දවස් තුනක ඉඳන් ආග්ර ඉස්කෝලේ ආවෙ නෑ.වෙඩින් එකේ වැඩ වලට ඌ සතියකට නිවාඩු ගිහින්.ගෙදර හිටියත් ඌ දවසම එහෙ මෙහෙ යනවා.ඇඳුම් බලන්න,හොටෙල් බලන්න වැඩ කෝටියක්.හවස් වෙලා ගෙදර එද්දි ආග්ර මැළවිලා.අදත් මං පේමන්ට් එකේ ඉඳන් ඉද්දි ආග්ර කාර් එක ඇතුළට දැම්මා.ඌ කාර් එකෙන් බැස්සෙ මලු ගොඩක් උස්සන්.මම ළඟට ගිහින් ඒ ටික අතට ගත්තා.මොනවා වුනත් මං එයාගේ වැඩකාරයා.පොරගෙ පස්සෙන් ගිහින් මං බඩු ටික මේසෙ උඩින් තියලා කුස්සියට ගියේ උට තේකක් හදන්න.මහන්සි ඇති.
වතුර එක රත් වෙනකන් මං ඔලුව දාලා බැලුවා උගෙ කාමරේට.මිනිහා ඇඳට වැටිලා ඉන්නවා.තේකත් හදාගෙන ගිහින් ඒක මේසෙ උඩින් තියලා මං ආවෙ උට වචනයක් වත් නොකියා.වචනයක් දෙකක් හුවමාරු වෙන්න තරම් අපි ළඟ නෑ.
"මෙහෙ වරෙං කොලුවෝ.ඕං ඔය සුදුමහත්තයාගේ වාහනේ හෝදලා දාපං."
ලොකු මැණිකෙ කීවේ හෝස් එකත් අතට දීලා.සුදු පාට වාහනේ දූවිලි බැඳිලා.මං ඒකට වතුර පාරක් ඇල්ලුවා දූවිලා පෙරිලා යන්න.ආග්ර දොර උලුවස්සට හේත්තු වෙලා බලන් ඉන්නවා.මං ඌ දිහා නොබල වැඩේ කරා.එකපාරට විභාවි ඇවිත් කෑ ගහපු පාර වතුර පාර වැදුනේ කෙල්ලගේ ඇගේ.
"අප්පා.විභාවි සොරි අප්පේ."
"එහෙම නම් හරියන්නෑ කේත්"
මේකි හෝස් එක ඇඳලා අරන් මට වතුර පාරක් ඇල්ලුවා.වාහනේ හෝදන එක කෙසේ වෙතත් විනාඩි දහයක් වගේ යද්දි අපි දෙන්න නම් හොඳට හේදිලා.
මටත් නොදැනිම හිනාවක් ගියේ මේකිගෙ වැඩ වලට.හොඳට නානවා ඒකිත්.ලොකු මැණිකෙ වත් ආවොත් සබ්බුව හම්බෙයි හොඳට.
"මේ.ගිහින් නාගන්නවා නැත්තම් ලොකු මැණිකෙ ඔලුව කයි.උබෙයි මගෙයි දෙන්නගෙම"
"අපෝ ඔව් කේත්.මං එහෙනම් යනවා.අම්මා ආවොත් විනාසයි"
විභාවි තෙත කොන්ඩෙත් උඩට බැඳගෙන පිටිපස්සෙන් ගෙට දිව්වා.මාත් වාහනේ හෝදලා යන්න හැරෙද්දි දැක්කේ ආග්රයා තාම දොර ළඟ.මං මොකුත් නොකියා ෂේප් එකේ ඔය පැත්තට ගියේ නාගන්න හිතාගෙන.
"කේත් ඔහොම ඉන්නවා"
ආග්ර මං ඉස්සරහින් හිටගත්තා.
YOU ARE READING
ආග්ර
Romance"ආග්ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
