"තමුසෙත් හෙන අමුතු පොරක් ඕයි.කටුස්සෙක් වගේ"
"ඇයි"
"ඇයි අහන්නේ.වෙලාවකට මහ සත්ව ගති.වෙලාවකට නිකන් හෙන අහිංසක පාට් එකක් දාන්නේ."
ඌ හිනා වෙනවා විතරයි.මමත් ඉතිම් ඔහේ හිටියා.උට මොනවද දන්නෑ ඇති වෙන්න තරම් තියෙන ප්‍රශ්න.මට වගේ නම් අවුලක් නෑ.මූ හොඳට තාමත් මට හේත්තුවක් දාන් ඉන්නවා.මගෙ උරහිසත් දැන් ලාවට හිරිවැටිලා.උදේ වීගෙන එනවා.අම්මා මෙලහට නැඟිටලත් ඇති.
මං ආග්‍රව උරහිසෙන් එහාට කරා.
"දැන්වත් ගිහින් නිදා ගන්නවා.අම්මත් ඇහැරලා ඇති මං උදව්වක් දීලා එන්නම්.කෝ ඕකත් දෙන්නකෝ"
මං උගෙ කෝප්පෙත් අරන් ඌවත් නැඟිට්ටලා කුස්සියට ගියා.අම්මා නම් නැඟිටලා වැඩ.සුදු අක්කා ඊයෙ දවසම නිදාගෙන නෑ වගේ.එයත් කුස්සියෙ හිරමනේ උඩ ඉඳගෙන ඉන්නවා.
"නිදා ගන්නෙ නැද්ද ඔහොම ඉන්නත් හොඳ නැතුව ඇති"
"කෙල්ලෙ උබ ගිහින් නිදා ගනිං මෙන්න නේ කැඳ එක බීලා.අපේ එකා ඕකට ඔය බෙහෙත් ටික පොවයි."
"කමක් නෑ සුමනම්මේ.මට දැන් නිදි මතක් නෑ"
"එහෙම කියල බෑ.කෝ ඕක බීලා ඉන්ඩකෝ.උබ මෙන්න මේන ගිහින් සුදු මහත්තයාට දීලා වරෙං"
"එයා නිදි ඇති"
"නිදි නම් ඇහැරවලා දීපං.තව නිවිලා ගියොත් වැඩක් නෑ"
අම්මා මගෙ අත උඩින් කැඳ කෝප්පයක් තිබ්බා.ඒ මිනිහා දැන්නේ නිදා ගත්තේ.මං කාමරේට ඔලුව දාලා බැලුවහම පොර රෙද්දත් පොරවන් නිදි.මිනිහට තෙහෙට්ටු ඇති.ඌත් උන පිටින් රැයක් ඇහැරලා හිටියේ.ඔහොම නිදාගත්තදෙන්.කැඳ උගෙ බඩට ගියත් මගෙ බඩට ගියත් කැඳ කැඳ මනේ.මං ශේප් එකේ කෝප්පෙ එක හුස්මට ඉවර කරා.නැඟිට්ටහම රත් කරලා දෙන්න බැරියැ.
මං කුස්සියට යද්දි සුදු අක්කා කොළ පාට මොනවද තිබ්බ කෝප්පයක් දමාගෙන අරූට පොවනවා.උට නම් සැරටම වැදිලා.මූනෙ ඉඳිමුම බැහැලා තිබ්බට පොර හම ඇරපු කුකුළෙක් වගෙ.ආග්‍රයාටත් අත පය ගාය නේ.එක අතකට තමන්ගෙ ගෑනිට ආඩපාලි කියන එක මොකාද ඉවසන්නේ.
YOU ARE READING
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
