك ما تعزليهش عليا ولي لهنا.. غلقت راسي و تكسلت فالفراش لي حطيتو فالقاعة و هو قعد يتعنكر فيا منبعد فرش السجادة و قعد يقرا فالقرآن حتى أذن الفجر ناض صلى كي كمل طفى الضو و جا حشر روحو معايا قتلو نوووووض ما ترقدش قدامي يلا.. رجع راسي للفراش و قالي ارقدي...
قتلو ما نرقدش نوووض مانيش حاملاتك قدامي عفتك مقبيل كنت عندها و دوك جاي ليا وخر عليا.. قالي شحال تهدري بسلامتك ارقدي.. جا يرجعني للفراش ربعت رجليا و قتلو  هاه بطلت ما نرقدش يلا نوض.. قالي كيما تحبي براحتك و جبد الغطا و رقد..
قعدت نشوف فيه بالزعاف.. كي شفتو رقد جبدت تلفونو من فوق الطابل دونوي و قعدت نقلب فيه حتى رقدت.. فطنت على الدقديق فالباب صبت روحي ما بين يديه ما عرفتش كيفاش حتى لحقت لحضنو.. رفع راسو و قال شكووون؟ قالتلو نور أبو حرب عمي صالح و مرتو يحتاجوك.. قالها قوليلهم ماراهوش هنا.. قالتلو بصح طونوبيلتك.. قالها قوليلهم كيما قتلك و رجع راسو للمخدة.. قتلو ياخاه علاش ياك بابات مرتك روح استقبلو بالأحضان.. قالي ما نحبش النسيب و ماعندو ما دخلك أنت.. قتلو كي ما عندو مادخلني وش جابك لفراشي لاصق فيا؟ قالي مرتي و نلصق الوقت لي نفحتلي فهمتي؟ قتلو ما فهمتش و ماشي كيما تحب.. حسيتو يتمسخر بيا نضت قعدت فالبونك و هو جبد تلفونو و قعد يقلب فيه و أنا شعلت التلفزيون وكعدت نتفرج.. عاودو دقدقو فالباب قالهم و هو كاره ادخل... نضت بلخف حبطت قعدت قدامو بقى يخزر فيا مستغرب و تبسم.. دخلت أم وسام قالت صباح الخير دار ليها قالها صباح النور خير أم وسام.. قالتلو بابا راهو لتحت يحتاجك.. قالها دوك نحبط.. بقات تشوف فيا منبعد تعنكرت و خرجت..قالي صراع ياك كنتي تقولي بعد عليا و مانيش حاملاتك علاش كي سمعتي الدقديق جيتي لصقتي فيا غير لخير؟ قتلو ما دخلش روحك و نضت.. هو ناض من الفراش يتكسل و طابس باس خدي طبعتو بلخف قتلو وخر عليا ما توشينيش.. قالي نحبك يا بقرة.. قتلو مستفز..ضحك و خرج.. راح للصادوبا و رجع بدل حوايجو و حبط لتحت.. تقلقت بزاف و قعدت رايحة جاية فالشومبرة ما قدرت نحبط نشوف فواڨرهم ما قدرت نبقى في بلاصتي و من الحيرة وليت نبكي.. كي يجي لعندي نعيفو و كي يروح قلبي تشعل فيه النار.. شويا و دخلت سارة بنت هيام قالتلي قالك خالو صراع احبطي تتغداي.. قلتلها قوليلو ما حبتش.. غلقت الباب و راحت.. زادت دخلت نور لعندي جابتلي الغدا فالسنيوة قالتلي ريحي تاكلي  شوفي كيفاش راهي حالتك.. قلتلها مانيش حايبا ناكل وين راهو صراع؟ قالتلي تغدا و قالي اديلها تاكل و خرج لبرا.. قلتلها وين راح؟ قالتلي ما نعرف راح بالطونوبيل.. قلتلها إخلاص راهي لتحت؟ قالتلي إيه ريحي نحكيلك بلخف.. قلتلها وش كاين؟ قالتلي ياك لبارح ضربها.. قلتلها وقتاش؟ قالتلي كي كانوا فالشومبرة، سمعتها تشكي لخالتها قالتلها جيت نحضنو ضربني بكف و قالي إدا عندك كرامة ما تريحيش هنا أنا راني دايرك وحدة ساقطة، قلتلها يمال كيفاش دخل عليها؟ قالتلي ما نعرف، قلتلها كداب مانيش حاملاتو.. قالتلي لوكان تشوفي ضحك الدنيا عليها كيما حبطو من الكورتاج راح لعند الرجال و خلاها دخلت وحدها للدار و فالليل كي كمل معاها و جا قبالة لعندك شافتو وحدة فاميلتنا سمعت بيها الدنيا قالتلهم باين ماشي حايبها خلاها و راح للصغيرة و وحدة قالتلها من حقو وش جاب لجاب شفتوها فالجنازة شحال شابة.. كامل استشفاو فيها.. قلتلها منافقين ماشي هوما لي هدرو فيه كي ما حبش يتزوجها؟ قالتلي الناس ما تحب الخير لا ليه لا ليك لا ليها اعطيلهم برك واحد يستشفاو فيه.. أم وسام داوست لبارح مع الحاجة كي بات عندك و خلا ختها في ليلة عرسها وحدها.. قلتلها هاد الكلام كامل ما يوكلنيش الخبز، هي ولات مرتو وش يقنع قلبي و يرضيه؟ قالتلي وش ديري هدا مكتوبك المهم هو يحبك أنت و يفضلك عليها، قلتلها لخطر هو السلطان سليمان و لازم نرضى لخطر أنا المفضلة عندو ياك؟ وش راكي تحكي نور راني نمووووت.. قالتلي ربي يصبرك و يقويك حنونة..
هي خرجت و أنا حكمت تلفونو خلاه قدامي قعدت نلهي في روحي بيه و كل دقيقة يعيطولو، عيطت الحاجة كوبيت عليها تالمو كنت زعفانة منها و قعدت يومين ما خرجتش من الشومبرة ما كنت قادرة نشوف في حتى واحد، و هو كان يا يخرج برا يا يقعد معايا فالشومبرة يشوف الأخبار و تلفونو خلاه عندي ما داهوليش بصح ما نهدرش معاه مام هو خلاني على راحتي ساكت بصح ما يخطينيش.. هدر برك شحال من مرة على كي عازلة فراشي عليه بصح أنا غلقت راسي و خليتو يندب راسو.. في هدوك اليومين كنت ناكل البسكوت و السقايط لي كانو عندي فالشومبرة ما حبطش كامل و الحاجة تعيطلي في تلفونو لخطر كان علابالها بلي راهو عندي كي ما نرفدلهاش تبعثلي الماكلة مع الدراري بصح ما ناكلهاش نرجعهالها..
جا صراع من الخدمة مع الظهر دخل حطلي وحد الورق و ستيلو، قعد يبدل و قالي سينييلي في هاد الدوسيي.. قتلو وشنو هدا؟ قالي سينيي برك ما تحوسيش تفهمي.. قريت صبتو عقد نقل ملكية تع دار من اسمو لاسمي قدام وين كانو يسكنو أهلي، رفعت راسي قتلو تعمن هاد الدار؟ قالي عندي فترة ملي شريتها و راني ندير فالاجراءات باش نكتبها باسمك، قتلو نعيشو فيها؟ قالي لالا نخليهالك وساد راس هادي دنيا و ما تعرفي وش يكون، قتلو أنا نتحرق و أنت جاي تلعب بيا، ما نحتاجش الحيوط نحتاج راحة البال.. كمل لبس و قعد قدامي فالفراش قالي وش في يدي؟ علاش أنا مانيش حايب نرتاحو؟ مانيش حايب نظلمك على هديك كتبت هاد الدار باسمك، قتلو أنا ما نحتاجش الدار نحتاجك أنت، شكون يسندني لوكان نقعد وحدي؟ قالي أنا ما نخليك ما رايح نخليك، قتلو يمال هيا نرحلو منا، قالي وين نروحو؟ قتلو نروحو وين يسكنو اهلي، قالي مانقدرش نخلي يما و خدمتي و اهلي و ناسي، قتلو و هادو وش ربحت منهم ولا ما يهمكش عذابي؟ قالي لوكان ماجيتيش تهمنيني ما نخممش عليك، قتلو وعلاش تشريها لتم ادا ما تسكنيش فيها وزيد ما بقى حتى واحد من أهلي لتم، اشريلي دار هنا و بعدني على أهلك خليني نرتاح.. غاس فيا شويا و قالي ادا هاد الشي يريحك ما عنديش مانع نكريلك دار صغيرة و نقعدو فيها حتى نحاوز أم سعد و نطلق إخلاص و نرجعو لهنا.. قعدت نشوف فيه ما دام خمملها و غاس يعني عندو حساب في راسو.. قتلو لالا ما نخرجش منا و نخلي داري لإخلاص و تولي هي مرتك قدام الناس و أنا منفية، و زيد أنا راني هنا مقابلاتك و تخرجلي بألف حيلة و تبلعطني يمال لوكان نقعد وحدي وش دير؟
ترقدني على ودنيا و يماك مولات الدين تحوسلك على الحقوق الشرعية مع أنت ما تقصرش فالحقوق و يخلالك الجو باش تلعب مورايا كيما تحب.. ما نخرجش منا هنا يموت قاسي.. تبسم في وجهي و أنا نهدر و قالي نحط يدي فالنار إدا ماراهوش  طايرلك كاش خيط.. مهبولة..
