මේ හැමදේම හිතළුවක් කියලා අමතක කරලා දාපු අවස්තා නම් එමටයි.ගිණි පුපුරට ඇඳෙන සලබයා වගේ මමත් කරේ නමක් නොදන්න හැඟීමට ඇලෙන එක විතරයි.එන්න එන්න ළඟයි වගේ දැනෙන ආග්‍ර මටත් හොරා මගෙ හිතට රිංගලාදෝ කියලත් වෙලාවකට හිතෙනවා.ඌව දකිද්දි මෙච්චරයි කියලා කියන්න බැරි තරමට හිත ගැහෙන්නෙ ඇයි කියලා මට තාමත් තේරුමක් තිබ්බෙ නෑ.ඌමයි ඇවිත් මට කෑ ගැහුවේ.ඌම තමයි මගෙ ඇගේ එල්ලුනේ.දැං ඌම ඇවිත් මගෙ හිතට කරදර කරනවා.ආග්‍රගේ කකුල උඩම ඔලුව තියාගෙන මං හිතුවේ ඌ ගැනමයි.ඉස්සර සුදු අක්කා දකිද්දි දඟලන හිත නෙවෙයි දැන් දැන් ආග්‍රගෙ සුවඳ දැනෙද්දි පපුව එළියට පනියි වගේ.එන්න එන්න නොහොබිනා හැඟීමකට අර අදිනවා වගේ දැනුනත් ඒක තේරුම් අරගන්න මට උවමනාවක් තිබුනෙ නෑ.
"කේත්"........
"කේත්"........
හීනෙන් වගේ මගෙ නම ඇහෙද්දියි මට ඇහැරුනේ.මල මඟුලයි.මට මුගෙ කකුල් උඩම නින්ද ගිහින්.
"කලින් ඇහැරවන්න එපැයි"
මං කීවෙ කටෙන් පල්ලන් බහින්න හදල කෙල ටිකත් පිහිදගෙන.පොර මගෙ ඔලුවත් අතගාගෙන කුස්සියට ගියේ කෝප්පෙත් අරන්.
පහුවද ඉස්කෝලෙ යද්දි මුලින්ම දැක්කෙ පන්තිය ඉස්සරහා නවත්තලා තියෙන ආග්‍රගෙ සුදු පාට වාහනේ.මං ක්ලාස් එකට යද්දි අපේ වුන් ගුරු මේසෙ ළඟ වට වෙලා කයිය.මං ගිහින් ආනාගෙ කලිසමෙන් ඇදල ඌව මං ගාවට ගත්තා.
"මොකෝ සීන් එක"
"ආ වරෙං.මදුරුවා ආවනේ.ට්‍රිප් එක යන්න තැනක් සෙට් කරගන්න කීවා.වරෙංකෝ බලන්න"
ආනා මාවත් ඇදන් ගුරු මේසෙ ළඟට ගියා.ආග්‍රයා පුටුවෙ ඉඳගෙන අපේ උන්ගෙ අදහස් වලට කන් දෙනවා.අපේ උන් නම් හිටියෙ පට්ට සතුටින් උනත් මට නම් ඒකෙ කිසි විශේෂයක් තිබ්බෙ නෑ.සිරාවට කියන්න ඉස්කෝලෙන් ගියපු ට්‍රිප් එකක් මං කවදාවත් ගිහින් තිබුනෙත් නෑ.ඒකටම දෙන්න සෑහෙන ගානක් මට තිබුනෙත් නෑ.අම්මගෙන් ඉල්ලන්න බැරි කමට අපෙ වුන්ට හැමදාම පචයක් කෙළලා මං ශේප් වුනා.ඉස්කෝලෙ යන අන්තිම ට්‍රිප් එක යන්න වෙන්නෙ නැහැයි කියලා මට අමුතු දුකක් ආවෙත් නෑ.අපේ වුන් ආසාවෙන් ඒ ගැන කතා කරනවා දකිද්දි මට දුකක් දැනුනෙ නෑ.සමහර වෙලාවල් තියෙනවා තරාදියේ නොලැබීම පැත්ත බර වැඩි වෙන.උපන්දා ඉඳන් නොලැබීම දිවේ තියන් ආපු උන්ට නොලැබීම දැනුනෙ නැති තරම්.මටත් එහෙමයි.ආනාගෙ කරට අතත් දාගෙන මං බලන් හිටියෙ අපේ උන්ගෙ මූනු දිහා.උන් නම් සිරාවටම පට්ට ජවයෙන් හිටියේ.උන් කියන තරම්ම ඒක මරුද කියන හැඟීම මට තිබ්බෙ නෑ.ඇත්තටම ඒක පට්ටයිද කියලා මං දැනන් හිටියෙ නෑ.අපේ වුන් කියන දේකට ඔලුව හොල්ලලා මං නිකන් හිටියා.ඉඳලා හිටලා ආග්‍ර දිහා බලලා මං හිනා උනත් ඌ මගෙ මූන දිහා හරියට බැලුවෙවත් නෑ.මුගෙත් ඔක්කොම කැටයම් මොකෙක් හරි ඉන්න තැන තමයි බලන්න එපැයි නැත්තම් රැස් බහින විදිහ.මං උට රැව්වත් එක්ක.
YOU ARE READING
ආග්‍ර
Romance"ආග්‍ර,මොකක්ද මේ දැනෙන හැඟීම?" "මම දන්නෙ නැහැ කේත්.ඒත් මං හැඟීමට ගොඩක් ආදරෙයි".....
