"සුදු අක්කේ"
………….
"සුදු අක්කේ"
"අහ් කේත්…කොයි වෙලේද ආවේ.මං දැං දැක්කේ"
සුදු අක්කා හිරමණෙන් නැඟිටින ගමන් මට හිනා වුනා.
"මොනවද ඔච්චර කල්පනා කරන්නේ..ආග්‍ර ගැනද?"
සුදු අක්කා ලාවට හිනාවක් දැම්මා විතරයි.හැමදේම වෙන්නේ මොන විදිහටද කියලා මට අදහසක් තිබ්බෙ නෑ.ඒත් මොකක් හරි දෙයක් වැරදි බව නම් මටත් තේරුනා.වෙනද්ට වඩා වලව්ව හිනාවෙන් පිරිලා තියෙන එක තමා මට තිබ්බ ලොකුම අවුල.හරියට ලොකු නොගැළපීමක් වගේ.
"මල්ලි තේකක් බොනවද?"
"බෑ අක්කේ.වැඩ වගයක් තියෙයි ඉවර කරලා එන්නම්"
මං යකඩ ඉන්නයි උදැල්ලයි අරන් ආවේ ගේ පිටිපස්සෙ කන්ඩිය කපන්න.පැයක් වගේ යද්දි පට්ට ගනන්.ඉහින් කනින් දාඩිය වැක්කෙරෙනවා.සුදු අක්කා තේකක් හදාගෙන ඒ පැත්තට ආවා.
"මේක බීලා ඉන්න."
"ආ.ඔයා හැදුවත් එක්කද"
"ඔව්.ආග්‍රටත් එක්කම හැදුවා"
මොනවා උනත් ආග්‍ර වාසනාවන්ත නැද්ද.
"හෙට ඉඳන් නම් ඔන්න වැඩ ටිකක් අඩුවෙයි.කැකුලුවා එනවා කීවා"
"ඒ මොකෝ"
"ඒ කාලෙ ඉඳන්ම අපේ ගෙදර නෙ හිටියෙ.අප්පච්චි එවනවයි කීවා.මාව බලාගන්න"
"ඒකට ඇයි මහත්තයෙක් ඉන්නේ"
"එහෙම නෙමේ ළමයො.ගෙදර දොරේ වැඩ එහෙම කරන්න.ඔයාට ටිකක් පාඩම් කරගන්නත් පුලුවන්.වැඩ ටිකක් අඩු වෙයි නේ"
සුදු අක්කා කීවත් වගේ ඌ එන එකෙන් වැඩ අඩු වෙනවා වුනත් පොරව මට එච්චර ඇල්ලුවෙ නෑ.එදා මඟුල් කතා කරන්න ආපු දවසේ ඌ කියපු ඒවා මට හොඳට මතකයි.එහෙමයි කියල මට එපා කියන්ඩෑ.කොහොමත් වැඩිය ආශ්‍රෙට නොයා ඉන්නවා.
පහුවදා උදේ ඉස්කෝලෙ යද්දි සුපුරුදු සැරිය හම්බුනෙ නෑ.ඌ එනකන් නොඉද බස් එකේ එල්ලිලා ඉස්කෝලෙට ආවහම දන්නේ ආග්‍රයා ඉස්කෝලෙ ඇවිල්ලත් නෑ.වෙඩින් එකට ඇරුණහම ඌ අවුරුද්දටම නිවාඩුවක් දැම්මාමද කොහෙද.ඊයෙ හවස මං පොරව දැක්කෙත් නෑ.
ESTÁS LEYENDO
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