قتلو أنت لي  هبلتني بحيلاتك و الاعيبك.. قالي كيما تحبي أنا لي عليا درتو و لي عندي قلتو و ناض.. نضت موراه قتلو إدا راك حايبني نرتاح و تحبني صح بطل خدمتك و نروحو نعيشو وين كانوا أهلي عايشين و كل سمانة نجيو خميس و جمعة لهنا أنا و ياك.. قالي لوكان غير حكمتيني من الموسطاش و كركرتيني.. باش نعيشو لتم انسايها.. حبيتي نكريلك زين يا مليح قلتي لالا ريحي هنا و اسكتي.. قتلو نكرهككك.. و رجعت لفراشي مع التلفون و هو رقد فالبونك وحد السويعة و ناض بدل و خرج.. فالليل دخل قالي نوضي احبطي تتعشاي.. قتلو مانيش حايبا.. قالي لوقتاش تقعدي هنا مقطوعة هكدا؟ قتلو ما عندو ما دخلك.. قالي يمال نوضي اطلعي قدامي فالبونك بزاف و أنت مبعدة روحك عليا.. قتلو مانيش حايبا.. قالي فيقي شويا لعمرك خلاص قتلك و الله ماني حايبها.. هدرة نقالت فالديوان ما بين الرجال حبيتيني نرفضها قدامهم كامل و نكسرها و هي بنت عمي؟ قتلو لالا عينيا ما تكسر ما تجبر ملخر وش تحتاج؟ قالي نحتاج حقي.. ضحكت و قتلو ههههه و الله غير ضحكتني و أنا ماشي قادرة.. روح حبيبي لعند إخلاص تعطيلك حقك أنا  ما عندك معايا حتى حق عفتك.. قالي هي ماشي صعيبة قادر نروح ندير حاجتي معاها و نغلق راسي بصح راني نقولك و الله ما عندي حتى رغبة فيها و لا راني حايبها، من عرسها لدوك ما خزرت في فيقورتها و قاعد مقابلك غير أنت، بواش حبيتيني نحلفلك باش تآمني.. ياو توحشتك حسي شويا و افهمي روحك..درت و تغطيت.. قالي ماشي راني نهدر معاك؟ قتلو روح صراع ما عندك حتى حاجة عندي.. قالي المرة لخرانية لي نهدر نوضي للبونك.. درت ليه بالزعاف قتلو في منامك باش تزيد توشيني منا لفوق هدا فراشي و هداك فراشك.. عجبك الحال صح ما عجبكش هدا وش عندي.. قالي وشنو؟ نووووضي.. و جبدني من يدي وقفني.. قتلو وشبيك وخر راني نقولك ما نحتاجكش.. طبعني على البونك و قالي أنت والفتي كي نعطيلك الوجه تبداي تحوسي على السبايب.. صغت عليه قلتو هدا فواش فالح أنت عمبالك الرجلة فالفراش.. أنا قلت هكدا و هو هبل سحبني من رجلي و حكمني من رقبتي قالي شوفي فيا مليح  كي نضربك بلوحة و نرميلك الما كيما لوخرا حتى تتمنايني لتم نوريلك مليح الرجلة كيفاش دايرا.. أنت صح رخيسة و ماشي مليح الواحد يرخي معاك الحبل.. قتلو وليت نعيف حتى خليقتك.. ثبتلي يديا و بدا يبوس في رقبتي بالزعاف و أنا نمسح و نطبع فيه و نصوغ و نبكي تحتو.. نحالي حوايجي و كمل معايا بالسيف عليا.. منبعد ناض عليا و حكمني من فكي قالي يكون في علمك ما كيش حايبتني و لا ما عندكش رغبة فيا حاجة تخصك، أنا الوقت لي تنفحلي عليك ندير معاك ملاحة ولا قباحة كيما نحب صافا هكدا.. طبعتو و هو لبس الشورت و قعد على جنب.. جبدت حوايجي و أنا نبكي قتلو الله ينعل النهار لي شفتك فيه و ينعل يحي و عابد لي بلاوني بيك.. كنت نهدر و نجبد في حوايجي و هو تكسل و حط رجل فوق رجل و قالي بلعقل على روحك الشابة كاش ما يطرطقلك عرق.. ديجا كي تولي مقلقة هكدا تزيد رغبتي فيك كثر و كثر.. قتلو الله يديك و نتهنى منك يا الظالم.. قالي و الله و ديري وش ديري غير نبقى نعشقك.. خبطت الباب و رحت ندوش كي خرجت شفت إخلاص فالدروج.. من حرقة قلبي حبيت نغزلها قلت ااااخ ظهري..صراع ما يخلينيش كامل طرونكيل هلكني..
