ဆ-80
အရိုးရှင်းဆုံး တရားမှတ်နည်း
များများထိုင်နိုင်ဖို့မလိုပါဘူး။
များများသိဖို့ပဲ လိုတယ်။
ပက်လက်ပဲ အိပ်အိပ်
ပက်လက်ထိုင်ခုံပေါ်မှာပဲ ထိုင်ထိုင် …
အဲလို အိပ်ရက်ကလေးနဲ့ပဲ
ကိုယ့်ခန္ဓာကိုယ်မှာ ဖြစ်နေတာ
ကိုယ့်စိတ်မှာ ဖြစ်နေတာ
ကို
သိနေရင် ပြီးတာပဲ။
ပက်လက်ပဲအိပ်အိပ်
မှောက်ရက်ပဲ အိပ်အိပ်
ကိစ္စမရှိဘူး။
ဘုရားက ဘယ်လောက်ထိအောင် မှာခဲ့လဲဆို
အိမ်သာထဲမှာ ကျင်ကြီးကျင်ငယ် စွန့်တုန်းမှာ
သတိလေးနဲ့ ဥာဏ်လေးနဲ့သိပြီး နေရမယ်တဲ့။
သတိနဲ့ဥာဏ်နဲ့ယှဉ်လာရင် ဝိပဿနာဖြစ်ပြီ။
အဲဒီတော့ အိမ်သာထဲမှာထိုင်နေတုန်း
တရားအားထုတ်ကြည့်ပါ။
ရတယ်။
အဲဒီအချိန်မှာ အဲဒါမလုပ်ရင် ဘာလုပ်မလဲ။
တွေးမိတွေးရာတွေ တွေးနေမှာ။
အဲဒီတော့ ဘယ်လိုနေရာမှာ ဘယ်လိုပဲနေနေ
ကိုယ့်စိတ်က ကိုယ့်ခန္ဓာမှာရှိဖို့ လိုတယ်။
ကိုယ့်စိတ်က ကိုယ့်ခန္ဓာမှာ ဖြစ်နေတဲ့
ရုပ်တရား နာမ်တရားရဲ့ သဘာဝကိုသိဖို့
အရေးအကြီးဆုံးပဲ။
ကျန်းမာရေးကြောင့်
ပက်လက်အိပ်နေရတာဆိုရင်
အဲဒီလို ပက်လက်လေး အိပ်နေရင်းနဲ့
တရားအားထုတ်လို့ရပါတယ်။
ပက်လက်အိပ်ရက် နာရီဝက်
ထိုင်ရက် နာရီဝက်ဆို
နည်းတာမဟုတ်ဘူး။
ပုံစံအမျိုးမျိုးနဲ့ အားထုတ်လို့ရပါတယ်။
သိဖို့ အဓိကထားပါ။
တရားအားထုတ်တာနဲ့ ပတ်သက်ပြီးတော့
သိပ်လောဘကြီးလို့ မရဘူး။
လုပ်တိုင်းလည်းမဖြစ်ဘူး။
မှန်မှန်ပဲ လုပ်သွားနေပါ။
အခု လုပ်နိုင်သလောက် လုပ်ပါ။
အခြေအနေပိုပေးရင် ပိုလုပ်ပါ။
သူများတွေ ဘယ်လောက် လုပ်နေတယ် ဆိုတာတွေ
ခေါင်းထဲ ထည့်မထားပါနဲ့။
သူတို့ အခြေအနေပေးလို့ သူတို့လုပ်နိုင်တာ
ဝမ်းသာတဲ့စိတ်တော့ ထားပါ။
ငါ သူတို့လို မလုပ်နိုင်ပါလားလို့တော့ စိတ်ပျက်မသွားပါနဲ့။
ဆရာတော်ဦးဇောတိက (မဟာမြိုင်တောရ)
ⵗⵗ̥̥̊̊ⵗ̥̥̥̥̊̊̊ⵗ̥̥̥̥̥̊̊̊̊ⵗ̥̥̥̥̥̥̊̊̊̊̊ⵗ̥̥̥̥̥̥̥̊̊̊̊̊ⵗ̥̥̥̥̥̥̥̥̊̊̊̊ⵗ̥̥̥̥̥̥̥̥̥̊̊̊ⵗ̥̥̥̥̥̥̥̥̥̥̊̊ⵗ̥̥̥̥̥̥̥̥̥̥̥ⵗ̥̥̥̥̥̥̥̥̥̥̊̊ⵗ̥̥̥̥̥̥̥̥̥̊̊̊ⵗ̥̥̥̥̥̥̥̥̊̊̊̊ⵗ̥̥̥̥̥̥̥̊̊̊̊̊ⵗ̥̥̥̥̥̥̊̊̊̊̊ⵗ̥̥̥̥̥̊̊̊̊ⵗ̥̥̥̥̊̊̊ⵗ̥̥̊̊
🙏🙏🙏🙏🙏
ဓမ္မဒါနပြန်လည်မျှဝေပါသည်။
သဗ္ဗဒါနံ ဓမ္မဒါနံ ဇိနာတိ_အလှူအားလုံးတို့တွင် တရားအလှူသည် အမြတ်ဆုံးဖြစ်၏။
■□■□■□■□■□■□
💠 ဓမ္မကို ဖြန့်ဝေသောသူသည် ...
"သာသနာပြုသူ" မည်ပါ၏။
ဓမ္မကို ဖြန့်ဝေခြင်းမှာ ...
"ပတ္တိဒါနကုသိုလ်" ဖြစ်ပါ၏။
ထိုကြောင့် ... 📖🖍💻မိမိတို့၏
အပေါင်းအသင်းမိတ်ဆွေများ သိရှိ/ မှတ်သား/ အသုံးချ နိုင်စေရန် ခွင့်မတောင်းဘဲ (share/copy)
လွတ်လပ်စွာ မျှဝေ/ကူးယူခွင့်ပြုပါသည်။
#ကုသိုလ်ကောင်းမှုများကိုမမေ့မလျော့ပြုနိုင်ကြပါစေ။
#TKK
