ဆ-13
# POWER ဘယ်လောက်ရှိသလဲ *****
( ဦးဇောတိက )
Self - awareness is power.
Self - awareness ဆိုတာ ...
ကိုယ့်စိတ်ကိုကိုယ် သိနေတာနော် !!!
ကိုယ့်စိတ်ကိုကိုယ် သိနေတာပင်လျှင်
power တစ်မျိုးဖြစ်နေတယ်။
စကားလုံးလေးတွေ တလုံးတိုင်း
တလုံးတိုင်းကို သေသေချာချာ စဉ်းစားမှ။
အကုန်လုံး အဓိပ္ပာယ်ပေါ်အောင်ဆို
တော်တော်အချိန်ယူမှ ရမယ်။
ကိုယ့်စိတ်ကိုကိုယ် သိခြင်းသည် အင်မတန်
ကြီးမားတဲ့ စွမ်းအားကြီးတခု ဖြစ်ပါတယ်။
လူတယောက်ဟာ power ဘယ်လောက် ရှိသလဲဆိုတာ ဘာနဲ့တိုင်းတာမလဲ။
သူ့စိတ်ကို သူ ဘယ်လောက် သိသလဲဆိုတာနဲ့ တိုင်းတာရမှာနော်။ စဉ်းစားကြည့် ....
ဒီလူကတော့ တော်တော် power ရှိတယ်လို့ ပြောကြတယ်။ သူ့စိတ်ကိုသူ အမှန်အတိုင်း မသိရင်၊သူ့စိတ်က ကယောက်ကယက် ဖြစ်နေရင် သူ့မှာ ဘာ power မှ မရှိဘူးလို့ ပြောလို့ရတယ်။ မောဟကြီးတဲ့သူရဲ့ စိတ်မှာ
ဘာ power မှ မရှိဘူး။
သတိကြီးတဲ့သူ၊ သမာဓိကြီးတဲ့သူ၊
ဉာဏ်ပညာကြီးတဲ့သူရဲ့စိတ်မှာ power ရှိတယ်။
ဒါကြောင့် ကိုယ့်စိတ်ကိုကိုယ် သိပြီးတော့ နေနိူင်ခြင်းသည်ပင်လျှင် power တမျိုးဖြစ်တယ်။
ဒါက ကိုယ့်ဖာသာကိုယ် သိလာတဲ့လူမှပဲ
တကယ်လက်တွေ့ ခံစားလို့ရမယ် ... နော် !!!
ဆရာတော်ဦးဇောတိက( မဟာမြိုင်တောရ )။