دارت ليا و ضحكت قالتلي ما تفرحيش بزاف أنا لي قتلو روح حللها شويا مسكينة منهار لي جيت لهنا ما خرجتش من شومبرتها خفت إدا تموتي من الحرقة.. كنت لابسة البليغة تع الحمام رميتها من رجلي و ضربتها بيها قلتلها يا ساقطة يا خطافة الرجال.. جات تهجم عليا كي الثور هربت للشومبرة جات تجري مورايا فتح صراع الباب و خرج في وجهي خبطت فيه، درت عليه و تخبيت موراه و هي تعيط ارواحي لهنا ياك نحكمك، طبعها بالزور طيحها فالقاعة و قالها بعدي عليهاااااا.. طابس حكمها من شعرها و عيط عليها قالها تدناي ليها نحرقك هنا كلبببببة...ناضت تبكي و قالتلو و الله غير عايرتني... غلقت الباب و حكمت المشطة و بديت نمشط في شعري.. سمعت الحاج و أم سعد طلعلو و هو ما خلالهمش.. قال لإخلاص أنت هنا راكي كي فردة الصباط ما عندك هدرة مع حتى واحد و لوكان نسمع صوتك يعلى  نجيفك.. فتحت الباب غير بلعقل و قاعدة نتفرج.. زادت طلعت الحاجة.. و الحاج قالو هديك لي عايرتها و لا قادر غير على هاد المسكينة.. قالو انت بالدات كلمة ما نسمعها من عندك و ما نسمحلكش دخل روحك في نسايا.. تقلق و بدا يعيط و يدعي عليه.. قالتلو الحاجة حرام عليك يا وليدي ماشي هكدا.. عيط عليهم و كركر إخلاص من شعرها دخلها لشومبرتها و خبط الباب غلقو و قالهم يدخل روحو واحد فيكم ما تفراش.. كي شافوه مقلق و زعفان سكتو و حبطو و هو دخل للصالدوبا سمعتو خبط الباب بالزور، كملت مشطت و هبطت للهول صبت أم سعد واقفة قالتلي الله لا يوفقك يا المسمومة.. ثقلتها و رحت للكوزينة كنت جيعانة طيبت الحليب و شربت و قعدت نتفاقد فالكوزينة.. شويا و حبط هو دخل عاقد حواجبو ما هدر والو نوض الطونوبيل و راح... عاودت طلعت رقدت.. حسيت عليه كي دخل كان يبدل شافني فاتحة عينيا قرب ليا و قعد فوق البونك قالي ليليان و آخرتها معاك؟ تضربيها بالبليغة برجلك وشنو تصرفات الدراري هادي؟ قتلو واقيل ما عجبكش الحال.. قالي استعقلي و سڨمي تصرفاتك الصبر عندو حدود.. درت ليه قتلو ماراكش مجبور باش تصبر طلقني و أنا نحير في روحي و تصرفاتي هادي لي ماراهيش عاجباتك أنا المسؤولة عليها ماشي كيما شي ناس تنافق في تصرفاتهم.. بلخف رجع كتفي للبونك و حط ركبتو على صدري و عيط قالي وش تقصدييييي؟!! خفت من ردة فعلو قتلو ما قصدي والو و الله ماراني عليك.. قالي ليليان راكي تتماداي معايا بزاف واقيل جلدك راهو يحكك عندك بزاف ما خديتيش طريحة من يدي.. راني ساكت و شايد روحي عليك و نقول من حقها يمال استري على روحك لخطر لوكان نديرك في راسي ما نرحمكش... سكت بصح خفتو.. هو ناض عليا و أنا درت تغطيت و نبكي.
دار للجيهة لوخرا تغطى و أنا بقيت نبكي و هو ما علابالوش بيا.. تقعدت و عيطت عليه قتلو إيه دوك ما ولاش يهمك إدا بكيت لخطر ديت الشي لي تحوس عليه أصلا انا راك مخليني غير لرغباتك
دار شاف فيا قالي علاش ما ترقديش؟ قتلو ما نرقدش طلقني.. قالي غدوا الصباح نطلقك اتفشي عليا دوك، قتلو إيه دوك خلاص تزوجت وش دير بيا كاينة إخلاص الموسخة أصلا غير هي لي تليقلك.. راني حايبا نطلق راني نهدر معاك.. دار ليا بالزعاف سكتت.. قالي لوكان ما ترقديش الليلة نبلي روحي بيك يلا خفي غمضي عينيك و لوكان نسمع حسك ولا تبكي نحيك من الدنيا.. عاودت رجعت تكسلت و تغطيت و هو يقول نتوما النسا ما توليوش للطريق حتى تشوفو العين الحمرا.. و دار رقد.. شويا هكدا طلعت راسي طليت عليه صبتو رقد، نحيت الغطا  و رحت جبت التلفون و قعدت نتفرج فالمسلسل قالي الصوووت.. نقصتلو و قعدت نتفرج حتى نعست و رقدت و هو في يدي، حسيت عليه كي جبدو من يدي و غلقو و كسل دراعو فوقي باش يحطو فوق الطابل دونوي..درت ليه و حطيت راسي فصدرو، رفد راسي حطو على يدو تنهد باس خدي و رقدنا..
نضت الصباح صبتها العشرة و هو كان راح للخدمة.. نحيت الغطا و حبطت، صبت إخلاص تكنس و نور فالكوزينة، كانت فوق الفورنو مقلة نحيت الغطا شفت صبتها مكسرة البيض على الفيونداشي قلتلها نور هدا لنائل؟ قالتلي لالا لإخلاص قالت نكمل الشغل و نجي ناكل.. نحيتو حطيتو و قعدت فالقاعة أنا و ولاد نور ناكلو.. ناضت نور تضحك قالتلي لوكان يجي الثور و ما يصيبش العلف ينطحنا ههههه.. قلتلها أصلا حنا جبناه باش يحرث و كي يحب ينطح نجيبو السبع يشرشمو.. ضحكت نور و قالتلي ههههه يمال وجدي روحك راهو جاي الثور من الڨاراج...
دخلت شافتني بدات تنسف غسلت يديها فالبوطاجي و راحت للكويزينيار ما صابتش ماكلتها قالت لنور وين راهي الماكلة لي خليتها هنا..... مع لي دارت صابت المقلة مغنجقة و الدراري ياكلو فيها و أنا قاعدة نشرب فلاتاي هاجت علينا بدات تعيط قالتلي أنت كيفاش تاكلي فطوري.. قلتلها داري و حرة فيها ناكل لي تعجبني.. زادت دارت لنور قالتلها ما تحشميش تحطي ماكلتي لولادك.. قالتلها أنا مادخلنيش حنونة ليليان لي رفداتو و وكلت الدراري... تقلقت قعدت تتعنكر فيا و راحت للحاجة قعدت تبكي عندها، وقفت عند الباب سمعتها تقولها شوفي عمتي أنا وش درتلها؟ هجرني من ليلة عرسي و سكتت، ضربتني بالبليغة و زاد هو ضربني فوقها و دوك حتى لقمتي و واقفتلي عليها أنت احكمي أنا وش ندير دوك؟ فتحت الباب قلتلها واحد ما قالك ارواحي لداري و ادي راجلي و الصقي فيه، لوكان جات عندك ذرة كرامة ما تقعديش هنا.. قالتلي الحاجة ليليان شدي قدرك ما جيبيش المشاكل لروحك.. قلتلها أنت ما هدرتش معاك و منا و جاي لساني ما يزيدش يجي على لسانك، أنت لي زوجتيه و كسرتي رقبتو بهاد الزواج، أنت لي ديتي راجلي مني و كسرتيني و ما هماتك غير مصلحة وليدك ما قلتيش هادي شكون ليها
قالتلي أنت علاش ما تستعقليش وشنو هادي تع ديتو عليك علاش ربحتيه في طومبولا و راكي حاصراتو غير ليك؟ ما راكيش مخلياتو يشوف طريقو و أنا وليدو حايبتلو طفل يسندو لوكان جيتي تحبيه صح لوكان ضحيتي على جالو مادام ما صدقتلكش الضناية.. قتلها إن شاء الله يااارب عمركم ما تشوفو الذرية مدام زوجتيه و ما اهتميتيش ليا، و الله غير نخلي هاد الدار تريب من المشاكل و نخليكم تتمناو تعيشو نهار بلا مشاكل.. و الله غير نجلطكم بالواحد و راني قاعدتلكم هنا و تشوفو.. بديت نعيط و الحاجة تبهدل فيا و إخلاص تمتم.. كنا غير النسا برك ماكاش الرجال بصح مع دورت وجهي صبت سعد خرج من الصالون و يماه موراه.. خليتو و دخلت للهول نمسح في دموعي.. دخل لعند للحاجة قالها خير خير معمن راهي؟ قالتلو  علاش كاش واحد رجع يقدر عليها باش يداوس معاها.. و قالتلي أنا يا ليليان تدعي عليا و على وليدي؟ قالها سعد ما تلوميهاش الحاجة من حقها راهي دات راجلها.. قالتلو و أنت آمنت؟ صرعت راس الراجل كان يقعد معانا ساعة دوك ربع ساعة ما يقابلناش يجي ملبرا قبالة لشومبرتها و هاد المسكينة من عرسها ما شافهاش رجعاتو ظالم.. قلتلها أنت رجعتو ظالم و أنا ظالمة و غير نتوما لي تعرفو ربي.. الله ياخذكم كيما راكم واحد واحد و نتهنى منكم.. نطقت أم سعد قالت شوف ديك صحانية الوجه شوف، واحد ما كبر راسك من غيرو، نهار جيتي هنا كنتي عينيك ما ترفديهمش و دوك رجعتي ترفعي صوتك على يماه و تدعي..
سكتت عليها و حكمت التليكومند و نتفرج فالتلفزيون.. دخل الحاج و هو يتمتم ما بينو و بين روحو الله لا تربح هاد الوجوه.. ما برونشيتلوش..
قعد مع سعد و الحاجة لداخل تهدر مع إخلاص قالتلها أسكتي بنتي اصبري راهو عيان ولوكان تلاقيه بالمشاكل يعيا كثر و يتقلق و ارواحي انت و جيبي لي يسكتو خليك منها و خلينا من المشاكل...
الحاجة موالفة شحال من مرة نغلط معاها بصح جامي شكاتني لصراع و لا كانت سبب في مشكل ما بيني و بينو لخطر هو عندو يماه خط أحمر ياويل لي يجوزو و كي علابالها بهاد الشي ما تحبش تخلق المشاكل، المهم عندها ما يعياش و ما يزعفش..
سعد خرج و سمعت صوت الباب تع القاراج يتفتح عرفت صراع لي جا.....